روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 75 123456789101151 ... الأخيرةالأخيرة
النتائج 1 إلى 15 من 1121

الموضوع: اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء السابع}

  1. #1
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367

    اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء السابع}






    حبيباتي عضوات و مسؤولات رابطه (عارضات الأزياء) الرشيقات و الزائرات :87457:


    بفضلكم و بفضل تواصلكم في اكبر رابطة للرشيقات، كان الإقبال على الاجزاء السابقه كبير ، و بسبب وصول الردود لاكثر من الف في كل جزء تم اغلاقها واحد ورا الثاني حسب شروط منتدانا الغالي ،

    و هذا الرابط للجزء الأول

    :8884:

    اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الأول}

    و الرابط للجزء الثاني


    اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الثاني}

    و الرابط للجزء الثالث

    اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الثالث}

    و الرابط للجزء الرابع

    اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الرابع}


    والرابط للجزء الخامس

    اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الخامس}

    و الرابط للجزء السادس

    اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء السادس}



    و انا حطيت الراوبط لانه في كل رابط ذكرى خاصة لنا نحنا ، و كل رابط فعلا كان انجاز


    هالجزء جاء تكمله للدورات السابقه (كل دورة أسبوعين) اللي بديناها أنا والرشيقات و أحب أول شي أهني كل بنات الرابطة من جميع الأجزاء السابقة المشتركات من بدايه الدورة الاولى الى الآن على المجهود و على نزول الوزن و على التواصل و نجاح الرابطه :clap:


    ، و بما إني عانيت في الأجزاء السابقه أنا وخواتي المسؤولات و خصوصا في الاجابه على أسئلة بعض الخوات الفاضلات اللي يسألن أسئلة موجودة إجابتها أصلا في الشروط!! :eeksign:

    قررت لها السبب الالتزام بنفس الموضوع مع اضافه بعض الشروط و تعديلها للتوضيح و الأخذ باقتراحات الكل و ياريت الالتزام خواتي، و هالشي فعلا لمصلحتكم و الدليل على هالشي افتتاح هالجزء بحمد الله :21_195:


    الموضوع

    بنااااااااااااات :shy:


    كلنا نحلم بالوزن المثالي و بوزن عارضات الأزياء و نشوف الممثلات و العارضات و نتحسر، و نقول ليش و ياريت، و الحقيقة انه هاي أجسامكم انتوا و إذا ظليتوا تقولون ياريت ما راح تستفيدون و بتمون تقولونها طول العمر، نحنا رشيقات و لازم نهتم بأنفسنا أكثر عشان الكل يأشر علينا و يقول ياريت مثل ما انتوا تأشرون على عارضات الأزياء و تشوفون الملابس الحلوة و تقولون ياريت.:21_186:




    مواضيع متعدده دخلتها هني عشان اشوف الهمة و الحماس، و كلها فيه مجموعات بنات يحلمون بالوزن المثالي و يشجعون بعض ، بس فرق بين موضوع و موضوع، في مواضيع يكون الحماس فيها واصل حده أول يومين و بعدين البنات تموت الارادة عندهن و ترجع حليمة لعادتها القديمة، عشان هالسبب بالذات أنا قررت أبدا و أفيد البنات اللي فعلا عندهم اراده لها الشي و حطيت شروطي عشان ما يتكرر اللي صار في معظم المواضيع لأني ما أرضى بهالشي ، و الدليل على نجاح هالسياسة وصول الموضوع لهالعدد من الأجزاء في هالفترة القصيرة و نزول وزن كل بنات الرابطه!!!.

