ezayekom ya banat...daye w wegdan w bent moslema w 3la tare2 l 3oros w kolokom
ma3lesh makontsh badkhol 3shan kan dahry wage3ny w kont ta3bana showaya
daye..ya rab yewafa2ek f l interview w rabena yedeky l kheer leky isA w khally dayman f balek en rabena hayhdeky lel kheer
ana kman badwar 3la sho3'l w etkhan2t mn a3det l beet bs l sho3'l da naseeb
ايه الكلام الجميل ده :o شكرا يا جميل على كلامك الرقيق ده
بس انا فعلا بحس انكو طيبين وتستاهلو كل خير
والله انا بافرح اوى لو قدمت لحد حاجه محتاجها ويفرح لما يلاقيها
وكمان انا جربت احساس البحث عن وظيفه وكنت اتمنى اى حد يساعدنى يعنى باحس بيكم والرزق بايد ربنا فى الاول وفى الاخر
خلاص كلكو تقولولى ماما وجدان من دلوقتى
وربنا يوفقك يا ضى وطمنينا عملتى ايه فى الانترفيو بس من اولها نتفق ان بعد صلاة الاستخاره كل اللى ربنا يقدره خير طبعا
بصو هاقولكو على دعاء حلو اوى هو دعاء من ادعية الذكر قبل النوم بس انا بحبه اوى ولما باحتار فى حاجه او اتضايق بحب اقوله
اللهم اسلمت نفسى اليك وفوضت امرى اليك ووجهت وجهى اليك وألجأت ظهرى اليك رغبة ورهبة اليك لا ملجأ منك الا اليك امنت بكتابك الذى انزلت وبنبيك الذى ارسلت
تفويض الامر لله بيريح القلب اوى صدقونى
عموما ربنا ييسر لكم اموركم وانتى يا مصريه هتقدمى امتى ؟ علشان تلحقى تاخدى مكانك
والف سلامه عليكى يا مارو والله انا كمان ظهرى واجعنى علطول بس انتى دفى نفسك كويس لان البرد بيتعب العظم كله وابقى قوليلنا مجالك ايه علشان لو حد لقى فرصه ادامه ليكى يبقى يقولك
ازيكو يا بنات كلكم
الف سلامه عليكى يامارو وابقى طمنينا عليكى ياقمر
ربنا يوفقك يا ضى ويكون ليكى فيه خير ابقى طمنينا عملتى ايه فى الانتر فيو
ازيك يا وجدان ايه اللى مسهرك لدلوقتى ههههههههههه ا
انا فعلا بعت فى المدرسه دى ومدرسه تانيه بس مش عارفه بقى هما بيتصلوا بعدها بقد ايه وغير كده انتى عارفه ياوجدان انى نازله مصر فى اخر 3 ولسه مش عارفه هرجع امته بجد محتاره بس سيبها ع ربنا
سهرانه ليه!!!!!!!!!!! وكمان بتضحكى ماشى ربنا يسامحك بكره تجربى لما تكونى فى عز النوم وابنك يصحيكى ويطمن ان النوم طار من عنيكى وبعدين سيادته ينام ويطمن ده ابنى ده عليه حركات تفرس
وبالنسبه للشغل اهم حاجه انك قدمتى وربنا يدبرها من عنده
سلام عليكم , صباح الخير الخير يا بنات ازيكم كلكم يارب تكونو بخير
انا كنت مشغوله جدا اليومين اللى فاتو فمعذره مقدرتش ابص على الموضوع من بعد ما ضى قالت مشكلتها و كنت بفكر فيها و رايحه اقول نفس كلام و جدان و دندنه ,,بس انا مش بقول كدا كرأى نظرى و بس,, دا عن تجربه و خبره ,,بصى يا ضى انا خريجه هندسه معماريه بس لما جيت هنا فرصه الشغل اللى اتعرضت عليا كانت اسهل و اربح ماديا من الشغل فى مجالى ,, فانا اخترت لنفسى كدا و الحمدلله انا مش ندمانه بس دا سببه انى من قبل ما اجى الكويت اصلا عارفه انى مش ناويه ابنى الكارير بتاعتى فى الهندسه المعماريه لانها مرهقه جدا ..فاخترت الطريق الاسهل و اخدت اللى انا عايزاه من شغلى بس دلوقتى زهقت و تعبت و خاصه انى بتنقل لمرحله جديده فى حياتى فمحتاجه شغل يناسب حياتى الجديده و يوفرلى استقلال مادى على أدى بس تعبانه اوى و الشغل واخد منى مجهود و نفسى اركز فى حياتى الجديده و بيتى يااااارب ساعدنى و كل البنات وربنا يوفق الجميع للخير يارب
