الموضوع وما فيه نتناقش حول شخصية ازواجنا قبل الزواج وبعده كيف كانت وكيف صارت بعد الزواج كذا ولا كذا:down:
اتمنى من جميع العضوات المشاركه
وبابدا انا
كان زوجي ايام الملكه خجول ويتكلم في اشياء عامه حول دراستي وعمله والحياه وكنت اقول في نفسي والله البلشه ويش جايبه ذا اذا ماعنده سالفه خصوصا انه كان في بالي ان الملكه ايامها احلى ايام كنت اتمنى كلام رومنسي وعاطفي وللاسف لم يحدث شيء من هذا
المهم ومشينا كل شيء على ماهو عليه حتى تزوجنا واكتشفت انسان اخر تماما منتهى العطف والرومانسيه والاخلاق العاليه لو يقدر يشيلني من الارض ما يقصر المهم سالته ليش التناقض في شخصيتك قال لاتناقض ولا شيء ولكن انا اجي ازورك ونفسيتي زينه ومرتاح يعني ما عمري جيتكم وانا زعلان فخفت ترسمين لي في بالك صوره خياليه عكس الواقع فالحياه لاتخلو من المشاكل والضيق مره كذا ومره كذا وخفت تنصدمين بعد الزواج بالحياه الجديده وتقولين ليش التغيير ومن هذا الكلام لكن الشهاده لله علشان ما اظلمه انه انسان رائع بكل معنى الكلمه يحبني ويقدرني حتى وقت المشاكل هو اللي يتعذر مني حتى وان كنت انا الغلطانه:shy:
هه ويش رايكم يالله كل وحده تبدا وتقول اللي عندها
تحياتي حبيباتي:smile: