روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 71 123456789101151 ... الأخيرةالأخيرة
النتائج 1 إلى 15 من 1055

الموضوع: اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الرابع}

  1. #1
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367

    اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الرابع}






    حبيباتي عضوات و مسؤولات رابطه (عارضات الأزياء) الرشيقات و الزائرات :87457:


    بفضلكم و بفضل تواصلكم في اكبر رابطة للرشيقات، كان الإقبال على الاجزاء السابقه كبير ، و بسبب وصول الردود لاكثر من الف في كل جزء تم اغلاقها واحد ورا الثاني حسب شروط منتدانا الغالي ،

    و هذا الرابط للجزء الأول

    :8884:

    اللي تحلم بوزن عارضات الأزياء تنضم لي و ما أبي الكسولات،، (الجزء الأول)

    و الرابط للجزء الثاني


    اللي تحلم بوزن عارضات الأزياء تنضم لي و ما أبي الكسولات،، (الجزء الثاني)

    و الرابط للجزء الثالث

    اللي تحلم بوزن عارضات الأزياء تنضم لي و ما أبي الكسولات،، (الجزء الثالث)


    هالجزء جاء تكمله للدورات السابقه (كل دورة أسبوعين) اللي بديناها أنا والرشيقات و أحب أول شي أهني كل بنات الرابطة من جميع الأجزاء السابقة المشتركات من بدايه الدورة الاولى الى الآن على المجهود و على نزول الوزن و على التواصل و نجاح الرابطه :clap:


    ، و بما إني عانيت في الأجزاء السابقه أنا وخواتي المسؤولات و خصوصا في الاجابه على أسئلة بعض الخوات الفاضلات اللي يسألن أسئلة موجودة إجابتها أصلا في الشروط!! :eeksign:

    قررت لها السبب الالتزام بنفس الموضوع مع اضافه بعض الشروط و تعديلها للتوضيح و الأخذ باقتراحات الكل و ياريت الالتزام خواتي، و هالشي فعلا لمصلحتكم و الدليل على هالشي افتتاح هالجزء بحمد الله :21_195:


    الموضوع

    بنااااااااااااات :shy:


    كلنا نحلم بالوزن المثالي و بوزن عارضات الأزياء و نشوف الممثلات و العارضات و نتحسر، و نقول ليش و ياريت، و الحقيقة انه هاي أجسامكم انتوا و إذا ظليتوا تقولون ياريت ما راح تستفيدون و بتمون تقولونها طول العمر، نحنا رشيقات و لازم نهتم بأنفسنا أكثر عشان الكل يأشر علينا و يقول ياريت مثل ما انتوا تأشرون على عارضات الأزياء و تشوفون الملابس الحلوة و تقولون ياريت.:21_186:




    مواضيع متعدده دخلتها دخلتها هني عشان اشوف الهمة و الحماس، و كلها فيه مجموعات بنات يحلمون بالوزن المثالي و يشجعون بعض ، بس فرق بين موضوع و موضوع، في مواضيع يكون الحماس فيها واصل حده أول يومين و بعدين البنات تموت الارادة عندهن و ترجع حليمة لعادتها القديمة، عشان هالسبب بالذات أنا قررت أبدا و أفيد البنات اللي فعلا عندهم اراده لها الشي و حطيت شروطي عشان ما يتكرر اللي صار في معظم المواضيع لأني ما أرضى بهالشي ، و الدليل على نجاح هالسياسة وصول الموضوع لهالعدد من الأجزاء في هالفترة القصيرة !!!.

    أحب أول شي أعرفكم بنفسي و على المسئولات في الرابطة

    أنا ღ روح الحب ღ

    و طولي 165
    و وزني حاليا 54
    و حلمي مبدئيا أوصل 48
    و ابتديت ب58 كيلو
    و المسؤولات هن casrolaaa، alshegra، أريش العين و فلسطين حبيبتي







    هالبنات انشالله بيكونن معاي أيد وحدة و لهن راي في شروط كل جزء و تعديلاتها ، و احييهن على المجهود و المشاركة و الإشراف

    وأيضا العضوات حبيباتي كلهن كانت لهن مشاركاتهن المتميزة في كل الأجزاء السابقة و أتمنى أشوف نشاطكم في هالجزء بعد :8875:


    طبعا أنا أبا انقص الحين ع الأقل 6 كيلو
    و في بنات يبون ينقصون أكثر ، و ما تفرق
    أهم شي كلنا هدفنا واحد و نبي ننقص وزننا و نلبس اللي نبيه


    طبعا بتقولون شو هالغبية وزنها مناسب على طولها بتصير يابسه بتختفي !!!

