روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 45 1234567891011 ... الأخيرةالأخيرة
النتائج 1 إلى 15 من 666

الموضوع: منتدبات تمكين يتفضلن

  1. #1
    عروس رائعة الصورة الرمزية سندس84
    تاريخ التسجيل
    01/11/2003
    الدولة
    أوال
    المشاركات
    1,307

    منتدبات تمكين يتفضلن

    سلام عليكم شخبار فتيات
    طبعا الكل سمع بمشروع التوظيف
    اهني الله يسلمكم اقترح ان يصير تجمع الى منتدبات الى توظفوا من صوب تمكين
    سواء اي جهة كانت حكوميه او غير ذلك وكل وحدة تقدر تفضفض عن الي تواجهه من صعوبات في العمل والدوام
    وحتى عن الزيادات نتكلم في الراتب
    والعقود المؤقته وخططك بعد هالسنتي شنو
    واذا في وزارة وعدت بالتثبيت والله شي
    وطبعا لاتنسون توضيح الجهة الي انتوا منتدبين فيها
    يعني نبي المجلس عامر اهني ونبي نعرف شنو الي لازم نفكر فيه بعد السنتين واحنا راح نكون وينه بعد هالمدة
    وحياكم الله

  2. #2
    عروس مشاركة الصورة الرمزية ينبوع الحب الصافي
    تاريخ التسجيل
    31/03/2008
    الدولة
    البحرين
    المشاركات
    59
    يسعدني جدا ان اكون اول من يشارك في موضوعك أختي سندس , بس حبيت اسال اذا احد عنده معلومة اني ما قدمت في تمكين بس وزارة العمل فهل لازم اقدم في تمكين او بس وزارة العمل علما بانني جامعية متخرجه 2007 , اذا احد عنده الجواب لا تبخلون عليي بالرد .

    بالتوفيق للجميع...

  3. #3
    عروس مبدعة الصورة الرمزية حنين للقاء
    تاريخ التسجيل
    17/08/2008
    الدولة
    أرض عذاري اللي تسقي البعيد و تخليني
    المشاركات
    528
    اقتباس المشاركة الأصلية كتبت بواسطة ينبوع الحب الصافي مشاهدة المشاركة
    يسعدني جدا ان اكون اول من يشارك في موضوعك أختي سندس , بس حبيت اسال اذا احد عنده معلومة اني ما قدمت في تمكين بس وزارة العمل فهل لازم اقدم في تمكين او بس وزارة العمل علما بانني جامعية متخرجه 2007 , اذا احد عنده الجواب لا تبخلون عليي بالرد .

    بالتوفيق للجميع...
    هلا ما ادري صراحة بس يفضل انج تقدمين مع ان الحال واحد يعني وزارة العمل هي مخولة تمكين انهم يوظفون بس قدمي في الصوبين او على سجلي عند الوزارة انج عاطلة..

  4. #4
    عروس مبدعة الصورة الرمزية حنين للقاء
    تاريخ التسجيل
    17/08/2008
    الدولة
    أرض عذاري اللي تسقي البعيد و تخليني
    المشاركات
    528
    أخت سندس شكرا على الموضوع المفيد على الاقل عشان نعرف صدقهم من كذبهم هالتمكين..
    تخصصي علم نفس تربوي توظفت على يد تمكين مع وحدة تخصص خدمة اجتماعية في مدرسة خاصة في الأشهر الثلاث الاولى تخلصوا مننا احنا الثنتين بحجة اننا فوق حاجتهم و انهم ما قدروا يقيمون اي قد موظفين يحتاجون الا بعد ما انتظموا طلبتهم عقب اجازة انفلونزا الخنازير الطويلة اياها... طبعا العذر واااهي و ما له اساس بس كلام. طبعا ردة فعل تمكين كانت عادية قالوا انهم ما يقدرون يجبرونهم ان يرجعونا عندهم ( احنا اساسا ما كنا نبي نرجع لأن الموقف كريه) اللي معاي لاحقت تمكين على بال ما وظفوها في مؤسسة اهلية لرعاية الوالدين بنفس الشروط بس ظروفها افضل لأنها قريبة منهم... بس انا مالي زاغر الاحق تمكين اولا لأني كنت حامل باشهري الاولى و تعرفين نساة و تعب خليتهم يولون ثانيا يأست منهم احس ان اللي عندهم حجي لا غير..
    حاليا قلبت بطاقتي لعاطلة بقدم في وزارة العمل و براجع تمكين و رحت معرض البحرين للمهن...ههههههههه كان مصخرة صراحة بس عشان احصل رزف لازم اسعى صح.؟؟
    متابعتكم عشان استفيد..