ازيكو يا بنات عامليين ايه يا قمرات ان شاء الله ربنا يوفقك يا ضي في المقابلة النهاردة و تلاقي الوظيفة في المجال اللي انتي عايزاه
ان شاء الله
على فكرة مدرسة الرسالة ثنائية اللغة دي مكانها في ابو حليفة يعني بعيييييييييدة اوي
اخبارك يا جميل عامله ايه ,,,,قوليلى يعنى انتى دلوقتى بتشتغلى ايه مش فى الهندسه ولا ايه ؟؟ وعامه انا اقتنعت ان كل واحد بياخد نصيبه فى موضوع الشغل ده
بصى يا وجدان ابوحليفه دى على طريق الفحاحيل المنطقه العاشرة بعد الهبوله بالظبط بالظبط بين الفحاحيل والمهبوله ,,, اصل انا انبارح انا وجوزى رحنا الكوت نتفسح شويه ولقيت ابو حليفه وجوزى قالى دا الشارع اللى فيه مدرسه الرساله شفتى بعيده ازاى هو فعلا مشوااااااااار جامد يعنى المرتب ممكن تدفعوه مواصلات بس
نبتدى بقى اخبارى انا ,,,,
انا رحت انبارح المقابله الحمد لله بتاعه المستشفى والحمد لله انا اصلا لبقه شويه على راى جوزى لمضه حبتين ,,, ولما رحت لقيت واحده مصريه ومحجبه الحمد لله وكلمتنى بالراحه جدا المهم قعدت تسالنى المؤهل والتقدير والحوارات دى وانتى ليه عاوزه تشتغلى موظفه استقبال قلتلها انا مقدمه فى المختبر مش مقدمه فى الاستقبال قالتلى مهو انتى معندكيش رخصه مزاوله مهنه علشان نعينك هنا المهم قالتلى بينى وبينك الافضل ليكى انك تقبلى الوظيفه دى اهو تثبتى نفسك فى المستشفى على اما تطلعى الرخصه بتاعه مزاوله المهنه وساعتها هنعينك هنا برده لان الاولويه فى الترقيات للى موجودين فى المستشفى فانا بصراحه اقتنعت بكلامها جدا خصوصا ان الرخصه هتاخد وقت وهطلعها من وزارة الصحه فانا خلاص قبلت بيها ولقيتها حاجه محترمه مش زى ما انا كنت فاكرة وراتبها اكتر ما انا كنت متوقعه خااالص الحمد لله وكمان هيدربونى لمده 3 ايام متواصله وفى نفس الوقت همشى فى اجراءات تطليع الرخصه المهنيه ,,, وربنا ييسر امورنا كلنا يااااارب وكلكم تلاقوا شغل ,,, انا رايحه دلوقتى اجيب اليونيفورم بتاعى علشان اروح بيه التدريب
ازيكو يا بنات كلكم اخباركو ايه ؟؟؟؟؟؟؟؟؟؟؟؟؟
وربنا يوفقك ياضى فى الشغل واهم حاجه انك ارتحتى فى الانترفيو وان شاء الله توصلى للى انتى عوزاه
وعقبالكم يا بنات كلكم لما تشتغلوا وانا معاكم
merci a daye w ya wegadan w masrya w kol ely sa2al 3anny
alf mabrouuk ya daye 3la l sho3'l w rabena yewafe2ek..w 3o2baly ya raab
ana 3awzakom tes3dony law 3awza 2a2dem 3la sho3'l a3mel a..la2n wade7 l mawdo3 sa3b...ana 7atta kol mala2y e3lan f l gornal ba2dem bs mafesh natega..w zay ma2oltelkom ana khareget tegara english w 7atta dawarrt f l madares bs mafesh
ed3oly ya banat ana 7assa en l wa7ed 3omro w mosta2balo bydee3
الف الف مبروك يا ضى يلا ورينا الهمه احتمال تلاقينى عامله هجوم عليكى فى المستشفى انا والعيال وابوهم كمان هى المستشفى فين بالظبط ؟؟؟؟
صحيح ابقى اعرفيلى بجد العمليه( الختان) تتكلف كام علشان ابنى؟؟؟؟
معلش يا مارو ان شاء الله كلنا هندور معاكى وان شاء الله تلاقى شغل بس قوليلنا عندك خبره ولا لا وتخصص ايه زى ما ضى قالتلك؟؟