    أحب أول شي أعرفكم بنفسي و على المسئولات في الرابطة

    أنا ღ روح الحب ღ

    و طولي 165
    و وزني حاليا 52
    و حلمي مبدئيا أوصل 46
    و ابتديت ب58 كيلو



    و المسؤولات هن:


    عيون الليل، casrolaaa، أريش العين و فلسطين حبيبتي






    هالبنات انشالله بيكونن معاي أيد وحدة و لهن راي في شروط كل جزء و تعديلاتها ، و احييهن على المجهود و المشاركة و الإشراف

    وأيضا العضوات حبيباتي كلهن كانت لهن مشاركاتهن المتميزة في كل الأجزاء السابقة و أتمنى أشوف نشاطكم في هالجزء بعد :8875:


    أنا أبا انقص الحين ع الأقل 6 كيلو
    و في بنات يبون ينقصون أكثر ، و ما تفرق
    أهم شي كلنا هدفنا واحد و نبي ننقص وزننا و نلبس اللي نبيه


    طبعا بتقولون شو هالغبية وزنها مناسب على طولها بتصير يابسه بتختفي !!!

    بس لاااااااااا

    أنا جسمي رياضي بس اللي مخرب عليه الأرداف و أنا ما أحب الأرداف وأبي أتخلص منها،:angry:

    في الجزء الأول يعني أول ماابتدينا ، وايد بنات قالولي ما يحتاج و كل صديقاتي و اللي حولي يقولون ما يحتاج بس بنات جسم عن جسم يفرق، يعني في بنات عندهم العظام ثقيلة فتفرق في الوزن، و أنا عن نفسي ما امشي على الوزن مثالي ، أنا امشي على قاعدة الشكل المثالي (تناسق كامل الجسم)، و مليت من كثر ما أقول باجر، أنا فعلا بديت واللي حابه تكون معاي حياها الله، بس أنا ما أتساهل و ما أبا أي كسل :sm229:

    و بالنسبة للرياضة ، أمارسها من 5 سنين ع الأقل 4 أيام في الأسبوع لو مو يوميا، ايروبكس و جري و أثقال (حديد) و تعودت عليها بس ما كنت امشي على نظام معين بس كنت أحافظ على وزني و هالشي الحين مساعدني

    و هذا اللي تحتاجونه بالنسبه للرياضه

    اول شي الاوربت تراك و هو الجهاز اللي راح نعتمد عليه اكثر شي و خصوصا للبنات اللي مشكلتهم في الأرداف





    ثاني شي ثقلين ، للمبتدئات 2.5 K , للمتمرسات 5 K






    ثالث شي خبرة في رياضه رفع الاثقال و رياضات الشد و اللي ما عندها خبرة لازم يكون عندها DVD و انصحكم بواحد اسمه boot camp DVD فيه اشخاص ما حطيت صورته




    أو ممكن تشتركون في جم



    و عن الخبرة أنا من كليه الأغذية و أي شي أقوله واثقة فيه و ان شاء الله بالتعاون و التشجيع اضمن لكم انه الوزن بينزل بشكل صحي و بدون أعراض جانبية و اوثقوا بأنفسكم قبل لا توثقون فيني و الحمد لله كل اللي بدوا معاي من الدورات السابقه نزل وزنهم (r)

    و هني اللي بتحتاجونه نظام غذائي راح اعطيكم اياه






    و شاي اخضر (اختياري) انا اشرب هذا
    و مفيد للجسم ويعطي طاقه و له عده فوايد يطول شرحها





    و أنبه انه الوزن اللي ينزل بسرعة يرجع بسرعة و نزول الوزن أكثر من 2 كيلو في الأسبوع يسبب ترهلات في الجسم و ما أظن في وحدة فيكم تبي تدخل غرفه العمليات و تشوف المشرط بسبب ترهل الجسم،:pain:


    في وقت لا تستعجلون و أهم شي توصلون للنتيجة المطلوبة في آخر المشوار



    أنا اقدر اطمنكم واقولكم الوزن بينزل و بسرعة، بس أنا ما أقول إلا الصدق، لأني أبا اللي يكونن وياي هن النخبة من البنات, واللي معاي الحين الحمد لله من النخبة، :Z_cool_c:

