تعالو نشوف طريقة تعطير الجسم
للعرووووس ... تعالو نشوف طريقة تعطير الجسم
حتى يثبت بك العطر عروستنا الحلوة اتبعي هالطريقة...
اول شي يلزمك عطر+البودرة الخاصة فيه+ الكريم + الصابونة
تحممي بصابونة معطرة من نفس نوع العطر اللي تستخدمينه
بعد الاستحمام حطي على كامل الجسم كريم مرطب خفيف واحسن شي كريمات لانكوم وكلينك
بعدها حطي بودرة تلك عادية بدون ريحة
ثم بخي على جسمك بخاخ الجسم من ريحة الورد الطائفي
وحطي على اماكن النبض فيك قطرات دهن عود
ثم حطي الكريم المعطر على يديك ورجليك
بعدين خلي احد يرش عليك البودرة المعطرة من بعيد ويرشون على شعرك منها
والبسي فستانك وعطريه من عطرك
ثم بخري جسمك ولبسك بالعود الزين
ولا تنسي قبلها بكم يوم تكونين مقطعة شوي من الصابونة المعطرة وحاطة القطع بين طيات الفستان
تمتعي بالريحة الزينة وبتظل فيك حتى بعد الاستحمام
ولا تنسي مزيلات العرق بعد الاستحمام ومعطرات الفم
صدقيني بتعجبك وتعجب المعازيم وتعجب زوجك والله ما ينساها ابد وعلى فكرة بيشمها بنفسه بعد
_________________________
هذي الطريقة تخليها للمناسبات الخاصة ، مو بإستمرار .....
وإلا يبيلها ميزانية خاصة على كذا........
عرايسنا ........ممكن تجربون طريقتي هذي اليومية
بعد ماتتحممين .........حطي (( لوشن )) عادي على جسمك
وبعدها .....مسحات من دهن عود ....حلو .
وبعدها....عطرك المفضل .
وبعدها تبخلي بعود زين ..
ولاتنسين دائماً تبخرين دولاب ملابسك اليومية والداخلية ...
للأن ريحة البخور راح تمسك فيها .
__________________
اول شىء تتسبحين وبعدين تحطين اللوشن ثم تتبخرين لان الجسم بيكون رطب من اللوشن وبعدين بيمسك الريحه ويفضل عود مخلط او عود اصلي ثم تحطين البودره وترشين العطر وبعدين تحطين دهن العود شيوخي او دهن عود اصلي ماتتغير ريحته مع الوقت خلف الاذن وممكن مسحه على الشعر وشوفوا النتيجه وان شاء الله يعجبكم.
________________
اول شي بعد ما تاخذين حمام الهنا تكونين مجهزه الدخون....
تدهنين جسمج بكريم معطر...وحطي الدخون تحت الثوب اللي انتي لابسته..وفوقه رشي العطر عشان يثبت...
وبعدها حطي قطره عطر دهني على مرفق اليد ..وقطره ورا الاذن...
ونعيما
______________
اول ما تتحممين وقبل ما تنشفين جسمج مسحي بودرة الشب وهي عباره عن مسك وشب مطحون لان مسامات البشره تكون مفتوحه وتحافظ عليها في الجلد يعني الريحه بتم وبعدين تنشفين جسمج بالفوطه طبعا وتمسحين دهن العود الاصلي والاحسن الي من عطورات اجمل وعندج دهن سلطان من سويس اربيان وبعدها تلبسين ملابسك وتتبخرين وترشين شوية عطر على ملابسك وصدقيني ان ريحتج بتفوح من بعيد جربي وخبريني
________________
الوصفه هي عقب ما تتسبحين تدهنين جسمج كله بأي كريم مرطب
وعن نفسي أستخدم نيفيا بعدين ترشين على جسمج كله بودرة
خفيفة مثل ياردلي أو بودرة سارة (هاي مفعولها سحري ) أو حتى مال
اليهال جونسون ومكان التعرق تستخدمين الشبه والمسك بودرة
ومخلوطين مع بعض
وعقب ما تلبسين تعطرين ثوبج بأي عطر حسب المناسبه اللي بتسيرينها
صحيح إنه ريحتج ما تكون نفاذة بس أي أحد يجرب من يشم الريحه الزينه
ومثل ما قلت وصفة خفيفة وأستخدمها كل يوم
____________________
انا دوم عندي خلطه سريه
اخلط عطر المسك السايل +دهن العود من الزين هاا من الزين
وادعولي ...............ما راح تروح منج ابددددددددددد
والكل بيساليكم من وين هالعطر شو اسمه