    بس لاااااااااا

    أنا جسمي رياضي بس اللي مخرب عليه الأرداف و أنا ما أحب الأرداف وأبي أتخلص منها،:angry:

    في الجزء الأول يعني أول ماابتدينا ، وايد بنات قالولي ما يحتاج و كل صديقاتي و اللي حولي يقولون ما يحتاج بس بنات جسم عن جسم يفرق، يعني في بنات عندهم العظام ثقيلة فتفرق في الوزن، و أنا عن نفسي ما اصدق انه في شي اسمه وزن مثالي ، أنا امشي على قاعدة الشكل المثالي (تناسق كامل الجسم)، و مليت من كثر ما أقول باجر، أنا فعلا بديت واللي حابه تكون معاي حياها الله، بس أنا ما أتساهل و ما أبا أي كسل :sm229:

    و بالنسبة للرياضة ، أمارسها من 5 سنين ع الأقل 4 أيام في الأسبوع لو مو يوميا، ايروبكس و جري و أثقال (حديد) و تعودت عليها بس ما كنت امشي على نظام معين بس كنت أحافظ على وزني و هالشي الحين مساعدني

    و هذا اللي تحتاجونه بالنسبه للرياضه

    اول شي الاوربت تراك و هو الجهاز اللي راح نعتمد عليه اكثر شي و خصوصا للبنات اللي مشكلتهم في الأرداف





    ثاني شي ثقلين ، للمبتدئات 2.5 K , للمتمرسات 5 K






    ثالث شي خبرة في رياضه رفع الاثقال و رياضات الشد و اللي ما عندها خبرة لازم يكون عندها DVD و انصحكم بواحد اسمه boot camp DVD فيه اشخاص ما حطيت صورته




    أو ممكن تشتركون في جم



    و عن الخبرة أنا من كليه الأغذية و أي شي أقوله واثقة فيه و ان شاء الله بالتعاون و التشجيع اضمن لكم انه الوزن بينزل بشكل صحي و بدون أعراض جانبية و اوثقوا بأنفسكم قبل لا توثقون فيني و الحمد لله كل اللي بدوا معاي من الدورات السابقه نزل وزنهم (r)

    و هني اللي بتحتاجونه نظام غذائي راح اعطيكم اياه






    و شاي اخضر (اختياري) انا اشرب هذا
    و مفيد للجسم ويعطي طاقه و له عده فوايد يطول شرحها





    و أنبه انه الوزن اللي ينزل بسرعة يرجع بسرعة و نزول الوزن أكثر من 2 كيلو في الأسبوع يسبب ترهلات في الجسم و ما أظن في وحدة فيكم تبي تدخل غرفه العمليات و تشوف المشرط بسبب ترهل الجسم،:pain:


    في وقت لا تستعجلون و أهم شي توصلون للنتيجة المطلوبة في آخر المشوار



    أنا اقدر اطمنكم واقولكم الوزن بينزل و بسرعة، بس أنا ما أقول إلا الصدق، لأني أبا اللي يكونن وياي هن النخبة من البنات, واللي معاي الحين الحمد لله من النخبة، :Z_cool_c:

    و اللي تخاف في مواضيع وايد ما تخوف، أنا أحب الالتزام و هالشي ما راح يتغير، واللي تبي تصير جميله لازم تصبر و تلتزم، الدلع هني ما يمشي، :UP202: لا لا للكسل


    وصلنا للشروط، اللي مرتاحة و حابه تنضم تكمل الشروط و تقراها، اللي موحابه تشكر على المرور، و بنات حبيباتي أنا تعبت وايد في الموضوع ، ما احلل أي وحدة تنقل أي شي منه دون ذكر المصدر (rooo7_el7ob منتديات عروس) و اللي تغلط و تسويها بدعي عليها بشحوم ودهون في كل مكان في جسمها :sa36:

    و حبيباتي بنات الرابطة و الزائرات أي وحدة حاسة انه هالموضوع بكل أجزاءه يستحق التقييم قيموه بالضغط على الميزان هذا الموجود في نهاية الموضوع :21_207:

    و شكر خاص لكل من قيم الاجزاء السابقه منه



    الشروط و ياريت الالتزام عشان كلنا نكون أيد وحدة


    (أول شرط) :

    أنا حاطة انظمه غذائيه سهله و خفيفة و محدده و كل دورة أحاول ارتب نظام و باخذ رايكم حبيباتي في أنظمة الدورات الياية، هالأنظمة برسلها للي تبي تشاركني و اللي ما تبي تمشي عليها في مواضيع ثانية ممكن تختار منها اللي تبيه، ما أتي وحدة تقولي والله أنا عندي رجيم مال أسامه حمدي و لا أبا أجرب الكيميائي و لا غيره، أنا حابه كلنا نتشارك بنفس النظام الصحي ، كلنا خوات حبيباتي و في موضوع واحد و حابه يسري علينا نفس الشي و بعد ما أبي وحدة أتي و تقول روح الحب طيحت شعري و لا غيره، اللي ما تبي تمشي بنظام محدد براحتها بس مو عندي

    (ثاني شرط):

    تبعدين عن الميزان لين يوم الوزن اللي أنا احدده ويحددونه المسؤولات و عضوات الرابطة حبيباتي و اللي المفروض كل دورة مرة يعني (كل أسبوعين مرة) نحن بدينا الدورة الأولى بتاريخ 26\6 ، و الدورة الثانية ابتدت بتاريخ 10\7، و الدورة الثالثه تبتدي بتاريخ 26\7، و هالشرط حطيته لعده أسباب أول شي لان الوزن كل يوم اييبلج الإحباط و أهم شي عندنا النفسية و ما نبي إحباط من أولها و الوزن يبيله صبر مو معجزة و سحر بينزل وزنج في يوم و ليله، يعني ما نبي نوزن كل يوم و هالشي ضروري ، و بعد انتظار الوزن يزيد الحماس و نحن كلنا جربنا هالشي

    (ثالث شرط والاهم):

    التواااصل، أنا والعضوات المتواجدات حاليا مثل خوات و يوميا ندخل نقول شو سوينا بالرجيم و نسولف ، نتبادل الخبرات في كل شي مو بس في الرجيم، نتكلم و نسولف في كل شي ، والرابطه صارت كبيرة بحمدلله و بفضل بنات الرابطه اللي اوجه لهم كل الشكر والتقدير، و لو تغيبتي فترة طويلة بدون عذر مثل ما سون بعض البنات طرددددد و سألو أنا ما أتساهل في هالشي، لأني مثل ما قلت أبا النخبة يكونن وياي و اللي تبي توصل لشي لازم تصبر و لأنه الإرادة أهم شي و ذولي ما عندهم إرادة و أنا قلت ما أبي الكسولات خواتي و ما أبي حد اييبلي إحباط يكفي إهمال لأنفسنا و لجمالنا و انشالله تشوفين النتايج و لا تخافين من شي و خواتي حبيباتي في الرابطة ما بيقصرن وياج، الرابطة حلوة و جدا ممتعه والله يخلي البنات اللي فعلا اثبتن انه عندهن الارادة للتحسين من شكلهن، و للعلم أنا و المسؤولات نسجل الحضور اليومي و عندنا معلومات كل البنات عشان نقارن الوزن قبل و بعد يعني لعب عندي ماااااافي

    (رابع شرط و هو شرط التسجيل و مهم جدا):

