روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 68 123456789101151 ... الأخيرةالأخيرة
النتائج 1 إلى 15 من 1016

الموضوع: اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء السادس}

  1. #1
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367

    اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء السادس}






    حبيباتي عضوات و مسؤولات رابطه (عارضات الأزياء) الرشيقات و الزائرات :87457:


    بفضلكم و بفضل تواصلكم في اكبر رابطة للرشيقات، كان الإقبال على الاجزاء السابقه كبير ، و بسبب وصول الردود لاكثر من الف في كل جزء تم اغلاقها واحد ورا الثاني حسب شروط منتدانا الغالي ،

    و هذا الرابط للجزء الأول

    :8884:

    اللي تحلم بوزن عارضات الأزياء تنضم لي و ما أبي الكسولات،، (الجزء الأول)

    و الرابط للجزء الثاني


    اللي تحلم بوزن عارضات الأزياء تنضم لي و ما أبي الكسولات،، (الجزء الثاني)

    و الرابط للجزء الثالث

    اللي تحلم بوزن عارضات الأزياء تنضم لي و ما أبي الكسولات،، (الجزء الثالث)

    و الرابط للجزء الرابع

    اللي تحلم بوزن عارضات الأزياء تنضم لي و ما أبي الكسولات،، (الجزء الرابع)


    والرابط للجزء الخامس

    اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الخامس}




    و انا حطيت الراوبط لانه في كل رابط ذكرى خاصة لنا نحنا ، و كل رابط فعلا كان انجاز


    هالجزء جاء تكمله للدورات السابقه (كل دورة أسبوعين) اللي بديناها أنا والرشيقات و أحب أول شي أهني كل بنات الرابطة من جميع الأجزاء السابقة المشتركات من بدايه الدورة الاولى الى الآن على المجهود و على نزول الوزن و على التواصل و نجاح الرابطه :clap:


    ، و بما إني عانيت في الأجزاء السابقه أنا وخواتي المسؤولات و خصوصا في الاجابه على أسئلة بعض الخوات الفاضلات اللي يسألن أسئلة موجودة إجابتها أصلا في الشروط!! :eeksign:

    قررت لها السبب الالتزام بنفس الموضوع مع اضافه بعض الشروط و تعديلها للتوضيح و الأخذ باقتراحات الكل و ياريت الالتزام خواتي، و هالشي فعلا لمصلحتكم و الدليل على هالشي افتتاح هالجزء بحمد الله :21_195:


    الموضوع

    بنااااااااااااات :shy:


    كلنا نحلم بالوزن المثالي و بوزن عارضات الأزياء و نشوف الممثلات و العارضات و نتحسر، و نقول ليش و ياريت، و الحقيقة انه هاي أجسامكم انتوا و إذا ظليتوا تقولون ياريت ما راح تستفيدون و بتمون تقولونها طول العمر، نحنا رشيقات و لازم نهتم بأنفسنا أكثر عشان الكل يأشر علينا و يقول ياريت مثل ما انتوا تأشرون على عارضات الأزياء و تشوفون الملابس الحلوة و تقولون ياريت.:21_186:




    مواضيع متعدده دخلتها هني عشان اشوف الهمة و الحماس، و كلها فيه مجموعات بنات يحلمون بالوزن المثالي و يشجعون بعض ، بس فرق بين موضوع و موضوع، في مواضيع يكون الحماس فيها واصل حده أول يومين و بعدين البنات تموت الارادة عندهن و ترجع حليمة لعادتها القديمة، عشان هالسبب بالذات أنا قررت أبدا و أفيد البنات اللي فعلا عندهم اراده لها الشي و حطيت شروطي عشان ما يتكرر اللي صار في معظم المواضيع لأني ما أرضى بهالشي ، و الدليل على نجاح هالسياسة وصول الموضوع لهالعدد من الأجزاء في هالفترة القصيرة و نزول وزن كل بنات الرابطه!!!.

