روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 18

الموضوع: حياتي وزوجي

  1. #1
    عروس برونزية الصورة الرمزية عنوني
    تاريخ التسجيل
    25/11/2007
    الدولة
    ملفى الأياويد
    المشاركات
    1,819

    حياتي وزوجي

    سلام عليكم شخباركم عروسات

    والله ماني عارفه كيف اطرح مشكلتي وإلي يمكن الكثير منكن مررن فيها وهى الفتره الي تجي بعد الولاده وهو يمكن تكون عاديه ونلاقي لها حل بس لانه زوجي من النوع الدليع وهو دلوع بتهم ومن جذيه وايد يصعب عليه انه احل مشكله إذا صارت معاه

    المهم ،،، طبعا بعد الولاده وبعد ما كملت النفاس ،، صار زوجي كلش غير بدايه الولاده كان عادي بس شويه شويه ابتدى يتغير اهو من ناحيه الجنسيه او من الناحيه العاطفيه اتجاهي وله حتى احسه يبي يقعد ويانه انه وبنتي احس اني بس مع بنتي بروحنه في الشقه حتى لو اهو موجود

    من الناحيه الجنسيه آنه وايد اخاف واحس انه بصير شي غلط لين سوينه شي وإذا ينه بنسوي شي من دون شعور اخاف واباعده عني لا يجرحني او يصير فيني شي ،،، وقام يتضايق وقلت ليه ما عليه اني شويه خايفه بس انت حاول وياي ،، وقال اوكيه ،،، وبالفعل تمت محاولات وكل شي صار اوكيه ،،، وطبعا هاي صار قبل اسبوعين ،،، والحين لين بصير شي ارد يتملل على الرغم اني اسوي كل إلي اقدر عليه بس ما ادري وش صاير

    واقول حقه ما عليه شاركني في افكارك وارح نشوف حل بس ما اشوف غير ويه زعلان وله حد يقدر احاجيه

    والحين كله على الألعاب البلاي ستيشن والكومبيوتر الألعاب يعني ،،، واني كلمته فقال انه يبي وفت حق نفسه <<<< إلي يقول احنه ما خذين كل وقته يعني <<<< ولو تدورن انه لو يصير شي بسيط <<< كأنه ياهل ينسحب وروح على السرير ويتلحف ببللحاف ،،، وعاد وله تكلمينه <<< وأروح اسحب فيه وادلع وله في فايده

    تعبت ،، ونفسيتي بعد تعبت ،،، ويه الياهله والشقه او وياه احس روحي بموت ،،، صرت نفس لمسبهه ما اعرف اني في وين

    يا ريت تفيدوني بأفكار يمكن تساعدني ،،، والله الموفق ان شاء الله

  2. #2
    عروس نشيطة الصورة الرمزية .:ملاذ الروح:.
    تاريخ التسجيل
    27/03/2007
    الدولة
    السعوديه
    المشاركات
    122
    الله يساعدك اختي الرجال بعض لاحيان تجيهم حالات فجاه مثل كذا بس ان شاء الله فتره وتعدي
    حاولي انك تتقربي منه اكثر وتساعديه يمكن فيه شي مضايقنه حولي انك تصارحيه
    وان شاء الله البنات يساعدوك يارب

  3. #3
    عروس مبدعة
    تاريخ التسجيل
    19/01/2006
    الدولة
    الكويت
    المشاركات
    535
    شوفي يا أختي أن أساس الحياة الزوجية قائمة على الجنس وإذا كان هذا الشي يشبع رغبة كل منكم فتأكدي أنها ستكون حياة سعيدة لأن هي أساسها وضروري تعالجي من هذه الحالة إلي عندك أو تطلعون مع بعض إلى مطعم حلو وجوه رومانسي وتكلموا عن كل إلى في خاطركم شنو تحبون وشنو تكرهون وحطوا النقاط على الحروف

  4. #4
    عروس رائعة الصورة الرمزية رور
    تاريخ التسجيل
    11/12/2005
    الدولة
    ksa
    المشاركات
    1,179
    اختى ممكن زوجك حاسس بالغيرة من البنت لانها اخذت من وقتك؟

  5. #5
    عروس فضية
    تاريخ التسجيل
    07/07/2007
    الدولة
    رحــــالـــــــه
    المشاركات
    2,336
    السلام عليكم ورحمه الله وبركاته


    شوفي اختي بعد الولاده المره تحس انها تغيرت بأشياء وايد الزوج يحس انه في شي ناقصه ( يعني في احتياجات لكل من الاثنين ) وبنفس الوقت لازم تعطين زوجج حقه من إلي يبيه لأنه إذا ماعطيتيه حقه راح تلقينه يحس بشعور توتر وانه يكون عصبي .. وبعدين انه يضيع وقته بالبلايستيشن مافيها شي عادي خل يحط البلايستيشن بالصاله ( غرفه الجلوس) وجابليه انتي وبنتج وتقدرين تلعبين معاه حسسيه انج معاه دايما .. ترى كل الريايل يتدلعون على حريمهم يعني إذا ماتدلع عليج بيتدلع على منو ترى مو بس ريلج اغلب الريايل جذي ترى الريايل مثل البيبي اليهااااال صج والله انا احس جذي .. والله يوفقج انشالله وتتغير حياتج للأحسن ويسعدكم

  6. #6
    عروس رائعة الصورة الرمزية توبة نصوحة
    تاريخ التسجيل
    12/02/2007
    الدولة
    فلسطين
    المشاركات
    1,170
    اختي الحل بايدك كان زوجي هيك كنت كل يوم وهو نايم اقرا عليه قران وكل يوم البس لبس شكل كاني عروس واسمعا كلام حب واغري والحمدلله رجع متل ما كان واحسن

  7. #7
    عروس ماسية
    تاريخ التسجيل
    03/11/2006
    الدولة
    المـغـــــرب
    المشاركات
    7,379



    ادعي الله أن يهديه ويرجع كما كان


    وحاولي تهتم به أكثر وأعطيه وقت حتى لا يحس ببنتك أبعدته عنك



  8. #8
    عروس متألقة
    تاريخ التسجيل
    14/01/2008
    الدولة
    لسعوديه
    المشاركات
    227
    حبيبتي الزوج بحاجتك الان اكثر من الاول لانه بيحس انك مشغوله عنه بالبيبي وانتي حاولي تفضين نفسك وتجلسن معه اكثر وتطلعون وتروحون وتجون لاتقولين ما اقدر عشان البيبي ترى بكره بيملك ويدور على منفس ثاني
    وبعدين المشكله فيك انتي موفيه لانك مقصره تعتبرين معه في الجنس ؟؟؟؟؟؟؟؟؟ لاتمانعين وتقولين اخاف انجرح او يسير شي لاتخافين كلشي طبيعي وبعد الاربعين ترجع الوحده زي قبل كلشي يسيرطبيعي صحيح راح يكون في اشوي الم انتي شرحيله السالفه ولاتشدين وقتها ولاتتخيلين انه راح يألم عشان ماتحسين ولاتمنعينه ابدا واتركي الدلع نصيحه مني
    انا وحده بعد ما طلعت من الاربعين مباشرة رحت ركبت لولب لان زوجي قالي ركبي لولب عشان يسير كلشي طبيعي وهو ياخذ راحته بعيدا عن المخاوف اعتقد تركيب الولب بعدالاربعين مباشره اصعب بكثير من ؟؟؟؟؟؟؟؟؟؟
    ان شاء الله اكون افدتك

  9. #9
    عروس مبدعة
    تاريخ التسجيل
    24/07/2007
    الدولة
    عالم من الأوهام
    المشاركات
    920
    فترة وبتعدي تحملي

  10. #10
    عروس ماسية الصورة الرمزية rose_rose7788
    تاريخ التسجيل
    09/08/2005
    الدولة
    دبي
    المشاركات
    4,151
    عطيه من حبك وحنانك وان شاء الله بيصير احسن ...

