روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 3 123 الأخيرةالأخيرة
النتائج 1 إلى 15 من 40

الموضوع: وصفات للتخلص من الحشرات المنزلية

  1. #1
    عروس ماسية
    تاريخ التسجيل
    29/01/2008
    الدولة
    مصر
    المشاركات
    4,691

    وصفات للتخلص من الحشرات المنزلية

    طبعا مفيش بيت مفيهوش حشرات منزلية زي "النمل" أو "الناموس" أو"الذباب" أو "الصراصير" وغيرها من الحشرات المنزلية اللي بتسبب الإزعاج... علشان كده كلامنا المرة دي هيكون عن طرق التخلص من الحشرات المنزلية...

    الوقاية خير من العلاج

    أنا شايف إن الوقاية خير من العلاج والوقاية بتكون عن طريق...


    الاهتمام بنظافة المنزل والمطبخ
    الاهتمام بنظافة المنزل كله بصفة عامة، والمطبخ وأدواته بصفة خاصة علشان ما نديش الفرصة للحشرات إنها تتجمع حوالين بقايا الأكل... كمان لازم نراعي إن صناديق حفظ الفضلات والمهملات تكون مقفولة كويس، ونحرص إننا نفرغ محتوياتها باستمرار ونرش فيها مادة مطهرة من وقت لآخر علشان نموت أي بكتيريا أو حشرات ممكن إنها تظهر في الصناديق دي.



    سلك الشبابيك والبلكونات أحسن حل

    أنا دايما بأفضل إن نوافذ البيوت تكون عبارة عن شيش وزجاج وسلك علشان لما نفتح الشيش والزجاج نقفل السلك وبكده مفيش أي حشرة من الخارج تقدر تدخل جوه البيت.
    نسد أي شقوق مفتوحة
    يا ريت نحاول دايما إننا نسد جميع الشقوق اللي بتكون موجودة في البيت زي اللي بتكون بين فتحات السيراميك علشان الشقوق دي هي اللي بيطلع منها النمل والحشرات الصغيرة التانية..


    الاهتمام بنظافة الحيوانات المنزلية الأليفة

    لو كنا بنربي حيوانات أليفة في البيت زي "القطط" يبقى يا ريت إننا نهتم دايما بنظافتها أولا بأول علشان ما تكونش مصدر للحشرات في البيت..
    وعلشان نقضي أولا بأول على أي حشرات ممكن تظهر في المنزل يبقى لازم يكون عندنا الحاجات دي في البيت



    عجينة لإبادة الصراصير

    دي عجينة لها مفعول السحر في القضاء على الصراصير اللي ممكن تطلع من بلاعة المطبخ أو الحمام...
    مكوناتها:
    ملعقة حليب بودرة + ملعقة سكر بودرة + بودرة "حامض البوريك" هنلاقيها في الصيدلية أو عند العطار.
    الطريقة:
    هنخلط كل المقادير دي بالماء ونعمل منها كرات صغيرة ونلزق الكرات دي في أنحاء متفرقة من المنزل وخصوصا في المطبخ والحمام على فكرة العجينة دي مفعولها بيقعد لمدة شهر وبتقضي على أي صراصير ممكن إنها تظهر في البيت..


    خل التفاح أو الجاز للقضاء على النمل


    لو عندنا مكان معين في البيت هو اللي بيطلع النمل ده يبقى يا ريت نرش المكان ده بخل التفاح أو الجاز.





    وكمان القرفة المطحونة والفلفل الأسود للقضاء على النمل

    كمان ممكن أننا نقضي على النمل بإننا نرش شوية قرفة مطحونة أو فلفل أسود أو كمون في الأماكن اللي بنلاقي فيها تجمعات من النمل.
    النعناع الأخضر لهروب الناموس من البيت
    لو عندنا ناموس في البيت ومش عارفين إزاي نتخلص منه يبقى كل اللي علينا إننا نجيب نعناع أخضر ونحطه في أماكن متفرقة في البيت.. وإحنا هنلاقي الناموس بيدور على أي مكان مفتوح علشان يطلع بره البيت.


    المكنسة الكهربائية للتخلص من حشرات السجاجيد

    لو عندنا حشرات في السجاجيد ومش عارفين إزاي نتخلص منها يبقى يا ريت إننا نكنس السجاجيد دي باستمرار بالمكنسة الكهربائية؛ لأن ده هو الحل الوحيد اللي هيخلصنا من الحشرات الموجودة في السجاجيد دي وبعد كده نرش السجاجيد دي بأي مبيد حشرات عندنا.
    الثوم بيقضي على البراغيت نهائي
    ممكن يظهر في المنزل بعض البراغيت نتيجة عدم اهتمامنا بالحيوانات الأليفة الموجودة في المنزل وفي الحالة دي يبقى يا ريت إننا نحط بعض الثوم الطازج في المكان اللي بتكون فيه الحيوانات دي علشان يقضي على البراغيت اللي ممكن إنها تظهر.







    النعناع والريحان للقضاء على الذباب


    لو عايزين الذباب ما يدخلش بيتنا نهائي يبقى يا ريت إننا نحط أصيص زرع فيه نبات "النعناع الأخضر" أو "الريحان" في البيت لأن النباتات دي ريحتها بتطرد الذباب..
    وعلى فكرة ممكن إننا نستخدم النشادر علشان نقضي على أي حشرات منزلية موجودة عندنا؛ لأن مادة النشادر من أفضل المواد الطاردة للحشرات المنزلية.