    أحب أول شي أعرفكم بنفسي و على المسئولات في الرابطة

    أنا ღ روح الحب ღ

    و طولي 165
    و وزني حاليا 52
    و حلمي مبدئيا أوصل 46
    و ابتديت ب58 كيلو



    و المسؤولات هن:


    عيون الليل، casrolaaa، أريش العين و فلسطين حبيبتي







    هالبنات انشالله بيكونن معاي أيد وحدة و لهن راي في شروط كل جزء و تعديلاتها ، و احييهن على المجهود و المشاركة و الإشراف

    وأيضا العضوات حبيباتي كلهن كانت لهن مشاركاتهن المتميزة في كل الأجزاء السابقة و أتمنى أشوف نشاطكم في هالجزء بعد :8875:


    أنا أبا انقص الحين ع الأقل 6 كيلو
    و في بنات يبون ينقصون أكثر ، و ما تفرق
    أهم شي كلنا هدفنا واحد و نبي ننقص وزننا و نلبس اللي نبيه


    طبعا بتقولون شو هالغبية وزنها مناسب على طولها بتصير يابسه بتختفي !!!

    بس لاااااااااا

    أنا جسمي رياضي بس اللي مخرب عليه الأرداف و أنا ما أحب الأرداف وأبي أتخلص منها،:angry:

    في الجزء الأول يعني أول ماابتدينا ، وايد بنات قالولي ما يحتاج و كل صديقاتي و اللي حولي يقولون ما يحتاج بس بنات جسم عن جسم يفرق، يعني في بنات عندهم العظام ثقيلة فتفرق في الوزن، و أنا عن نفسي ما امشي على الوزن مثالي ، أنا امشي على قاعدة الشكل المثالي (تناسق كامل الجسم)، و مليت من كثر ما أقول باجر، أنا فعلا بديت واللي حابه تكون معاي حياها الله، بس أنا ما أتساهل و ما أبا أي كسل :sm229:

    و بالنسبة للرياضة ، أمارسها من 5 سنين ع الأقل 4 أيام في الأسبوع لو مو يوميا، ايروبكس و جري و أثقال (حديد) و تعودت عليها بس ما كنت امشي على نظام معين بس كنت أحافظ على وزني و هالشي الحين مساعدني

    و هذا اللي تحتاجونه بالنسبه للرياضه

    اول شي الاوربت تراك و هو الجهاز اللي راح نعتمد عليه اكثر شي و خصوصا للبنات اللي مشكلتهم في الأرداف





    ثاني شي ثقلين ، للمبتدئات 2.5 K , للمتمرسات 5 K






    ثالث شي خبرة في رياضه رفع الاثقال و رياضات الشد و اللي ما عندها خبرة لازم يكون عندها DVD و انصحكم بواحد اسمه boot camp DVD فيه اشخاص ما حطيت صورته




    أو ممكن تشتركون في جم



    و عن الخبرة أنا من كليه الأغذية و أي شي أقوله واثقة فيه و ان شاء الله بالتعاون و التشجيع اضمن لكم انه الوزن بينزل بشكل صحي و بدون أعراض جانبية و اوثقوا بأنفسكم قبل لا توثقون فيني و الحمد لله كل اللي بدوا معاي من الدورات السابقه نزل وزنهم (r)

    و هني اللي بتحتاجونه نظام غذائي راح اعطيكم اياه






    و شاي اخضر (اختياري) انا اشرب هذا
    و مفيد للجسم ويعطي طاقه و له عده فوايد يطول شرحها





    و أنبه انه الوزن اللي ينزل بسرعة يرجع بسرعة و نزول الوزن أكثر من 2 كيلو في الأسبوع يسبب ترهلات في الجسم و ما أظن في وحدة فيكم تبي تدخل غرفه العمليات و تشوف المشرط بسبب ترهل الجسم،:pain:


    في وقت لا تستعجلون و أهم شي توصلون للنتيجة المطلوبة في آخر المشوار



    أنا اقدر اطمنكم واقولكم الوزن بينزل و بسرعة، بس أنا ما أقول إلا الصدق، لأني أبا اللي يكونن وياي هن النخبة من البنات, واللي معاي الحين الحمد لله من النخبة، :Z_cool_c:

    و اللي تخاف في مواضيع وايد ما تخوف، أنا أحب الالتزام و هالشي ما راح يتغير، واللي تبي تصير جميله لازم تصبر و تلتزم، الدلع هني ما يمشي، :UP202: لا لا للكسل