    و اللي تخاف في مواضيع وايد ما تخوف، أنا أحب الالتزام و هالشي ما راح يتغير، واللي تبي تصير جميله لازم تصبر و تلتزم، الدلع هني ما يمشي، :UP202: لا لا للكسل


    وصلنا للشروط، اللي مرتاحة و حابه تنضم تكمل الشروط و تقراها، اللي موحابه تشكر على المرور، و بنات حبيباتي أنا تعبت وايد في الموضوع ، ما احلل أي وحدة تنقل أي شي منه دون ذكر المصدر (rooo7_el7ob منتديات عروس) و اللي تغلط و تسويها بدعي عليها بشحوم ودهون في كل مكان في جسمها :sa36:

    و حبيباتي بنات الرابطة و الزائرات أي وحدة حاسة انه هالموضوع بكل أجزاءه يستحق التقييم قيموه بالضغط على الميزان هذا الموجود في نهاية الموضوع :21_207:

    و شكر خاص لكل من قيم الاجزاء السابقه منه



    الشروط و ياريت الالتزام عشان كلنا نكون أيد وحدة


    (أول شرط) :

    أنا حاطة انظمه غذائيه سهله و خفيفة و محدده و كل دورة أحاول ارتب نظام و باخذ رايكم حبيباتي في أنظمة الدورات الياية، هالأنظمة برسلها للي تبي تشاركني و اللي ما تبي تمشي عليها في مواضيع ثانية ممكن تختار منها اللي تبيه، ما أتي وحدة تقولي والله أنا عندي رجيم مال أسامه حمدي و لا أبا أجرب الكيميائي و لا غيره، أنا حابه كلنا نتشارك بنفس النظام الصحي ، كلنا خوات حبيباتي و في موضوع واحد و حابه يسري علينا نفس الشي و بعد ما أبي وحدة أتي و تقول روح الحب طيحت شعري و لا غيره، اللي ما تبي تمشي بنظام محدد براحتها بس مو عندي

    (ثاني شرط):

    تبعدين عن الميزان لين يوم الوزن اللي أنا احدده ويحددونه المسؤولات و عضوات الرابطة حبيباتي و اللي المفروض كل دورة مرة يعني (كل أسبوعين مرة) نحن بدينا الدورة الأولى بتاريخ 26\6 ، و الدورة الثانية ابتدت بتاريخ 10\7، و الدورة الثالثه ابتدت بتاريخ 26\7، و الدورة الرابعه تبتدي بتاريخ 11\8 و هالشرط حطيته لعده أسباب أول شي لان الوزن كل يوم اييبلج الإحباط و أهم شي عندنا النفسية و ما نبي إحباط من أولها و الوزن يبيله صبر مو معجزة و سحر بينزل وزنج في يوم و ليله، يعني ما نبي نوزن كل يوم و هالشي ضروري ، و بعد انتظار الوزن يزيد الحماس و نحن كلنا جربنا هالشي

    (ثالث شرط والاهم):

    التواااصل، أنا والعضوات المتواجدات حاليا مثل خوات و يوميا ندخل نقول شو سوينا بالرجيم و نسولف ، نتبادل الخبرات في كل شي مو بس في الرجيم، نتكلم و نسولف في كل شي ، والرابطه صارت كبيرة بحمدلله و بفضل بنات الرابطه اللي اوجه لهم كل الشكر والتقدير، و لو تغيبتي فترة طويلة بدون عذر مثل ما سون بعض البنات طرددددد و سألو أنا ما أتساهل في هالشي، لأني مثل ما قلت أبا النخبة يكونن وياي و اللي تبي توصل لشي لازم تصبر و لأنه الإرادة أهم شي و ذولي ما عندهم إرادة و أنا قلت ما أبي الكسولات خواتي و ما أبي حد اييبلي إحباط يكفي إهمال لأنفسنا و لجمالنا و انشالله تشوفين النتايج و لا تخافين من شي و خواتي حبيباتي في الرابطة ما بيقصرن وياج، الرابطة حلوة و جدا ممتعه والله يخلي البنات اللي فعلا اثبتن انه عندهن الارادة للتحسين من شكلهن، و للعلم أنا و المسؤولات نسجل الحضور اليومي و عندنا معلومات كل البنات عشان نقارن الوزن قبل و بعد يعني لعب عندي ماااااافي

