روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 10 من 10

الموضوع: وش الحل ...؟!!

  1. #1
    عروس نشيطة الصورة الرمزية sweetqueen
    تاريخ التسجيل
    01/03/2007
    الدولة
    الرياض
    المشاركات
    173

    وش الحل ...؟!!

    السلام عليكم ورحمة الله وبركاته

    كيفكم بنات
    عندي استفسار واتمنى اتمنى اتمنى الاقي حل له
    انا عندي حبوب في وجهي ولما تروح يبقى اثرها بارز وتحسين البشره مو لون واحد بسبب الحبوب يصير لونها بني او احيانا احمر وماادري شسوي فيهم
    هل فيه وحده عالجتهم بشي طبيعي وراحوا
    وهل لهم علاج يروح الاثار وماتطلع هالحبوب
    اتمنى تجاوبوني
    وش الحل .....؟؟؟؟؟!!!

  2. #2
    عروس نشيطة الصورة الرمزية sweetqueen
    تاريخ التسجيل
    01/03/2007
    الدولة
    الرياض
    المشاركات
    173
    ؟؟؟؟؟؟؟؟؟؟؟؟؟؟؟؟؟؟؟؟
    ردو بليز ربي يخليكم

  3. #3
    عروس مبدعة
    تاريخ التسجيل
    24/12/2007
    الدولة
    ABU DHABI UAE
    المشاركات
    609
    حبيبتي أنا مثلج أحس الأثار بعدها موجوده لكني كل شهر أروح أسوي التقشير بالكرستال في الصالون لكن لازم يكون الصالون متخصص في هذا الشي وعلى يد خبيره شاطره مب أي كلام.
    لكن أختي حبيت أقولج سر صغير في صفاء البشره وما يكلفج وايد هو شرب ليترين من الماء أدري بتقولين هذا كلام مجلات لكن جربي وبتشوفين الفرق بقولج شي يمكن ماتصدقينه أنا كنت تمر علي أيام ما أشرب فيها ماي بس عايشه على المشروبات الغازيه على قولت ريلي لو ضب مات من العطش لكن بعدين لما رحت الدكتور اعاني من مشكله في الجهاز الهضمي أول ما شافني وشاف ويهي عرف أني ما أشرب ماي وقالي جربي أسبوع وخبريني النتيجه ما اجذب عليج الكل لاحظ الفرق في بشرتي ويسؤلوني شو نوع الأساس اللي تستعملينه أقول لهم السر في الماء.
    سامحيني طولت عليج وقلت لج قصة حياتي لكن صدقيني لاكريمات مفعولها سريع ومضمون ولا ليزر ولاخرابيط.
    أخليج في حفظ الله..........

  4. #4
    عروس نشيطة الصورة الرمزية sweetqueen
    تاريخ التسجيل
    01/03/2007
    الدولة
    الرياض
    المشاركات
    173
    الله يوفقك ويجزاك خير وشاكره لمرورك اسعدتيني والله بمرورك
    والله انك صادقه انا المويه ناااااادر مااشرب منها اجلس باليوم يمكن مااشرب الا كاستين فقط !!
    وايش هذا التقشر طيب وكيف يعمل وهل يأثر على الوجه ويبعد الحبوب نهائي اهم شي شكل الحبوب واثرها يبعدهم اسفه على كثر اسألتي وعلى ازعاجك حبيبتي

  5. #5
    عروس متألقة الصورة الرمزية خريف
    تاريخ التسجيل
    11/08/2005
    الدولة
    قطر
    المشاركات
    218
    السلام عليكم
    اول شي صحيح ما في احسن من الماي للبشره والشعر وكل اجزاء الجسم
    والشي الثاني ممكن تستعملي منقوع البابونج وتدهني وجهك فيه يوميا قبل النوم بيعقم وبيفتح وبيعطي نضاره للبشره وخل التفاح الطبيعي على اماكن الحبوب بيخفف اللون البني وممكن انك تخلطي مره مطحونه مع عسل وتعمليها قناع بعد تنظيف وجهك قبل النوم يوميا وان شاء الله تستفيدي
    ونصيحه التقشير مش كويس على المدى الطويل لأنه بيسرع شيخوخة البشره ومع الوقت ممكن يسبب حروق وبقع في البشره لأن التقشير بيعمل على اظهار الخلايا قبل اكتمال نموها وهذا الشي بيتعب البشره صحيح ممكن تحصلي نتيجه حلوه اول مره بس مع الوقت بتنتزع البشره وبتتعب
    اتمنى لك التوفيق وبشره مثل الورد

