روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 3 من 3

الموضوع: حياتي انا وزوجي

  1. #1
    عروس مبدعة الصورة الرمزية ام الوليد *2007*
    تاريخ التسجيل
    01/06/2006
    الدولة
    مكه
    المشاركات
    816

    حياتي انا وزوجي

    السلام عليكم ورحمه الله وبركاته
    انا امراه متزوجه منذ 5 سنين
    عمري 26 سنه ولدي 3 بنات
    اولا اريد ذكر اسلوب حياتي
    انام بعد مايروح زوجي الدوام تقريبا ع الساعه 8 واصحى ع اذان الظهر اسوي الغداء وزوجي يجي الساعه 2ونص او 3 ظهرا نتغدا ويصلي العصر وينام واجلس من الساعه 4 الى الساعه 7 لوحدي
    اصحي زوجي واروح عند اهلي بعد صلاة العشاء الى الساعه 10 وارجع بيتي اسوي العشاء وينام زوجي وبناتي ع الساعه 1 صباحا واجلس لوحدي الى الساعه 7 صباحا لما اصحي زوجي
    ثانيا : نمط زوجي
    يصحى 7 الصباح ويروح الدوام الساعه 7 ونص او 8 ويرجع البيت الساعه 2ونص او 3 يتغدى وينام ويصحى ع الساعه7 مساء يصحى معصب ولا يبغى صوت ولا اتكلم معاه حتى لو تكلمت مايرد عليا يصلي العشاء واحط له القهوة ويتقهوى ويخرج ياكازيننو يا اخوانه عنده او مع اولاد اخته او عنده اشياء يسويها برى اهم شي يكون برى
    ويرجع السعه 11 او 12 في الليل ويتعشى وينام

    ثالثا : الاشياء اللي ابغاها تتغير
    1- ابغاه يهتم فيا ويحطني اول اعتباراته
    اديكي مثال : قبل فترة كان عندنا شبكه بنت عمتي وعرفنا موعدها قبلها بشهر طلبت منه يديني فلوس اشتري ليا ولبناتي
    قال ماعندي قلت له لسى قدامك شهر تدبر المبلغ
    راح اخذني عند اهله في مدينه ثانيه وجلسنا 15 يوم ولايرجعني الا قبل الشبكه بيوم وكم مره طلبت منه نرجع بيتنا علشان اروح اشوف ليا فستان قال مو ذحين بعدين
    وما اداني فلوس الا لما شافني ابكي
    واديكي مثال ثاني قبل فتره كان فرح عمتي قلت له ابغى اشتري ملابس للبنات عارفه اطفال وتتغير مقاساتهم وخصوصا هما ضغار اكبر وحده عمرها 4 سنين
    قال ماعندي قلت خلاص ماعندك مو لازم وبعدها بيوم اتصلت عليه اخته وطلبت 1500 وحول لها
    وبعدها بيوم طلب اخوه 1000 ريال اداه ولد اخته طلب 1000 ريال علشان حرمته تبغى تروح تشتري للفرح واداه
    والله سابني الين اليوم اللي قبله في الساعه 10 في الليل وداني اروح اشتري وهذا بعد ماشافني ابكي من القهر
    ثانيا : ليا اكثر من 6 شهور اقله نبغى نخرج انا وانت والبنات اي مكان
    يقول ماني فاضي مشغول واذا وافق يوافق بس نروح بدري ونرجع بدري علشان يبغى فلان سيارتنا
    واخر مره قالي خلاص نروح الطايف وبالصدفه عرفت انه ولد اخته طالبه السيارة وانه هوا قال كذا بس علشان يسكتني وانه هوا مو بيده اللي عليه سواه
    ولما اجاء اليوم اللي قالي نروح فيه قال والله معليش ولد اختي يبغى السيارة علشان بنته تعبانه قلت له طيب مو مشكله يوم ثاني
    قال والله ماعندي وقت
    ثالثا : ع كل شي لا و العناد كمان
    يوم اتصل عليا وهوا كان في الدوام قالي كيف حالك والله بس اتصلت بطمن عليكي وجلس كم يوم كل يوم يتصل عليا من الدوام ويوم قلت له والله ماتتصور قد ايش فرحت باتصالك وكانت اخر مره يتصل عليا فيها
    رابعا : مايهمه ناقصني شي اولا عادي
    اهله ساكنين في مدينه ثانيه وابوه تعبان يروح له في الشهر مرتين اسبوع ايوه واسبوع لا
    يروح والله مايديني ريال يقول للبنات
    مره راح وكانت معايا الدورة الله يكرمك كم مره طلبت منه يجيب ليا قبل ماتخلص وهوا يروح
    كل ماجاء يقول نسيت بعدين اجيب وراح عند اهله ولا اشترى ليا
    ومره بنتي الصغية مابقي في حليبها غير شويه وكل يوم بكره الين ماراح ولا اشترى لها
    هوا بصراحه حنون يعني لو اتعب والله يجلس يبكي عندي وبصراحه مافي مره احرجني قدام اهله او تكلم عليا عندهم والله يحترمني قدامه ووراهم ولا يعصب عليا ولا يمد يده
    وحتى لو انام عند اهلي اكون تعبانه او امي تعبانه يجي ينام معايا في نفس الغرفه

