المغتربات الليبيات

[ام ايهم]

:15:السلام عليكم ورحمة لله وبركاته اهلا اخوتى المغتربات اتسال عن وجود اخوتى الليبييات المغتربات ادرى ان عددنا قليل بس اهو ممكن نتواصل ونتحاور

[ام ايهم]

حسبى الله يعنى ولا رد

[3roos 4ever]

خير اوخيتي الغاليه

و الله قالوا الغربه مره لكن اللي ايده في النار مش زي اللي ايده في الميه

المهم تشرفت بيك انا مغتربه بس مش بعيد يعني في مصر

المهم انا توا بس اختي قالتلي عالموضوع و بعون الله ممكن نتواصلوا و تدللي

[heba8383]

السلام عليكم اخواتى الليبيات ان شاء الله تكونن كويسات ...انا ليبية بس مش مغتربة ..حبيت انسلم عليكن

[ام ايهم]

شكرا اخواتى على المرور اختى عروس صوهيب نتشرف بمعرفتك وانشاء الله نتواصل اختى هبا شكر ا لك .

[أمانيـــز]

السلام عليكم

كيف حالكم ...انا مغتربة بس مش بعيد في تونس...بس الغربة غربة ..في تونس والا غير تونس...


الحمدلله على كل حال..



وبما ان بنتي تقرا في تونس صعب اني نمشي لليبيا ديمة بسبب شغل زوجي وقراية بنتي...



اني على طول معاكم..نتلاقو ديمة ان شاء الله..

[masarra]

السلام عليكم ورحمة الله

هلا وخياتي اتمنى ان تكونوا بخير ، أختكم مسرة من ليبيا حتى هيا عانت من الغربة بس الحمد لله على كل حال كل شي ياخد وقته ويفوت واللي تحب تتعرف عليا أو على أخوات ليبيات اهلا وسهلا بيها تراسلني عالخاص ونهدرزوا . ربي ييسر أموركم.

[نارنج الوادي]

انا نحب نشاركم انا مغتربة في ماليزيا من حوالي سنة ونصف تزوجت وسافرت ع طوووول في البداية الغربة صعبة لكن بالشوي تتعودو عليها

[ام ايهم]

اهلا اختى نارنج الودى كيفك ربى ايعينك على غربتك انشاء نتعارف ونتواصل وربى ايرجعك بلسلامة للبلاد.

[قهوه الصباح]

هلا ام ايهم انا بعد كم شهر بنتغرب زيكم وطبعا فاهمه شعورك لاني مجربه من قبل الله يعين الجميع

[3roos 4ever]

ما شاء الله لا قوة الا بالله كلكن ليبيات ربي ايقوكين على الدنيا و مرار الغربه يا رب احكولي يا حلوات كل وحده منين و شنو اللي اكثر شي مشتاقلته من ليبيا و كيف عايشين و كل وحده شن اسباب غربتها هكي يعني عشان نتعرفوا على بعض و ايقولوا الغريب للغريب رحمه عاد كيف و احني بنات بلاد وحده

نبدا اني

اني مغتربه في مصر و اصلي من سبها و سبب غربتي في الاول كنت نقرا في الكليه في سبها و بوي ايحضر في الدكتوراه في مصر و قاعده في الداخلي ايام الدراسه و في العطلات في حوش جدي و ماشي الحال في الاول كان كل شي حلو و الكل مهتم بيا و عايشه اخر دلع بس بعد 3 شهور تغير الموضوع بدا الحسد و مكر العيله تعرفوني يا ليبيات شن نعني و المشاكل زادت المهم كملت عام و قررت لا قرايه لا بطاطا بنمشي لاهلى الغربه مع بوي و امي خير من بلادي بلاهم و هنا في مصر بالصدفه شافني واحد صاحب العيله بوه مقيم في مصر اعجب بيا و طلبني رسمي و لبسنا الدبل هنا في مصر بعد عيد الكبير اللي فات و ان شاء الله الزفه يوم5-7 و حتى هي في مصر و عاد توا جا وقت الحلو بيش نعرف منو اللي ايحبني و تاعبلي و منو اللي كان في الوجه مرايه و في القفا برايه المهم ربي ايسامح الجميع و سامحوني نفختلكم راسكم لاكن و الله ليا زمان عن الهدرزه الليبيه و نستنا فيكم و كل وحده تعطي عن نفسها المعلومات اللي تحب براحتكن يعني

