صفحة 1 من 2 12 الأخيرةالأخيرة
النتائج 1 إلى 15 من 18

الموضوع: <<<<< افيدوني في تجهيزات البيبي >>>>>

  1. #1
    عروس مبدعة الصورة الرمزية نبع الإبداع
    تاريخ التسجيل
    26/10/2003
    الدولة
    الإمارات
    المشاركات
    745

    <<<<< افيدوني في تجهيزات البيبي >>>>>

    السلام عليكم ورحمة الله وبركاته


    كيفكم يا كروشات ان شاء الله بخير

    صراحة راسي دايخ من كثر التفكير في تجهيزات البيبي أخاف بعد ما أولد أنصدم في الأشياء

    إلي ماخذتها أخاف إنها ماتكفي ،، من ناحية التجهيزات بشكل عام ما شاء الله في مواضيع وايد

    عن الأغراض إلي بيحتاجها البيبي بس عدد كل شيء هو أساس مشكلتي ما أعرف كم أوفرول آخذ

    كم لفة آخذ و الأغراض الباقية أخاف أخذ وايد ويصغرن على البيبي أو آخذ اشوي و ما بعرف

    أطلع إلين أخلص الأربعين . ياريت ياكروشات اتساعدوني في عدد كل غرض راح يحتاجه البيبي

    في فترة النفاس.

  2. #2
    عروس مبدعة الصورة الرمزية نبع الإبداع
    تاريخ التسجيل
    26/10/2003
    الدولة
    الإمارات
    المشاركات
    745
    يا عروسات ردوا علييه والله اني محتارة و مابقى وقت على والولادة

    أصلا ظروفي ما تسمح اني أطلع أكثر من مرة في الأسبوع

    حرام لا تطنشوني

  3. #3
    عروس جديدة
    تاريخ التسجيل
    13/04/2008
    الدولة
    دبي
    المشاركات
    10

    يا رب افيدج

    هلا والله نبع منورة حبيبي
    انا شريت من كل شي 6 بصراحه لان الياهل يكبر بسرعة وتكدرين بعدها تشتريله
    اوفراول 6 - تبانات 6 - مهادات 6 -
    واذا تحبين تشتريله قمصان النوم 6 وايد مريحة للطفل انا شريتهم من كريمي اللي في السوق القديم في الشارقة عند عطورات الحرمين والعربية السويسرية
    انا بصراحه استخدمهم وايد وحتى بعيالي من قبل
    ويارب يسهل علج وعلينا ونكوم بالسلامة انشالله
    (f)(f)(f)(f)(f)

  4. #4
    عروس رائعة الصورة الرمزية **Thuraia**
    تاريخ التسجيل
    18/03/2002
    الدولة
    سلطنه عمان
    المشاركات
    1,146
    [FRAME="13 70"]مرحبا حبوبه
    اولا الله يقومك بالسلامه يارب ... انا ما عندي خبره هذا اول حمل لي انا بعد بس الي اعرفه بكتبه عشان افيدك

    انا الاهل خبروني انى ما اتشرى اغراض كثيره فتره الاربعين لان البيبي يكبر بسرعه والحمدلله
    بالنسبه لعدد الاغراض ملابس البيبي من الاوفرول خذي مثلا 5 ويكون مقاس من 3 الي 6 اشهر دايما خذي مقاسات لعمر اكبر

    من 0 الى 3 خذي حوالى 6
    ومن 3 الي 6 خذي مجموعه اكثر بشويه

    اتمنى الاخوات العزيزات يفيدوني انا بعد
    بالنسبه لاستقبال المعازيم لازم تكوني جاهزه من كل شى يا حبوبه اذا في شى تحبي اساعدك فيه او فيدك انا حاضره

    تحياتي لك

    ثريا[/FRAME]

  5. #5
    عروس رائعة الصورة الرمزية ركايز
    تاريخ التسجيل
    24/02/2008
    الدولة
    فْيَ مًمًلكَتُِِّْيَ آلخٌِآصٍْهٍَ آلتُِِّْيَ لآتُِِّْقٌٍدًٍرٌٍ بٌَِثٍْمًنْ
    المشاركات
    1,230
    [GLOW="CCCC00"]اختي ابد لاتاخذين اشياء كثير ابد خذي الاشياء اللي تكفيك لفترة النفاس لان الطفل ماشاء الله يكبر لاتكثرين ملابس واذا ان شاء الله ولدتي بالسلامه وقربتي تطلعين من الاربعين اشتري لان يكون الطفل استصح وعرفتي حجمه كذا افضل[/GLOW]