    وصلنا للشروط، اللي مرتاحة و حابه تنضم تكمل الشروط و تقراها، اللي موحابه تشكر على المرور، و بنات حبيباتي أنا تعبت وايد في الموضوع ، ما احلل أي وحدة تنقل أي شي منه دون ذكر المصدر (rooo7_el7ob منتديات عروس) و اللي تغلط و تسويها بدعي عليها بشحوم ودهون في كل مكان في جسمها :sa36:

    و حبيباتي بنات الرابطة و الزائرات أي وحدة حاسة انه هالموضوع بكل أجزاءه يستحق التقييم قيموه بالضغط على الميزان هذا الموجود في نهاية الموضوع :21_207:

    و شكر خاص لكل من قيم الاجزاء السابقه منه



    الشروط و ياريت الالتزام عشان كلنا نكون أيد وحدة


    (أول شرط) :

    أنا حاطة انظمه غذائيه سهله و خفيفة و محدده و كل دورة أحاول ارتب نظام و باخذ رايكم حبيباتي في أنظمة الدورات الياية، هالأنظمة برسلها للي تبي تشاركني و اللي ما تبي تمشي عليها في مواضيع ثانية ممكن تختار منها اللي تبيه، ما أتي وحدة تقولي والله أنا عندي رجيم مال أسامه حمدي و لا أبا أجرب الكيميائي و لا غيره، أنا حابه كلنا نتشارك بنفس النظام الصحي ، كلنا خوات حبيباتي و في موضوع واحد و حابه يسري علينا نفس الشي و بعد ما أبي وحدة أتي و تقول روح الحب طيحت شعري و لا غيره، اللي ما تبي تمشي بنظام محدد براحتها بس مو عندي

    (ثاني شرط):

    تبعدين عن الميزان لين يوم الوزن اللي أنا احدده ويحددونه المسؤولات و عضوات الرابطة حبيباتي و اللي المفروض كل دورة مرة يعني (كل أسبوعين مرة) نحن بدينا الدورة الأولى بتاريخ 26\6 ، و الدورة الثانية ابتدت بتاريخ 10\7، و الدورة الثالثه ابتدت بتاريخ 26\7، و هالشرط حطيته لعده أسباب أول شي لان الوزن كل يوم اييبلج الإحباط و أهم شي عندنا النفسية و ما نبي إحباط من أولها و الوزن يبيله صبر مو معجزة و سحر بينزل وزنج في يوم و ليله، يعني ما نبي نوزن كل يوم و هالشي ضروري ، و بعد انتظار الوزن يزيد الحماس و نحن كلنا جربنا هالشي

    (ثالث شرط والاهم):

    التواااصل، أنا والعضوات المتواجدات حاليا مثل خوات و يوميا ندخل نقول شو سوينا بالرجيم و نسولف ، نتبادل الخبرات في كل شي مو بس في الرجيم، نتكلم و نسولف في كل شي ، والرابطه صارت كبيرة بحمدلله و بفضل بنات الرابطه اللي اوجه لهم كل الشكر والتقدير، و لو تغيبتي فترة طويلة بدون عذر مثل ما سون بعض البنات طرددددد و سألو أنا ما أتساهل في هالشي، لأني مثل ما قلت أبا النخبة يكونن وياي و اللي تبي توصل لشي لازم تصبر و لأنه الإرادة أهم شي و ذولي ما عندهم إرادة و أنا قلت ما أبي الكسولات خواتي و ما أبي حد اييبلي إحباط يكفي إهمال لأنفسنا و لجمالنا و انشالله تشوفين النتايج و لا تخافين من شي و خواتي حبيباتي في الرابطة ما بيقصرن وياج، الرابطة حلوة و جدا ممتعه والله يخلي البنات اللي فعلا اثبتن انه عندهن الارادة للتحسين من شكلهن، و للعلم أنا و المسؤولات نسجل الحضور اليومي و عندنا معلومات كل البنات عشان نقارن الوزن قبل و بعد يعني لعب عندي ماااااافي

    (رابع شرط و هو شرط التسجيل و مهم جدا):


    قبل كنا ندخل أكثر شي بنتين فقط في كل دورة جديدة يعني كل أسبوعين مرة لأنه العدد صار كبير و ما نقدر ندخل أكثر إلا في حال انسحاب بنات أو طرد المخالفات، و ما ندخل إلا في بداية الدورة عشان البنت تبدا معانا من البداية و تنقص وزنها معانا ما ينفع تدخل أي وحدة من نص الدورة، هذا سابقا !!

