انا مغتربة مغربية بالكويت وارجوا ان اكون صديقتكم الجديدة(c)
انا مغتربة مغربية بالكويت وارجوا ان اكون صديقتكم الجديدة(c)
اتمنى ادا فتحتوا انكم تقولون اي موعد تكونو موجدين او ترك رسالة وشكرا
والله شئ كويس ان تجمعنا ياخد التجمع المثالى ,,, وبالنسبه للمقابله بره ياريت والله الموضوع ده وانا مستعده الف عليكوا واحده واحده ونخرج كلنا سوا اهو نبقى عائلات وممكن نطلع نشوى بره ,,, ايه رايكم؟؟؟اللى عاوز يقولى ؟؟؟المشاركة الأصلية كتبت بواسطة وجدان احمد جاد
طيب والله كويس طمنتينى على اولادى على اعتبار ما سيكون يعنى ,,, بس انتى بتشتغلى ايه اوعى تكونى مذيعه واحنا منعرفش هههههههه يالا خلينا نتلزق فيكى بقى ههههههههه
ربنا يوفقك يا قمر
والله يا قمر انتى شديتى الفكرة من راسى انا كنت داخله اكتب فى الموضوع ده لانى زيك اتخنقت من الروتين كل يوم الظاهر كده جماغنا واحده يا مصريه ههههههههههه القلوب تتلاقى
انا روتينى بصحى من النوم الساعه 2 اقوم يدوب اصلى واطبخ واقعد استنى جوزى لحد مييجى ان كنا نخرج او لا ولما ينام افترس انا النت للفجر اصلى وانام وهلما جره دى كلها حياتى من يوم ما جيت الكويت
حسبى الله ونعم الوكيل ههههههههههههههههه عمرى هيروح هدر :confused::confused:
فكرة المسجد دى حلوة اوى انا جوزى يعرف واحد شيخ هنا مصرى امام مسجد دلوقتى ممكن يسالهولك لو فيه حاجه زى كده يقولك عليها ,,, بس هتعرفى من الاولاد على رايك ؟؟؟ الله يعينك
اهلا بيكى يا قمر معانا واهلا باهل المغرب ,, نورتى التجمع الحلو بتاعنا ومن غير متقولى انتى تؤمرى خلاص طالما دخلتى التجمع تبقى صديقتنا
بالنسبه بقى للمواعيد فدى بتبقى على حسب مواعيد كل واحده فينا يعنى مش شرط كلنا بنبقى موجودين بس المهم بتسيبى رسالتك زى دلوقتى كده واللى يدخل فى اى وقت بيرد عليكى انا او اى واحده من البنات
وانتى بقى قوليللنا رايك ايه فى الغربه وبتشتغلى ولا لا؟؟؟ بس اللى مسهرك لحد دلوقتى اعتقد انك زيى مش بتشتغلى وفاضيه ههههههههههههههههه
بس انتى مغربيه لهجتك مصريه ازااااااااااااااااااااى؟؟ ؟
يا اهلا بالمغرب كلها علشان خاطرك انتى فين فى الكويت وبتشتغلى ولا زى حالتنا؟
بما انك نورتينى قوليلنا بقى بتقضى يومك ازاى؟
ايه يا جماعة انتو بتدخلوا هنا و الناس نايمييييييييين
[اهلا بيكى يانورا معانا احكيلنا بقى يانورا عنك شويه فى الكويت من امته بتشتغلى ؟؟؟؟؟؟؟؟؟؟؟
انا بقى يومى بيبتدى من الساعه 11 او 12 اقوم ارتب البيت واطبخ واستنى جوزى نتغدى يتغدى نقعد ساعه وينزل تانى لان شغله فترتين وارجع تانى اقعد لوحدى:mad: اقعد ع النت اكلم اهلى واصحابى ويجى جوزى يقعد معايا ساعتين تلاته وينام وانا حسب المزاج يا انام او اقعد ع نت تخيلو ممكن انام من 12 بليل 12 الصبح نشاط :21_209: وبنخرج الخميس والجمعه تخبلوا يا بنات يومى ازاى وانا كنت فى مصر ماكنتش اصلا بقعد فى البيت ع طول خروج تخيلو نهايتى بقت ايه:21_178:
هههههههههههههههه كلنا ابتدينا نفس البدايه وانتهينا برده نفس النهايه
ومتحسديش نفسك فى النوم بكرهييجى اللى مينيمكيش زيى كدا:confused:
الحقى ناميلك شويه علشان ميبقاش نفسك فى حاجه
والله ماحد عاجبه حاله انتو زهقانين اوى كدا من قعده البيت و انا كل يوم بنزل الشغل مضروبه جوز جزم وفعلا مش عايزه ارووووووووووووووح ,, ادعولى ربنا يرزقنى بشغل اخف من دا و احسن يارب