  2. #2
    عروس ماسية
    تاريخ التسجيل
    30/05/2008
    الدولة
    بيتى
    المشاركات
    4,375
    شكرا على المعلومات المفيدة (F)

  3. #3
    مشرفة سابقة الصورة الرمزية N O U R
    تاريخ التسجيل
    15/07/2007
    الدولة
    UnDeR ThE eYeS oF AlLaH
    المشاركات
    11,727

    تسلمي حبيبتي علي المعلومات المفيدهـــ


    جزآك الله خيرا

  4. #4
    عروس مبدعة
    تاريخ التسجيل
    10/03/2008
    الدولة
    alone with my ideas
    المشاركات
    678
    المعلومات بجد رائعه
    بس النباتات دي اسيبها شوية في فازة و لا ازرعها في اصرية صغيرة كده

  5. #5
    مشرفة سابقة الصورة الرمزية kitty_kity
    تاريخ التسجيل
    09/06/2008
    الدولة
    مصر
    المشاركات
    4,821
    تسلمي ع الموضوع الراااااائع
    انا قيمتهوووولك

  6. #6
    عروس ماسية
    تاريخ التسجيل
    15/07/2004
    الدولة
    مصر
    المشاركات
    3,497
    جزاك الله خيرا يا قمر
    موضوعك مهم

  7. #7
    عروس ماسية
    تاريخ التسجيل
    22/03/2008
    الدولة
    اللهم لا سهل إلا ما جعلته سهلاً وأنت تجعل الحزن إذا شئت سهلاً
    المشاركات
    4,530
    شكرا على المعلومات المفيدة

  8. #8
    عروس متألقة الصورة الرمزية فراوله مصريه
    تاريخ التسجيل
    13/07/2008
    الدولة
    ام الدنيا
    المشاركات
    233
    جزاك الله خيرا على المعلومات المفيده

  9. #9
    عروس ذهبية
    تاريخ التسجيل
    22/11/2006
    الدولة
    ارض الله
    المشاركات
    2,946
    جزاكى الله خير معلومات قيمه

  10. #10
    مشرفة سابقة الصورة الرمزية ..★شـــااانيل★..
    تاريخ التسجيل
    16/12/2007
    الدولة
    أحبك وأحب طولك وأحب رزه عقالك--وأحب ثوبك وعطرك وبوكك وكل حاجاتك--وأحب سيارتك وأسمك ورقم جوالك--وأحب مزحك وجدك وأهوى حتى زعلك--يابو عيااالي
    المشاركات
    24,543
    جزاك الله خير

  11. #11
    عروس جديدة
    تاريخ التسجيل
    06/10/2008
    الدولة
    السعوديه
    المشاركات
    12
    موضوع مفيد جدا:clap:مشكوووووووووووووووووووووو وووووووووره

  12. #12
    عروس مشرقة
    تاريخ التسجيل
    02/09/2007
    المشاركات
    345
    الف شكر ع المعلومات الحلوة

  13. #13
    عروس ماسية
    تاريخ التسجيل
    29/01/2008
    الدولة
    مصر
    المشاركات
    4,691
    اقتباس المشاركة الأصلية كتبت بواسطة manafola مشاهدة المشاركة
    المعلومات بجد رائعه
    بس النباتات دي اسيبها شوية في فازة و لا ازرعها في اصرية صغيرة كده
    شكرا يا قمر

    بصي النباتات ديه تزرعيها وهي عموما بتتباع جاهزه في اصريات كده.... انتي بقي حطيها علي الشباك لو ليها مكان لو مش ليها علقيها كده علي حرف الشباك من تحت

    اقتباس المشاركة الأصلية كتبت بواسطة kitty_kity مشاهدة المشاركة
    تسلمي ع الموضوع الراااااائع
    انا قيمتهوووولك
    التقييم وصل يا كيتي... شكرا يا جميل

  14. #14
    عروس ماسية
    تاريخ التسجيل
    29/01/2008
    الدولة
    مصر
    المشاركات
    4,691
    اقتباس المشاركة الأصلية كتبت بواسطة شهيدة مشاهدة المشاركة
    جزاك الله خيرا يا قمر
    موضوعك مهم
    بعض ما عندكوا يا شهيده ... انتي كل مواضيعك رائعة

  15. #15
    عروس مبدعة
    تاريخ التسجيل
    04/06/2006
    الدولة
    UAE
    المشاركات
    649
    تسلمين الغالية

صفحة 1 من 3 123 الأخيرةالأخيرة

المواضيع المتشابهه

  1. طرق مفيده للتخلص من الحشرات المنزليه...
    بواسطة كلهـ قمرهم ـم في المنتدى أفكار و خبرات
    مشاركات: 10
    آخر مشاركة: 15/10/2010, 01:03 AM
  2. الحشرات السوداء الصغيرة
    بواسطة ام عبدالعزيز 2 في المنتدى استفسارات أفكار و خبرات
    مشاركات: 3
    آخر مشاركة: 02/06/2008, 04:53 PM
  3. الحشرات
    بواسطة ام عبدالعزيز 2 في المنتدى التعليم و شؤون الطالبات
    مشاركات: 0
    آخر مشاركة: 03/05/2008, 05:43 PM
  4. قرص الحشرات
    بواسطة crunch في المنتدى التربية والطفل
    مشاركات: 7
    آخر مشاركة: 15/11/2007, 04:43 PM