  5. #5
    عروس رائعة الصورة الرمزية سندس84
    تاريخ التسجيل
    01/11/2003
    الدولة
    أوال
    المشاركات
    1,307
    ينبوع
    حياش الله
    اذا تبين تتاكدين جيكي عند تمكين بهالرقم
    17383377

    حنين اللقاء الله يقومش بالسلامه ان شاء الله
    بس لا تسكتين ترى الحين معظم الي يتوظفون صاروا في وزارات
    وتوني سامعه ان عدد كبيييييييير راح يكون في وزارة الصحه
    وفرص التثبيت في الوزارة مو مستحيله ان شاء الله
    لانه اصلا هذي ميزانيه مخصصه للعاطلين والمفروض بعد 3 الاشهر الاولى يوصل الراتب ل 300 دينار وبعض الوزارات تعطي مكافآت اضافه الراتب مثل وزارة العمل والي يشتغلون في تمكين نفسهم
    هي المشكله تكون في الشغل بقطاع خاص والدوام والعقد المؤقت
    هههههههههههههه ما ادري وش خليت
    اني عن نفسي منتدبه تبع مكتب نائب تبع مجلس النواب

  6. #6
    عروس جديدة
    تاريخ التسجيل
    28/01/2010
    الدولة
    البحرين
    المشاركات
    16
    الله يوفق الجميع

  7. #7
    عروس متألقة
    تاريخ التسجيل
    03/03/2006
    الدولة
    ولاية الديرة المتحدة
    المشاركات
    261
    السلام عليكم

    اني مو من تبع تمكين لكن احب اني اشارككم في موضوعكم

    بالنسبة لوزارة الصحة خذوا اول دفعة في شهر اكتوبر
    والدفعة الثانية داوموا من امس 1\2
    طبعا بعضهم شغلوهم في قسم السجلات والمواعيد في المراكز الصحية
    وبعضهم صوب قسم الخدمة الاجتماعية
    وما ادري اذا في احد منهم داخل الوزارة او لا


    واللي اعرفه ومن مصادر موثوقة ان بيختارون المميزين من الموظفين اللي تبع تمكين وبيثبتونهم في الوزارة
    والفرصة كبيرة جدا لتثبيت خاصة اللي يشتغلون في قسم المواعيد


    وبالتوفيق للجميع

  8. #8
    عروس رائعة الصورة الرمزية سندس84
    تاريخ التسجيل
    01/11/2003
    الدولة
    أوال
    المشاركات
    1,307
    صح كلامش جزر مبشور بالنسبه الى وزارة الصحه سمعت من احد الي توظفوا هناك انه راح يتسنتين يثبت البعض بعد التقييم السنوي

  9. #9
    عروس ماسية
    تاريخ التسجيل
    12/02/2008
    الدولة
    في قلب من أحب
    المشاركات
    5,490
    مشكوووره سندس على هالموضووع
    وانا كل مره احط استفسار عن تمكين محد ارد علي
    على العموم انا مو م ضمن تمكين ليش ؟؟؟
    لان اول شغلة قالوا لي لازم من وزاره العمل
    رحت وزاره العمل قالوا لي هم يودون الطلبات لتمكين للطلبات القديمة
    مع اني خريجة 2007 يعني يبوني اكون دفعه جم عشان يودونهم
    ويصير اروح اسجل في تمكين دايركت
    فرحت تمكين وقالوا لي هم ما يوظفون هم يعطون دورات بعدين يصير توظيف
    انزين جفت الدورات المشكلة مافي دوره تناسب تخصصي
    يعني اخذ دوره غير واشتغل في غير تخصصي ؟؟
    ما فهمت ؟؟؟
    ومده الدورات طويلة بعضها على سنتين و3 ليش ؟؟؟
    شفايده الشهاده الي ماخذينها من الجامعه وذابحين روحنا 4 سنوات ؟؟؟

  10. #10
    عروس مشرقة
    تاريخ التسجيل
    04/02/2005
    الدولة
    البحرين
    المشاركات
    472
    انه موظفة في وزارة الصحة

    واشتغل منسق مواعيد وسجلات صحية احنا يابوا لنا ناس من تمكين 4 متدربات بس ما ثبتوا ولا وحدة ما ادري ليش

    واهم قالوا ان تمكين قالوا لهم عقب سنة احتمال يثبتوكم اهناك بس اهم ايقولون شكله مستحيل

    بس فترة تدريبهم انتهت وما شفناهم عقب

    بس ما ادري شنو صار لهم ..................

