اختي لوعت بجبدي .. مصره تبى هالفستان ... تعااااااالن كلكن ضروري

[أريش العين]

السلام عليكم ورحمة الله وبركاته

اشحالكن بنات
ربكن بخير


انا اليوم يايه واباكن ف خدمه
الخدمه مب لي الخدمه لاختي بس بتسوون خير فيني انا بالدرجه الاولى لانكن بتفكني من حشرتها

انا الله يسلمكن من فتره مطلعه فستان عايبني من هالمنتدى
ومسيفتنه ف اللابتوب .. وشافته اختي وعيبها
اختي صغيره عمرها 15 سنه وتبى هالموديل ّ !! هو حلو لكن احسه ما يناسب سنها
انتو شو رايكم
هذا هو الموديل


بعدين قلت بما انها مصره خلاص بنسوي شراته بس ما يكون لونه اسود لانه صدق ما بيناسبها ... بيطلعها اكبر من سنها

السؤال الحيين
شو اللون المناسب لهالفستان .. بدال الاسود شو ممكن نسوي
دخييلكن ردن عليه بسرعه لانها لوعت بجبدي
السموحه منكن
اريش العين

[فلورهـ]

صراحة الفستان كلش مايناسب بنت15 سنة

بس اذا جسمها ناضج ممكن بس بيكبرها

طيب جربي تطلعي لها موديلات حلوة تشغل مخها عنه

ممكن تسوينه درجات العنابي والوردي

[سمو الأميره ..]

امممممممم بصراحه الفستان حلووووو ..

بس؟؟ ما بياسن عمرها نهائيا ...

يمكن وردي وذهبي بيطلع حلوو

ياليت تقتنع وتبتعد عن هالفستان ..

[أريش العين]

فلورينا
هيه والله انه ما يناسب عمرها
بعد لو جسمها يساعد بقول ... هي ضعييفه وبين القصيره والمتوسطه
انا بخليها تشوف كلامكم عل وعسى تقتنع
مشكووره فديتج لاهنتي ياربي

[أريش العين]

سمو الاميره
فعلا مثل ما قلتي هو حلو بس ما يناسب سنها
مممممممم بس انا قلت ممكن اختلاف اللون يغير من الفستان بالكامل
يعني لو كان مثل ما تقولين وردي وذهبي بيطلع غير ومن دون الاكمام بيكون مناسب نوعا ما
مشكوره فديتج

[ملكه الفراوله]

ابصراحه الموديل ابدن مايناسبها يبغيلها شي مرح والوان زاهيه دوريلها الالوان الزاهيه بتلفتها اكثر مثل الفوشي البينك الاصفر البرتقالي البنفسج بس يكون الموديل على سنها

[صدى الرياض]

والله صحيح مايناسب بنت 15
ودوري على شي ناعم يدخل مخها

[فلورهـ]

حبيبتي اذا البنوتة ضعيفة وقصيرة كلش مايناسب لا جسمها ولاعمرها

فهميها انها بالزواج لازم تطلع احلى وحدة وهالفستان مابيطلع حلاوتها

ووريها كتالوجات او موديلات ثانية وبيدخل في مخها واحد ثاني

او قولي لها توري الصورة ربيعاتها او بنات خالاتها ( الي يكونوا فاهمات ) وبيقولولها رايهم

يمكن تقتنع من الي في سنها اكثر منك

[أريش العين]

هاهاهاهاهاهاي
يوم شافت ردودكن اقتنعت الحمدلله
حتى قالت خلاص يوم بكبر اشويه بفصل نفسه خخخخخخخخ بعدها مصره
واليوم راحت خذتلها قطعه والحيين سارت تفصلها
الحمدلله
اشكركن خواتي

[wahg_al7aneen]

موديل جد مايناسبهااااااااااا

[maiooona]

هاهاهاهاهاهاي
يوم شافت ردودكن اقتنعت الحمدلله
حتى قالت خلاص يوم بكبر اشويه بفصل نفسه خخخخخخخخ بعدها مصره
واليوم راحت خذتلها قطعه والحيين سارت تفصلها
الحمدلله
اشكركن خواتي

كنت ناوية أدخل و أكتب محاضرة حق اختج لوووووووووووووووووووووووو وول
بس قريت ردج و ارتحت ...



تحياتي
:9_33:

[shahenda27]

كنت ناوية أدخل و أكتب محاضرة حق اختج لوووووووووووووووووووووووو وول
بس قريت ردج و ارتحت ...



تحياتي
:9_33:

[اميرة العاشقين]

بالعكس حلو

بس يبيله تعديلات

مثلا القماش يكون لونه سماوي اي ازرق فاتح

او >>>حتا وردي

والكش كش اللي على اليد يزال

ويلع احلى كلام عليها