روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 13 من 13

الموضوع: الي زار مصر في رمضان يقولي....

  1. #1
    عروس جديدة
    تاريخ التسجيل
    25/06/2006
    الدولة
    بلاد الله الواسعة
    المشاركات
    7

    الي زار مصر في رمضان يقولي....

    السلام عليكم ورحمة الله
    حبيباتي انا والاسرة ناوين نصوم رمضان السنة دي في مصر وللعلم دي زيارتنا الأولي.. فياريت اللي عندها فكرة عن رمضان في مصر تقولي بيبقي شكله ازاي؟ والجو بارد ولا سخن؟ وايه البرنامج الاعملو عشان استمتع بزيارة مصر واستفيد من رمضان في نفس الوقت؟
    كمان عاوزه اعرف احسن مكان لايجار شقة تكون قريبة من كل حاجة فين؟
    وياريت لو حد يقولي الايجار لشقة من غرفتين لمدة شهر يكلف كام؟
    انا محتاجه لكل نصايح اخواتي اللي زارو مصر فياريت تساعدوني...

  2. #2
    عروس ماسية
    تاريخ التسجيل
    14/05/2007
    الدولة
    بلد النيل والبيت بيتك
    المشاركات
    3,753
    هتنورى مصر ياقمر
    رمضان فى مصر بيبقى تحفه وهتتبسطى اوى ان شاء الله
    ومعظم الفنادق بيكون فيها احتفالات خاصه برمضان وبيقيموا الخيم الرمضانيه والمأكولات الرمضانيه وكمان طبعا متنسيش تروحى منطقه الحسين وخان الخليلى وتروحى الصاغه وهتلاقى هناك الفضيات والجلود والجلاليب بكل اشكالها
    وتصلى ان شاء الله فى جامع الازهر ومسجد الحسين
    الجو فى رمضان هيبقى حار بس مش اوى يعنى لطيف
    بالنسبه لافضل منطقه المهندسين هتكون قريبه من وسط البلد بس والله مش عارفه حد يساعدك فى البحث عن شقه ايجار
    واى خدمه ياقمر

  3. #3
    عروس جديدة
    تاريخ التسجيل
    25/06/2006
    الدولة
    بلاد الله الواسعة
    المشاركات
    7
    جمانة
    أشكرك ياحبيبتي علي ردك الحلو ومعلوماتك الرائعة...
    لو ممكن تديني فكرة عن الأماكن السياحية البتبقي فاتحة نهار رمضان وكمان عاوزة أعرف الأماكن الترفيهية المناسبة للأطفال أقل من خمسة سنوات . ومشكورة مقدما علي اجابتك ياعسل

  4. #4
    مشرفة سابقة الصورة الرمزية أم ياسين العسل
    تاريخ التسجيل
    11/01/2007
    الدولة
    مصر
    المشاركات
    8,740
    بصى ياق مر فعلا رمضان فى مصر تحفه بجد ويجنن وممتع لاقصى حد

    بالنسبه للشقق الله اعلم

    انا لو عرفت اى معلومه هقلك عليها

  5. #5
    عروس ماسية الصورة الرمزية monyfofo
    تاريخ التسجيل
    19/10/2005
    الدولة
    اى مكان
    المشاركات
    3,927
    رمضان فى مصر تحفه جدااااااااااااااااا
    انا رحت مرتين نزلت القاهره فى رمضان
    يومى كان حلو الحمد لله
    اولا رحنا المتحف المصرى وقضينا هناك تقريبا لحد قبل الفطار بساعه
    وده لان دراستى اثار

    وبعدين رحنا الحسين علشان نفطر بقى
    بجد انا بحب منطقه الحسين وخان الخليلى بجد يجننوا
    طبعا اتمشينا شويه
    وعدينا على كذا مطعم علشان نختار المكان اللى هنفطر فيه
    وبعد ما فطرنا
    اتمشينا فى خان الخليلى
    ورسمنا حنه على ادينا
    واشترينا طبعا حاجات من هناك

    بالنشبه للشقق مش اعرف عنها حاجه

    الاماكن السياحيه
    ممكن تروحى الاهرامات
    المتحف المصرى
    معظم الامالكن متاحف لو بتحبيها
    فى المتحف الاسلامى
    قلعة محمد على
    بس انصحك تروحى المتحف المصرى وخان الخليلى
    الملاهى ممكن تروحى كوكى بارك بس مش عارفه هى موجوده حاليا ولا لا بنات القاهره يفيدوكى اكتر
    وممكن تروحى دريم بارك تحفه
    فيها كل حاجه
    وفيها جزء لوحده للاطفال فقط