    (رابع شرط و هو شرط التسجيل و مهم جدا):


    قبل كنا ندخل أكثر شي بنتين فقط في كل دورة جديدة يعني كل أسبوعين مرة لأنه العدد صار كبير و ما نقدر ندخل أكثر إلا في حال انسحاب بنات أو طرد المخالفات، و ما ندخل إلا في بداية الدورة عشان البنت تبدا معانا من البداية و تنقص وزنها معانا ما ينفع تدخل أي وحدة من نص الدورة، هذا سابقا !!

    اما الحين وقفنا التسجيل و اكتفينا بالعدد و التسجيل يكون فقط في حال انسحاب او طرد المخالفات، يعني الحين مافي تسجيل، و في حال وجود تسجيل بيكون موجود اسفل توقيعي بالعدد المطلوب و التاريخ و الساعه ، يعني اللي تبي تعرف اذا في تسجيل و متى يكون تشوف توقيعي ، لانه اكيد مستحيل اي وحده جديده تدور في الردود كلها عشان تعرف متى التسجيل الياي و اسهل عليكم التوقيع ، و بالعاده يكون الساعه العاشره صباحا في التاريخ المحدد


    و بعدها انزل كل أسماء المشتركات من الدورات السابقة و الجديدات , يعني ما أتي وحدة و تقولي أنا حابه اشترك و ما ادري شنو قبل تحديد تاريخ او يوم التسجيل فجرا، بعرف إنها ما قرت الشروط و بقولها :88774: (عذرا اقري الشروط) ومحد يزعل ، ياريت الالتزام أما اللي حابه تدخل و تستفيد معنا و تتابع ما في أي مانع طبعا


    وبنات ياريت اللي تسجل تكون حاطه في بالها انها اخذت مكان و حرمت غيرها منه، يعني تلتزم التزام تام، اللي حاسة انها ما تقدر ما تسجل



    (خامس شي):

    اللي تسجل (في حال تحديد يوم) كل وحدة تقولي طولها ووزنها و الوزن اللي تحلم فيه و اللي مو حابه علني ترسله ع الخاص، بس لازم تقول لأني اخذ معلوماتكم و أقارن قبل و بعد ما أتي وحدة لو سمحتوا و تقول أبي اشارك بس و تطلع تعبت من كثر ما أقول لو سمحتي الطول و الوزن مع انه هذا من الشروط و موجود !!!! حبيباتي ساعدوني الله يساعدكم ، وياريت تقولون هنيه في الموضوع لا ترسلون ع الخاص الا اذا في شي محرج .

    و أي أسئلة أنا حاضرة و لاتنسون التشجيع و الحماس و بعد لا تقولون لأحد إنكم تسوون رجيم ، نبي الصيف يخلص و نرجع ندوام و الكل ينصدم و يغار منا و من أجسامنا و يقول ياريييييت :21_180:

    (سادس شي):



    انسي شي اسمه مجبوس و دهون و مقالي و بطاط و حلاوة و شوكولاه و غازيات و سكريات
    بس مسموح عصير دايت مخفف السعرات أو بيبسي دايت و مو تشربينه كله و مو بين الوجبات لأنه مضر بس في حاله العطش، ولازم تشربون ماي كثر ما تقدرون و اللي تبي تضعف لازم تقاوم هالاشيا اللي تضر بصحتنا، ما أتي وحدة و تقولي أبي نظام في هالسوالف ، قلت اللي تبي شي لازم تصبر.

