مساء الخير عزيزاتي كويتيات
سؤال طرا على بالي
وطبعا اجابته منكم راح تختلف من وحده عن الثانيه
وكلمن له اسبابه
والسؤال باين من عنوان المقال
شلون تتيمعون على الغدا او العشا انتي واسرتج او حتى بزوارتكم
هل يا ترا طاوله الطعام صارت شي ضروري منها ديكور ومنها استخدام ؟؟
او انج ليمه الحين ما تستغنين عن القعده على الارض ؟؟؟ وما تحبين تاكلين الا وانتي فارشه السفره وقاعدين كلك يم بعض ؟؟؟؟
ناطره اجوبتكم لحد يخلي
هلا الغالية
أنا عندي طاولة في المطبخ نتولف عليها أنا وزوجي على الفطور والغداء
أما العشاء فلااااااازم أمام التلفزيون... برامج المجد تحلو في الليل .... فأفرش حصير وفوقها السفرة عن يخيس السجاد ....
والضيوف يتوقف على الوقت اللي ايجونه ... اذا كان مب وقت الأكل يعني فواله هم في مكانهم ويكون عندي الطاولات الصغيرة موزعة في الغرفة وعليها الضيافة
وأشكر لك طرحك
طبعا على طاولة الطعام احسن وارقى والقعده على الكرسي مريحه
طبعا الأرض فراش النبي
والجلسه اريح ولا حوسة مواعين واجده
طبعا على الارض حلاته نبسط كلنا على الارض
اما الفطور بس على الطاوله لان على الطاير قبل الدوام بس
طبعا على الأرض لأن الطاولة أحس فيها تكبر وتعالي اما على الأرض تحسين ببساطة الأكل والدنيا بعد
نحن نتولف بس يوم الخميس والجمعه الين عصر السبت
وطبعا ناكل تحت ما نحب قعدت الكرسي مب مريح
اكيد على الارض يكفى اكبر قدوة لنا الرسول صلى الله عليه وسلم
على الارض احسن شي
في بيت أهلي الفطور عالأرض لأنه فيه لمة... أما باقي الوجبات على الطاولة...
وفي البيت عندي طاولة و نستخدمها للضيوف بس، زوجي لازم ياكل قدام التلفزيون فالأكل يروح له هناك و يكون عالأرض...
بس أحس جلسة الأرض متعبة، فأحياناً آخذ صحني و أجلس عالكنب
والله على الارض احسن الف مر ه من الطاوله
طبعا الأرض
the best thing ever....
والله اغلب الاوقات على الطاولة ولما يكون عندنا احد كثيير فالطاولة مابتكفي ناكل على الارض
سبحان الله قعدة الارض رووعة ومريحة وتخليكي تاكللي اكثر
مشكووورة اختي على الموضوع
في بيت اهلي و اهل زوجي تكون الوجبات على السفره وعلى الارض .. شعور باللمه الاكل طعمه احلى احسه
في بيتي على طاوله الطعام .. و مرات على السفره .. على حسب المزاج
ومثل ما قلتي ان طاوله الطعام من اساسيات الديكور والاستخدام ..
حنا هيك وهيك
ساعات بناكل على الارض واهو الاكثر لأن بناتي يبون يشاهدوون التلفزيون
بس الاكثر الفطور على الطاوله
ويسلموا
رد مع اقتباس