صندوق خليفة

[لمسة إحساس]

حبيباتي ...

شو رأيكن في صندوق خليفة حد فيكن جربة أو أي حد تعرفهن قدم فيه؟؟؟

[M!s.Uae]

ا لسلام عليج ورحمة الله وبركاته ختيه لمسةاحساس اناسجلت في صندوق خليفه وهو عباره عن دعم لمشاريع ماديه ايضا له منطلقين المنطلق الاول يسمى بدايه ومعناها عندج مشروع وتبين
تبدين فيه يدعمونج لين حد معين مثلا انا قالولي كوني انطلقت من منطلق بدايه الحد المعين اللي عطوني اياه مليون درهم وفي المقابل اعطيهم قبل عشره بالمئه من المبلغ اللي بيعطوني
اياه ويكون 100000 الف اما المنطلق الثاني هو زياده وهو عباره عن عندج مشروع باديه فيه وتبين حد يساعدج في اكماله فهم يعطونج السيوله لكن لحد معين المهم بتاخذين مقابله عندهم تطرحين فيها مشروعج اذا شافو ان مشروعج انطرح بتميز اكيد بيقبلونج واذا شافو العكس مثلي انا بيدخلونج معهد تدريبي عشان يعلمج كيف تضعين خطة مشروع ناجحه وبعدين تسوين مقابله وانا الحيت اتريا دوري في المعهد والباقي السموحه منج ماعرف شو الخطوات عندهم واتمنى اني فدتج واي سوال انا حاضره

[لمسة إحساس]

مشكورة حبوبة على الرد

أنا إن شاء الله أريد أقدم في برنامج بداية ،،، يا ليت تعطيني تفاصيل أكثر

مع كل الشكر

[لمسة إحساس]

ممكن تشرحين لنا هذه الخدمات و خاصة الأولى ؟؟؟


خدمات بداية

يقدم "بداية" عدداً من الخدمات الاخرى غير التمويلية تهدف إلى توفير دعم غير مباشر للمشروع الحاصل على التمويل وتؤمن متطلباتِ نجاحِه وضَمَانِ استِمراريَتِه مثل :

1 – حاضنات الاعمال حاضنات الصناعات حيث يوفر البرنامج مكاتبَ ومصانع صغيرة بإيجارات رمزية ولفترات محدودة لا تتجاوز ثلاث سنوات للمشاريع

2 - خدمات مساندة مشتركة مثل غرف الاجتماعات والسكرتاريا والأجهزة المكتبية وغيرها.

3 - الخدمات الاستشارية في المجالات الإدارية والمحاسبية والقانونية والتسويقية.

4 - يعمل "برنامج بداية" مع شركاء خدمات مهنية وهيئات مختصة في الاستشارة والتدريب على تقديم المساعدة المركزة من خلال "مركز استشارات الأعمال التجارية" ومن خلال شبكة الخدمات والتسهيلات التي يوفرها.

مع جزيل الشكر

[M!s.Uae]

تامرين امر لمسة احساس بس انا وايد مشغوله هاليومين وان شاء برد عليج

[M!s.Uae]

ممكن تشرحين لنا هذه الخدمات و خاصة الأولى ؟؟؟


خدمات بداية

يقدم "بداية" عدداً من الخدمات الاخرى غير التمويلية تهدف إلى توفير دعم غير مباشر للمشروع الحاصل على التمويل وتؤمن متطلباتِ نجاحِه وضَمَانِ استِمراريَتِه مثل :

1 – حاضنات الاعمال حاضنات الصناعات حيث يوفر البرنامج مكاتبَ ومصانع صغيرة بإيجارات رمزية ولفترات محدودة لا تتجاوز ثلاث سنوات للمشاريع

2 - خدمات مساندة مشتركة مثل غرف الاجتماعات والسكرتاريا والأجهزة المكتبية وغيرها.

3 - الخدمات الاستشارية في المجالات الإدارية والمحاسبية والقانونية والتسويقية.