    اتفقنا يا بناااااااااااات

    اللي مرتاحة و عندها الاراده إنها تكون معاي تقولي في اليوم المحدد و تقول وزني جذي و و طولي جذي و أبي أوصل لها الوزن ..... و( التاريخ و الساعه بيكونون مذكورين في توقيعي و بشكل متجدد) عشان ندخلها معانا و توعد المجموعة إنها ما تخالف و ان شاء الله كلنا نصير بوزن عارضات الأزياء و بالوزن اللي نحلم فيه

    ملاحظه هامة:

    بما انه أسماء المشتركات قابله للتعديل، يعني ممكن أي وحده تخالف و تطلع او حتى تنسحب لظروف معينه، مثل ما ذكرت في الشروط، يعني ممكن في اي وقت نحدد تاريخ و عدد حسب هالشي

    قبل كنا نكسر يوم واحد الحين عندنا يومين كسر في النظام ، هالشي عشان تكافئون أنفسكم و ما تحسون بالحرمان فترة طويلة و عشان كل ما تبون تاكلون شي و يكون في خاطركم تقولون لا باكله في يوم الكسر ما بخرب رجيمي :sm2441:

    و خطه اليوم و التنظيم من ترتيبي انا و حبيبتي casrolaaa

    و كل العضوات ساعدن و شاركن وأي عضوه عندها اقتراح جديد ممكن تقوله في الموضوع و نناقشه و لو الكل وافق نحطه في خطتنا و نحط اسمها بعد عليه :yahoo:

    و بنات لا تزعلون مني لو شديت عليكم في يوم ترا والله لمصلحتكم و لو تساهلنا كلنا ما راح نوصل لهدفنا، انا ابي الصيف يخلص و كلنا نكون بوزن عارضات الازياء !!!!!

    و مرة أخيره ما احلل أي وحده تاخذ أي موضوع من مواضيعي بدون ذكر المصدر او النظام الغذائي او حتى خطط العضوات بدون ذكر مصدرها

    حبيباتي انا ابي تدعولي من قلوبكم بالتوفيق ما ابي منكم اي شي ثاني :21_201:

    دمتم بود و معا في طريق الرشاقة :shy:

  2. #2
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367
    مبرووووووووووووووك الجزء الجديد يا بنات


    يلا هنيه هنيه تعالوا


  3. #3
    عروس ماسية
    تاريخ التسجيل
    22/02/2008
    الدولة
    بمملكتي الصغيرة مع زوجي نور عيني ربي يحفضه لي من كل سوء
    المشاركات
    3,180
    الله يجعل كل خطوة منك الى الجنة يا روح

  4. #4
    عروس ذهبية الصورة الرمزية اغتراب
    تاريخ التسجيل
    24/10/2005
    الدولة
    بوسط قلبه
    المشاركات
    2,831
    واااااااااااااااااااااااا ااااااااو

    تتخيلون اني افتح جهازي على الموضوع واروح واجي عالموضوع......

    مبرووووووووووووووووووووك الجزء الجديد بنات

  5. #5
    عروس مشرقة الصورة الرمزية عذراء الرمال
    تاريخ التسجيل
    19/01/2004
    الدولة
    البحرين
    المشاركات
    428
    :B_wink:السلام عليكم شلون الحلوين

  6. #6
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367

    اقتباس المشاركة الأصلية كتبت بواسطة israe مشاهدة المشاركة
    الله يجعل كل خطوة منك الى الجنة يا روح
    حبيبتي والله
    شتقنالج
    انا رديت عليج هناك بس ما ادري جان قريتيه
    مبروك لاختج و عقبالج يارب
    و مشكورة ع الدعوة الحلوة مثلج
    شلونج و شلون الرجيم وياج
    وجاهزة للكسر و الوزن بعد اربع ايام ؟


    اقتباس المشاركة الأصلية كتبت بواسطة اغتراب مشاهدة المشاركة
    واااااااااااااااااااااااا ااااااااو

    تتخيلون اني افتح جهازي على الموضوع واروح واجي عالموضوع......

