السلام عليكم أختي ساعة غروب و جزاكي الله كل خير على مساعدة غيرك
انا عندي مشكله و ما قدرت اتكلم عنها لأحد لأني بصراحه عن امي الغاليه امي مثلها مثل كل الأمهات أم طيبه و تحبنا و اكيد عندها عيوب مثلها مثل غيرها
مثلا كنت الاحظ احيانا انها من النوع اللي يغار من الحريم كثير و ما كانت تحس بالنعمة اللي هي فيها و كنت احسها دايما تتشكى بس حياتها كانت زينه بشكل عام و طبعا هذا كلامي كبنتها
توفى والدي من ست سنوات و امي كانت في ال 44 سنه تقريبا بعد مرض خطير و هي خدمته و رعته لحد ما توفى لما توفى والدي الله يرحمه كنت انا في آخر سنه للجامعه ما اعرف ليش كنت احس احيانا انها ما تريدنا نتزوج و كانت تريدني اشتغل بشركه تعطيني سكن علشان تقعد معاي على كل حال ما قدرت اشتغل و الحمد لله جا النصيب و هي ما وقفت بطريقي أبدا اضطرت امي تسافر لبلد يدرسوا فيها اخوي و اختي بالجامعه لأنه ما قدروا يدرسوا بالبلد اللي احنا فيه و من يوم ما سافرت امي بدت تتغير كثير بعد اقل من سنه على سفرها اكتشفنا انه عندها صديق نعم صاحب امي مو انسانه فاسقه لا لا بس تصرف مراهق لا غير وانا ما اظلمها لأنه هي اعترفت بهالشي الرجال هذا كان جار لهم و يتصل في على البيت و اكتشفنا بعدين انها كانت تطلع معاه مشاوير مثل المراهقين و هالشي بصراحه سووالي صدمة كبيره خصوصا انه هالشخص طماع و في البلد اللي سافرت لها امي بس يهمهم الفلوس مع العلم والدي ما ترك ثروه بس ترك شي لا بأس فيه لحياه متوسطه بس في ذيك البد يموتوا على القرش المهم بعد ما نصحت امي بالحسنى و حذرتها من سوء عملها ما ردت على و لا سمعت كلامي و ظلت تطلع معاه لحد ما اكتشفت هالشي اختي المراهقه مره ثانيه و قامت قيامتها و انا يومه بصراحه غلطت على امي الله يسامحني و بعدين اكتشفت امي انه هالشخص متزوج و كذاب بالإضافه انه اصغر من امي و تركته بس هالشي لا يزال يترك بقلبي شي اسود ضد امي مع انه هالقصه صار لها اكثر من سنتين و بعده صارت علاقتي بأمي طيبه جدا بس انا من النوع اللي كان متعلق بشده و اشوف كلامها منزل من السماء و للحين امي لا تزال للٍف متصابيه تلبس لبس بنات صغار يعني لو معزومه على عرس تلبس فستان انا شريته من عشر سنين و مناسب لبنت ال 18 سنه و هي في الخمسين و انصحها بهدوء و بدون ما اجرحها بس بصراحه بالعرس اكون متفشله حدي يعني امي في الخمسين و كل اللي مثها يلبسوا اطقم او جلابيات ( دراعات ) محترمه و يحطوا مكياج و يسووا شعرهم بس ما يبلسوا مفصخ و كت و يقوموا يرقصوا ما ادري شو امي تعيش مراهقه متأخره شو أسوي و كيف اساعدها و الأهم من ذلك كيف اتغلب على هذا الشعور القاتل اللي يصيبني تجاهها كل ما تسوي شي متصابي اتذكر اللي سوته من سنتين هالشي خلاني احيانا احس بكره لأمي استغفر الله وا ني ماحب اكلمها و لا احب انها تزورني مع اني بعدها استغفر الله و اتوب و اعاملها زين و هي مو حاسه على فكره باللي انا احسه و جزاكي الله خير و اعتذر عن الإطاله