روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 11 من 11

الموضوع: فنادق تركيا مدن تركيا مساعده عاجله بلييييييز للخبيرات

  1. #1
    عروس فضية
    تاريخ التسجيل
    02/04/2003
    الدولة
    السعوديه \الرياض
    المشاركات
    2,077

    فنادق تركيا مدن تركيا مساعده عاجله بلييييييز للخبيرات

    السلام عليكم

    خواتي الله يرضى عليكم احتاج مساعدتكم

    زوجي قال انتي ابحثى بسررررعه و اختاري احسن شي اقصد فنادق بتركيا>>>
    بس طبعا مناسبه للميزانيه

    يبغاها بسرررررررررررعه عشان يسأل مركز السفر و السياحه عن التكلفه الاجماليه

    عشان نشوف احنا بيمدينا نجمع لها و تتسهل و نروح >>>يااااااااارب يا رب مره ودي

    و لا ...... اذا ما حصل ... قضبنا ارضنا >> قعدنا ببيتنا الي مب جميل يطفش..

    ليش ابغا بسرررعه ؟؟

    عشان ما يهون ؟؟؟ صحيح برضه هههههه بس الاهم:

    عشان لو كتب ربي و تسهلت لازم يطلب اجازه من شغله (بالاصح يشحذ اجازه)

    باقرررررب وقت اليوم قبل بكرا

    لان كل اللي معاه بدوا هالاسبوع يقدمون اجازات بسرررعه يبغون ياخذون بالصيف عشان قبل رمضان و يلحقون

    عالاشهر الزينه ... و هو دااااايما تروح عليه و لا ياخذ بالصيف

    و انا موظفه يعني اذا ما اخذتها بالصيف بترروووووووووووح علي وااااااء

    -------------

    اوكي فهمتوا وش سالفتي ؟؟ >>> كتبت قصة حياتها

    عشان كذا حبيباتي ابغا لو سمحتوا

    1- فنااااادق بتركيا .. الصراحه ابغا خمس نجوم بس مدري عن سعرها كم بالليله..

    يا ليت تفيدوني ايش احسن الفنادق و اسعارها و هي عالبحر و لا كيف

    2- ايش المدن اللي ممكن نروح لها

    طبعا اسطنبول سمعت عنها كثير .. بس كم يوم يكفي لها ؟؟

    و سمعت عن بورصه بس مو كثير.. كم يوم يكفي بعد؟

    فيه مدن غير هالثنتين ؟؟؟؟؟؟؟؟؟؟؟؟؟؟؟؟؟؟؟؟؟

    الله يوفقكم ردوا علي

    اللي ترد علي الله يجعلها تسافر للمكان اللي تحلم فيه احلى سفره بعمرها عاجلا غير اجل

    تراي انتظر ..........................

  2. #2
    عروس فضية
    تاريخ التسجيل
    02/04/2003
    الدولة
    السعوديه \الرياض
    المشاركات
    2,077
    يله يا بنات تراني حاطه يدي على خدي و اتنهد >>وش رايكم بالوصف

    دورت بالنت حسيت فندق كونراد + هوليداي ان حلوين بالصور بس بالواقع كيف مدري !!

    وش رايكم فيهم ؟؟ و تدرون عن اسعارهم ما طلعت الاسعار عندي

  3. #3
    مشرفة سابقة الصورة الرمزية مناهل78
    تاريخ التسجيل
    07/04/2003
    الدولة
    بين احبابي
    المشاركات
    7,886
    هلا أختي.. راح أفيدك بخبرتي البسيطة لتركيا حيث أني زرتها في الصيف مع زوجي وإبني.....

    كانت الزيارة قصيرة بس تكلفتها كثيرة.. لأن أسعار التنقل من مكان للثاني شوي غالية والمشتريات بعد، ،الأكل حسيته عادي سعره مناسب..

    أحنا أنغشينا بالفنادق،، اللي رتبت لنا من مكتب السياحة شارت علينا بفندق اربع نجوم وقالت وايد زين وأحنا دوم نرتب للبحرينيين منه...

    راح ألخص لج من أول ماوصلنا لحد رجعتنا...

    طبعا اول ماتوصلين تسوين الفيزا وبعدين تاخذين الشنط،، خلوا معاكم فكة تركية عشان عربة الشنط، والا راح تسحبونهم على يدكم.....
    اول ماتطلعون اخذوا تاكسي وتحملوا تلحقون بوبدلة اللي بيي يقول لكم انتوا حاجزين فندق عيل حياكم بنرتب لكم سيارة (سعرهم مرتين عن التكاسي).

    وصلنا الفندق الا ذاك الفندق اللي مو ذاك الزود الحمدلله أن كنا بنبقى فيه ليله اسمه crystal مافي جنسية ماتلاقينها فيه عربية او اجنبية... بس مكانة زين مو عند ميدان تقسيم وجنبه خوش قعدات قهاوي وكذلك بيتزاهت.. وفي بقالات في كل زرنوق...