    مبرووووووووووووووووووووك الجزء الجديد بنات

    حبييييييييييبتي
    كاسبر

    لا يكون تزعلين يوم اقول كاسبر هع هع
    فديتج والله
    انا سعيده وايد اليوم انج متواجده معانا بشكل طبيعي خخخخخخ مو الفجر يعني
    وانشالله دايما اتمين بهالانتظام
    و عقبال وجع
    والله وايد احاتيها هالبنت

    و مبروك علينا جميعا يا عسوله

  7. #7
    عروس مبدعة
    تاريخ التسجيل
    25/05/2008
    الدولة
    libya
    المشاركات
    800
    الف مبرووك ..الجزء السابع .........
    وعقبال الجزء سبعين ........يارب

  8. #8
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367

    اقتباس المشاركة الأصلية كتبت بواسطة عذراء الرمال مشاهدة المشاركة
    :B_wink:السلام عليكم شلون الحلوين

    و عليكم السلاااااااااااام

    حبيييييييييييبتي
    يا عمري
    ام الوردي انتي
    هع هع

    شلونج حبوبة
    لا زين زين دشيتي وما طولتي علينا

  9. #9
    عروس ذهبية الصورة الرمزية اغتراب
    تاريخ التسجيل
    24/10/2005
    الدولة
    بوسط قلبه
    المشاركات
    2,831
    اقتباس المشاركة الأصلية كتبت بواسطة عذراء الرمال مشاهدة المشاركة
    :B_wink:السلام عليكم شلون الحلوين



    هلا وعليكم السلام ياقمر.....

    احنا الحمدلله بخير

    وانت كيفك؟

  10. #10
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367

    اقتباس المشاركة الأصلية كتبت بواسطة heba8383 مشاهدة المشاركة
    الف مبرووك ..الجزء السابع .........
    وعقبال الجزء سبعين ........يارب
    هبه حبيبتي
    مبروك لنا كلنا
    و انشالله يكون جزء خير علينا جميعا

    و مبررررروك شريط الوزن
    عرفتي تحطينه الحمدلله

    كنت احاتي كيف راح اشرحلج هع هع

    بس فيه شي غلط (تبدين ادخلين المعلومات من اليسار لليمين)

    اول شي لازم ادخلين وزنج قبل الرجيم
    و بعدين وزنج الحالي( حاليا وزنج قبل الرجيم هو نفسه و زنج الحالي)
    و احر شي تدخلين الوزن اللي تبينه توصلين له

    و كملي الباقي صح

    و حطي هالجمله في توقيعج مثل كل البنات

    (عضوة في رابطة عارضات الأزياء الرشيقات :shy

    بنفس هالشكل و اللون
    الخط رقمه اربعه
    لونه كحلي
    حجمه 4

    كل اللي ما حطو
    يلااااااااااااااااااااا
    بسسسسسسسسرعه هع هع

  11. #11
    عروس مشرقة الصورة الرمزية عذراء الرمال
    تاريخ التسجيل
    19/01/2004
    الدولة
    البحرين
    المشاركات
    428
    اليوم قعدت الساعة عشر كسلانة خخخ وتريقت توست مع مرتديلا وانشاءالله راح اتغدى سلطة دجاج

  12. #12
    عروس ذهبية الصورة الرمزية اغتراب
    تاريخ التسجيل
    24/10/2005
    الدولة
    بوسط قلبه
    المشاركات
    2,831

    لاروح وش دعوه بزعل!!!!!!