    __________________________________________________ _______
    خريف

  6. #6
    عروس نشيطة الصورة الرمزية sweetqueen
    تاريخ التسجيل
    01/03/2007
    الدولة
    الرياض
    المشاركات
    173
    خريـــــــــف
    شاكره لك مرورك وتعليقك ربي يسعدك وكلامك كله صح فعلا التقشير مو حلو نتعود عليه
    وبالنسبه للمره انا سمعت عنها انها كويسه للحبوب بعد والله يعين
    والله يجعل بشراتنا دائما نظره
    وبالتوفيق
    مشكوووووووورين عالمرور اسعدتموني

    سبحان الله وبحمده عدد خلقه ورضى نفسه وزينة عرشه ومداد كلماته

  7. #7
    عروس جديدة الصورة الرمزية أم كـــرار
    تاريخ التسجيل
    26/04/2008
    الدولة
    في قلوب الاحباب
    المشاركات
    9
    حسب تجربتي الشخصيه...
    أخلطي شوية نشى وعصير ليمون...
    راح يتكون عندج مزيج شوي ثخين وحطيه على وجهچ يومياً واتركيه مدة 10 دقايق
    وبعدين غسليه بماء دافئ...
    وراح تلاحظين الفرق مدة اسبوع واحد....

  8. #8
    عروس مبدعة الصورة الرمزية aNa QaTaRia
    تاريخ التسجيل
    26/10/2007
    الدولة
    الدوحه الدحدوحه
    المشاركات
    927
    الحبوب اللي في وجهي خفت بوايد عن قبل لاني اهتم فيها قد ماقدر لكن مايمنع ان ساعات تطلع حبه ولا حبتين بالغلط

    والاثااار افففففففففففف والله صج ابي حل جربت المره مانفعت وياي مادري ليش

    ماحسها تصلح حق الاثار يمكن حق الحبووب الجديده بس

  9. #9
    عروس نشيطة الصورة الرمزية sweetqueen
    تاريخ التسجيل
    01/03/2007
    الدولة
    الرياض
    المشاركات
    173

    شاكره على مروركم الجميل
    اسعدني جدا
    والله يعين ويسهل علينا يارب
    ونلاقي حل لهذه الاثار والحمدلله على كل حال
    ورح اجرب النشاء والليمون وان شاءالله يضبط
    (f)(f)يارب يعطيكم الف عافيه (f)(f)

  10. #10
    عروس متألقة الصورة الرمزية خريف
    تاريخ التسجيل
    11/08/2005
    الدولة
    قطر
    المشاركات
    218
    السلام عليكم
    حيبتي في اكثر من طريقه طبيعيه ممكن تجربيها
    الخميره
    عصير البقدونس
    عصير الخيار
    منقوع الحمص "النخي "
    ماي الرز المغلي
    النشاء وماي الورد
    الفراوله
    البرتقال
    عصير البندوره الطازج
    كل اللي ذكرتلك اياه بيساعد على تخفيف البقع والحبوب
    وطبيا في جل اسمه كلينامايسين بيمنع ظهور الحبوب وما بتترك اثر بس بشرط انك ما تتلاعبي فيها
    وفي كل الاحوال محاولة تفريغ البثور واللعب فيها من اكبر الاسباب اللي بتخليها تترك اثر على البشره

    اتمنى اكون افدتك

    __________________________________________________ ____________
    خريف

المواضيع المتشابهه

  1. ما الحل
    بواسطة asma kagman في المنتدى التربية والطفل
    مشاركات: 1
    آخر مشاركة: 03/12/2007, 11:37 AM
  2. وين الحل ؟؟؟
    بواسطة um_khalid في المنتدى استفسارات أفكار و خبرات
    مشاركات: 4
    آخر مشاركة: 06/01/2007, 10:50 PM
  3. ندااااااااء تعبت وابي الحل بشرتي تعبتني ابا الحل السهل والاكيد والاضمن ...
    بواسطة ونـ ـ عذاب ـ ـة في المنتدى ركن العناية بالبشرة والجسم
    مشاركات: 9
    آخر مشاركة: 25/11/2006, 11:04 PM
  4. شنو الحل
    بواسطة 3athra في المنتدى قضايا وحلول
    مشاركات: 5
    آخر مشاركة: 08/12/2004, 03:00 PM