روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 6 123456 الأخيرةالأخيرة
النتائج 1 إلى 15 من 82

الموضوع: مشكلتي اااااااه يا مشكلتي ...

  1. #1
    عروس برونزية
    تاريخ التسجيل
    25/02/2008
    الدولة
    الامارات الحبيبه
    المشاركات
    1,669

    مشكلتي اااااااه يا مشكلتي ...

    السلام عليكم ورحمة الله وبركاته
    خواتي بغيت أقولكم مشكلتي ... وأبغي رايكم ...
    بصراحه واااااااااااااايد مضااااااااايقه و وأحس اني مختنقه ... وأبغي أصييييييح :confused: ..
    بقولكم مشكلتي من البدايه ...
    أنا متزوجه من ثلاث سنين ... ماخذه ولد خالي عن حب ... كان واااااااايد يحبني ... لدرجة ان قصتنا انتشرت في العايله كلها .... و بعد الزواج الله رزقني بنت بس توفت لانها كانت مريضه وكان عمرها سنه ونص ... والحمدلله الله عوضني عنها ببنت ثانيه ... وانا مربيه من ثلاث أسابيع ... يعني بنتي الحين عمرها ثلاث أسابيع ...
    المهم السالفه ... أن انا وريلي صارت من بينا مشاكل أعوذ بالله منها ... بعد ما توفت بنتي ... يعني سبحان الله في ظروف تقرب الزوجين وفي ظروف تبعدهم ... وانا كنت أتمنى ان وفاة بنتي تقربنا من بعض بس سبحان الله ... وفاة بنتي بعدتنا عن بعض ... تعرفون شو اكتشفت ؟؟؟؟
    اكتشفت ان ريلي كان خاطب وكان بيتزوج علي .... أكيد انتوا قريتوا قصتي من البدايه وان احنا متزوجين عن حب ... وقلتوا أكيد أنا عايشه حياة سعيده ... لكن سبحان الله ... تصير أشياء ما تخطر فالبال ... واللي أكبر من هذا تعرفون ان اللي كان ريلي خاطبنها هي وحده من ممرضات بنتي الله يرحمها يوم كانت في المستشفى ... هي من جنسيه وافده ... ما تعرفون كيف ان هالشي صدمني .. ولا وفوق هذا كان ريلي يكلمها بالتيلفون مدة شهرين أو ثلاث شهور ...
    هالموضوع واااااااااااااااااااااااا يد تعبني وتخيلوا هذا كله وانا كنت حامل ببنتي في الشهر الثالث أو الرابع ...
    يعني هذيك الفتره كانت قاااااااتله ... والله اني ما أحب أذكرها ... والحمدلله عدت المشكله على خير .. وريلي رجع لصوابه ... ولاني وبفضل من الله من بعد الاستغفاااار وقيام الليل ... الله فرج علينا أنا وريلي ... وشوي شوي الامور صارت أحسن بيني وبينه ...
    لكن انفتحت السالفه مره ثانيه ... تعرفون كيف ؟؟؟
    ريلي مسافر من أسبوع عنده دوره ... وبيتم في الدوره مدة 45 يوم ... قبل لا يسافر ريلي بيوم هذي اللي ما تتسمى ... اللي كان ريلي خاطبنها طرشت مسج على تيلفون ريلي تقوله ان اليوم ملجتي ... وانا ما كنت أبغي هذا الريال وكنت أبغيك انت ... وحسبي الله على اللي كان السبب ..

    :eek:
    :eek:

    المفروض انا اللي أتحسب عليها ... حسبي الله عليها ونعم الوكيل ... بس السالفه مب بس جذيه ... ريلي من سافر وهو ما يقدر ينام ولا ياكل .... وتعباااااااااااان ... تعرفون شو طلع فيه ؟؟؟؟ ريلي طلع مسحور :eek: ... لانه اتصل في شيخ نحن نعرفه هني في البلاد ... وتم يقرا عليه في التيلفون طبعا .. وقاله انه مسحور ... المشكله ان ما نعرف منو اللي مسوي السحر وقاصد ريلي ...
    وريلي شاك في هذيج البنت ... لدرجة انه يلس يسبها .. وتحلف لها .. وقالي صدقيني يوم برجع البلاد بخرب حياتها مثل ما خربت حياتنا ...
    والله اني مب عارفه كيف أفكر ... شوفوا أنا مب حبا فيها ... لكن ان بعض الظن اثم ... أنا ما قدر أقول ان هي اللي مسويه السحر لريلي ... أقول ليش بتنتظر هالوقت كله وبعدين بتسوي السحر يعني الحين مرت على السالفه تقريبا ست شهور ... بس بعد أقول يمكن هي كان عندها أمل ان ريلي يرجعلها ... ويوم خلاص مافي مفر .. وتزوجت هالريال اللي هي أصلا من الاساس ما تبغيه سوت السحر لريلي ... ريلي يقول انه كل يفكر فيها ... عشان جذيه هو متأكد انها هي ..

