روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 14 من 14

الموضوع: معاناتي ومكينة شيل الشعر(امجوي وبراون)

  1. #1
    عروس جديدة
    تاريخ التسجيل
    12/04/2003
    المشاركات
    33

    معاناتي ومكينة شيل الشعر(امجوي وبراون)

    مرحبا بنات حيرانة وتعبانة ساعدوني
    تعبت والله تعبت واذا ما ساعدتوني مدري ايش راح يحصلي
    حبيباتي مشكلتي هيا ازالة الشعر من المنطقة الحساسة :oجربت كل الطرق مافي فايدة ألم لا يطاق لا تقولون هذي دلوعة وتبغي شي بدون ألم لا أنا أتحمل الألم أشيل كل جسمي بالحلاوة حتي أبطي ومرتاحة مرة معاها بس ذيك المنطقة:o مااقدر والله انو الم فضيع:confused::confused: كل مرة أعزم وأقول بتحمل الألم وأتوكل علي الله ثم أجهز كل شي وأبدء ألم ألم ألم ألم لا لا لا لا ماااااااااااااااااااااااا اااقدر 0
    كان في موضوع في المنتدى عن المنطقة قريتي أشجعت بس ماقدرة علي الالم وجربت طريقة معجون الاسنان لتخفيف الألم رررررروعة بس في الابط لكن في المنطقة الحساسة :o:confused:نفس الحكاية مافي فايدة 0أستخدم الكريم لاني مطرة مع اني ما أحبه0
    ادري اني طولت عليكم وأنا أشرح معانتي0
    أحبيت أقولكم اني عزمت اشترى مكينة حلق الشعر(امجوي أو براون) لكني ما أعرف أي شيء عنهم لا عن مضرتهم أو نفعهم عشان كذا انا طالبتكم تساعدوني الي عندها تجربة تخبرنا عنها أي مرتاحة معاها ولا لا في ألم ولا لا مافي ممكن أستخدامها في المنطقة الحساسة ولالا0وايش النوع الي تستخدميه0
    اذا ماجربتوها في أحد من اهلك صديقاتك أسلوهم عنها انا شخصيا ماعندي أحد أسلوه غيركم 0
    واي وحدة سمعت عنها شيء مو حلو يعني انها مضرة أو حاجة تقول لاني خلاص بشتريها وما أبغ أتورط0
    وشي مهم هيا زي الحلاوة تشيل من الجذور ومايطلع الا بعد اسابيع ولا لا0
    وأخيرا مشكورين على تحملي وردو لاتخلوني قاعدة كني أكلم نفسي مع اني ادري انكم أخوات عزيزات وماحد فيكم تبخل علي بنات المنتدي بخبرتها وتجربتها0
























































    :o:o:o:o:o:o:o

    اااااااااااسفة بس طلب اخير (ادري اني احلم)لوفي طريقة غير المكينة وغير الحلاوة وبدون ألم دلوني عليها وأتمن من الي يرد يجاوبني بالتفصيل(شحاد ويتشرط) وبدعيلكم0

  2. #2
    عروس جديدة
    تاريخ التسجيل
    02/05/2003
    الدولة
    السعوديه
    المشاركات
    9
    أنا اعاني من نفس المشكله وياليت الي عندها حل ترد علينا.

  3. #3
    عروس متألقة
    تاريخ التسجيل
    03/05/2003
    الدولة
    قطر
    المشاركات
    253

    حبيباتى

    احذروا من النزع بالماكينه للمناطق الحساسه والله بتندمون اكثر وتمنون انكم ما تستخدمون شى افضل من استخدام الماكينه والله بعينى شفت معاناه صديقتى كانت دووووووم تشيل بها وما كانت تقول لاحد الى ان انصعقت يوم انها تشيل ازواجها
    وهى فى هذا اليوم ناويه تشيل بالحلاوه علشان تنعم المهم وانا احاول اساعدها تفاجئت ان المنطقه والله مثل خشونه لحيه الرجال والله ولونه اخضر بعد وخشن والشعر صغير ما ينشال
    المهم انا ذكرت قبل طريقه النزع عن طريق الثلج والله انا كنت اتعذب مثلكم بس الحين اوكيه
    حطى الثلج على المكان المطلوب الى ان تشعرى انه تنمل المكان وبعدها نشفى وحطى الحلاوه وهكذا الى ان تنتهى
    وعند النزع لاتحطين الحلاوه على المكان كله لا خذى جزء جزء وجربى وردى على والله انا الحين عادى ما عندى مشكله
    نسيت اقولك
    الحلاوه خليها لينه فى ايك بس مو وايد وخذى قطعه صغيره مع كل منطقه جديده