    اما الحين وقفنا التسجيل و اكتفينا بالعدد و التسجيل يكون فقط في حال انسحاب او طرد المخالفات، يعني الحين مافي تسجيل، و في حال وجود تسجيل بيكون موجود اسفل توقيعي بالعدد المطلوب و التاريخ و الساعه ، يعني اللي تبي تعرف اذا في تسجيل و متى يكون تشوف توقيعي ، لانه اكيد مستحيل اي وحده جديده تدور في الردود كلها عشان تعرف متى التسجيل الياي و اسهل عليكم التوقيع ، و بالعاده يكون الساعه العاشره صباحا في التاريخ المحدد


    و بعدها انزل كل أسماء المشتركات من الدورات السابقة و الجديدات , يعني ما أتي وحدة و تقولي أنا حابه اشترك و ما ادري شنو قبل تحديد تاريخ او يوم التسجيل فجرا، بعرف إنها ما قرت الشروط و بقولها :88774: (عذرا اقري الشروط) ومحد يزعل ، ياريت الالتزام أما اللي حابه تدخل و تستفيد معنا و تتابع ما في أي مانع طبعا


    وبنات ياريت اللي تسجل تكون حاطه في بالها انها اخذت مكان و حرمت غيرها منه، يعني تلتزم التزام تام، اللي حاسة انها ما تقدر ما تسجل



    (خامس شي):

    اللي تسجل (في حال تحديد يوم) كل وحدة تقولي طولها ووزنها و الوزن اللي تحلم فيه و اللي مو حابه علني ترسله ع الخاص، بس لازم تقول لأني اخذ معلوماتكم و أقارن قبل و بعد ما أتي وحدة لو سمحتوا و تقول أبي اشارك بس و تطلع تعبت من كثر ما أقول لو سمحتي الطول و الوزن مع انه هذا من الشروط و موجود !!!! حبيباتي ساعدوني الله يساعدكم ، وياريت تقولون هنيه في الموضوع لا ترسلون ع الخاص الا اذا في شي محرج .

    و أي أسئلة أنا حاضرة و لاتنسون التشجيع و الحماس و بعد لا تقولون لأحد إنكم تسوون رجيم ، نبي الصيف يخلص و نرجع ندوام و الكل ينصدم و يغار منا و من أجسامنا و يقول ياريييييت :21_180:

    (سادس شي):



    انسي شي اسمه مجبوس و دهون و مقالي و بطاط و حلاوة و شوكولاه و غازيات و سكريات
    بس مسموح عصير دايت مخفف السعرات أو بيبسي دايت و مو تشربينه كله و مو بين الوجبات لأنه مضر بس في حاله العطش، ولازم تشربون ماي كثر ما تقدرون و اللي تبي تضعف لازم تقاوم هالاشيا اللي تضر بصحتنا، ما أتي وحدة و تقولي أبي نظام في هالسوالف ، قلت اللي تبي شي لازم تصبر.

    اتفقنا يا بناااااااااااات

    اللي مرتاحة و عندها الاراده إنها تكون معاي تقولي في اليوم المحدد و تقول وزني جذي و و طولي جذي و أبي أوصل لها الوزن ..... و( التاريخ و الساعه بيكونون مذكورين في توقيعي و بشكل متجدد) عشان ندخلها معانا و توعد المجموعة إنها ما تخالف و ان شاء الله كلنا نصير بوزن عارضات الأزياء و بالوزن اللي نحلم فيه

    ملاحظه هامة:

    بما انه أسماء المشتركات قابله للتعديل، يعني ممكن أي وحده تخالف و تطلع او حتى تنسحب لظروف معينه، مثل ما ذكرت في الشروط، يعني ممكن في اي وقت نحدد تاريخ و عدد حسب هالشي

    قبل كنا نكسر يوم واحد الحين عندنا يومين كسر في النظام ، هالشي عشان تكافئون أنفسكم و ما تحسون بالحرمان فترة طويلة و عشان كل ما تبون تاكلون شي و يكون في خاطركم تقولون لا باكله في يوم الكسر ما بخرب رجيمي :sm2441:

    و خطه اليوم و التنظيم من ترتيبي انا و حبيبتي casrolaaa

    و كل العضوات ساعدن و شاركن وأي عضوه عندها اقتراح جديد ممكن تقوله في الموضوع و نناقشه و لو الكل وافق نحطه في خطتنا و نحط اسمها بعد عليه :yahoo:

    و بنات لا تزعلون مني لو شديت عليكم في يوم ترا والله لمصلحتكم و لو تساهلنا كلنا ما راح نوصل لهدفنا، انا ابي الصيف يخلص و كلنا نكون بوزن عارضات الازياء !!!!!