    عزيزاتي والله من كثر ما أنا متضايقه أحس ان كلامي مب مفهوم ... ياريت تكونون فهمتوه ...
    أنا مب عارفه كيف أفكر ... ومن أتذكر هالبنت وانا أدعي عليها ... لان كم شهر وانا أعاني منها ... كم شهر وانا ما عرف الفرح بسبتها ... خذت ريلي مني وانا أعاني.. ... لدرجة اني في هذيك الفتره دعيت على نفسي بالموت ... تصدقون .. والله اني أعرف ان هالشي حرام وما يصير الانسان يدعي على نفسه بالموت ...
    في شي وحيد بس مفرحني في الموضوع ... ان ريلي ندماااااااااااان أشد الندم أنه تركني هذيج الفتره وركض ورا هذي البنت ... والحين وأخيرا عرف قيمتي ...
    بس قولولي شو أسوي ... والله اني مضااايقه وأكتب لكم وانا عيوني مغرغره من الدموع ... ماعرف كيف أتصرف ... ريلي هناك في الغربه بروحه ... وانا هني أحس ان بيني وبين الجنون شعره ...
    والله بس من فتره بسيطه كنت أفكر في هالموضوع وأقول الحمدلله رب العالمين انتهت هالسالفه وعدت على خير ... والحين بس من يومين انفتحت السالفه من أول ويديد ...
    حسبي الله عليها ونعم الوكيل ... الله ياخذ الفرحه من قلبها مثل ما خذت الفرحه من قلبي ...
    والله اني أعااااااااااااااااااااااا ااااااااااااااااااني بسبتها ...
    لا حول ولا قوة إلا بالله ..

    اختكم أم مريم

  2. #2
    عروس مبدعة الصورة الرمزية أريج البنفسج
    تاريخ التسجيل
    16/08/2003
    الدولة
    K.S.A'''U.S.A
    المشاركات
    585
    الله يعينك اختي والله معاك وان كان زوجك فيه سحر فالله ياخذ حقه من اللي سحره

    ويفكه منه بإذنه
    الله يرحم بنتك الكبيره ويخلي لك بنتك الحلوه الصغنونه وتتربى بعزكم وبين امها وابوها

  3. #3
    عروس مبدعة الصورة الرمزية أريج البنفسج
    تاريخ التسجيل
    16/08/2003
    الدولة
    K.S.A'''U.S.A
    المشاركات
    585
    وبعدين يمكن مكذبه عليه لا تزوجت ولا شي

  4. #4
    عروس ذهبية
    تاريخ التسجيل
    11/12/2007
    الدولة
    مملكة البحرين
    المشاركات
    2,808
    بسم الله الرحمن الرحيم
    اول شي الله يرحم بنتج وثاني شي حمدالله على السلامه وان شاءالله تكون من مواليد
    الخير عليكم يارب ما عندي غير الا اقولج الله يهدي زووجج والله ياخذ حقج من
    بنت ابليس خرابه البيوت حسبي الله ونعمه الوكيل فيها
    والله يفك السحر يارب وترجعوووون مثل ماكنتو قبل واحسن
    يارب

  5. #5
    عروس برونزية
    تاريخ التسجيل
    25/02/2008
    الدولة
    الامارات الحبيبه
    المشاركات
    1,669
    تسلمون عزيزاتي على الردود وعلى الدعاوي الحلوه ..
    أريج البنفسج تسلمين الغاليه ... وأنا بعد ساعات أقول جذيه يمكن ما تزوجت ... بس ريلي يوم كان يكلمها كانت تقوله انه مخطوبه لولد من أهلها ... الله لا يفرحها ياااارب ... مشكوره الغاليه والله يجبر بخاطرج يااااارب ...

