موقف غريب لي مع حمامة منذ بداية حملي

[نبع الإبداع]

السلام عليكم يا عروسات ويا كروشات

عندي موضوع غريب يصير معي ما بطول عليكم بدخل في الموضوع

أنا ( وأعوذ بالله من كلمة أنا) من الشهر الثاني في حملي هذا و أنا أشوف حمامة راعبية

وين ما أروح وكأنها تنتظرني ولما تشوفني تطييييير !!!!

لما أروح بيت أمي الصبح ألاقيها في الحوش ولما أطلع من باب الصالة و أنا امروحة
ألاقيها أمام باب الصالة وحدة أو ثنتين!!!

نفس الشي في بيتنا لما أكون برا البيت وبعدها أرجع ألاقيها قدام
باب الصالة وحدة أو ثنتين

ولما أصحى الصبح أو ما أفتح باب الصالة أو باب المجلس ألاقيها في الحوش قدامي
تنظر إلي و من ثم تطير

ما أعرف إذا في مواقف صالتلكم مع حيوانات و أنتو حامل ممكن حد يفسرلي إلي يصير لي

ولو وحدة عندها موقف عن الحيوانات خلال فترة حملها ياريت ما تبخل علينا

[خلاص مليت]

ما عندي فكره حبيبتي


بس فعلا غريب الي يصير معاش

ان شاء الله البنات يفيدونااا

بلتوفيق

*

*

[نبع الإبداع]

مشكورة حبيبتي(خلاص مليت) على مشاركتك

[وحي الفيروز]

انا بعد استغربت من هالمواقف
انا صابني الموقف مع قطوه لكن من قبل لا اتزوج
كنت اذا اطلع من البيت بروح محل قريب الى بيتنا اروحه مشي الاقيها تلحقني وتوقف عند الباب لين اخلص
وبعدها ترجعني ... في الاول خفت تهجم علي .. لكن يوم شفتها ماتسوي شي خليتها على راحتها
ظلت تقريبا سبوع .. وبعدها ماشفتها


و وحدة اعرفها كان نفس الشي وقفت عند بابهم قطوة ... لكن هذي كانت تمنعهم من الطلعه
كانوا اذا بيطلعوا تخوفهم عشان يدخلوا ... ههه مساكين ظلوا فترة مايطلعوا


مادري ليش يتبعونا لكن احس الحيوان كأنه حارس

[**روحي فداك**]

بسم الله بصراحه تخوف إرقي نفسج حبيبتي والله يحرسج إن شاء الله

[feedback]

ما عندي فكره سبحان الله موضوع غريييييييييييب

الله يحفظج يارب واقري المعوذات على نفسج كل يوم ؟؟؟؟؟؟؟؟؟؟؟

[MaNaIaR]

يمه شي يخرع ..!!

اقري على روحج والله يحفظج ان شالله ..

[حبيبة امها.]

ماعندي فكره والله لكن يمكن يكون كل شي صدفه
ليش لازم يكون فيه تفسير خلي كل شي على ماهو عليه
وانتي ماعليج الا انج ترقين نفسك على طول وتوكلي على ربك

[tm26]

لا تربطين هالشي انا صار لي نفس الحاله

[فوانيس]

انا مع حبيبة امها

[الدمشقية]

سبحان الله غريييييبة ان شالله خير

[&حلم&]

اختي لازم ترقين نفسك .....

[نبع الإبداع]

خواتي أنا مب خايفة من الحمام بس مستغربة
يعني هذا الشي ما بدأ إلا لما دخلت الشهر الثاني
وما كان يخطر على بالي هذا الشي إلا لما لاحظت انه يصيرلي تقريبا يوميا
حتى اليوم الصبح بس فتحت باب الصاله و طليت على الحوش عشان
أقول حق زوجي اصبر لا تطلع إلا لما تتريق أو تفطر بس مالحقت عليه ولقيت الحمامة واقفة فوق
باب البيت صدت تطالعني و بعدها طارت

ما أعرف ما أحس اني خايفة منها بالعكس أحس بفرحة لما أشوفها
و ما أعرف ليش

ومشكورين خواتي على ردودكم ومشاركتكم

( بسم الله الذي لايضر مع اسمه شيء في الأرض ولا في السماء وهو السميع العليم)
( بسم الله الذي لايضر مع اسمه شيء في الأرض ولا في السماء وهو السميع العليم)
( بسم الله الذي لايضر مع اسمه شيء في الأرض ولا في السماء وهو السميع العليم)

[جمـــانة]

عادي.. بالعكس انا ييني احساس حلو لما اشوف القطاوة ولا الحمام في ويهي ههههههه


اتفاءل بهم .. لأني كنت بصغري اربي حيوانات اليفة، واعرف شكثر رقيقين ونعومين...

الحمام ماعرف اذا تقصدين بالراعبي الحمام الرصاصي اللي عليه طوق اسود؟
هذا حمام نادر الحين عندنه بعدما تطور العمران السكني وتقلص االلون الاخضر..
هذا احبه واااااااااااااااايد شوفته تريح القلب والله

[سعودية مغتربة]

يمكن يتوهم لك .. لا تربطين وجود الحمام بشي .. يمكن هذا وقت هجرتهم ويتواجدون في المنطقه اللي انتي فيها بكثرة .. جايز والله أعلم ..

لكن اختي اقري الاذكار اليوميه في الصباح والمساء .. وإن شاءالله مراح يجيك الا الخير ..

تحياتي لك ..