    أنا ادخل أكثر شي بنتين فقط في كل دورة جديدة يعني كل أسبوعين مرة لأنه العدد صار كبير و ما نقدر ندخل أكثر إلا في حال انسحاب بنات أو طرد المخالفات، و ما ندخل إلا في بداية الدورة عشان البنت تبدا معانا من البداية و تنقص وزنها معانا ما ينفع تدخل أي وحدة من نص الدورة، و مثل ما قلت بما أنا الوزن كل أسبوعين فبداية التسجيل تكون كل أسبوعين، اليوم و قف التسجيل (مافي تسجيل)، و التسجيل الياي نحدده نحن و يكون موجود أسفل توقيعي يعني اللي تبي تعرف متى التسجيل تشوف توقيعي ، (التسجيل يوم واحد بس لأول بنتين يدخلون و يقولون و يبدا من الساعه 10 صباحا يعني ما تنتظر وحدة اول ما ندخل يوم جديد الساعه 12 الفجر و تقول ابي اكون معاكم حرام، ابدا اسجل الاسماء من الساعه 10 صباحا )

    و بعدها انزل كل أسماء المشتركات من الدورات السابقة و الجديدات , يعني ما أتي وحدة و تقولي أنا حابه اشترك و ما ادري شنو قبل هالتاريخ او يوم التسجيل فجرا، بعرف إنها ما قرت الشروط و بقولها :88774: (عذرا اقري الشروط) ومحد يزعل ، و التاريخ اللي بعده بيكون بعد أسبوعين من هالتاريخ فياريت الالتزام بها الشي أما اللي حابه تدخل و تستفيد معنا و تتابع ما في أي مانع طبعا


    وبنات ياريت اللي تسجل تكون حاطه في بالها انها اخذت مكان و حرمت غيرها منه، يعني تلتزم التزام تام، اللي حاسة انها ما تقدر ما تسجل



    (خامس شي):

    في يوم التسجيل فقط أول ثنتين يدخلن كل وحدة تقولي طولها ووزنها و الوزن اللي تحلم فيه و اللي مو حابه علني ترسله ع الخاص، بس لازم تقول لأني اخذ معلوماتكم و أقارن قبل و بعد ما أتي وحدة لو سمحتوا و تقول أبي اشارك بس و تطلع تعبت من كثر ما أقول لو سمحتي الطول و الوزن مع انه هذا من الشروط و موجود !!!! حبيباتي ساعدوني الله يساعدكم ، وياريت تقولون هنيه في الموضوع لا ترسلون ع الخاص الا اذا في شي محرج .

    و أي أسئلة أنا حاضرة و لاتنسون التشجيع و الحماس و بعد لا تقولون لأحد إنكم تسوون رجيم ، نبي الصيف يخلص و نرجع ندوام و الكل ينصدم و يغار منا و من أجسامنا و يقول ياريييييت :21_180:

    (سادس شي):



    انسي شي اسمه مجبوس و دهون و مقالي و بطاط و حلاوة و شوكولاه و غازيات و سكريات
    بس مسموح عصير دايت مخفف السعرات أو بيبسي دايت و مو تشربينه كله و مو بين الوجبات لأنه مضر بس في حاله العطش، ولازم تشربون ماي كثر ما تقدرون و اللي تبي تضعف لازم تقاوم هالاشيا اللي تضر بصحتنا، ما أتي وحدة و تقولي أبي نظام في هالسوالف ، قلت اللي تبي شي لازم تصبر.

    اتفقنا يا بناااااااااااات

    اللي مرتاحة و عندها الاراده إنها تكون معاي تقولي في اليوم المحدد (كل أسبوعين مره و من سبق لبق) و تقول وزني جذي و و طولي جذي و أبي أوصل لها الوزن ..... و( التاريخ و الساعه بيكونون مذكورين في توقيعي و بشكل متجدد) عشان ندخلها معانا و توعد المجموعة إنها ما تخالف و ان شاء الله كلنا نصير بوزن عارضات الأزياء و بالوزن اللي نحلم فيه

    ملاحظه هامة:

    بما انه أسماء المشتركات قابله للتعديل، يعني ممكن أي وحده تخالف و تطلع او حتى تنسحب لظروف معينه، ففي احتمال ندخل أكثر من بنتين حسب هالشي مثل ما ذكرت في الشروط