    الله يعين بس

  11. #11
    عروس ماسية
    تاريخ التسجيل
    04/08/2006
    الدولة
    بُدُنُيـآ يًگسِوٍهُآ آلآمٍَـل.!
    المشاركات
    4,439
    زيدي من اهتماامك به وان شاء الله فتره وتعدي
    الله يسعدكم ويوفقكم ,,,

  12. #12
    عروس فضية الصورة الرمزية **ام يارا**
    تاريخ التسجيل
    12/03/2007
    الدولة
    الســــــــعـــــــــوديــــــــــه
    المشاركات
    2,201
    زوجك يحبك عشاااان كذا غااااار عليكي من البنت ....

    الله يرجعه مثل ماكاااان واحسن

  13. #13
    عروس برونزية الصورة الرمزية عنوني
    تاريخ التسجيل
    25/11/2007
    الدولة
    ملفى الأياويد
    المشاركات
    1,819
    اقتباس المشاركة الأصلية كتبت بواسطة مارينا مول مشاهدة المشاركة
    الله يساعدك اختي الرجال بعض لاحيان تجيهم حالات فجاه مثل كذا بس ان شاء الله فتره وتعدي
    حاولي انك تتقربي منه اكثر وتساعديه يمكن فيه شي مضايقنه حولي انك تصارحيه
    وان شاء الله البنات يساعدوك يارب
    شكرا اختي على مرورك والله ما قصرتي بردك

  14. #14
    عروس برونزية الصورة الرمزية عنوني
    تاريخ التسجيل
    25/11/2007
    الدولة
    ملفى الأياويد
    المشاركات
    1,819
    وحش 2006

    رورو

    Big Smile

    توبة نصوحة


    بسمة أمل212

    حلاوة الاحساس

    سماء الحياة

    rose_rose7788

    #روحـ مغليها#


    **ام يارا**
    حبيباتي كلكم والله ما قصرتو والله لا يعدمني منكم وارح اخذ بنصايحكم ،،

    او والله والله اني ما مقصره اتعدل واخذ حمام حلو وانعم جسمي واسوي شعري وابخر شعري ونفسي والشقه وحتى سويت له حركات من المنتدى ومن مساج تايلندي وصج فرح فيهم بس يرد يومين ويتغير ،، واهو بصراحه يحب يتدلع ويله ما عليه الله كريم وانشاله وقت فصير يعدي بدون ما احس له

  15. #15
    عروس رائعة الصورة الرمزية رور
    تاريخ التسجيل
    11/12/2005
    الدولة
    ksa
    المشاركات
    1,179
    شوفى يا عمرى احسن شى انك تعتبرى حالك عندك ولد و بنت عاملية كانة ابنك و معلش اتحملى هى الحياة كلها مصاعب واعتقد ان هذا افضل حل اعتبريهم عيالك الاثنين و الله يعينك و يهدى ازواجنا جميعا يارب

صفحة 1 من 2 12 الأخيرةالأخيرة

المواضيع المتشابهه

  1. زوجي وزوجي وزوجي.....
    بواسطة اغتراب في المنتدى الشؤون الأسرية و الإجتماعية و أخبار الأعضاء و مناسباتهم
    مشاركات: 38
    آخر مشاركة: 29/11/2011, 10:48 AM
  2. أبوي مريض وزوجي بيضربني وكل حياتي عذااااب
    بواسطة اردنيه في المنتدى قضايا وحلول
    مشاركات: 36
    آخر مشاركة: 06/01/2009, 07:21 AM
  3. حياتي انا وزوجي
    بواسطة ام الوليد *2007* في المنتدى ركن المشاكل الخاصة باشراف الإخصائية ساعة غروب..مغلق حاليا عن إستقبال المواضيع
    مشاركات: 2
    آخر مشاركة: 06/08/2008, 03:27 AM
  4. حياتي انا وزوجي مومله ايش اسويه ابغا حل
    بواسطة بيندا في المنتدى أفكار و خبرات
    مشاركات: 21
    آخر مشاركة: 26/06/2008, 06:27 PM