  4. #4
    عروس جديدة
    تاريخ التسجيل
    10/05/2003
    المشاركات
    13
    امرحبا
    زهور شرقيه
    اسمعي الحل انك تعرفي اتجاه نمو الشعر وتشيلي بعكسه
    او انك تستخدمي بنج الاسنان

  5. #5
    عروس مبدعة الصورة الرمزية almazyo0ona
    تاريخ التسجيل
    24/03/2003
    الدولة
    دار المزايين
    المشاركات
    564
    بغيت اجولج اختي زهور الشرقيه ان انا استخدم ماكينة براون بس ما الا مستحيل وحده لا من سابع المستحيلات اني اجربها على المناطق الحساسه لني انا من مجرد استخدمها على ايدي بس اتعب وايد وايد لنها وايد اتعور واحس بالالم اكثر من اني اذا شلت بالحلاوه..انا مضره مرات بس اشل بالماكينه لان اذا كان الشعر تو طالع ما ينشال بالحلاوه واذا بعد كنت مستعيله وايد افضل الماكينه بس بصراحه ما انصحج انج تستخدمينها حج الاماكن الحساسه...

    المزيونه

  6. #6
    عروس نشيطة الصورة الرمزية sunflower
    تاريخ التسجيل
    02/04/2002
    الدولة
    .....السعودية..... ..........المنطقة الشرقية..........
    المشاركات
    150
    مرحبا
    اخت زهور الشرقيه

    انا انصحك باستخدام المكينه انا استخدم براون وتكون من النوع اللي لها كم رأس بعضهم يجي 2 وبعضهم 3
    انا اللي عندي ام 3 واحد نظام الملاقط للأرجل والايدي وغيرها والثاني راس حلاقة للاماكن الحساسة والثالث نظام ملاقط صغير للأبطين
    انا استخدمها صار لي سنوات ما استخدمت غيرها وكل ما راس الحلاقة يخترب اشتري وحدة جديدة

    توكلي على الله واشتريها

  7. #7
    عروس مشرقة
    تاريخ التسجيل
    17/12/2002
    الدولة
    في ملكوت الله
    المشاركات
    311
    مرحبا عزيزتي sunflower

    شجعتيني بكلامك اني اشتري الآلة
    بس للمناطق الحساسة ومنطقة الإبط هل هي زينة؟

    يعني مثلاً ما تسود؟

    ياريت تكلميني عنها أكثر الله يبشرك بالخير

    بس أتوقع أنها أحسن من الحلاوة من حيث أنها لا تؤدي إلى ترهل المنطقة..ولا ايش رأيك؟

  8. #8
    عروس جديدة
    تاريخ التسجيل
    11/03/2003
    الدولة
    uae
    المشاركات
    47
    الاخت زهورالشرقية..
    ما في شيء احسن عن الحلاوة للجسم كله فهي مع ازالتها للشعر ايضا تزيل الجلد الميت ..لذلك انا استخدمها في كل مكان من جسمي والالم يخف بالتعود ...!
    بالنسبة لألةالحلاقة انا استخدمت (براون) لكن ما ارتحت لها وايد لأني أحس أنها تنتف شعرة وتقطع الثانية يعني شغلها مونظيف...!!
    إلا للمستعجل وهي أيضا مؤلمةلأنها تنتف شعرة شعرة..
    ولاحظت ان الشعرلما يطلع بعد استخدام هذه الالات يطلع تحت الجلد مما يصعب نزعه مرة ثانية.!!!
    اتمنى ان اكون افدتج.

  9. #9
    عروس متألقة
    تاريخ التسجيل
    20/01/2003
    الدولة
    عروس السحاب
    المشاركات
    206
    اختي زهور الشرقية انا جربت الالتين براون وامجوي ووالله لقيت براون افضل بكثير ولا تشترين الا هي لكن لازالة الشعر من المنطقة الحساسة انا ما قدرت استعملها لانها مثل ما قلتي الم فظيع ودموعي اربع اربع ولا استعمل لهذيك المنطقة الا الكريم لكن انا جت لي فكرة ولا ادري احد جربها والا لا ما رايكم باستعمال امسحات الطبية اللي تستعمل لمسح منطقة صغير مثل دق الابرة هي بنج لكن بمسحات صغيرة انا ما ادري احد جربها والا لا :confused: :mad: ;)