    شفتي كيف طبيعي ههههههههههههههههههههه

    بالعاده اكلم نفسي وتسمعوني الصبح او الظهر ههههههههههههههه

    انا ماشي علي مثل عندنا يقول اما حبا والا برك

    كأني انا ويا نومي

  13. #13
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367
    اليوم وين عيون فديتها

    مول ما دشت
    وحشتني
    لا تكون للحين نايمة هع هع


    اغتراااااااااااااااااب
    عرفنا انتي اول كاسبر
    منو الثانية
    انا ملاحظة من فترة في وحدة ثانية لوووووول

    طلعي طلعي ما بنعضج

  14. #14
    عروس مشرقة الصورة الرمزية عذراء الرمال
    تاريخ التسجيل
    19/01/2004
    الدولة
    البحرين
    المشاركات
    428
    اقتباس المشاركة الأصلية كتبت بواسطة ღ روح الحب ღ مشاهدة المشاركة



    و عليكم السلاااااااااااام

    حبيييييييييييبتي
    يا عمري
    ام الوردي انتي
    هع هع

    شلونج حبوبة
    لا زين زين دشيتي وما طولتي علينا
    الله يخليج طيبة دام انتوا طيببن وانتوا شلونكم لا يبت معاي اللاب توب بيت ابوي خبرج معسكرة عندهم الاهل محد

  15. #15
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367
    اقتباس المشاركة الأصلية كتبت بواسطة عذراء الرمال مشاهدة المشاركة
    اليوم قعدت الساعة عشر كسلانة خخخ وتريقت توست مع مرتديلا وانشاءالله راح اتغدى سلطة دجاج
    حبيبتي
    عافيه يااااااااااااااارب
    جوعتيني
    انا من اكثر من شهرين ما ذقت المرتديلاااا واموت فيها
    هع هع
    ما ادري ليش مع انه مسموح في الرجيم
    ناستنها اصلا لوووول
    لازم اكل اليوم بعد الفطور >>>> غياره وحدة

    هههههههههههههه
    زين يبتي اللابتوب معاج
    عشان ما تغيبين عنا


    اقتباس المشاركة الأصلية كتبت بواسطة اغتراب مشاهدة المشاركة

    لاروح وش دعوه بزعل!!!!!!

    شفتي كيف طبيعي ههههههههههههههههههههه

    بالعاده اكلم نفسي وتسمعوني الصبح او الظهر ههههههههههههههه

    انا ماشي علي مثل عندنا يقول اما حبا والا برك

    كأني انا ويا نومي


    فديتج والله
    بالعكس احسه حلو خلاص عرفناج وجودج مميز و انتي متخفيه

    هههههههههههههههههههههه
    حبيبتي غمضتيني
    ايه كنتي تكلمين روحج
    بس الحين الحمدلله ظبطي الوضع وانا وايد فرحانه فيج

    والله انج عسوله


    جاهزين للوزن و الكسر انشالله ؟

صفحة 1 من 75 123456789101151 ... الأخيرةالأخيرة

المواضيع المتشابهه

  1. اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء السادس}
    بواسطة ღ روح الحب ღ في المنتدى إستفسارات و تجمعات السمنة و النحافة
    مشاركات: 1015
    آخر مشاركة: 04/08/2008, 12:58 PM
  2. اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الخامس}
    بواسطة ღ روح الحب ღ في المنتدى إستفسارات و تجمعات السمنة و النحافة
    مشاركات: 1018
    آخر مشاركة: 30/07/2008, 11:47 PM
  3. اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الرابع}
    بواسطة ღ روح الحب ღ في المنتدى إستفسارات و تجمعات السمنة و النحافة
    مشاركات: 1054
    آخر مشاركة: 27/07/2008, 12:28 AM
  4. اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الثالث}
    بواسطة ღ روح الحب ღ في المنتدى إستفسارات و تجمعات السمنة و النحافة
    مشاركات: 1059
    آخر مشاركة: 23/07/2008, 07:23 AM
  5. اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الثاني}
    بواسطة ღ روح الحب ღ في المنتدى إستفسارات و تجمعات السمنة و النحافة
    مشاركات: 1002
    آخر مشاركة: 18/07/2008, 03:25 AM