    قبل كنا نكسر يوم واحد الحين عندنا يومين كسر في النظام و اليومين اقتراح حبيبتي alshegra، هالشي عشان تكافئون أنفسكم و ما تحسون بالحرمان فترة طويلة و عشان كل ما تبون تاكلون شي و يكون في خاطركم تقولون لا باكله في يوم الكسر ما بخرب رجيمي :sm2441:

    و خطه اليوم و التنظيم من ترتيبي انا و حبيبتي casrolaaa

    و كل العضوات ساعدن و شاركن وأي عضوه عندها اقتراح جديد ممكن تقوله في الموضوع و نناقشه و لو الكل وافق نحطه في خطتنا و نحط اسمها بعد عليه :yahoo:

    و بنات لا تزعلون مني لو شديت عليكم في يوم ترا والله لمصلحتكم و لو تساهلنا كلنا ما راح نوصل لهدفنا، انا ابي الصيف يخلص و كلنا نكون بوزن عارضات الازياء !!!!!

    و مرة أخيره ما احلل أي وحده تاخذ أي موضوع من مواضيعي بدون ذكر المصدر او خطط العضوات بدون ذكر مصدرها

    حبيباتي انا ابي تدعولي من قلوبكم بالتوفيق ما ابي منكم اي شي ثاني :21_201:

    دمتم بود و معا في طريق الرشاقة :shy:

  2. #2
    عروس مشرقة الصورة الرمزية عذراء الرمال
    تاريخ التسجيل
    19/01/2004
    الدولة
    البحرين
    المشاركات
    428
    :87457::87457::87457::87457::87457::87457::87457:: 87457:صبـــــــــــــــــــــــ ـاح الخير والنور لاحلى رابطة والعضوات الحلوين
    شلونكم انشاءالله بخير ويمكن اكون اول وحدة تدخل الجزء الرابع واشكر الاخت روح على مجهوها الطيب
    ولاني قاعدة مبجر تريقت بعد مبجر توست مع لبنة وشريحة طماطم وانشاءالله بعدين عصير او شاي اخضر
    وسلام مني لكل العضوات وخاصة روح وشموسة وفلسطين حبيبتي والريم وكل ما ذكرته

  3. #3
    عروس مبدعة الصورة الرمزية .. الكويتية ..
    تاريخ التسجيل
    11/06/2008
    الدولة
    ... دار الفنآآء ..
    المشاركات
    709
    السلام عليكم و رحمة الله و بركاته

    اشلونكم بناااااات ؟؟

    شخباركم ؟؟؟

    انا اليوم فطوري : كورن فليكس مع حليب كامل الدسم و شاي ...


    ,,,,,,


    أشلونج عذراء الرمال ؟؟

  4. #4
    عروس مشرقة
    تاريخ التسجيل
    27/05/2008
    الدولة
    الامارات
    المشاركات
    443
    كيفكم ياحلوات مبارك الجزء الرابع علينا انا فطرت خبزة مع جبن

  5. #5
    عروس مبدعة الصورة الرمزية .. الكويتية ..
    تاريخ التسجيل
    11/06/2008
    الدولة
    ... دار الفنآآء ..
    المشاركات
    709
    الله يبارك فيج يا محبة الرشاقه ... ^ــ^


    شنو تريقت ( فطورج ) ؟؟ هع هع

  6. #6
    عروس مبدعة الصورة الرمزية .. الكويتية ..
    تاريخ التسجيل
    11/06/2008
    الدولة
    ... دار الفنآآء ..
    المشاركات
    709
    بنااااااااات وينكم ؟؟


    يلآنبي رياضه :sm2441:



    و اللي ما تسزي يبيلها عقااااااااااااااااااااااا اب >> :sm229: عاد شنو عقابها


    و اللي ما تقوم او تنش مبجر لها عقاب شنو هذا:21_186:

    كل انا اقوم مبجر :21_186:

    يلا رووووووووح دامج انتي اللي حاطة الموضوع و ما قمتي خلاص عقابج تمشين ساعه(r)

  7. #7
    عروس مبدعة الصورة الرمزية .. الكويتية ..
    تاريخ التسجيل
    11/06/2008
    الدولة
    ... دار الفنآآء ..
    المشاركات
    709
    اقـول ... أنا بطلع و ابرجع لكم بعد الغدا

  8. #8
    عروس ماسية الصورة الرمزية ♥بنوته زايد UAE♥
    تاريخ التسجيل
    11/02/2008
    الدولة
    اماراتيه عز ....
    المشاركات
    5,514
    هلااا

    اليوم تريقت بيض بس ..

