بسم الله الرحمن الرحيم
اولآ اشكرك على مساعدة ألأخرين وأتمنى انه اجد منك حلآ لأن هذ المشكلة هي اكثر مشكلة واصعب مشكلة مرت ومازالت ألى ألأن وهي ابي ...................
فقد عرفته من اول ما خلقت وهو عصبي ويصيح كثيرأ من اتفه ألأسباب و لايدرك ان بعصبيته وصياحه قد عيشنا في خوف من اي شيئ يحصل او سيحصل وانا لا ابلاغ ...........
أذكر في يوم اجى للبيت وصديقه في العمل قال له ان زوجته وحده سرقتها فقام صيح علينا وقاعد يقولنا انتم ماتفهمو انتو ما تسمعو الكلام انتم اي احد يضحك عليكم ماتعرفو تدبرو ألأمور انتم جاهلين انتم.تعبتوني أمرضتوني جننتوني ومن هذا الكلام الي يجرح .............
ولمن يتكلم مع واحد من عياله سواء انا او واحد من عياله او بناته يقعد يتشنج ويصيح على الي يكلمه ويقوله انت ماتفهم والفاظ ماتنقال زي السب وكلام ما أقدر اقوله
مع انه نحن والحمد لله ما حد يضحك علينا ونعرف ندبر ألأمور لاكن هو يشوفنا صغيرين عقل وما نعرف نسوي حاجه وانه هو يعرف كل شيئ مع انه الناس لمن يكلموه يصدقهم ولمن نحن نجي نقله على حاجه مايصدقنا ويضحك علينا ويقول لنا انه نحن مانعرف ومانفهم وجاهين مع انه الحمد لله كلنا كملنا دراستنا والحمد لله نعرف ندبر امورنا
وهو درس لمن سنه خامس انا ما أقول كذا انه ما نقدره بالعكس وانه ماكمل تعليمه لا
انا عشان بقولك على قصة صارت معي هذيك المره اختي كانت تعبانه وقست لها درجة الحراره فطلعت 37درجه فجيت قلت لهم قام ابوي يصيح درجتها مرتفعه (فقلت له يا أبوي درجه حرارتها طبيعيه
قام يصيح علي انتي هبله متخلفه ماتعرفي شيئ ووداها عند الطبيب فقال له بنتك درجتها طبيعيه ولمن رجع البيت مصمم انه انا غلطانه فقال لي كلامك خطأ طلعت درجة الحرارة الطبيعيه 36 والدكتور قالي كذا وانه انا ما افهم وبعدين اختي قامت قالت لي انه الدكتور قال له انه 37 طبيعية
والله اني دائمأ ابين له انه كلامه صح حتى اخواني واخواتي بس حتى لمن نقول له انه كلامه صح يصيح علينا
بس هو كذا ماعرفنا كيف نتعامل معاه لأنه يفكرنا جهال
وترا هو مدمن كتب يعني لو تصدقي انه بيتنا صغير يدوب يكفينا 3غرف وصاله وحمامين ومطبخ ونحن مننا 8 ومع ابوي وامي 10 وابي مغرق البيت كتب حتى في غرفتنا صرنا ننام على ألأرض من كثر الكتب
وحتى امي في غرفتهم صارو ينامو في ألأرض من كثر الكتب ويشتريها وما يقراها ويقعد يتفاخر في الكتاب انه اشترا وبيورثنا ياه وهو مايقراه ألأ اذا قرا العنوان وبعض الصفحات وبعدين ينساهترا هو يقرا ويعرف يقرا احسن مننا وعدد الكتب الي عنده حوالي عشره الف ترا والله ما أبالغ تراهم من كثرهم تنفجعي منهم
وما يحس لنا يعني اليوم حصل لنا حادث لمن كنا في السيارة مع اخوي بس هي سيارة ابوي وتكسرت السيارة من ألأمام بس مو ذاك الشيئ بس الحمد لله نحن ماحصل لنا حاجه وامي من رجعنا لبيت قالت له وقعد يصيح ويقول (دحين ولدك ارتاح نه صدم السيارة ترا ابوي تفكيره
غريب وكمان ما سأل عننا اذا كنا بخير او لا قعد يصيح على امي وهي مسكينه حالتها حالا واخوي خرج من البيت خايف من صياح ابوي لأنه لمن يصيح يثور والله يبقى شكلة يفجع )
حتى اخوي الصغير شاف ابوي يصيح قام اخوي قال لأمي (يا أمي ابوي مجنون ليش كذا يسوي تخيلي صغير يقول كذا ونحن نقوله انه هو معصب بس يهدأ كلمه والولد حاط في باله انه ابوي مجنون مع انه نحن فهمناه بس ايش نعمل ابوي كل يوم يصيح على أقل 3 مرات مايهدأ )
ولمن نتتكلم مع اخواتي تعرفي امور البنات يتدخل ويقول لنا قول لي ايش في في ايش تتكلمو ولمن نقوله انه عن اشياء البنات يقعد يصيح انتم تخبو عني
وحتى لمن نقول له الموضوع يقعد يصيح ويكبر الموضوع
وأحيانأ يسألنا ولمن يروق نقوله يا أبوي انت تسبنا ويحلف انه ما يسب ترا ما نقوله نحن ألا لمن يقولنا ياعيالي صارحوني ولمن نقوله يا أبوي انت كذا كذا يرجع يصيح وحتى اذا مدحناه كأننا
نسبه ويقول انتم خلتوني كذا وانتم ما تفهمون ودمرتوني ومرضتوني ويقلبها نكد مع انه هو من زمان مريض بسكر والضغط من اول ما جاب اخوي الكبير ويقول انه نحن سبب مرضه
مع انه كله بيد الله والحمد لله هو قاعد يتعالج من السكر وفاده ولمن نجي نقله يا أبوي انت تحسنت والحمد لله يقوم يقولنا ترا انتم سبب مرضي
هو طيب بس طيبته زايده بس مو في محلها يعني واحد قابله في الشارع وقال له انا حجيب لك فلان (هو هذا الفلان كان يدور عليه من زمان ) والرجال قاله اعطيني 5 الف وانا اجيب لك الفلان واخذ الفلوس الرجال هرب مع انه الموضوع واضح زي عين الشمس انه ألأنسان هذا حرامي وقعد يصيح علينا انه نحن مانفهم والله ماعرفنا له كيف نعامله له ................