    المطلوب
    1. ابغاه يهتم فيا
    2. يتعلق فيا
    3. يسمعني كلام حلو
    4. يخرجني ويوديني ويجبني
    5. اكون اول اهماماته
    6. لما اقول شي يسويه ليا مو لازم ابكي والا ازن عليه الين مايودين
    7. لما ازعل يراضيني


    ما اتوقع اللي طالبته يكون مستحيل هذا حقي
    والف شكر واسفه ع الاطاله بس حبيت تكونين في الصورة

  2. #2
    أخصائية اجتماعية
    تاريخ التسجيل
    13/05/2008
    الدولة
    البحرين
    المشاركات
    636
    هلا حبيبتي

    من خلال كلامك اتضح الأتي

    اولا انتي طيبة كثير

    وزوجك كمان يحبك كثير
    الله لا يفرق بينكم

    شوفي لازم تحددين وقت تجلسين معاه فيه يكون هو رايق ويسمع كلامك لنهايته

    تكلمي معاه عن حياتكم وعن ميزانية البيت انك لازم تروحين للسوبرماركت معاه مرة في الشهر تتقضون اغراض البيت

    تتكلمين معاه عن انه لما يسافر ويخليكم بروحكم لازم يخصص مبلغ لو بسيط للضرورة لسمح الله يمكن وحده من البنات تمرض وتحتاج تروح طبيب يعني ضرورة قصوى وبما انك ما تشتغلين فهو المسؤول الوحيد عن قضاء حاجياتكم

    اما بالنسبة لانك تبغيه يسمعك كلام حلو انتي ابتدي اول تكلمي معاه بكلام حلو ومبين انه حياتكم فيها روتين حاولي تكسرين الروتين بحركات رومانسية مثلا ً

    حاولي تغيري من شكلك كأن تغيري استايل لبسك تسريحة شعرك يعني اعملي تغيرات في شكلك

    والله يوفقج

  3. #3
    عروس مبدعة الصورة الرمزية ام الوليد *2007*
    تاريخ التسجيل
    01/06/2006
    الدولة
    مكه
    المشاركات
    816
    اولا مشكورة استاذتنا على سرعه الرد
    والله ع كل شي قلتيه سويته
    اذا كلمته ع الميزانيه ياشيخه لا تشيلين هم ربي يدبررها
    واذا قلت له خلي مبلغ بسيط للبنات يرد عليا انتي فين بتروحين انا بخلي البطاقه عندكم واسحبي اذا احتجتي يعني بالله لما يبغو عصير او شيبس اديهم البطاقه
    واذا ع الكلام انا والله ما اناديه الا حياتي وروحي واذا جاب شي الله يديك العافيه ومن هذا الكلام
    واذا على الحركات الرومانسيه ياشيخه ايش حركات المتخلفين هذي
    واذا قلن له معليش مشي معايا خليني ع راحتي يجلس يحطم فيا
    واذا ع الشكل واللبس اغير بصراحه كل ما اخلص الاربعين
    لانه مايديني فلوس الا بالقطارة
    وانا والله تعبت من هذي الحاله نفسي يتغيير نفسي يحس فيا
    ما ابغى اخلي حياتي كلها بكى والا اتحسر

المواضيع المتشابهه

  1. زوجي وزوجي وزوجي.....
    بواسطة اغتراب في المنتدى الشؤون الأسرية و الإجتماعية و أخبار الأعضاء و مناسباتهم
    مشاركات: 38
    آخر مشاركة: 29/11/2011, 10:48 AM
  2. حياتي انا وزوجي مومله ايش اسويه ابغا حل
    بواسطة بيندا في المنتدى أفكار و خبرات
    مشاركات: 21
    آخر مشاركة: 26/06/2008, 06:27 PM
  3. حياتي وزوجي
    بواسطة عنوني في المنتدى قضايا وحلول
    مشاركات: 17
    آخر مشاركة: 15/03/2008, 08:42 AM
  4. حياتي عقبهم ماتسوى شي" .. .. حياتي عقبهم هم و ضياع
    بواسطة تعبت أشتااااق في المنتدى قضايا وحلول
    مشاركات: 15
    آخر مشاركة: 05/09/2007, 06:21 PM