روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 4 1234 الأخيرةالأخيرة
النتائج 1 إلى 15 من 60

الموضوع: ابي منكم حل لسالفه اخوي ويا حرمته .

  1. #1
    عروس نشيطة
    تاريخ التسجيل
    29/02/2008
    الدولة
    امارات العز
    المشاركات
    121

    ابي منكم حل لسالفه اخوي ويا حرمته .

    مرحباااااا عرايس
    انا اول مره اكتب موضوع فهالقسم ..

    بخبركم سالفه اخووووووي فديته وابي منكم الحل لانه طالب مساعدتي ..
    <<دشي فالسالفه وفكينا :sm2441:
    المهم قبل شوي اخوي دااق علي ويلس يسولف وعقب سالته عن حرمته ( ترى بعدهم مالجين بس ) المهم قالي انا عسب جي اتصلت فيج , قلت له خير في شي قال سالفه بسيطه بس سوت من وراها مشكله , قلت له شو السالفه قال من فتره دقت علي ومارديت عليها لان كان عندي شبااب وعقب انشغلت وماتصلت فيهاا وثاني يوم دقيت عليها ورمستها انها بصيغه ريال لان كان عندي ربيعي وقلت لها خلي واحد من اخوانك يطلع برا لاني بعطيه غرض لك قالت دقيت علك ليش مارديت قال الحين عندي ريال بكلمكم وردت تساله نفس السؤال تقريبا ثلاث مرات وهو يقول لها عندي ريال عقب بتصل المهم عقب قالها خلاص مع السلامه
    قامت طرشت له مسج هالحركات مابيها تنعادمره ثانيه , رد وطرش لها مسج اصلا مافي مره ثانيه ردت هي وطرشت له ماتتصور قد شو اكرهك , هو طنش هالمسج وقال يمكن لانها متضايقه طلعت منها هالرمسه , بس شاف مافي فايده استوى لهم اليوم 15 يوم ماكلمو بعض . قالي شو الحل فيها شو اسوي بها
    قلت له خلاص انا بدق فيها وبرمسها قال لاتخبرينها عن السالفه قلت له اوكي
    واتصلت فيها ويلسنا نسولف وعقب سالتها عن تجهيزاتها وقالت لي الصراحه ارف قلت لها ليش بالعكس احلى شي يوم العروسه تجهز لعرسها قالت ليش نجهز نجهز واخرتها شو عرس انا انقهرت من كلامها وقلت فخاطري دام انج عارفه ان اخرتها عرس ليش وافقتي من البدايه المهم نرجع للسالفه قلت لها اكيد اخرتها عرس وعقب قالت ماعليه شو تجهيزاتكم انتتو قلت لها بعدنا بس سمعت من .... اللي هو اخوي ان العرس احتمال يتاجل شوو تتوقعوون قالت ــــــ قالت والله يكون احسن بعد قلت لها ليش حرام عليج نبا نفرح فيكم ونبا نكشخ ونستانس قالت لا والله لو ياجله يكون احسن وعقب غيرت انا السالفه وسولفنا شوي وصكرت من عندها ودقيت حق اخووي وقلت له اللي صار بينا بالتلفووون .. المهم قال جي ردها قلت له هيه بس تعرف يمكن لان ابوها طالع من المستشفى وحالتها شوي تعبانه فهي متشتته شوي . قالي لا انتي ماتعرفيهااا هالبنيه مررره عااااااااصيه
    .. اممم وماعرف شقولكم بعد بس والله اخوي مب مقصر وياها يطرش لها ورد وييب لها هداياا يعني لو حسبنا الهدايا اللي ييبها لها خلال شهر توصل 4500 غير الاتصالات والزيارات
    امممممممممممممم اعرف طولت بس شوووو الحل انا كنت ابي اقوول حق اخوي طرش لها مسج قول لها اذا بتمين جي نفترق احسن والا شو تبين بانسان تكرهينه وعقب قلت اخااف يقول بدل ماتكحلينها تعمينهاا
    ماعرف ابي شوووركم شو اقوول حق اخوي لانه كاسر خاطري شو التصرف اللي لازم يتصرفه اترياااكم ترا مالي حد غيركم لانه هو مايبا حد من البيت يعرف السالفه
    اتترياكم