  11. #11
    عروس رائعة الصورة الرمزية سندس84
    تاريخ التسجيل
    01/11/2003
    الدولة
    أوال
    المشاركات
    1,307
    ريم الفلا التقييم لازم يصير على الاقل بعد سنة وتالي تظل سنه يعني الموظف المنتدب لازم يتقيم مرتين
    اني افكر في بعد هالسنتين شنو راح يكون مصيرنه

  12. #12
    عروس ماسية
    تاريخ التسجيل
    07/11/2008
    الدولة
    البحرين
    المشاركات
    5,412
    ايوة ايوة ايوة

    اش هالموضوع الكشة

    المهم <<بدون مقدمات

    اني خريجة إعلام وعلاقات عامة قعدت في البيت اربع سنوات ونص!! بعدها ابتعثت خخخخ من قبل تمكين للمجلس البلدي ،، طبعت قبلت على طول شفت دوامهم ونوعا ما قريب منا !!

    العقد سنتين !! ونظل متدربات نكرف كرف بدون اي مكافآت من قبل المجلس

    بداية مارحنا حسينا الكل مضاق منا ، والكل يقول لنا مستحيل نثبت! مع ان الكل يشهد النقلة النوعية اللي شهدها المجلس على المجموعة الجديدة <<< خخخخخخ

    طبعا حصلنا 270 وبعد الثلاثة اشهر زادونا ووصل الراتب 300 قبل لا يشيلون التأمين!

    الله اعلم شنو بكون وضعنا بعد السنتين

    بس مرة سالنا مسؤول هناك قال تعبكم ماراح يضيع ،، والحكومة مابتناسكم <<< ماادري وش هاللغز !!

    وبالتوفيق يالحلوات

  13. #13
    عروس رائعة الصورة الرمزية سندس84
    تاريخ التسجيل
    01/11/2003
    الدولة
    أوال
    المشاركات
    1,307
    هلا بسومه تو ما نور الموضوع
    معظم الي في الحكومي حصلوا وعود للتثبيت ان شاء الله خير

  14. #14
    عروس مشرقة الصورة الرمزية عذاري البحرينية
    تاريخ التسجيل
    19/01/2005
    الدولة
    البحرين
    المشاركات
    367
    تسلمين اختى على هالموضوع

    انا خريجه احياء 2005

    وللحين تمكين ما عرضت على ولا فرصة تدريب
    بحجه انه تخصصي غير مطلوب من الوزارات ولا المؤسسات
    مع انه اغلب الشغلات المعروضه ما تحتاج تخصص
    كالسجلات ومنسقه الاداريه يعنى اهو تدريب لمده سنتين وهالشغلات بسهوله تتعلمينها على ما اعتقد

    للعلم انا رافضه مهنه التدريس في الحكومي والخاص وخبرت تمكين

    من خلال هالموضوع حبيت اعرف اذا في بنات من كليه العلوم عموما توظفوا في جهه من طرف تمكين؟؟؟

  15. #15
    عروس رائعة الصورة الرمزية سندس84
    تاريخ التسجيل
    01/11/2003
    الدولة
    أوال
    المشاركات
    1,307
    عذاري البحرين من قال ان احنه نتوظف على اساس تخصصاتنا
    البعض اي والبعض لا

صفحة 1 من 45 1234567891011 ... الأخيرةالأخيرة

المواضيع المتشابهه

  1. شنو استفدتوا من تمكين
    بواسطة يغار الحلى في المنتدى ركن التوظيف و الوظائف و المشاريع الصغيرة
    مشاركات: 19
    آخر مشاركة: 28/11/2009, 08:46 AM
  2. استفسار عن تمكين
    بواسطة عيون عيسى في المنتدى ركن التوظيف و الوظائف و المشاريع الصغيرة
    مشاركات: 1
    آخر مشاركة: 18/11/2009, 07:26 PM
  3. لذوات الشعر الجاف...... يتفضلن بالدخول
    بواسطة القمران في المنتدى ركن العناية بالشعر
    مشاركات: 18
    آخر مشاركة: 05/03/2009, 03:09 AM
  4. سؤال عن تمكين
    بواسطة *أم ورود* في المنتدى ركن التوظيف و الوظائف و المشاريع الصغيرة
    مشاركات: 3
    آخر مشاركة: 25/02/2009, 10:15 AM
  5. الامهات يتفضلن
    بواسطة بسمة طفله في المنتدى التربية والطفل
    مشاركات: 8
    آخر مشاركة: 17/03/2006, 08:48 AM