  6. #6
    عروس مبدعة الصورة الرمزية نبع الإبداع
    تاريخ التسجيل
    26/10/2003
    الدولة
    الإمارات
    المشاركات
    745
    هلا خواتي والله مستانسه بردودكم و فزعتكم لي

    أختي لين
    مشكورة حبيبتي شكلي بسير عند كريمي لأني بصراحة بولد في الصيف
    والجو حار و لازم ملابس البيبي تكون خفيفة ومافي أخف من السبابيح حق البيبي
    ربينا فيهم مشكورة الغالية


    أختي
    أنا لما فكرة آخذ 6 من الاوفرول قالولي لا تكثرين الجو حار و ان شاء الله يم بتطلعين من
    الأربعين خذي بس أحس ان لو آخذ من الحين أحسن شكلي باخذ بعد 6 أوفرولات زيادة

    بالنسبة للتوزيعات أفكر آخذ من بيت الشوكولاته توزيعاتهم جاهزة وحلوة و طبعا أي شي
    مال اليهال دايما يطلع حلو و كيوت وإذا عندج أفكار خبريني (( ومنكم نستفيد))
    مشكورة حبيبتي


    أختي ركايز
    صحيح كلامج وهذا إلي قالولي أسويه في البداية بس كان العدد مشكلتي يعني وايد كم يكون
    وشوي كم يكون

    مشكورة الغالية

  7. #7
    عروس برونزية
    تاريخ التسجيل
    11/03/2007
    الدولة
    أبوظبي
    المشاركات
    1,910
    أختي نبع الله يقومج بالسلامة يارب..
    من خبرتي بقولج .. شوفي تشترين 6 قماضات من إلي ينمضون عدل لما تلفينه ..
    وتشترين بعد 6 نيوبورن دبدوب...وإذا حبيتي فيه نفسه قماضات"لفات" يعني كل بدلة دبدوب له طقم قماض..
    وللنوم أحسن للبيبي الدبدوب علشان برد المكيف ..
    و3 بدلات دبدوب من 0 ل3
    وإذا تبين بدلتين أو 3 بدلات دلع 0 ل3
    وتحتاجين ملابس داخلية 6 "الأفضل تاخذين إلي فيها فصم للبامبرز""
    ورضعة صغيرة جدا للماي أو الأعشاب ..
    ورضعة متوسطة للحليب إذا بتعطينه مرة في اليوم
    والرضعات الأفضل تكون بلاستيك موش زجاج علشان ما تثقل عليه..
    وطبعا البودرة ""إذ بنت لاتحطين لها بودرة أبدا في منطقة الحفاظ خطر"" وللولد عادي...
    والشامبو .. وسائل الإستحمام .. وزيت ..للتدليك كل ليلة.. قبل النوم..مقص أظافر.. مشط هههه لازم يتمشط بعد
    كريم الجسم..لبعد الحمام..
    البااااااااامبرز.. قطن للتنظيف .. ولا تستخدمين وااايد المناديل المبللة إلا للسيارة..
    وإذا تذكرت شي بقول لج ..
    ها ممكن تشترين بعد شفاطة الحليب .. إذا تبين ..أنا اشتريتها لأن استخدمتها
    وإن شاء الله أكون افدتج

  8. #8
    عروس مبدعة الصورة الرمزية نبع الإبداع
    تاريخ التسجيل
    26/10/2003
    الدولة
    الإمارات
    المشاركات
    745

    مشكورة أختي حروف القلب

    والله انج افدتيني من الخاطر ألحين بشيك على الأغراض إلي عندي وبقارن بالي كتبتيه

    :eek:على فكرة أول مرة أعرف سالفة البودرة لأني فعلا كنت محتارة و مب عارفة شو البودرة إلي

    أستخدمها خصوصا بعد ما انتشر انه منتجات جونسون مب زينة معأني شريت العلبة إلي يحطون

    فيها البودرة.