  2. #2
    عروس نشيطة
    تاريخ التسجيل
    01/04/2008
    الدولة
    الامارات
    المشاركات
    122
    والله حاله ،،، الصراحة كل الريايل يسون مثل ماسوى اخوج يوم يكون عندهم ريال هي ليش ماتفهم
    وبعدين اخوج ماغلطت ابدا ،، اما هي يمكن عصبت لنها تحسبت انه عداله وحدة
    بس ماعليه يعذرها بعد خليه هو العاقل والفاهم ،، وبعدين شو ينفصلون ،، لا احسها قويه على سالفة سخيفة مثل هاذي
    بس اسمحيلي احسها هي شوي متكبره مابا اظلمها بس يمكن عشان ظروفها مثل ماقلتي
    انا من رايي انه يطرشلها مسج حليو ،، ويخلي ظروفها تعدي ،، وعقب يتفاهم وياها تراهم مالجين مب خاطبين
    يعني حرام شو ذنبه اخوج يخسر كل هالمخاسير واخر شي ينفصلون ،، ولا انتي شو رايج ؟

    السموحة منج وتحتاتي ^^

  3. #3
    عروس نشيطة
    تاريخ التسجيل
    29/02/2008
    الدولة
    امارات العز
    المشاركات
    121
    اقتباس المشاركة الأصلية كتبت بواسطة عمة حامد مشاهدة المشاركة
    والله حاله ،،، الصراحة كل الريايل يسون مثل ماسوى اخوج يوم يكون عندهم ريال هي ليش ماتفهم
    وبعدين اخوج ماغلطت ابدا ،، اما هي يمكن عصبت لنها تحسبت انه عداله وحدة
    بس ماعليه يعذرها بعد خليه هو العاقل والفاهم ،، وبعدين شو ينفصلون ،، لا احسها قويه على سالفة سخيفة مثل هاذي
    بس اسمحيلي احسها هي شوي متكبره مابا اظلمها بس يمكن عشان ظروفها مثل ماقلتي
    انا من رايي انه يطرشلها مسج حليو ،، ويخلي ظروفها تعدي ،، وعقب يتفاهم وياها تراهم مالجين مب خاطبين
    يعني حرام شو ذنبه اخوج يخسر كل هالمخاسير واخر شي ينفصلون ،، ولا انتي شو رايج ؟

    السموحة منج وتحتاتي ^^
    اولا مشكووره عالرد .
    من ناحيه انها متكبره هي وااااااايد متكبره حتى اهلنا يوم عرفوا انه اخوي خذاااها قالو انتو غلطانين لان هي مرتين ملجه وكله تتطلق بس قلنا يمكن العيب من الريايل مب منها .
    ماعرف والله شو الحل صدق اخوي ماله ذنب بس اذا هي الحين وتسوي جي عقب شو بتسوي هذا كلام اخوي والله يعين
    تسلمين حبووبه عالرد
    والله لايحرمني من ردودج الطيبه .

  4. #4
    عروس نشيطة الصورة الرمزية بدر 14
    تاريخ التسجيل
    21/02/2008
    الدولة
    الإمارات
    المشاركات
    164
    اذا بقت على حالها ينفصلوا أحسن عشان شكله أخوك طيب وهي شكلها وااااااايد متكبرة
    وطفشانين منها اثنين بعد!!

    الله يعين أخوك اذا تزوجها

  5. #5
    عروس مبدعة الصورة الرمزية روح ملكية
    تاريخ التسجيل
    27/06/2007
    الدولة
    بريطانيا
    المشاركات
    937
    واضح ان البنت سليطه اللسان مررررره
    واخوك مايقدر على زي هالاشكال من مالناس اللي لسانهم طويييل ..
    فعلا بيتعب وياها كثيييير
    صعبه واحد هادي ياخذ وحده لسانها طويل ..

    انا لو هو اخوي .. اقوله وشو اللي حدك عالمر عااااد ..
    اذا هي هذا اسلوبها من الاول .. شلون بيصير اسلوبها بعدين ..
    مو بس وياه .. حتى وياكم انتوا بعد بتتعبون وياها كثير

  6. #6
    عروس رائعة
    تاريخ التسجيل
    07/11/2007
    الدولة
    و ربي ماعدت اهتم من زعل يزعل ومن رضى يآهلآ به..العمر يمضي وكل [منآآ] رآحتـه آهـم!
    المشاركات
    1,317
    اقتباس المشاركة الأصلية كتبت بواسطة روح ملكية مشاهدة المشاركة
    واضح ان البنت سليطه اللسان مررررره
    واخوك مايقدر على زي هالاشكال من مالناس اللي لسانهم طويييل ..
    فعلا بيتعب وياها كثيييير
    صعبه واحد هادي ياخذ وحده لسانها طويل ..