    حلم السعاده تسلمين اختي ... بس ريلي حاس بذنب فظيييييييييع لانه ركض ورا هالاشكال ... والله يسمع منج ياااارب ... ونرد نفس أول وأحسن ياااااااارب ... الله يجبر بخاطرج يااااارب ...

  6. #6
    عروس فضية
    تاريخ التسجيل
    31/01/2006
    الدولة
    جده
    المشاركات
    2,232
    اول حاجه البقاء لله وربنا يجزايكى خير على صبرك ان شاء الله
    ثانيا الف مبروك وحمد الله على سلامتك وربنا يباركلك فى البنوته
    ثالثا معلش انسى الفتره اللى فاتت وكويس انه عرف غلطته وطالما شاكك فيها مستحيل هيفكر فيها تانى احمدى ربنا واستغفرى ربنا كتير انه يبعد عنها وعن اى واحده تانى واحتضنى جوزك وحسسيسه انك جمبه ومعاه وربنا يصلح حالكم

  7. #7
    عروس متألقة الصورة الرمزية ღ loOolypOp ღ
    تاريخ التسجيل
    14/08/2008
    الدولة
    في عالم ألأساطير
    المشاركات
    207
    لا إله إلا الله

    الله يفرج كربك حبيبتي ويقومك بالسلامة ويبارك لك في مولودتك الجديدة

    حاولي تنسي موضوع البنت دي وركزي في مشكلة زوجك الحالية وكيف تحلوها - أقصد السحر -

    وبدل ماتضيعي وقتك وتحطمي أعصابك وإنتِ تدعي وتتحسبني عليها أدعي ربنا يفرج كربك

    ونفس الشيء بالنسبة لزوجك بدل مايغرق في الندم على مافات يحاول يعوضك عن الفترة السيئة ...

    لأن ربنا إن شاء الله بيجازيها وبياخد لكم حقكم منها عاجلاً أم أجلاً خلو ثقتكم بربنا كبيرة

    بالتوفيق أختي الحبيبة .

  8. #8
    عروس ماسية
    تاريخ التسجيل
    22/02/2008
    الدولة
    بمملكتي الصغيرة مع زوجي نور عيني ربي يحفضه لي من كل سوء
    المشاركات
    3,180
    حبيبتي من قصتك مبين لي ان زوجك وايد يحبك الحمد لله بس انت في هاد الفترة لا تدخلي الوساوس الى قلبك يمكن شيطان هاد التجربة جعلك تفكرين في شي ما
    حبيبتي اولا عليكم تعالجون زوجك وتجلسين معه بهدوء وتقولين له يحمد ربه ان ما حصل شي افضع من هدا
    وانت ما عليك االا الاتصال بزوجك وطرشي له مسجات ما تخلي طيفك يروح من باله كوني معه في دورت رغم انك مو معه فهمتي وارسلي له هدية يعني حسسيه انك موجودة اما هديك البنت ادا كانت راح تتزوج ما اضن انها راح تتزوج يمكن تكون مجرد خدعة لجلب زوجك يعني انت ابحتي في الموضوع والله يسعدك يالغالية

  9. #9
    عروس ماسية
    تاريخ التسجيل
    07/09/2007
    الدولة
    في قلب من أحب****
    المشاركات
    3,689
    أختي أولاًالله يعوضك خير

    وبعدين خلي زوجك يستمر عند شيخ ويقرأ عليه

    إن شاء الله مع القراءه يكون بخير

    وعليك بكثرة الدعاء أدعي الله أن يصلح لك زوجك وأن يهديه لك وأن لايجعل في قلبه إلا انتي

    وأكثري من هالأدعيه في قيام الليل

    وصدقيني من كان مع الله كان الله معه لاتيأسين أختي

    وصدقيني زوجك راح ياخذها درس في حياته ماراح ينساها ولايعيدها مره ثانيه

    أختي الدعاء سلاح المؤمن

    أسأل الله العظيم أن يشفي زوجك وأن يجعل الحب بينكم مستمراً
    تحياتي لك يالغاليه

  10. #10
    عروس مبدعة الصورة الرمزية men_gady
    تاريخ التسجيل
    30/11/2006
    الدولة
    AD
    المشاركات
    537
    لا اله الا الله