  10. #10
    عروس برونزية الصورة الرمزية نور الدوحه
    تاريخ التسجيل
    10/01/2003
    الدولة
    قطر الحب
    المشاركات
    1,642
    اختي انا استخدم ماكينة براون اسمها silk epil
    واايد زينة استخدمها حق كل المناطق الاااااا المنطقه الحساسه

    انصحج فيها لانها تشيل حتى الشعيرات الصغيرة
    وزينة للابط بعد

    لكن مانصحج فيها للمناطق الحساسه لاني احس انج بتتعذبين
    :o

    اتمنى اني قدرت افيدج
    هلا وغلا

  11. #11
    عروس نشيطة الصورة الرمزية sunflower
    تاريخ التسجيل
    02/04/2002
    الدولة
    .....السعودية..... ..........المنطقة الشرقية..........
    المشاركات
    150
    مرحبا يا اخوات

    انا استخدم الة براون سيلك ايبل للمناطق الحساسه وهو عبارة عن رأس حلاقة للاماكن الحساسة يعني هي مش نظام املاقط اللي حق الجسم اللي يسبب الم لا هي نظام حلاقة وتخلي المنطقة ناعمة ونظيفة واذا بدأ يطلع الشعر ما يسبب لك اي مشاكل مثل الحبوب او انك تحكين او تهرشين ذيك المنطقة ..........فهمتوا علي

    اللي عندها اي استفسار انا حاضره للرد ارسلي على الخاص

    مع السلامه

  12. #12
    عروس جديدة
    تاريخ التسجيل
    12/04/2003
    المشاركات
    33
    مشكورات علي الردود والله لو تشوفون فرحتي يوم شفتها
    وسامحوني علي التأخير في الرد لان وقتي ما يسمحلي كل يوم ادخل النت وجزاكم الله خير علي النصايح الحلوة يا حلوين ;)

  13. #13
    عروس نشيطة
    تاريخ التسجيل
    19/03/2003
    المشاركات
    168
    حبيبتي ازالة الشعر من هالمنطقة بالمكينة فظيييييييع اصلا ما راح تتحمليه وحتى من الابط مؤلم جدا. ما انصحج فيها ابدا لانه يؤدي الى التهاب جذر الشعرة ويمكن يسبب حكة .... تحملي على عمرك.

    بخصوص الحلاوة .. في موضوع سابق كتبت عن خطوات استخدامها لازالة الشعر من تلك المنطقة ... شوفي الموضوع وطبقي الطريقة وصدقيني راح ترتاحين.

  14. #14
    عروس جديدة
    تاريخ التسجيل
    15/04/2003
    الدولة
    الامارات
    المشاركات
    26
    [ALIGN=JUSTIFY]شوفي يا اختي انا عندي مكينه براون استخدمها بس لليدين والارجل واحيانا للابط واما الاماكن الحساسه ما قدرت اشيل فيها ابدا لانها تألم اكثر من الحلاوه هذي طبعا القطعه مال النتف اما القطعه الثانيه وهي للحلاقه عادي ممكن تستخدميها للاماكن الحساسه بس بيكون مثلها مثل الموس يعني الشعر بيطلع بسررررررررعه


    وحتى مال النتف ما استخدمها على يداتي ورجليني الا اذا كنت مطره يعني الحلاوه احسن بكثيييييييير....

    ولاتنسي ان الحلاوه تشيل الجلد الميت.....

    اما عن المنطقه الحساسه انا مثلك مااقدر اشيل بالحلاوه وانشاء الله البنات يساعدونا..

المواضيع المتشابهه

  1. براون و الا امجوي
    بواسطة سماء!! في المنتدى استفسارات العناية بالبشرة والجسم
    مشاركات: 10
    آخر مشاركة: 02/07/2010, 09:33 PM
  2. معاناتي مع إزالة الشعر- أتمنى مساعدتج لي يابنت عذاري
    بواسطة Dubai Girl في المنتدى استفسارات العناية بالبشرة والجسم
    مشاركات: 6
    آخر مشاركة: 01/06/2008, 06:37 PM
  3. معاناتي مع تساقط الشعر إنتهت
    بواسطة أهوى الأصل في المنتدى ركن العناية بالشعر
    مشاركات: 38
    آخر مشاركة: 13/03/2008, 06:03 PM
  4. الة امجوي
    بواسطة زهوووره في المنتدى ركن العناية بالبشرة والجسم
    مشاركات: 9
    آخر مشاركة: 06/09/2005, 02:28 AM
  5. امجوي
    بواسطة عبطه في المنتدى ركن العناية بالبشرة والجسم
    مشاركات: 3
    آخر مشاركة: 26/02/2005, 04:30 AM