دورة والا مو دورة؟؟؟

[om 7mooody]

السلام عليكم ورحمه الله وبركاته


شحالكم بناات ؟؟


بقولكم عن مشكلتي

انا دورتي تأخرت علي تقريبا 6 ايام ومن بعدها نزلت.. بس هالمره لها سيناريوو غير

اول يوم كانت خفيف جدا لدرجه اني ما غيرت الفوطه غير مره وحده ...وثاني يوم نزلت علي بالمستوى العادي ..وثالث يوم ما نزل علي اي شي واليوم رابع يوم وهم بعد مافي شي

مع العلم ان دورتي من 4_5 ايام

وشربت ميراميه عشان تنزل الدوره بس ما نزلت ...

تعتقدون اكون حامل والا شوو المشكله ؟؟؟

والله ان الامل رجعلي مره ثانيه وانا اشووف الدوره مو على عوايدها:wink:


طمنووني بنات في حد مر باللي مريت فيه ؟؟؟


واذا كنتوو محلي شو بتسوون

[om 7mooody]

معقووله 8 داشين بس مافي ولا رد:confused:

[ام ييوسف]

حبيبتي ام منصور اذا هاي الحالة اتصير عندج اول مرة راجعي دكتورة افظل

[shooog55]

سوي تحليل بالبيت وشوفي النتيجة او سيري عند الدكتورة

وان شاء الله تكونين حامل فديتج

الله يرزقج ويرزقني ويرزق كل محروم ومحرومة بالذرية الصالحة امين يارب العالمين

[شمس 31116]

حبيبتي اذا انقطعت الدورة وتحسين انها مو طبيعيه حللي يمكن حامل

علشان تنتبهين لنفسك زين من بدري وانشاء الله تبشرينا يارب

[حوارانثى]

الدوره لها مواصفات اذا لقيتيهاا في الدم اللي نزل عليج معناها دوره واذا لالا يمكن حمل
وان شااء اكوون افدتج


تحياتي

[نفسي الحلم يتحقق]

حللي وانشاء الله حامل

[noga2]

حللى وبشرينا ويارب تكونى حااااامل

[بناتي ياكل حياتي]

اني اقول اكيد حامل لان صار لي مثل الشيء الي

صار لش وطلعت حامل

اهم شيء طمنينا عليش

[om 7mooody]

مشكووارات خواتي ع الرد


والي نزل عليه دم بس تقريبا يوم ونص وبعدين وقفت

قررت اتوكل على الله وما اسوي اي تحليل

لاني لما كلمت دكتورتي ف الفون قالتلي هاي دوره عاديه ولا تيلسين تفكيرين وايد فيها

انا قلت مابسوي تحليل بس باخذ فوليك اسيد واذا تاخرت عني الشهر هذا رح اسوي تحليل