    و مرة أخيره ما احلل أي وحده تاخذ أي موضوع من مواضيعي بدون ذكر المصدر او النظام الغذائي او حتى خطط العضوات بدون ذكر مصدرها

    حبيباتي انا ابي تدعولي من قلوبكم بالتوفيق ما ابي منكم اي شي ثاني :21_201:

    دمتم بود و معا في طريق الرشاقة :shy:

  2. #2
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367
    اعلاااااااااااااااااااااا اااااان هام

    بحمدالله انتهت الدورة الثانية على خير و مبروك لكل اللي نزلت اوزانهم و انشالله هالنشاط يستمر، ابتدت الدورة الثالثه بحمد الله اليوم بتاريخ 26\7 و التي تستمر اسبوعين مثل ما عرفتوا و تعودتوا، و تنتهي بتاريخ 8\8 و لذلك يكون الكسر الجديد بتاريخ 9\8 بأذن الله


    بالنسبة لأسماء المشتركات من الدورات السابقة

    اولا: المسؤولات

    ღ روح الحب ღ
    Casrolaaa
    أريش العين
    فلسطين حبيبتي
    ღ عيون الليل ღ



    ثانيا : عضوات الدورات السابقة

    شهدناز
    ..الكويتيه ..
    Israe
    عذراء الرمال
    محبه الرشاقة
    *reem
    عروسه الريف
    نشمية بنت سونيته
    الامـ بنت زايد ــارات



    واللي مو مذكور اسمها طلعت لمخالفتها الشروط او انسحبت لظروفها الخاصة

    اخيرا: المشتركات الجديدات و نتمنى لهم كل التوفيق

    القيوانية
    عذبه الوصايف
    سوسو بن خوخو
    roro9425
    اغتراب
    Lulwa alhajry
    Bright moon
    وجع البوح
    Heba8383



    حبيباتي شكر خاص مني للجميع، فعلا الرابطه صارت اكبر رابطه للرشيقات في المنتدى و كله بفضل تواصلكم و جهودكم يا عسولات
    بالتوفيق يارشيقات و اتمنى هالجزء يكون خير علينا و يكون ناجح مثل الأجزاء السابقة و مبروك علينا كلنا

  3. #3
    عروس مبدعة
    تاريخ التسجيل
    25/05/2008
    الدولة
    libya
    المشاركات
    800
    الف مبرووووووووووك الجزء السادس .......
    وان شاء الله يكون جزء خير علي وعلى كل المشتركات

  4. #4
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367
    الله يبارك فيج حبيبتي
    و انشالله خير علينا كلنا

    انا اليوم ناوية اسهر عشان اتسحر
    لاني لو نمت ما بقوم الا الصبح

    بتسحر و بصلي انشالله و بنام و بحاول اقوم على ال11 الصبح
    و عادي ما اطول اعرف عمري


  5. #5
    عروس ذهبية
    تاريخ التسجيل
    21/02/2008
    الدولة
    فلسطين
    المشاركات
    2,652
    ألف ألف ألف مبارك على الجزء السادس

    :groupwave::9_33::groupwave:
    وماشاء الله بجد عليكي روح الحب ماقصرتي ابدا

    وان شاء الله هالجزر اقدر اتابع معكم اكتر من الخامس راحت عليا لماتكم الحلوه والله

    وان شاء الله بكون من الصبح هون بازن الله

    للللللللللللللللللللللللل لللللللللللللللويش (هاي زغروتي )
    وخمسه وخميسه بعين الي يشوفنا ومايصلي على النبي

    مبارك علينا ياصبايا

  6. #6
    عروس ذهبية
    تاريخ التسجيل
    21/02/2008
    الدولة
    فلسطين
    المشاركات
    2,652
    يعني كلنا ان شاء الله بكرنا صايمين
    حلو والله شجعتوني
    بس شو راح تتسحري روح والله محتاره