  6. #6
    عروس مبدعة الصورة الرمزية heba 017
    تاريخ التسجيل
    25/06/2008
    الدولة
    مصر
    المشاركات
    794
    بصى يا قمر انا من المنصورة مدينه جنب القاهرة بس معرفش يعدى رمضان من غير مروح اسبوع القاهرة وبنزل فى فندق فى الحسين تحسى ان كل الناس فرحانه برمضان وهيصه رمضان وكمان بتلاقى الجو كله ضحك وفرح ويسلام لما اذان المغرب ياذن عليكى فى الحسين وتفطرى فيه احساس مالوش حل وطول منتى ماشيه الناس فرحانه وبتضحك بعشق ايامى فى الحسين
    وانزلى بقى على وسط البلد اعملى شوبنج براحتك ومتنسيش تروحى سيتى ستارز وفيه ملاهى هناك للاطفال جميله وروحى عباس العقاد والاهرامات وقضى يوم فى دريم بارك السنه دى عمر اديم هيقدم البرنامج بتاعه من الحسين والجو هيكون حر بس ان شاء الله بليل بيكون حلو يعنى خدى لبس صيفى معاكى مش شتوى وبالنسبه للايجار مش هقدر افيدك

  7. #7
    عروس ماسية
    تاريخ التسجيل
    29/01/2008
    الدولة
    مصر
    المشاركات
    4,691
    في منطقة ترفيهيه للاطفال اسمها سفنكس بارك في المهندسين عند ميدان سفنكس بس بجد هتعجب اولادك قوي... ربنا يخليهم ليكي

  8. #8
    عروس ماسية
    تاريخ التسجيل
    29/01/2008
    الدولة
    مصر
    المشاركات
    4,691
    و لو ان شاء الله هتقعدي لحد يوم 27 رمضان متنسيش تصلي التراويح ورا الشيخ محمد جبريل في جامع عمرو بن العاص بجد هيعجبك الجو هناك قووي

  9. #9
    عروس ماسية
    تاريخ التسجيل
    29/01/2008
    الدولة
    مصر
    المشاركات
    4,691
    اه نسيت اقولك دريم بارك مش بتفتح بالنهار في رمضان .... بتفتح بعد الفطار
    التعديل الأخير تم بواسطة nemonamanemo ; 20/08/2008 الساعة 10:57 AM

  10. #10
    عروس جديدة
    تاريخ التسجيل
    25/06/2006
    الدولة
    بلاد الله الواسعة
    المشاركات
    7
    أسيرة حنانة
    مشكورة ياعسل علي كلامك الجميل
    مون مون
    عجبني ردك خالص واستفدت من معلرماتك جدا.. الله يجزاك كل خير ياجميل
    هبه 17
    كلامك حلو واداني افكار كويسه .. نتلاقي في الحسين ان شاء الله
    نيمو ناما نيمو
    ربنا يخليك انت كمان يارب.. شكرا علي معلوماتك الحلوة.. وما قصرت ياحلوة
    بصراحة ردودكم شجعتني جدا وادتني فكرة عن رمضان في مصر.. يارب يوفقكم كلكم ويهنيكم ببلدكم الرائعة
    واللي عنده معلومات زيادة ياريت يفيدني

  11. #11
    عروس ماسية
    تاريخ التسجيل
    23/02/2008
    الدولة
    بيت بابا
    المشاركات
    3,594
    فعلا رمضان تحففففففففففففففففة فى مصر يجد فى اماكن كتير ومطاعم بتبقى عاملة خيم رمضانية وفى البواخر اللى على النيل بتبقى عاملة فطار وسحور يجنن وتخت شرقى وموسيقى وكدى والحسين وخان الخليلى كل ده اما الشقق اقعدى فى اوتيل ارخص من شقة هيستغلوا اوووووووووووى

  12. #12
    عروس جديدة
    تاريخ التسجيل
    25/06/2006
    الدولة
    بلاد الله الواسعة
    المشاركات
    7
    غادغودا
    اشكرك ياجميل علي ردك المفيد وافكارك الحلوة.. بس بالنسبة للأوتيل نحن عددنا خمسة غير الأطفال يعني حنحتاج لغرف كتيرة في الأوتيل وأظن دي حيكلف أكتر من الشقة .ولا انتي رايك ايه ؟

  13. #13
    عروس جديدة
    تاريخ التسجيل
    25/06/2006
    الدولة
    بلاد الله الواسعة
    المشاركات
    7
    حبيباتي عندي سؤال تاني.. ممكن الاقي شقة نظيفة ورخيصة في وسط البلد؟

المواضيع المتشابهه

  1. مشاركات: 18
    آخر مشاركة: 26/08/2006, 10:57 AM
  2. حد يقولي
    بواسطة monalizaa في المنتدى المطبخ و المائدة
    مشاركات: 6
    آخر مشاركة: 28/04/2003, 11:07 AM