4 - يعمل "برنامج بداية" مع شركاء خدمات مهنية وهيئات مختصة في الاستشارة والتدريب على تقديم المساعدة المركزة من خلال "مركز استشارات الأعمال التجارية" ومن خلال شبكة الخدمات والتسهيلات التي يوفرها.

مع جزيل الشكر

لمسة احساس هاذي الفقره من وين مظهرتها اذامن النت ماعليج منها

المهم انتي شو تبين تسوين؟ واذا انتي مرتبكه الموضوع مب معقد يعني بيسالونج شو نوع المشروع والاهم من هاذا كله خطت العمل انطرحت خطت عملج بالمستوى المطلوب بتكونين عديت وبيبدون معاج بالتنفيذ واذا ماعديتي بيحولونج اذا تبين معهد تدريبي شراتي المهم انتي قوليلي شو اللي بالضبط بتسوينه وشو اللي بالضبط تبين تعرفينه والغاليه اذا مافي ازعاج اباج تعلمينيه شو اللي يستوي وياج وانا كنت شراتج اول ماسجلت وايد مرتبكه خلاف يوم سرت صوبهم ودخلت المقابله وظهرت منها ارتحت لانها بسيطه وعاديه تمت تسالني كذا سوال وانا كنت مسويه خطة مشروع بدون مساعدة احد وهالخطه هي اهم شي ويوم حست اني مب مسويتها اوكيه قالتلي اسمعى نحن عندنا معهد تدريبي وبيعلمج كيف تسوين خطت عمل ناجحه واذا ماتبين ترومين تيبينه من برع لكن بتحصلينها 8000 اما المعهد بتدفعين على تسجيلج ويانا500 وماشي سجلت في المعهد شهر12 وقالتلي بعد شهرين بيسولي تلفون لان المعهد زحمه وسويت لهم قبل يومين قالولي انتي في الدور وبعده مايا دوري وهذا اللي استوى وياي واذا تبين اي سوال انا حاضره وعلميني شوبيستوي معاج:sm229:

[لمسة إحساس]

حبوبة ...

خبريني من اللي يسوي مقابلة ريال و لا حرمة؟؟؟

و شو هي الأسئلة ؟؟؟


مشكورة الغلا

[M!s.Uae]

انا اللي مسويه لي الاسئله كانت حرمه بس ماعرف بالنسبه لج بس اغلب الظن انها حرمه اللي بتسويلج بيدخلونج حجره عوده ومقسمينها اقسام مال المتقدمين للمشاريع وشفافه من زجاج وقبل هذا كله اول ماتدخلين الاستقبال بيعطونج استماره تعبينها عباره عن بطاقتج الشخصيه ومنو بيمولج ومصطلح صغير عن مشروعج وبيزقرون عليج خلاف لماتتصفح الاستماره بتقولج مشروعج كذاو كذا يله خبريني عنه وعن موقعه وكم يكلف انا الغاليه يوم رمستني سئلتني يمكن كم من سوال وبعدها قلتلي اسمعي انتي دراستج للمشروع مب اوكيه لين هناك يعنى لازم نحولج للمعهد صدقني المقابله عاديه حتى لو ماسويتي زين فيها ترهم بيعطونج فرصه ثانيه وعندج هنيه في منتدنا ماادري في قسم بس حاطين موضوع دراسة جداوى وهذا وايد بيساعدج ودراسة الجدوي هي خطة العمل اقري وشوفي وصدقني بقولج اياه مرم ثانيه المقابله وايد عاديه بس الغاليه ماادري يوم تتطرحين خطت العمل وكانت ناحجه اعتقد وهذا على حسب اعتقادي في لجنه بتكون ثانيه بعد تتطرحين مشروعج امامها واعتقد انهم مسوين هالنظام عشان مايتعبون مع الخلق اللي خطة مشاريعهم مب مضبطه عدل واعتقد اللجنه العليا بتكون فيها ريايل

[لمسة إحساس]

مشكورة الغلا ما قصرتي