    شو يارب شو

  7. #7
    عروس مبدعة
    تاريخ التسجيل
    25/05/2008
    الدولة
    libya
    المشاركات
    800
    رووحى...... و ... ..فلسطين حبيبتى
    تصبحوا على خير .......بدى نام حتى الحق اتسحر ..... وباذن الله نلتقى بكرة
    سلام

  8. #8
    عروس ذهبية
    تاريخ التسجيل
    21/02/2008
    الدولة
    فلسطين
    المشاركات
    2,652
    اقتباس المشاركة الأصلية كتبت بواسطة heba8383 مشاهدة المشاركة
    الف مبرووووووووووك الجزء السادس .......
    وان شاء الله يكون جزء خير علي وعلى كل المشتركات

    الله يبارك في عمرك يارب
    وبجد مبارك علينا هالجزء السادس والله صرت احس فيكم خواتي
    يعني مااقدر يمر يوم الا اشوفكم والله

    وبتعرفي كنت بجد نعسانه وبدي انام هلأ لأ راح ادل معكم راح اتسحر وبنصلي وبعدين بنام

    بجد وحشتيني روح وانا قاعده بقرا في الجزؤ الخامس الي راح علي
    بس بجد راحت عليا سوالفكم الي بتجنن

  9. #9
    عروس ذهبية
    تاريخ التسجيل
    21/02/2008
    الدولة
    فلسطين
    المشاركات
    2,652
    اقتباس المشاركة الأصلية كتبت بواسطة heba8383 مشاهدة المشاركة
    رووحى...... و ... ..فلسطين حبيبتى
    تصبحوا على خير .......بدى نام حتى الحق اتسحر ..... وباذن الله نلتقى بكرة
    سلام
    وانت من اهلة هبع حبيبتي
    ونوم العوافي يارب
    وصيام مقبول بازن الله

    ديري بالك على حالك

    سي يو تمورو

  10. #10
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367
    هبه تصبحين على خير حبيبتي

    و نشوفج ياجر انشالله
    احلام سعيده

    فلسطين حبييييييييييبتي

    يا عمري انتي
    مبارك علينا كلنا
    وخمسه و خميسه في عين اللي ما يصلي ع النبي
    ويا عمري لا تغيبيبين عنا و الله كثير نشنتاقلج

    و انشالله هالجزء ما تروح عليج سوالفنا الحلوة

    بالنسبه للسحور
    انا راح اتسحر نفس اكله البيض بالتوست اللي سويتها

    ما ادري شفتي الوصفه اللي حطيتها في الجزء الخامس و لا لا

    منشان هيك جبتها لك هوووووون
    يا عمري عليج انتي

    جربيها و الله كثير زاكيه

    و يا عمري حلو راح تسهري معاي
    بس بكرا ما تطولي عن 11

    الوصفة :
    اول شي تحتاجون زيت زيتون
    و بيضه وحدة و 2 توست
    لو بدكم بيضتين بتاكلوا توسته وحدة بس فهمتوا شو اقصد
    و انا استغنيت عن الطماطم و حطيت معلقه صغيره زيت زيتون خفت يلزق و كنت ابي اصور و مابي شكله يطلع غلط
    و عادي الوجبه هاي كله فيها 250 سعره يعني تماااااااااام التمام و انا سامحتلكم تسوونها عشا

    المهم نبدا
    زيت زيتون
    و بيضه وحده بس تكفي
    و2 توست






    بعدين
    تحطون المقلاه في النار و عليها معلقه زيت زيتون صغيره معلقه الشاي
    و تخلونه يسخن
    تكسرون البيضه في صحن و تحطون الملح و تحركونه
    و بعدين تحطون التوست ع البيض الني ، التوسته يصير فيها بيض من الجهتين




    و بعدين الثانية نفس الشي و لا تخلون التوسته تشرب البيض كله لا خلو بيض للثانية

    و بعدين حطوهم في المقلاة و غطوهم و بعد دقيقه قلبوهم ع الوجه الثاني

    و خلصنا

    و حطوهم في صحتن التقديم







    تجنن و الله تجنن

    و صحتين و عافيه يا حلوات

    ها شو رايج فلسطين

    هالمرة انا بعملها بدون زيت و انشالله ما تلزق يارب

    حقوق السرقه محفوظه هع هع
    يا ويلها اللي تشل صورة و تنقل وصفتي
    بدعي عليها تطيح ضروسها هع هع هع