[نارنج الوادي]

الف مبروك يا وخيتي ان شاء الله ربي يكمل عليك بخير الصراحة انا كان عندي الخيار اني نقرا في مصر لكن بصراحة مشيت قعدت فيها حوالي شهر في معرض الكتاب الي فات ما عجبتنيش بكل بكل ولا فيها شي مميز غير الزحمة ووووووووووو ما نبيش نتكلم توا يزعلو اخواتي المصريات لكن هما الحق ما بعدهم هكي حالهم من العدد الكبير الي عايش فيها
احلى حاجة عجبتني في مصر الكشري وعصير الفخفاخينا والمانجو بس هههههههههه
اه تفكرت وسوق الستار تايمز عنده حاجات حلوة للمحجبات ماقلتيش وين بديري الزفة يا حلو انت

[نارنج الوادي]

ام ايهم كيف حالك وينك مغطسة ما تبانيش انت وين بالضبظ في الامارات ؟؟؟؟

وقداش عمرك وكم لك سنة متزوجة وكم عندك صغار وكيف مدايرة في الغربة وشنو اديري تشتغلي ولا تدرسي

هيا نبو تفاعل

[ام ايهم]

[SIZE="6"]السلام عليكم ورحمة الله وبراكاته[/SIZE]كيف حالكم اوخياتى اولا الف الف مبروك اختى عروس سبها وانقولك اللهم بارك لك وعليك وجمع بينكم بلخير شكرا اخوتى على الرودود وسامحينى اختى نارنج الوادى غطست شوية السبب هو ان جهازى حاليا فيه مشكلة ومعاش فتحته ونستعمل فى جهاز زوجى والباسوورد امتعى مش انخش انسيته ............كخخخخخخخخخخخخخخ لكن الحمد لله القيته ونشكركم على مرورك اختى نارنج الوادي انى فى دبى و ليا فى الامارات حوالى 9سنين ومتزوجا من 10 سنين ولا نخدم ولا حاجة ربة بيت عندى اربع اطفال مشاغيبين ربى يحفضهم ماليين عليا البيت ومنسيينى فى الغربة وانشاء الله توا قريب نمشى زيارة لليبيا واو نستنو باش اندوقوا الدلاع والخضروات امتع ليبيا والخبزة الى مافيش زيها فى العالم وانى هنى مع مجموعة اخوات ليبيات انديروا فى برامج نمشوا للحديقة او انديروا لمات عشى اكل ليبي مرات ومرات منوع وفى العيد بعض الليبين يتلاقوا فى الحديقة يعيدوا وبعدها كل واحد يمشى فى حاله واول ما ايخش الصيف يعنى النوووووووووو معاد تلقى واحد كلهم هاربيين لليبيا لين تبدا المدارس ويولوا وهكدا تبدا المدرسة والجو يبرد شوية ونبدوا فى البرامج ويجى الصيف ونفس القصة............... وهدى حياتنا والحمد لله لكن تعرفى شنو ميزات الغربة انك انتى وزوجك تتقربوا لبعضكم اكثر يعنى انتى وهو بس وطبعا اصغارك اتربيهم زى ما تبى دون اى تدخل من حد والحمد لله على كل شى وانشوفكم انشا الله بعد ما انجى من ليبيا وكان لقيت فضوا توا انخس ونسلم تعرفوا الصيف عراس ومناسبات .ونتلاقوا على خير (ما قصرت بس نستنا فى حد يسالنى كخخخخخخخخخخخخخخ)

[نارنج الوادي]

اهلا حبيبتي ام ايهم ربي يخليلك زوجك واطفالك انا متغربة من السنة ونصف تزوجت وجيت هنا على طول بماليزيا لغرض الدراسة
تعرفي حتى انا مروحة قريب نهاية الشهر انشاء الله