    والغدى بعدني شوي وبتغدى

    بخبركم عقب ما اتغدى

    مبروووووووووووووك الجزء الرابع

  9. #9
    عروس رائعة الصورة الرمزية reem*
    تاريخ التسجيل
    21/12/2007
    الدولة
    في هذه الدنيا
    المشاركات
    1,168
    سلام عليكم الف مبروووووووووووووووووووووو ووووووك الجزء الرابع

    مع اني امس سهرت بس اليوم صحيت ساعة 9 ونصف الصبح

    فطرت توست وجبنة فللة الدسم وكوب صغير حليب خالي الدسم

    بعدها بساعتين اكلت خوخة


    ومن صحيت لحد الان وانا اشتغل في البيت انكسر ظهري ولسة بعد عندي شغلات هواااااااااااااااية لازم اسويها

    احتمال لليل يلا اقدر ادخل ولو اقدر كل شوي ادخل بسرعة

  10. #10
    عروس رائعة الصورة الرمزية reem*
    تاريخ التسجيل
    21/12/2007
    الدولة
    في هذه الدنيا
    المشاركات
    1,168
    عذراء وبنت زايد وكويتية محبة الرشاقة منورين حبيباتي

    شلونكم

  11. #11
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367
    مسااااااااااااااااااااااا ااااء الخير

    شخباركم يا حلوات

    و شعلومكم ؟


    انا طبعا نشيت متاخره بما اني امس نمت 6 صباحا

    بس مو مشكلة اول و اخر مرة

    و لاني متعمده افوت وجبه لاني ما اقدر اسوي رياضه

    المهم انا بقرا ردودكم و برد عليها الحين

    برب

  12. #12
    عروس مبدعة الصورة الرمزية .. الكويتية ..
    تاريخ التسجيل
    11/06/2008
    الدولة
    ... دار الفنآآء ..
    المشاركات
    709
    اقتباس المشاركة الأصلية كتبت بواسطة reem* مشاهدة المشاركة
    عذراء وبنت زايد وكويتية محبة الرشاقة منورين حبيباتي

    شلونكم


    منور بوجودج يالغاليـه :21_186:

    أنا و لله الحمد طييبه و أنتي ؟؟!! (r)

  13. #13
    عروس مبدعة الصورة الرمزية .. الكويتية ..
    تاريخ التسجيل
    11/06/2008
    الدولة
    ... دار الفنآآء ..
    المشاركات
    709
    اقتباس المشاركة الأصلية كتبت بواسطة ღ روح الحب ღ مشاهدة المشاركة
    مسااااااااااااااااااااااا ااااء الخير

    شخباركم يا حلوات

    و شعلومكم ؟


    انا طبعا نشيت متاخره بما اني امس نمت 6 صباحا

    بس مو مشكلة اول و اخر مرة

    و لاني متعمده افوت وجبه لاني ما اقدر اسوي رياضه

    المهم انا بقرا ردودكم و برد عليها الحين

    برب


    مساء النور >> تو الناس جان كملتي :mad:

    أحنا الحمد لله و أنتي ؟؟:B_wink:

    كويسييين بأ :happy1:


    إي يبيلج عقااااااااااب :sm229: >> عاد شنو عقابج ؟؟

    إي آخر مرة :bigsmile:


    أقري يالغاليه :JUMP:




    المهم أنا تغديت :21_21: أرز ابيض كوب مسلوق فيه 197 سعرات حراريه :bigsmile:
    مع دجاج مشوي :21_177:
    و سلطة ؟؟ :smile:

    و سلطتي :21_209:

    طماط و فلفل أخضر بارد و خيار و معاها شوية ليمون و فلفل أسود و ملح و م متوسطة زيت زيتون
    واااااااااو روووووعه و أنتم ..؟؟