ويحكم على الناس حكم غلط مع انه مايعرفهم بس يقول عنهم كلام مو حلو
وكثير يتأثر بالمسلسلات واحداثها زي مسلسل عديل الروح اذكر من اجو يخطبو بنته في المسلسل وقام ضرب البنت قام ابوي مايعرف هذه المسلسل ولا يعرف احداثها قام يصيح علي قاعد يقولي (هذه البنت عاصيه ماتحترم ابوها و وحده صايعه..............) والله اختي صحيت من النوم مفجوعه تقول ايش حصل قام ابوي قالها (ايش في ماحصل شيئ والله انه كل يوم نقوم مفجوين من النوم )
انا اشك انه عنده حاله نفسيه هذاك اليوم خرج من الغرفه وقعد في الصاله وكلنا موجودين وقام قال لأمي يافلانه انا حموت عيالي عشان انا ارتاح والله كلنا عيونا دمعت حسينا سكين ويطعن في قلوبنا حتى اخوي صغير كان جالس معانا تخيلي كيف حالته صار اخوي ما يخرج من الغرفه بس يلعب بالبستيشن................
وفي مواضيع تزعجه مانقوله ياها ولمن يعرفها مع انه الموضوع انحل بس يصيح ويكبر الموضوع مع انه الموضوع انحل (لأنه يقول لنا لا تقولو لي مواضيع تزعجني ولا اي مشكله بس لمن يكتشف الموضوع يقعد يصيح ويكبر الموضوع حتى المواضيع الصغيره يكبرها وكأنها مالها حل مع اننا نكون حليناها )
ولمن يشوف في التلفزيون برنامج عن التربيه يقعد يقول انا ماربيت اولادي على هذه التربيه
مع انه ولله الحمد كل الناس تشهد انه نحن ولله الحمد احسن بنات واحسن اولاد في العيلة
وجزاه الله خير هو ماقصر علمنا ودرسنا وما ننساها له ابدأ لأن ما قصر بس نحن نبغى حل عشان نبغى نعرف كيف نتعامل معاه عشان نرضيه
وترا عمره فوق 50 سنه
وهو يجبرنا نعمل اشياء كأنه مالنا شخصيه ويقول لازم تكونو كذا وكذا يعني كأنه معدومين ماعندنا شخصيه ويقعد يمدح عيال الناس وحتى الي في التلفزيون انهم عندهم شخصيه ويقطع بالمدح فيهم مع انه الكل يقول له عيالك ماشاء الله تربيه مافي زيهم لمن يكون رايق يجي ويقول لنا انه الناس قالو عننا كذا ويقول انهم مايعرفو عياله على حقيقتهم والله نحن نزعل بس ايش نسوي هذا ابونا
ولمن نشوف في الجريده عن عمل ونبغى نروح نقدم للعمل يقول لنا هؤلاء الناس حرامين ونصابين بيسرقوكم.
ويحسسنا انه مانعرف نتكم مع الناس وحتى في التلفون يدقق علينا ويقوم يتكلم ويقولنا قولي كذا وتكلمي كذا
ودائمأ يقول لنا انتم بتضيعو من بعدي ما حد بينفعكم ويحسس اننا مالنا قيمه دائمأ كذا معانا
وقول لنا انه نحن دائمأ نذله مع انه ماقد مره ذليناه ولا نفكر نذله كيف نذله وهو ابونا ويطلب انه الناس تخدمه ومايطلب مننا يقول لنا انتم ماتنفعو انتم جمادات
وكمان عندي اخي الكبير متخلف بس تخلف بسيط لمن يجي عند ابوي ويسلم عى راسه ويحضنه ابوي ينزعج ويقول كلام يزعل ويزعل اخوي
والله ثم والله انه نحبه كثير ومانرض عليه بأي كلمه تجرحه بس هو ما أدري ليش كذا معانا نحن نبغى نعرف ليش هو كذا ونبغى نعرف كيف نتعامل معاه
رد مع اقتباس
المشاركة الأصلية كتبت بواسطة ساعة غروب
