بنتي الاسهال ذبحها لها ثلاث شهور تسنن كل شوي طالع سن الين صارت نحيفه مررررررررررررره وشكلها يخرع مادري وش اسويلها اي شي تاكله او تشربه على طول اسهال الحين عمرها سنه وشهرين
بنتي الاسهال ذبحها لها ثلاث شهور تسنن كل شوي طالع سن الين صارت نحيفه مررررررررررررره وشكلها يخرع مادري وش اسويلها اي شي تاكله او تشربه على طول اسهال الحين عمرها سنه وشهرين
هلا بك أختي
مشكلة الإسهال...إنه يسبّب فقد الجسم الأملاح الضرورية له...
و في حالات شديدة لا قدّر الله ممكن يصير هزال و وفاة في أسوأ الحالات ( بعد الشر عن بنتك )
يعني الإسهال ما تسكتي عليه أكثر من يوم...مش 3 شهور...
و مش معنى إنها تسنّن يعني إسهال مستمر...مالهم علاقة !
أختي ودّيتيها للدكتور كشف عليها و فحصها...يمكن يكون عندها جرثومة في المعدة أو إلتهاب في الأمعاء هو السبب في اللي يصير...
ما يصير تعتمدي على موضوع التسنين و خلاص...بدون ما تعرفي السبب الحقيقي...
انا من رايي الاخت مرموم
لازو تاخذيهاا على الطبيب وتقوليي له انه معاهااا من 3 شهور ومااعتقد ان التسننين هو السبب الرئيسي
وحاولي تستخدمين لهاا الاكلات الا تخفف الاسهال مثل الروب وماي الرز لما تطبخيه شربيهااا و سكر العنب والجبن المثلثات بعد والنشاء وحاولي تخففين من الحليب يعني بدل ما تخليين 3 ملاعق حلييب خلي ملغقه ونص وضيفي عليهاا ملعقه ونص نشاء
وان شاء الله خيير بس اهم شي تراجعين الطبيب وما تشوف شر البنوته
اعطيها ماي الي تطبخي به الرز لما تشخليه الرز الابيض اعطيه اشوي تشربه
وموز وبطاطا وسفن اب ونشاء ملعقه دوبيها في فنجان ماء وهو يخفف الاسهال على طول
الله يعينك ويعطيك الصحه والعافيه
انا اتفق مع الاخوات ..
مستحيل يكون سبب الاسهال هو التسنين او غيره من الحالات المؤقتة الطبيعية اللي تمر بالاطفال !
اختي مرت بتجربة مريرة مع بنتها ليما وصلت ل 3 سنوات .. اسهال متواصل و البنت ضعفت و صار نموها بطيء و كل الأطباء ماعرفو لها شي حتى برا !
بعدها دكتور عمل لها عملية منظار و اكتشف انها تعاني من التهاب بالقولون بسبب الاسهال الشديد و اللي كان سببه تحسس من الحليب و مشتقاته و هي مو دارية و على طول تشرب بنوتتها حليب و غيره !
الحمدلله مع الوقت صارت احسن .. شوفي الدكتور بشكل عاجل اختي
و ماعليها شر !
الله يعينك الاخوات ماقصروا
بس ضروري تكثري من السوائل لايصيبها جفاف واعرضيها على الطبيب يمكن لا سمح الله نزله معويه
ماتشوف شر طمنينا عنها
انا من راي الاخوات لازم توديها الطبيب وكثري من السوائل لايصيبها جفاف لا سمح الله
وان شاء الله مافيها الا العافية
لااااازم توديهـــا للفحوصــات أختـــي...
سلامتها وديها للدكتور واعطيها محلول الاكواسال اللي للجفاف وشربيها مية رز وضلي اعطيها سوائل
سلاااااااااااااامتها الف سلاااااااااااامة عليها وطمنينا عنها
اذا روحتي لاي دكتور .. بايقول ان الاسهال ابدا ما هو عرض من اعراض التسنين .. الاسهال هذا اكيد بسبب اسباب اخري ولكن ليس التسنين .. لازم تروحي تفحصيها عند الدكتور وتشوفي ايش فيها .. البنت صحتها تتدهور وانتي ساكتة .. الله يعينك ..
[FRAME="11 70"]اشكر كل من رد والله يجزاكم الجنه وانا وديتها لدكتور يقول تسنيين وغير لها الحليب واعطها شراب بس مافيه فايده وانا شريت لها محلول الجفاف وبسوي بنصايحكم وانشاء الله خيررررررر[/FRAME]
ماشاء الله الأخوات ماقصروا وأنا معاهم .. راجعي الطبيب أحسن... ويارب ماعليها شر...
ما تشوف شر الله يخليها
ما تشوف شر بنتك لازم تاخذيها للطبيب وحاولي تعطينها ماي العيش