عيد زواجنا وعيد ميلاد زوجي ....ضروري

[3roos_2007]

السلام عليكم بنات ... شلووونكم

حبيت اخذ منكم افكار زوجيه حلوووه بمناسبه عيد زواجنا بعد اسبوع
وبعد باسبوع عيد ميلاد زوجي (g)

انا شريت كرمكم الله نعال هديه عيد زواجنا وبعزمه بمطعم بس ابي افكار لغرفه النوم

ولعيد ميلاده بوك ماركه شروتي وساعه ماركه روشاز (f)

تكفون خواتي ابي رد ضروري

[أم إياس]

السلام عليكم ورحمة الله وبركاته

هلابك اختي عروس 2007

حبيبة قلبي..

بس حبيت انبهك ان عيد الميلاد ولا عيد زواجك تحتفلين فيه كل سنه بدعه

وديننا مافيه الا عيدين هم عيد الفطر وعيد الأضحى..

ياربي دوم يديم السعاده بينكم.. بس تاكدي ان رضا الله عليكم سبحانه هو اللي وحده يقدر يخلي حياتك كلها هناء وسعاده

بامكانك انك تسوين اشياء حلوه على قولتك تعزمينه بمطعم ولا تسوين له مفاجأه حلوه باي يوم تبين

بدون ما تخصصين له يوم محدد تغضبين ربك فيه وانتي تدعينه ان ربي يوفقكم ويخليكم لبعض..

أتمنى ان كلامي وصل لقلبك ياغاليه ..

من حبي والله لك قلت لك هالكلام..

يشهد ربي اني احبك..

دمتي بحفظ الرحمن

[3roos_2007]

يعطيج العافيه اختي ام ياس
ومشكوره على النصيحه

[جورية 85]

هلاا عروسه
تقدرين تغيرين الكفر وتحطين واحد يدي وتنثرين بتلات ورد على السرير
وتوزعين شموع في الدار وتيبين طاوله صغيره تحطين عليها حلا وشموع والهديه وسط الفارش مربوطه في بلونات بتصير وايد حلوه وبعد في مثل ليتات صغار في ايكا تشب وتطفي وايد حلوه تحطينها
اممم وزعي كوشيات على الارض وبلونات وتقدرين اتقصصيتن قلوب حب وتثرينهاا على الرض او تسوين مرر من شموع يبي بوكي ورد وااااو حده روعه وفي ورد الوركيدا اجنننننن يعطي منضر اجنن هذا الي فبالي حاليا
لا تنسين الحمام وانتي بكرامه زيني بورد جوري وشموع واذا في بانيو ترسي ماي وحطي في ورد جوري طبيعي يطلع ريحه روعه
وزهبي الفوط والشموع والفواحه والبرنص مدري اسمه صح ولا لا وحطي بجيبه ورد جوري وزهبي عشا خفيف او طلعو تعشوا براا
اذا تبين توضيح بصور عندي واي شي تبينه حاظره ياغاليه
وعلى كلام الاخت انه مايجوز سويها بغير يوم مو لازم بيوم ذكرا الزواج ولا يتسما عيد النه فعلا ماعندنا غير عيدين
وسلامتج .. بتوفيق ان شاء الله
تقبلي مروري غاليه

[3roos_2007]

يعطيج العافيه اخت جوررريه وافكار حلووو استفت منها

[أم إياس]

اي ذكرت..

حلو وايد انك تملين الغرفه بوالين ملونه

وتحطين ورد مجفف من مدخل البيت الى غرفة النوم..

واذا كان بيتك فيه درج.. جيبي شمع الفواحه الملون..وحطي بكل زاوية الدرج شمعه..

وولعيهم وطفي الأنوار....صدقيني روعه انا جربتها ..: /

وماشاء الله عليها اختي حوريه..كفت ووفت

والله يوفقك

[** سعودية هلالية **]

السؤال

ما حكم الاحتفال بعيد الميلاد وبمرور خمس سنوات على الزواج مثلاً؟ الرجاء ذكر الدليل.