    انا لو هو اخوي .. اقوله وشو اللي حدك عالمر عااااد ..
    اذا هي هذا اسلوبها من الاول .. شلون بيصير اسلوبها بعدين ..
    مو بس وياه .. حتى وياكم انتوا بعد بتتعبون وياها كثير
    نفس كلام روح ملكيه

    وش اللي حاده على المر ؟؟؟

  7. #7
    عروس ماسية الصورة الرمزية ♥بنوته زايد UAE♥
    تاريخ التسجيل
    11/02/2008
    الدولة
    اماراتيه عز ....
    المشاركات
    5,514
    هلا والله ..

    يمكن يا اختي هي مضايجه منه لانه اتصلت فيه وهو مارد عليهاا ...

    لحظه ضيقه وعصبيه طرشتله انا اكرهك ..

    حسيت من اسلوبه ويا حرمته انه هو انسان عاقل ويتفاهم ..

    خليه يكلمهاا بالهدواه ويشوف شو فيهاا ،،

    واذا يسمح لهم الوضع يروح يشوفهاا في البيت ويتكلمون على راحتهم ..

    يا حبيبتي لا تخربين على اخوج وقوليله يتفاهم وياهاا وبهداوه ..

    او انتي دقي عليهاا وشوفي شو فيهاا ؟؟ يمكن مضايجه من اخوج ،، الله اعلم ..

  8. #8
    عروس ماسية الصورة الرمزية ♥بنوته زايد UAE♥
    تاريخ التسجيل
    11/02/2008
    الدولة
    اماراتيه عز ....
    المشاركات
    5,514
    قلت له هيه بس تعرف يمكن لان ابوها طالع من المستشفى وحالتها شوي تعبانه فهي متشتته شوي .

    يمكن هذا سبب اسلوبهاا مع ريلهاا ..

    ما اعتقد بتقول اكرهك مني والدرب ......

  9. #9
    عروس مبدعة
    تاريخ التسجيل
    22/06/2008
    الدولة
    بحرين دار الزين
    المشاركات
    555

    اذا هذي بدايتها
    قلعتها:P

  10. #10
    عروس فضية
    تاريخ التسجيل
    07/07/2007
    الدولة
    رحــــالـــــــه
    المشاركات
    2,336
    انا اقول يكلمها ويتفاهم وياها ويقولها مايصير المره تصير جذي ويمكن لي كلمها تتغير شوووي يعطيها بعض النصايح مثلا .. والله يوفقهم

  11. #11
    عروس برونزية الصورة الرمزية zumerdah
    تاريخ التسجيل
    04/01/2005
    الدولة
    في قلب حبيبي (البحرين )
    المشاركات
    1,510
    المشكلة مو صعبة

    والحل بيد اخوج

    انا براي انه اخووج يتنازل شوي ويبدا هو بالصلح ويروح يكلمها ويراضيها بكلام حلووو يمكن هي تسوي جدي عشان تدلع عليه او يمكن فعلا هي متضايقة وتمر بفترة صعبة شوي ومحتاجة اخوج يكون جنبها ولما تتصل فيه يرد عليها عشان ما تضايق اكثر اذا ماقدر يرد عليها ..

    واذا في جانس انه يروح يشوفها ويقعد معاها او يطلعون مع بعض وانتي معاهم عشان يتكلمون ويا بعض يكون احسن بعد ..

    بس الانفصال مو حل مثل ماقالو بعض البنات ..

  12. #12
    عروس مشرقة
    تاريخ التسجيل
    11/03/2007
    الدولة
    saudi arabia
    المشاركات
    447
    صعبه من البدايه تكلمه بهتاطريقه و تكلمك انتي كمان بهالطريقه

    مافي غير انه يتصل عليها و يسالها بوضوح ليش قالت اللي قالته و رايها في العلاقة و الزواج اذا بيتم
    و بعدها يفكر و يقرر

  13. #13
    عروس متألقة
    تاريخ التسجيل
    10/11/2004
    الدولة
    قطر
    المشاركات
    255
    بصراحه ما فيها شي لو كلمها على انها وحده ليش يسوي نفسه يكلم واحد الا اذا كان قاعد ويا وحده و ما يبي اللي وياه تعرف ان يكلم وحده ثانيه ...

