ياابنااات شــعري عقدني وش الحــل ..ساعدوني ابي منكم الخــبرهـ ..

[( قطرة مطر )]

الســلام عليكم ورحمة اللهـ ...


اخباركن ان شاءالله طيبات ..؟؟


يابناات انا ابيكم تسااعدوني وبالاخص بنت عــذاري :15:

.. سمعت انها ماشاءالله تقدر تساعد اللي يطلبها .. الله يجزاها خيير .. ويعطيها على قد نيتها ...


انا مــشكلتي الحين بشعــري وهو من النوع الناعم ودهني ..

صاير الحين يتساقط بكثرهـ وصار خفيف بعــد ..

ومو اي تسريحه تضبط معاهـ .. حتى الاستشوار ماستعمله الا بالمنااسباات ..


وعجزت القى له حل استخدمت زيووت ومانفع .. قالولي نااس قصيهـ حتى يتقوى وقصيته والنتيجه سلبيهـ .. مدري شالحل عقدني وربي ..


وانا هنا جايتكم اطلب المساعدهـ اللي عندها حــل ولا مارهـ بمثل هالشي لاتبخل علي

طالبتكم ..



..

[( قطرة مطر )]

...

افااااا واللهـ ... ماشاءالله المشاهدات اكثر من الردوود ...

معقولهـ مافيه وحدهـ عندها لو خبرهـ بسيطهـ ..

ساااااعدووني بليييز ..

..

[بيندا]

والله انا شعري زيك انهلك من الصبغه والميش كونت ابغا اطولو بس قصيتو وانا زعلانه عليه بس وحطيت عشبه اسمها الكثير والله ممتازه لا ريحا ولا خلطه ايش تسوي تجبي عشبه شويه وطحطها في زبديه وتكبي مويه حاره مغليه وخليها تاني يوم بعد ماتصيرلك زي جل وادهني شعرك كلو وعاادي حتى لو جلستي بيه ماتروشتي عاااادي لا موشكله زي اكريم لما تحطي وتجلسي لا موشكله والله حاسه بيكي زي انا

[فنكيه]

والله ما اقدر انصحك الا انك تقطعين البلسم وحمام الزيت لانهم يسببو تساقط الشعر . وفي حبوب مادحتها لي صديقتي انشاءالله بجربها تقول انها ممتازه للشعر واسمها ( فيفسكال) وكنت اتمنى افيدك اكثر حبيبتي

[س_س_س_لام]

انا زيك وقالوا لي حطي عليه عصير البصل اعصريه وحطيه لمدة اسبوع وبينقطع التساقط وان شاء الله بجرب لان شعري خلص

[س_س_س_لام]

الله يساعدنا

[ام شفع]

السلام عليكم انا كان شعري يتساقط وستخدمت حبوب ممتاز اسمه pantogar سعره في البحرينحوالي 8 دينار
وبالفعل نفع معاي ووقف التساقط ولكن لاحظت انه ايسمن ( امتن) فتركته وصرت استخدمه في الاسبوع مرة رغم ان الصيدلي قال لي في اليوم ثلاث حبات .

[eSTiLo]

4 - تساقط الشعر :

الموضوع مأخوذ من جهد مشرفتنا اوراق الخريف:
*¤*.¸¸.•´¨`»( أسباب تساقط شعر المرأه والحلول المناسبه.. حصريا) «´¨`•.¸¸.*¤*

الملاحظات التي بين قوسين مزدوجين (( ... )) هي اضافاتي
أما التي بين قوسين ( .. ) هي اضافات أورق الخريف

أولا أسباب التساقط هي :
1- تغير الهرمونات بالجسم بأسباب تاليه
(الدوره, الحمل, الرضاعه, أخذ أدويه معينه قويه للعلاج)
2- اتباع نظام غذائي معين (الريجيم)
3- الضغوطات النفسيه وكثرة التفكير والهم..
4- المرض (أنيميا) فقر الدم
5- استخدام مواد كيميائيه للشعر (التمليس, الأصباغ, الأوكسجين)
6- تغيير المستمر للشامبو والبلسم والكريمات
7- التقدم في العمر
8- السرطان (بسم الله عليكم)
9- التدخين
10- استخدام الاستشوار بكثره
11- نوعية المشط رديئه
12- تعانين من انتفاخ الغده الدرقيه
13- الوراثه (نسبه قليله جدا)
14- سؤ التغذيه (التغذيه الغير صحيه)
15- استخدام خلطات والزيوت بكثره وباستمرار

ثانيا الوقايه:
1- مساج الشعر على الاقل في الاسبوع مره لتنشيط الفروه
2- الاكثار من الفيتامينات (( الحديد و اليود و فيتامين A- D - E -B ))
3- التنويع في الوجبات بحيث تغطي السوائل والكالسيوم والدهون والبروتينات والكربوهيدرات
4- الاكثار من الوجبات الصحيه
5- الاكثار من السمك (( من 3 - 4 مرات اسبوعيا ))
6- الاكثار من الخضروات الخضراء ( الجرجير والخس والرويد والسبانخ) (( و البروكلي ))
7- زيارة الطبيب ان استمر التساقط لصرف ادويه مناسبه والعلاج المناسب
8- استخدام نوعية المشط المناسب وانصحكم بمشط الخشب
9- تقليل من الستخدام الاستشوار في الاسبوع مره يكتفى
10- تجنب الاصباغ واستخدام المواد الطبيعيه مثل الحنى
11- تجنب التمليس واستخدام مواد طبيعيه
12- تغيير الشامبو والبلسم والكريم كل 4 اشهر مره يكتفي
13- استخدام خلطه معينه وزيت معينه والاستمراريه عليه لفترات متباعده وليس بشكل يومي

****

ملاحظاتي (( eSTiLo )) لكم:
*لاحظت ان البنات يستخدمون الخلطات و الزيوت يوميا ..
و هذا شي جدا غلط .. و ما يفيد الشعر .. بالعكس يؤدي الى تساقطه ..
لان الفروه بتكون مخنوقه و ما تتنفس .. فيتساقط الشعر ..

*عند خلط مكونات معينه لعمل وصفه .. يجب ان تخلط مكونات خفيفه ..
و ليس خلط مكونات قويه .. مثال: ثوم + زيت زيتون + حلبه + حبة البركه = خلطه قويه ..
ممكن تكون نتايجها فعاله و لكنها تأثر على المدى البعيد ..

أمثله لخلطات خفيفه + فعّاله :
1- جرجير + زيت جوز هند
2- زيت جوز هند + زيت الخروع
3- زيت اللوز + ثوم
4- عسل + بيضه + زبادي
5- صبار + نوع من الزيوت

ابتعدوا عن الخلطات اللي فيها 60 ألف مقدار قوي ..


زيوت رائعه لتساقط الشعر :
(( خروع - حبة البركه - زيت زيتون (مو أي فروه تتقبله ) - زيت جرجير
زيت صبّار - زيت الثوم ( رائع ) - زيت جوز الهند ))


مكونات رائعه للتساقط :
(( جرجير - ثوم - زعتر برّي - صبّار - حبة البركه ))