الجواب

سئلت اللجنة الدائمة عن سؤال شبيه بسؤالك وإليك نص السؤال والجواب:
س: يوجد لدينا بعض إخواننا المسلمين أقاموا لأنفسهم ولأولادهم أعياد ميلاد، فما هو رأي الإسلام في هذه الأعياد؟
ج: الأصل في العبادات التوقيف، فلا يجوز لأحد أن يتعبد بما لم يشرعه الله؛ لقوله –عليه الصلاة والسلام- في الحديث الصحيح: "من أحدث في أمرنا هذا ما ليس منه فهو رد" البخاري (2697) ومسلم (1718)، وقوله: "من عمل عملاً ليس عليه أمرنا فهو رد" مسلم (1718)، وأعياد الموالد نوع من العبادات المحدثة في دين الله، فلا يجوز عملها لأي أحد من الناس مهما كان مقامه أو دوره في الحياة، فأكرم الخلق وأفضل الرسل –عليهم الصلاة والسلام- محمد بن عبدالله –صلى الله عليه وسلم- لم يحفظ عنه أنه أقام لمولده عيداً ولا أرشد إليه أمته، وأفضل هذه الأمة بعد نبيها خلفاؤها وأصحابه ولم يحفظ عنهم أنهم أقاموا عيداً لمولده أو لمولد أحد منهم –رضوان الله عليه- والخير في اتباع هديهم وما استقوه من مدرسة نبيهم –صلى الله عليه وسلم-، يضاف إلى ذلك ما في هذه البدعة من التشبه باليهود والنصارى وغيرهم من الكفرة فيما أحدثوه من الأعياد، والله المستعان.
[فتاوى اللجنة الدائمة للبحوث العلمية والإفتاء 3/83-84]

المصدر

الاحتفال بعيد الميلاد

ونصيحتي لكِ
من ترك شيئاً لله عوضه الله خيراً منه ولاتعلمون سبحان الله بركة التنازل لله سبحانه و يرزقكم من حيث لاتحتسبون ويسعدكم مع ازواجكم ويألّف بين قلوبكم ويرزقكم المودة والمحبه
تذكروا كل مابغيتوا تحتفلون انه لاقدر الله صار شي مايعجبك بزوجك تنازلك عن الاحتفال ربي يعوضك عنه بزوجك ويصلحه لك هذا مجرد مثل واحد لعدة امور
تمنياتي للجميع بسعادة الدارين

[غواااني]

مرحبا حبيبتي ..
أنا مع خواتي بكلامهم انا اقول تخلين عزومتج بيوم واحد ولا اتحددين لا يوم زواجكم و لا يوم ميلاد زوجج
الله يحفظكم لبعض انـ..شأالله .. بس في فكره حلوه طرت على بالي و حلوه بذكركم بزواجكم واجواء العرس
شريط فيديو العرس و صوركم مع بعض يوم عرسكم .. جهزي الفيديو و ظهري البوم العرس واسترجعوا ذكرياتكم الحلوه مع بعض بالاضافه للحركات اللي قالوا عنها خوااااتي ..
تقبلي مروري
....
أختـــــــ غواااني ـــــــــج

[العروس الدماني]

الأخوات كفوا وفوا ..

[marwa99]

كل عام وانت بخير عيد ميلاد سعيد لك وإن شاء الله تكون عام سعيد عليك وربنا يوفقك فى مخططاتك لهذا العام ما دام فى طاعة الله وإن شاء الله عيد ميلاد سعيد عليك واهدى لك تلك الكلمات

أهديك حب أنت أغلى أهديك ورد أنت أحلى بهديك عمري وياريت يسوى


مرت سنة بكل ما فيها وجت سنة أحلى ما فيها إنك لسة معاي فيها.


أعذب تهنئة لأعذب احساس
ياللي غلاك ماله قياس
كل عام وانت أسعد الناس


في أحلى يوم بالشهر
حبيت أسبق البشر
وأهني اللي أحلى من القمر
وأغلى من النظر
وأبارك لها بيوم ميلاد العمر
وأطلب من ربي يحفظها طول الدهر
وأقولها كل عام وانتي بخير وعقبال بليون عمر