    طيب بغيت أعرف من وين آخذ طقم مقلم الأظافر و المشط و المقص و الأغراض إلي وياها

  9. #9
    عروس جديدة الصورة الرمزية غرقانه أبهمي
    تاريخ التسجيل
    10/03/2008
    الدولة
    قطر
    المشاركات
    21

    اقتباس المشاركة الأصلية كتبت بواسطة نبع الإبداع مشاهدة المشاركة
    مشكورة أختي حروف القلب

    والله انج افدتيني من الخاطر ألحين بشيك على الأغراض إلي عندي وبقارن بالي كتبتيه

    :eek:على فكرة أول مرة أعرف سالفة البودرة لأني فعلا كنت محتارة و مب عارفة شو البودرة إلي

    أستخدمها خصوصا بعد ما انتشر انه منتجات جونسون مب زينة معأني شريت العلبة إلي يحطون

    فيها البودرة.

    طيب بغيت أعرف من وين آخذ طقم مقلم الأظافر و المشط و المقص و الأغراض إلي وياها
    أول حبيت أقولج العلبه ألي فيها مقلم الأظافر والمقص وميزان حرارة الطفل والمقص ....أخ بتحصلينه في اللبيبي شوب , وأشياء وايد حلوه عندهم.فيه منها الحجم الكبير وفي منها الحجم الصغير

  10. #10
    عروس جديدة الصورة الرمزية غرقانه أبهمي
    تاريخ التسجيل
    10/03/2008
    الدولة
    قطر
    المشاركات
    21

    :9_28:ألحين بقولج شو ألي شريته :
    1-فنايل داخليه ألي بدون كم ولي أكمامها قصيره أتعرفين بينا الصيف أومابنحتاج حق الي يدهم طويله
    2-جلابيات مع المهاد عاد خذتهم من نايف المسكين عليهم صور شخصيات الفريج, وشكال ثانيه يعني عددهم 7.
    3-البس الكامل ( أعتقد أسمونها عفريته) أللي تسكر من تحت أسهل لتبديل البامبرز تقريبا 6من 0-3والباقي من3-6بعدمب وايد لأنه اكيد بعدين بتنزل تشكيله
    جديده للصيف شريتهم قطنيات لأنه في الليل هوا المكيف بارد على الياهل .
    4-قحفيه قطن ودلاغ قطن تقريبا 3أهم شي حق المستشفى
    5-ملابس للخروج تقريبا 4أوبعد اللبسه الكامله في منهم ينفعون حق الطلعه غير عن ملابس الطلعه.
    6-مدسه للبيبي 3طقم مع المفرش الي يوضع عليه البيبي لتغير البمبرز .
    7-برنوص واحد للضروره +لحافين أصغار + طقمين لسرير البيبي لأنه أذا أتوصخ واحد أكون عندي الثاني أحتياط.
    مع واحد من هالأطقم خذت نفس الشكل شنطه صغيره ومثل السله يحمل فيه الطفل .
    8-شنطه كبيره أوشنطه وسط.
    9-كبت خاص للطفل يوضع في الغرفه .توضع عليه غلايت الماي والدله الخاصه للبيبي والحليب والمراضيع وفي داخله البامبرز والقطن ولوازم السباحه بس الأفضل وضع الأغراض الخاصه لستحمام البيبي في سله خاصه مثل الشامبو وصابمن الجسم والليفه والمحفظه صغيره اللي فيها مقلم الأظافر والمقص والمشط بشرط أكون ناعم ثم توضع السله في الكبت وقطن لتنظيف السر وقطن عادي للغسيل المناطق الحساسه بس أنصحج لانستعملين البودر لأنه أحيانن جسم الطفل مايستحمل البودره بس إذا أحتجتي أستعملي الفازلين بس خفيف
    10_سله لملابس الغسيل
    11-مرضاعتين صغار أو وحده كبيره زجاج لأن البلاستك فيها ماده ضاره للطفل أضع فيها الماي المغلي ليبرد يمكن أضيفه على الماي الحار إذا كنت مستعجله لعمل الرضعه.
    12_خذت سريرين واحد لستقبال الضيوف يوضع قي الصاله والثاني الكبير في غرفت النوم.
    13-وعملت التجهيزات أبنفسي بحاول إنشالله أنزلها لكم عشان أسمع رايكم في شغلي..
    وسمحي لي إذا نسيت شي..