    اليوم اللي بعده طلعنا في ميني باص لبورصة خذ منا 150 دولار تقريبا،، وأحنا لو فكرنا شوي كان أخذنا الباخرة وماتكلفنا يمكن الا 5 دنانير للشخص... المهم بعد عناء وصلنا الفندق وايد كان حلو وكشخة ونظيف ومافي خليجي ماتشوفينه فيه أسمه الميرة انصح فيه لأن قريب من قلب المدينة،، صحيح الهوليدي أن حلو كبير بس وايد بعيد ،،، المهم في حديقة جنب الفندق وايد حلوة فيها العاب وقعدات وتقدرين تطلعين وتروحين لا مركز بس مو ذاك الزود حق الشراء..
    اليوم الثاني رحنا الجبل بالتلفريك (كان معانه مرشد أردني والصراحة ماقصر اللي يبي تلفونه آنه حاضرة) وتغدينا فوق الجبل فعلا كانت قعدة شواء رائعة.. وبعدها نزلنا على المسجد الكبير اللي بقى صامدا على الرغم من قوة الزلزال وبجنبه محلات حلوة تبيع الأشياء التقليدية ومقاهي.... وتقدرون تنزلون المسجد يمكن اسمه الأخضر وبجنبه سوق شعبي...

    رجعنا بعدها اسطنبول وماكان الفندق (حسب إستشارة مكتب السفريات) ذاك الزود ومن يومها قررنا مانسمع كلام حد وماننزل الا بفندق 5 نجوم... مكانه بس كان زين وايد داخل ميدان تقسيم...
    رحنا على رحلات تور،، منها رحلة مضيق البوسفور مع السوق المصري وتل العرايس... ورحلة خاصة لجزر الأميرات (كانت الرحلة حلوة خصوصا وجبة السمك لكن تكرمين ريحة الخيول هلكتنا وولدي على قولته ماما ماقدر ريحة خياس)..

    تقدرين تستخدمين المترو تحت الأرض للتنقل بين المجمعات والأسواق وعندك مركز جواهر وايد حلو. .المترو تقدرين تاخذينه من ميدان تقسيم...

    وسط ميدان تقسيم عندك الحمام، وايد وناسة تشترين لهم حب ب ليرة واحدة وتقعدين تطعمينهم، ولدي كان في قمة الوناسة وهذا كان برنامجه اليومي مستحيل ندخل الفندق قبل مايأكلهم....

    إن شاء الله أكون أفدتك ورحلة سعيدة...

  4. #4
    عروس فضية
    تاريخ التسجيل
    02/04/2003
    الدولة
    السعوديه \الرياض
    المشاركات
    2,077
    يارب تتوفقين ويخلي لك ولدك و زوجك و احبابك يارب

    الله يجبر بخاطرك

    بس يا ليت لو تجاوبين على اسئلتي الله يوفقك لانه مررره محتاجه اعرف اجوبتهم:

    1- كم كلفتكم الرحله و كم يوم كانت ؟ >>مهم و تكفين واللي يوفقك بالتفصيل

    2- قلتي اول ما توصلين تاخذين الفيزا ؟؟ وش السالفه تركيا لها فيزا و لا شلون؟؟

    3-اما ابو بدله خلااااص توبه منهم في كل دوله ناطين كش عليهم خخخخخخ

    4-اللي فهمته انه بس رحتوا اسطنبول صح؟ و منها تقدرين تروحين لاماكن بدون سفر

    داخلي بالطياره صح؟

    يعني ممكن طرق ثانيه مترو و لا ميني باص او باخره صح علي ؟

    و شكررررررررررررررررررررررر رررررا حبيبتي الله يسهل لك امورك كلها و ينولك اللي تتمنين

  5. #5
    عروس فضية
    تاريخ التسجيل
    02/04/2003
    الدولة
    السعوديه \الرياض
    المشاركات
    2,077
    ايه حبيبتي انتي والبنات فديتكم

    ما قلتي لي عن كونراد و هوليداي ان سمعتوا عنهم و كممممممممم اسعاااااااااااااااااارهم؟ ؟

    شكررررررررررررررررا

  6. #6
    عروس فضية
    تاريخ التسجيل
    02/04/2003
    الدولة
    السعوديه \الرياض
    المشاركات
    2,077

    والله ما في وقت

    ردووووووووووووووووووووووو ووووا بسررررررررررررررررررررررر رررعه الله يخلييييييييييييييييييكم

    :"(

    :’( :"(

  7. #7
    عروس متألقة
    تاريخ التسجيل
    29/11/2007
    الدولة
    دبي
    المشاركات
    288
    ماعندي فكره عت تركيا
    انا كان ودي روحلها بس سمعت انها غالية

  8. #8
    عروس فضية
    تاريخ التسجيل
    02/04/2003
    الدولة
    السعوديه \الرياض
    المشاركات
    2,077
    شكرا عالرد ام سيافي

    ان شاء الله مو غاليه واجد عاد و لا بتصير مشكله يا لهوي

    انا ما عندي فكره ترا عن اسعارها !!!