    الله يرحم بنتج ويعوضج خير ببنتج اليديده

    وان شاء الله يردلج ريلج مثل الاول واحسن يااااااااااارب

  11. #11
    عروس مشاركة
    تاريخ التسجيل
    20/05/2008
    الدولة
    المملكه
    المشاركات
    52
    انا مع احترامي للشيخ اللي قرأ بالتلفون هذي مو طريقه للقرايه لاني سمعت من مشايخنا ان القرأه لازم تكون بوجود المريض وقريب من الشيخ حتى ينفث عليه وحتى النفث من بعيد ما يصلح وان شاء الله يكون مو مسحور ولا شي والله يخليه لك ويبعد عنه كل شر

  12. #12
    عروس مبدعة
    تاريخ التسجيل
    06/11/2007
    الدولة
    قلب أبوي وأمي
    المشاركات
    996
    هلا غناتي
    تعرفين شو تسوين أدعي ليل نهار أن الله يسهل أموركم ويبعدها عنكم ودايما أسغلي نفسج بالاستغفار
    وقولي لريلج يسوي نفسج ...ولما تكلمينه بالتلفون لا تبينين له انج مضايجه وانج تفكرين فيها حاولي تونسينه وتنسينه الي صار بانج تخبرينه عن امور ثانيه وشوي شوي راح تنسونها باذن الله

  13. #13
    عروس ماسية
    تاريخ التسجيل
    27/05/2007
    الدولة
    مصر
    المشاركات
    3,107
    حمد الله على سلامتك

    أشعر بكِ والله

    توجهى لله ليبرد ناااااااار قلبك المشتعلة



    حسبى الله على كل إمرأة تخرب بيت زوجة وتقهرها وتحرق قلبها هؤلاء شياطين الانس

    حسبى الله ونعم الوكيل عليهم
    حسبى الله

  14. #14
    عروس ماسية
    تاريخ التسجيل
    20/11/2006
    الدولة
    In His Vein
    المشاركات
    3,155
    ربنا يفرجها عليك يااختي ويبعدهم عنكم ياااااااااااااااااااااارب والسعاده تعود لحياتك

  15. #15
    عروس برونزية
    تاريخ التسجيل
    12/06/2003
    الدولة
    بلد الأمان
    المشاركات
    1,935
    اختي اذا فعلا مسحور اهم شي يفك السحر اما الانتقام او غيره فيتركه بعيد عن باله وليترك هالشي لرب العالمين لان عذاب الله اكبر واقوى من الانسان ومهما عذبها وبهدلها فأكيد ما بيكون مثل عذاب الله اهم شي يشفي نفسه بالقرآن

    بس فيه شي لو كانت هالحرمة ساحرتنه عشان يحبها فكيف هو يكرهها الحين ويموت فيج ويلعن الساعة الي عرفها لو كانت هي ساحرته معناته انه لازم يفكر فيها الا لو هي فكة السحر عنه والله اعلم بس شوفوا شيح موثوق منه ولازم يكون بحضور الزوج

صفحة 1 من 6 123456 الأخيرةالأخيرة

المواضيع المتشابهه

  1. مشكلتي~~~
    بواسطة روح الورد~ في المنتدى قضايا وحلول
    مشاركات: 20
    آخر مشاركة: 05/05/2008, 05:13 PM
  2. مشكلتي ؟؟؟؟
    بواسطة (( LoOoLoOo)) في المنتدى استفسارات و مشاكل الكمبيوتر و تجارب الأعضاء
    مشاركات: 2
    آخر مشاركة: 05/09/2007, 07:33 AM
  3. مشكلتي.............................
    بواسطة mrs_forex في المنتدى قضايا وحلول
    مشاركات: 11
    آخر مشاركة: 26/03/2007, 09:30 AM
  4. مشكلتي""""""مع ظهري الحقوني""""""
    بواسطة امورااا في المنتدى استفسارات العناية بالبشرة والجسم
    مشاركات: 4
    آخر مشاركة: 02/06/2005, 01:35 AM