  14. #14
    عروس ماسية الصورة الرمزية ღ روح الحب ღ
    تاريخ التسجيل
    22/06/2006
    الدولة
    الامارات العربية المتحدة\الولايات المتحدة الامريكية
    المشاركات
    4,367
    اقتباس المشاركة الأصلية كتبت بواسطة عذراء الرمال مشاهدة المشاركة
    :87457::87457::87457::87457::87457::87457::87457:: 87457:صبـــــــــــــــــــــــ ـاح الخير والنور لاحلى رابطة والعضوات الحلوين
    شلونكم انشاءالله بخير ويمكن اكون اول وحدة تدخل الجزء الرابع واشكر الاخت روح على مجهوها الطيب
    ولاني قاعدة مبجر تريقت بعد مبجر توست مع لبنة وشريحة طماطم وانشاءالله بعدين عصير او شاي اخضر
    وسلام مني لكل العضوات وخاصة روح وشموسة وفلسطين حبيبتي والريم وكل ما ذكرته
    مساء الخير حبيبتي
    فديتج ولله
    شخبارج ؟
    نحن بخير الحمدلله و انتي اول وحدة لوووووول
    والعفو حبيبتي كلكم مشكورات على هالتواصل الحلو اللي وصلنا لهني
    و عافيه حبيبتي و وصل سلامج فديتج


    اقتباس المشاركة الأصلية كتبت بواسطة .. الكويتية .. مشاهدة المشاركة
    السلام عليكم و رحمة الله و بركاته

    اشلونكم بناااااات ؟؟

    شخباركم ؟؟؟

    انا اليوم فطوري : كورن فليكس مع حليب كامل الدسم و شاي ...


    ,,,,,,


    أشلونج عذراء الرمال ؟؟

    نحن بخير انتي شلونج حبوبة؟
    و عافيه ياااااااااااااااارب


    اقتباس المشاركة الأصلية كتبت بواسطة محبة الرشاقة مشاهدة المشاركة
    كيفكم ياحلوات مبارك الجزء الرابع علينا انا فطرت خبزة مع جبن
    مرحبا حبيبتي
    شو اخبارك ؟
    ايه والله مبروك علينا كلنا
    و عااااااااااااافيه يارب

    اقتباس المشاركة الأصلية كتبت بواسطة .. الكويتية .. مشاهدة المشاركة
    بنااااااااات وينكم ؟؟


    يلآنبي رياضه :sm2441:



    و اللي ما تسزي يبيلها عقااااااااااااااااااااااا اب >> :sm229: عاد شنو عقابها


    و اللي ما تقوم او تنش مبجر لها عقاب شنو هذا:21_186:

    كل انا اقوم مبجر :21_186:

    يلا رووووووووح دامج انتي اللي حاطة الموضوع و ما قمتي خلاص عقابج تمشين ساعه(r)
    ههههههههههههههههههههههه

    حبيبتي والله
    انا اول مرة اسهر من عدلت نومي
    و لو ما سهرت كنتوا ما لقيتوا هالجزء مفتوح
    صارتلي بلاوي امس الله لا يرويج اطريت اني اسهر
    وقهدت مع ريم وشموسه فديتهن
    انا قمت بدري شيكت انه الموضوع الاول انغلق و ما رمت ارد على حد و رجعت ريحت ساعتين بعد
    فديتج ولله لو اقدر امشي جان مشيت بس الدورة مبهدلتني و مخربه كل شي من امس
    يلا الحمدلله


    اقتباس المشاركة الأصلية كتبت بواسطة الإمـــ بنت زايـد ـــــارات مشاهدة المشاركة
    هلااا

    اليوم تريقت بيض بس ..

    والغدى بعدني شوي وبتغدى

    بخبركم عقب ما اتغدى

    مبروووووووووووووك الجزء الرابع
    هلا و الله و غلا
    و مبروك علينا كلنا
    و عافيه حبيبتي و بانتظارج


    اقتباس المشاركة الأصلية كتبت بواسطة reem* مشاهدة المشاركة
    سلام عليكم الف مبروووووووووووووووووووووو ووووووك الجزء الرابع

    مع اني امس سهرت بس اليوم صحيت ساعة 9 ونصف الصبح

    فطرت توست وجبنة فللة الدسم وكوب صغير حليب خالي الدسم

    بعدها بساعتين اكلت خوخة


    ومن صحيت لحد الان وانا اشتغل في البيت انكسر ظهري ولسة بعد عندي شغلات هواااااااااااااااية لازم اسويها

    احتمال لليل يلا اقدر ادخل ولو اقدر كل شوي ادخل بسرعة
    مبروك علينا كلنا ريمو حبيببتي
    و عافيه الريوق
    حبيبتي والله
    سويتي رياضه خلاص
    حسرة علي انا ما اعرف شو اسوي
    و حبيبتي بانتظارج

  15. #15
    عروس مبدعة الصورة الرمزية .. الكويتية ..
    تاريخ التسجيل
    11/06/2008
    الدولة
    ... دار الفنآآء ..
    المشاركات
    709
    اقتباس المشاركة الأصلية كتبت بواسطة ღ روح الحب ღ مشاهدة المشاركة


    مساء الخير حبيبتي
    فديتج ولله
    شخبارج ؟
    نحن بخير الحمدلله و انتي اول وحدة لوووووول
    والعفو حبيبتي كلكم مشكورات على هالتواصل الحلو اللي وصلنا لهني
    و عافيه حبيبتي و وصل سلامج فديتج





    نحن بخير انتي شلونج حبوبة؟
    و عافيه ياااااااااااااااارب




    مرحبا حبيبتي
    شو اخبارك ؟
    ايه والله مبروك علينا كلنا
    و عااااااااااااافيه يارب



    ههههههههههههههههههههههه

    حبيبتي والله
    انا اول مرة اسهر من عدلت نومي
    و لو ما سهرت كنتوا ما لقيتوا هالجزء مفتوح
    صارتلي بلاوي امس الله لا يرويج اطريت اني اسهر
    وقهدت مع ريم وشموسه فديتهن
    انا قمت بدري شيكت انه الموضوع الاول انغلق و ما رمت ارد على حد و رجعت ريحت ساعتين بعد
    فديتج ولله لو اقدر امشي جان مشيت بس الدورة مبهدلتني و مخربه كل شي من امس
    يلا الحمدلله




    هلا و الله و غلا
    و مبروك علينا كلنا
    و عافيه حبيبتي و بانتظارج




    مبروك علينا كلنا ريمو حبيببتي
    و عافيه الريوق
    حبيبتي والله
    سويتي رياضه خلاص
    حسرة علي انا ما اعرف شو اسوي
    و حبيبتي بانتظارج


    يعطيج العاااااااااااااااافيه يالغاليه :o

صفحة 1 من 71 123456789101151 ... الأخيرةالأخيرة

المواضيع المتشابهه

  1. كيف تخلين جسمك يلمع وصافي مثل عارضات الأزياء واللبنانيت اللي في تلفزيون
    بواسطة tiny في المنتدى استفسارات العناية بالبشرة والجسم
    مشاركات: 11
    آخر مشاركة: 21/12/2008, 01:27 AM
  2. حفل انتخاب ملكة جمال عارضات الأزياء
    بواسطة الـنـونه في المنتدى ركن الأزياء
    مشاركات: 4
    آخر مشاركة: 01/09/2008, 01:47 AM
  3. اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الثالث}
    بواسطة ღ روح الحب ღ في المنتدى إستفسارات و تجمعات السمنة و النحافة
    مشاركات: 1059
    آخر مشاركة: 23/07/2008, 07:23 AM
  4. اللي تحلم بوزن عارضات الأزياء تنضم لي ومابي كسل،،رابطة عارضات الأزياء {الجزء الثاني}
    بواسطة ღ روح الحب ღ في المنتدى إستفسارات و تجمعات السمنة و النحافة
    مشاركات: 1002
    آخر مشاركة: 18/07/2008, 03:25 AM
  5. اللي تحلم بوزن عارضات الأزياء تنضم لي و ما ابي الكسولات.. توكلنا على الله
    بواسطة ღ روح الحب ღ في المنتدى إستفسارات و تجمعات السمنة و النحافة
    مشاركات: 1078
    آخر مشاركة: 13/07/2008, 12:40 AM