  11. #11
    عروس فضية
    تاريخ التسجيل
    04/01/2003
    الدولة
    السعوديه .... الأحساء
    المشاركات
    2,125
    مبرووك على فتح الجزء السادس

    وان شاء الله يكون خير على الكل

    والله لايفرقنا ونتم اخوات يجمعنا الحب

    قولوا امين

    عروسة الريف سلامتج وماتشوفين شر وأجر وعافيه ان شاء الله

    فلسطين حبيبة قلبي اشحالج تولهت عليج

    هبهوبه وانتي من اهل الخير واحلام سعيده

    ملكة الرابطه والغاليه على قلبي روح مبروك على فتح الجزء السادس

    والله يسعدج ويفتح لج ابواب الخير والعافيه ياعمري


    وهني وعافيه حبيبتي وتقبل الله منج صالح الاعمال

  12. #12
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367
    عيووووووووووووون


    حبيبتي والله

    يالسه اسوي تحديث من شفتج انتظرج تكتبين شي
    و ما انتبهت انه في صفحة ثانية
    يا قلبي اكيد طلعتي

    مبروك علينا كلنا يا عمري
    والله لا يفرقنا يا رب
    الله يسمع منج حبيبتي


    و عافيه على قلبج حبوبة

  13. #13
    عروس فضية
    تاريخ التسجيل
    04/01/2003
    الدولة
    السعوديه .... الأحساء
    المشاركات
    2,125
    هلا عمري روح

    ماطلعت موجوده انا بس في وحده راسله لي رساله وجالسه ارد عليها

    كتبت لأني كنت انتظر الجزء وقلت اكيد حبيبتي روح نزلته لازم ادخل واشوف

    اللهم امين

    وبعد قلت فرصه اسولف معاج دامج سهرانه عشان تتسحرين

  14. #14
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367
    حبيبتي والله

    ايه سهرانه هع هع
    بتسوين فيني خير

    لاني اعرف نفسي لو نمت ما بتسحر
    وباجر بجوع و اخاف اكل وحدة منكم خخخخخخخخخخخخخخخخخ

    المرة اللي طافت وايد تعبت
    لاني ما تسحرت
    هالمرة بتسحر و بصلي وبنام
    وباجر انشالله حاول انش 11 لو تاخرت 12

    والرياضه بحاول اسويها قبل الفطور انشالله مثل ما سوت ريم الله يذكرها بالخير
    و يرجعها لنا بالسلامة

    فلسطين قالت بتسهر و اختفت لوول

  15. #15
    عروس ذهبية الصورة الرمزية اغتراب
    تاريخ التسجيل
    24/10/2005
    الدولة
    بوسط قلبه
    المشاركات
    2,831
    صباااااااااااااااح الليل

    كيفكم بنات؟؟

    ياربي اليوم يوم متعب

صفحة 1 من 68 123456789101151 ... الأخيرةالأخيرة

المواضيع المتشابهه

  1. اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الخامس}
    بواسطة ღ روح الحب ღ في المنتدى إستفسارات و تجمعات السمنة و النحافة
    مشاركات: 1018
    آخر مشاركة: 30/07/2008, 11:47 PM
  2. اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الرابع}
    بواسطة ღ روح الحب ღ في المنتدى إستفسارات و تجمعات السمنة و النحافة
    مشاركات: 1054
    آخر مشاركة: 27/07/2008, 12:28 AM
  3. اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الثالث}
    بواسطة ღ روح الحب ღ في المنتدى إستفسارات و تجمعات السمنة و النحافة
    مشاركات: 1059
    آخر مشاركة: 23/07/2008, 07:23 AM
  4. اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الثاني}
    بواسطة ღ روح الحب ღ في المنتدى إستفسارات و تجمعات السمنة و النحافة
    مشاركات: 1002
    آخر مشاركة: 18/07/2008, 03:25 AM
  5. اللي تحلم بوزن عارضات الأزياء تنضم لي و ما ابي الكسولات.. توكلنا على الله
    بواسطة ღ روح الحب ღ في المنتدى إستفسارات و تجمعات السمنة و النحافة
    مشاركات: 1078
    آخر مشاركة: 13/07/2008, 12:40 AM