  11. #11
    عروس مبدعة الصورة الرمزية نبع الإبداع
    تاريخ التسجيل
    26/10/2003
    الدولة
    الإمارات
    المشاركات
    745
    هلا أختي غرقانه أبهمي

    مشكووووورة الغالية على اللستة وماشاء الله عليج الله يهنيكم بالبيبي و يهني البيبي بأغراضة يارب
    و يسهل عليي و عليج و يتمم لنا على خير آميييين

  12. #12
    عروس مبدعة
    تاريخ التسجيل
    26/06/2006
    الدولة
    UAE
    المشاركات
    774
    اقتباس المشاركة الأصلية كتبت بواسطة حروف القلب مشاهدة المشاركة


    ممكن تشترين بعد شفاطة الحليب .. إذا تبين ..أنا اشتريتها لأن استخدمتها
    وإن شاء الله أكون افدتج
    الغاليه شو الشفاطه الاحسن عن تجربتج

  13. #13
    عروس نشيطة
    تاريخ التسجيل
    23/05/2007
    الدولة
    السعوديه
    المشاركات
    160
    بصراحه بالنسبة لتجهيزاتي اخذت شي بسيط

    لانه بتجيني هدايا وااااجد ولا احتاج اخذ اكثرررر

    وبصرااحه خواتي مجهزين لي كلللل شي هههههههه ونااسه

    بس الحين ادعي ربي يسهل الولادة طفششششت من الانتظار

  14. #14
    عروس مبدعة الصورة الرمزية نبع الإبداع
    تاريخ التسجيل
    26/10/2003
    الدولة
    الإمارات
    المشاركات
    745
    اقتباس المشاركة الأصلية كتبت بواسطة أم ريم1 مشاهدة المشاركة
    بصراحه بالنسبة لتجهيزاتي اخذت شي بسيط

    لانه بتجيني هدايا وااااجد ولا احتاج اخذ اكثرررر

    وبصرااحه خواتي مجهزين لي كلللل شي هههههههه ونااسه

    بس الحين ادعي ربي يسهل الولادة طفششششت من الانتظار


    ماشاء الله على خواتج أحسن شيء يسوونه

    أنا عندي أختين متزوجات وأقولهم لاتيبون هدايا إلين أقولكم شو إلي ناقصني

    وهذا أحلا شي وعشان ماتتكرر الهدايا عندي و أستفيد من كل هدية تيني

    بس للأسف معظم ربيعاتي و قرايبنا بيسافرون قبل لا أخلص الشهر التاسع

    اتعرفين الكل يسافر فالصيف بس أتمنى أولد قبل نصف الشهر عشان أحس انه الكل

    فرحان فيني خصوصا انه هذا أول حمل لي :wink:هههههه ( من مايحب اللمة)

  15. #15
    عروس جديدة الصورة الرمزية غرقانه أبهمي
    تاريخ التسجيل
    10/03/2008
    الدولة
    قطر
    المشاركات
    21

    اقتباس المشاركة الأصلية كتبت بواسطة نبع الإبداع مشاهدة المشاركة
    هلا أختي غرقانه أبهمي

    مشكووووورة الغالية على اللستة وماشاء الله عليج الله يهنيكم بالبيبي و يهني البيبي بأغراضة يارب
    و يسهل عليي و عليج و يتمم لنا على خير آميييين
    تسلمين أختي نبع الأبداع وأنشاالله تولدين بالسلامه أو ربي أسلم كل حامل وإنشاالله أنقوم بالسلامه ... :888345:

صفحة 1 من 2 12 الأخيرةالأخيرة

المواضيع المتشابهه

  1. تجهيزات البيبي من Old Navy
    بواسطة شموخ الروح 88 في المنتدى تجهيزات الولادة
    مشاركات: 83
    آخر مشاركة: 16/01/2009, 04:20 PM
  2. ’’ • ملتزمــــــــــ تجهيزات ـــــــــــــاات البيبي • ’’
    بواسطة غاده قطريه في المنتدى تجهيزات الولادة
    مشاركات: 40
    آخر مشاركة: 28/11/2008, 04:05 PM
  3. تجهيزات البيبي والام
    بواسطة فراشه99 في المنتدى النساء و الحمل و الولادة
    مشاركات: 6
    آخر مشاركة: 10/03/2007, 02:57 PM
  4. تجهيزات البيبي المولود الجديد
    بواسطة قلوووووووب في المنتدى النساء و الحمل و الولادة
    مشاركات: 5
    آخر مشاركة: 05/10/2004, 01:12 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •