تعاملي مع اهل زوجي

[ღنعومي ღ]

السلام عليكم
انا عمري 23سنه ومتزوجه لي اربع سنين
والين الحين مااعرف اتعامل مع اهل زوجي
والاسباب كثيره 1- انا اخر العنقود عند اهلي وكنت معتمده عليهم لدرجه كبيره وهذا سببلي
مشاكل في شخصيتي ماصار عندي ثقه رغم اني واثقه من شكلي الحمدلله ربي انعم علي بالجمال بس مافي ثقه ولاشخصيه ومتردده في قراراتي
2- اهل زوجي طيبين يعني امه واخواته بس سلفاتي وبنات اخوه ماعليهم مني دايما يجلسون سوا ويضحكون ولاينادوني معاهم وهذا الشي يحسسني بالالم واتضايق واحيان اذا رجعت البيت اجلس ابكي رغم اني احاول اخش فيهم واسولف معاهم بس مااقدر لاني اخجل ودايما انا اللي اجلس مع الكبار وهم يروحون لغرفه ثانيه واسمع ضحكهم ونفسي اروح لهم بس اخاف خصوصا انه ماعليهم مني بالرغم من اني طيبه واتصرف ببراءه وطيبه
احيانا الشيطان يوسوسلي انهم يغارون مني لاني اصغرهم واحلاهم استغفر الله عشان كذا ماينادوني
المشكله اني لازم اروح لهم زوجي مرتبط فيهم مررره وانا ماعندي لا اهل ولا اخوات ابوي مات وامي تزوجت وعايشه في مدينه ثانيه واخواتي كمان في مدينه ثانيه
ياليت ترشديني كيف اتصرف معاهم كيف اكسر حاجز الصمت واصير مميزه وكيف اتصرف في المناسبات اذا جلست في غرفه ولااحد كلمني وش ممكن اسوي
وجزاك الله خير عني

[ساعة غروب]

هلا حبيبتي

اذا شفتيهم قاعدين روحي واقعدي معاهم وافتحي موضوع اي موضوع تحسين انه مهم بالنسبة لهم شوفي اهتماماتهم شلون صايرة وحاولي تسايرين الوضع لا تخجلين لانهم مثلك ما يخوفون

ابدي انتي بالسالفة مثلا ً انك تعملين لهم عزومة في بيتك وتشاركينهم المواضيع

خلي الخوف وخلج جريئة

[ღنعومي ღ]

شكرا اختي ساعة غروب
ان شاء الله راح احاول
واخبرك بالنتايج
الله يجعل ردك في ميزان حسناتك ياااااارب