    وينكم خلاص تعبت اهئ اهئ اهئ اهئ

  9. #9
    عروس فضية
    تاريخ التسجيل
    02/04/2003
    الدولة
    السعوديه \الرياض
    المشاركات
    2,077
    ليش ما عندي احد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

    يا ناس شوفوا الموضوع من متى ارحموا من في الارض يرحمكم من في السماء

    والله ما نقصر و دوم نساعد قدر الامكان بس اذا جينا نبي شي بسيط محد يرد

    ليشششششششششششش ؟؟؟؟؟؟؟؟؟؟؟؟؟

  10. #10
    مشرفة سابقة الصورة الرمزية مناهل78
    تاريخ التسجيل
    07/04/2003
    الدولة
    بين احبابي
    المشاركات
    7,886
    سامحيني أختي مادخل النت بالويك أند وامس يوم رجعت الداوم انشغلت بالمرة وماقدرت أرد عليك...


    1- كم كلفتكم الرحله و كم يوم كانت ؟ >>مهم و تكفين واللي يوفقك بالتفصيل

    التذاكر كلفتنا شخصين بالغين وطفل تقريبا 600،،، الفنادق في حدود 300 مع الفطور... مدة الرحلة تقريبا 8 أيام


    2- قلتي اول ما توصلين تاخذين الفيزا ؟؟ وش السالفه تركيا لها فيزا و لا شلون؟؟

    اي لها فيزا وأحنا نقدر ناخذها من المطار،، حتى لين توصلين عند الكاونتر تشوفين اعلام الدول وسعر التأشيرة لكل دولة، تقريبا في حدود 12 دينار .....

    3-اما ابو بدله خلااااص توبه منهم في كل دوله ناطين كش عليهم خخخخخخ

    اي تحملي منهم اخذي من هالتاكاسي الصفر ارخص وأبرك...



    4-اللي فهمته انه بس رحتوا اسطنبول صح؟ و منها تقدرين تروحين لاماكن بدون سفر

    داخلي بالطياره صح؟

    رحنا اسطنبول وبورصة،، أخذوا الباخرة الكبيرة مو العبارة بسرعة توصلون وتنزلون قريب جدا من مدينة بورصة الداون تاون... وحتى لين بيبترجعون أسطنبول مو تنزلكم بوسط اسطنبول كلها 10 دقايق انتوا في ميدان تقسيم.

    يعني ممكن طرق ثانيه مترو و لا ميني باص او باخره صح علي ؟

    إذا انت بميدان تقسيم تقدرين تاخذين المترو الأرضي وينزلك كثير من الأماكن وتقدرين تروحين مركز جواهر، ينزلك المترو بالضبط عند بوابة المجمع والمترو نظيف وراقي مو حالته حاله،، زوجي كان رافضه في البداية عشان خايف حالته حاله بس بعدين انبهر بنظافته...
    مانصح تروحون بورصة بالميني باص راح يكلفكم وايد،، راح أكتب لك أسم المحطة اللي تاخذك بورصة بسعر رخيص، ،بس دفتر الرحلة عندي بالبيت وانا الحين بالدوام...

  11. #11
    عروس فضية
    تاريخ التسجيل
    02/04/2003
    الدولة
    السعوديه \الرياض
    المشاركات
    2,077
    يعطيك العافيه حبيبتي و مشكوره جزاك الله خيررررررررررررررررررررررر ررر

المواضيع المتشابهه

  1. تركيا
    بواسطة oms3ood في المنتدى بوابة السفر إلى أوروبا
    مشاركات: 10
    آخر مشاركة: 07/01/2010, 06:15 AM
  2. تركيا
    بواسطة نبرة حنان في المنتدى بوابة السفر إلى أوروبا
    مشاركات: 6
    آخر مشاركة: 06/01/2010, 02:29 PM
  3. جو تركيا
    بواسطة نانا1425 في المنتدى بوابة السفر إلى أوروبا
    مشاركات: 1
    آخر مشاركة: 03/06/2008, 03:52 AM
  4. تركيا
    بواسطة rHaSpoDy في المنتدى بوابة السفر إلى أوروبا
    مشاركات: 1
    آخر مشاركة: 12/04/2007, 08:52 AM
  5. تركيا
    بواسطة تفاحة في المنتدى مجلس بنات عروس الثقافي
    مشاركات: 2
    آخر مشاركة: 20/11/2004, 07:38 PM