طفل بعمر 11 شهر

[مشتاقه الى الجنه]

السلام عليكم

شخباركم عرايس(f)

عندي استسفار بسيط بس لوسمحتو:o

انا جديده هنا بالمواضيع بس قديمه بالمتابعه:o

وسؤالي:o


بنتي عمرها 11 شهر شنهي الوجبات اللي نعطيها للطفل بهالسن

وكم مره المفروض تشرب حليب

وشاكره لكم وان شاء الله ماثقلت عليكم

مع حبي

مشتاقه...............

[مشتاقه الى الجنه]

ممكن تساعدوني انا بنتي تعااني من الامساك ولاسباب صحيه وقفت الرضاعه الطبيعيه

بللللللللللللليز ممكن مساعده؟؟؟؟؟؟؟؟؟؟

[ام عمـار]

حبيبتي بهالعمر تقدر تاكل ن اكل البيت اذا ما فيه بهارات و ملح وايد

بس ديري بالك من العسل قبل السنة

بالتوفيق

[أحلى شوق]

مثل ما قالت ام عمار الطفل بهالسن تقدرين تعطينه من اكل البيت

وهو اصلا تلقائيا يبدي يميل لأكل البيت ولا يرغب بالأكل المخصص له بهالعمر

وبالنسبة لعدد الرضعات انا ولدي بعمر بنتك وياخذ من اربع لخمس رضعات باليوم

وكمية كل رضعة 180 ملي وكل نوعية حليب مذكور وموضح على العلبة عدد وكمية الرضعات اللي يحتاجها الطفل باليوم

وعن الإمساك دايما عطيها عصير برتقال وكثري من الفواكه عشان الألياف تنظم عملية الهظم

والتمر بعد زين للإمساك وما عليها الا العافية الغالية

[purity2008]

وعليكم السلام
وانا بنتي نفس عمر بنتك
انا اعطيها ثلاث مرات حليب ومرتين عصير طازج
واسويلها شربت خضروات (بطاطس وطماطم وبدنجان وجزر وكوسه )وننكن تزوديلها انواع ثانيه سويلها شويت ملح
واحيانا مجموعه فواكه مهروسه
وكمان اسوي رز مع جزر افوره مع بعض وبطاطس
بالنسبه للامساك انقعي تمر في ماء وبعدها صفيه واعطيها في

[مشتاقه الى الجنه]

مشكورين فديتكم..


مع انها ماتتقبل التمر بس بحاول..



يسلمووووووووووو على الرد

[الخوافي]

في هذا العمر حبيبتي بنتج تقدرين تعطينه الى شي من أكل البيت مثل العيش واللحم والدجاج والخضروات والفواكه ....

بس نفس ماقلت أم عمر مايكون فيه بهارات وفلفل لنه مب زين على اليهل ....

وعشان الأمساك تغدرين تعطينه عصير برتغال أو تحطين له سكر نبات مع ماي وتشربه ...

[أم زهاري]

خيو ماعليها شر بنتك بالنسبة للامساك اعطيها منقوع اتمر او اعطيها عصير برتقال حطيه في تمره وبالنسبة للرضاعات ماقدر افيدكي لاني برضع طبيعي

[وهج الحب]

انا ولدى عمر 10 شهور صاير مايشرب المرضعه واايد يعني يمكن 4 مرات و90 ملل تخيلي بس قبل كان يشرب اكثر حتى ضعف واايد ترى كل طفل حسب شهيييته وانا اعططيه من اكل البيت بس اتجنب الفلفل

[مشتاقه الى الجنه]

تسلمون فديتكم على الرد..

الظاهر سبب الامساك عندها من الحليب انا استخدم ميلوبا يقولون احسن شي والله مدري

وشكرا على النصيحه والرد السريع تسلمووووووووووووووووون

[الإيثار]

[GLOW="FF3399"][FRAME="14 70"][GLOW="339933"]والله انا كثييير استفدت من ردووود البنات

الله يعينك ويشفي بنتك ان شاء الله [/GLOW][/FRAME][/GLOW]

[مشتاقه الى الجنه]

شكرا على المروور .. يسلمو^ــــــــ^

[لمعة عطر]

انا بنتي اول ماغيرت حليبها جاها امساك بعدين الحمدالله انتظمت معدتها عليه لازم اول مره يبيله صبر وسوي نصايح البنات ماقصروا

[~~دلوعة زوجها~~]

فادك الاخوات ماقصروا


موفقه حبووبه