    بعدين يمكن هو مطنشها وايد وهي ما عندها حد تفضفض له ..

    بعدين شنو 4500 هالايام ماتسوي شي ...يمكن بس جوال و خاتم الماس صغير ...
    لا تسمعين كلام البنات اللي حرضوج و خليه يستسمح منها و يعتذر و يفهمها الموقف

  14. #14
    عروس مبدعة
    تاريخ التسجيل
    30/03/2008
    الدولة
    مطبخي وغرفة نومي
    المشاركات
    774
    اممممم
    فيه اراى جد راائعه بس وااااااي متكبره تدرين اختي انتي مبينه طيييييبه حييييل
    والحل اتوقع..........

    ان اخوتج يتفاهم معها كاعااااادته لايتغير بعقل عشان ماتقول انتج تدرين ودازته عليهاا اوكي

    بعدين اذا ترااضوا انتي روحي للبنت وتفاهمي معاااااااااهاا العقل طبعا بدووووووون ماتدري ان اخوتج قالتج شي تعرفين الحرررريم وغيرتهم الله يعينهم
    عاااااااااد اذا لقى ردت فعلهااااا ززززينه معه اوكي حلوووو اذا راح لها البيت وتكبرت هذي ؟؟؟؟؟
    يعني اهو اكيييد بيعرف اذا كان دلع او لا
    والله يعينكم عليييييها من اللحين والله
    الله يوفقكــــــــــــــم كلكم اميييييين

  15. #15
    عروس متألقة الصورة الرمزية مثل العسل55
    تاريخ التسجيل
    28/05/2005
    الدولة
    دوحة الخير (قطر)
    المشاركات
    225
    أنا من رايي انه يخلي الرجال يتفاهم مع زوجته
    يمكن شي مظايقها فيه
    لاني كنت امر بهالحاله النفسيه
    كنت مااتقبله بسبة شي فيه مب عشان تصرفاته وهالشي لازم يتغير عشان اسمح لمشاعري تنطلق
    كنت اي خطأ يسويه امسك عليه وابغي الاه عشان اتكلم
    كنت مااحس ان احنا شخص واحد ومااقول انه مقصر علي لاوالله
    بس انا ابي هالشي يتغير فيه عشان احس بالراحه فهمتي
    يمكن البنت تحس نفس احساسي كنت اتمنى ان يتاجل العرس ماكنت ابي اعرس
    بس ماادري
    انا اقول خلوهم يتفاهمون احسن ويشوفها ليش متظايقه يكلمها بطيب بحب انا فاقده هالشي والله
    انا عمري ماقلت له اكرهك بس هو مايعرف اشلون يكسبني مشكلتي صعب الواحد يعرفني واذا عرفني وعرف اشلون يتعامل معاي اعطيه حب ماصار
    المهم خلوهم يتفاهمون وانصحيه يكلمها بالطيب بالحب
    والله ايسر

صفحة 1 من 4 1234 الأخيرةالأخيرة

المواضيع المتشابهه

  1. حمد ولد اخوي
    بواسطة tooota_xx في المنتدى ركن التصوير الفوتوغرافي والصور
    مشاركات: 112
    آخر مشاركة: 07/10/2010, 06:28 AM
  2. مين منكم في جامعه العربيه المفتوحه<<محتاره ومحتاجه لدعم منكم؟؟
    بواسطة @شفايف كرز@ في المنتدى التعليم و شؤون الطالبات
    مشاركات: 2
    آخر مشاركة: 10/02/2008, 08:43 PM
  3. لوسمحتوا ابي منكم مساعدة امـــــي حامل وتبي منكم الحل في ........
    بواسطة سديم الفجر في المنتدى النساء و الحمل و الولادة
    مشاركات: 13
    آخر مشاركة: 16/11/2006, 04:10 AM
  4. مرت اخوي
    بواسطة دفء الجليد في المنتدى قضايا وحلول
    مشاركات: 25
    آخر مشاركة: 05/10/2006, 01:33 AM
  5. اخوي يقولي انتي راح تهدمين بيت اخوي الثاني !
    بواسطة مقهوره في المنتدى قضايا وحلول
    مشاركات: 8
    آخر مشاركة: 16/06/2004, 09:33 AM