المهم فى حد من البنات اللى عايزين شغل معاها رخصه سواقه فى شغلانه مندوبه مبيعات لسيديها برامج تعليميه فى المدارس من الصبح للساعه 2 الضهر
ضى انتى فين و متصلتيش ليه؟؟
والله ياوجدان كلهم بيقولولى كده نامى دلوقتى لانك مش هتعرفى تنام بعد كده هههههههههههههههههههه
انتى عارفه يا بنت مسلمه انا كنت زيك كده قعدت اشتغل 3 سنين فى مصر مدرسع قبل ما اجى هنا وكنت اقول لا خلاص توبه مش هشتغل تانىىىىىىىىىىىىىىىى بس لقيت ان الشغل بيدى للوحده قيمتها وبيعرفها ع المجتمع اللى هى عايشه فيه وليه اجابيات كتير انما قعدت البيت مابتجيبش غير الكسل
ادعولى يا بنات لما اقوم بالسلامه الاقى شغل ع بدايه السنه الدراسيه الجديده لانى سمعت ان فى ناس بتقدم من دلوقتى للسنه الجايه ويارب يوفقنا كلنا
ايوه طبعا التقديم من دلوقتى بيكون علشان السنه الجديده انتى لازم تقدمى دلوقتى بس موضوع نزولك مصر ده هو المشكله لانهم احتمال يتصلو بيكى علشان الانترفيو
بس لو توضحيلهم الامر وانتى بتقدمى وتساليهم يكون افضل وربنا يقومك بالسلامه
مساء الخير علكيم كيف نتما البنات لاباس
سلام عليكم ,,,,
اخباركم يا بنات ,,, عاملين ايه
بنات انا مخنوقه اوى وحاسه ان الدنيا سودا فى وشى اوى استغفر الله العظيم حاسه ان كل حاجه ضاعت منى ,,, موضوع المستشفى خلاص باظ قالوا اانهم مش محتاجين دلوقتى بس عاوزنى كموظفه استقبال انا من ساعه لما عرفت وانا منهارة حاسه انهم بيقللوا منى اوى وبيستهزؤا بشهادتى بس جوزى قالى فكرى بالراحه ممكن تكون دى سبب انك تشتغلى فى المعامل بتاعتهم يعنى اقبلى واقعدى شهرر وخلال الشهر ده ابقى اطلعى المعمل وشوفى التحاليل وكده وهتكونى كونتى علاقات وممكن تشتغلى فى المعمل وقالى انه براحتى لو عاوزه اقبل بيها علشان اطلع من خنقه البيت او لو مش عاوزه براحتى برده هو يعنى مش بيغصبنى على حاجه ,,, انا حاسه انه عنده حق بس الوظيفه نفسها مش متقبلاها حاسه انها اهانه ليه انا مش بقلل من شانها والله بس يمكن علشان مش دا حلمى وفى نفس الوقت نفسى اخرج اشتغل علشان بتضايق من القعده لوحدى واهرب من ملل الوحده والغربه,,, انتواا ايه رايكوا ,,, دلونى اقبل بيها ولا لا انا مليش غيركوا اشتكيله وافضفض معاه ,,, لانى حاسه انى احلامى كلها ضاعت واحلام اهلى فيه ,,, انتوا ايه رايكوا؟؟؟؟ انا عامه هصلى استخارة برده علشان اشوف بس يريت كلكوا تقولولى رايكم ايه فى الموضوع ده؟؟؟
ضي القناديل يا قمر انا لو منك مقبلش مش عشان اطلع من هم القعد في البيت اروح اشتغل في حاجة مش مجالي و في نفس الوقت بعد كده لو رحتي اي مكان هتقدمي بعد كده على موظفة استقبال بردو او علقاات عامة و بدام ده مش مجالك عمرك ما هتكوني مبسوطة و لا فرحانة و مش هتقدري تنجزي في شغلك و تقدمي المطلوب هتبقى اوحش كمان من قعدة البيت صدقيني ده رأيي بصراحة و انتي ليكي حرية الاختيار و ربنا يهديلك الحال و يقدملك اللي فيه الخير يااااارب
انا رأيى زى دندونه وهاقولك وجهة نظرى
انتى لو بتدورى على شغل والسلام اوك روحى اشتغلى فى الاستقبال او اى شغل محترم لكن انتى باين عليكى بتحبى مجالك وعاوزه تشتغلى فيه فالشغل ده هيبعدك عن مجالك وكمان لما تكتبى فى السى فى الخبره فى مجال الاستقبال وكدا مش هيضيف يوم واحد للخبره ككيميائيه يعنى ولا له لازمه انا رايى انك تصبرى شويه واشغلى نفسك باى حاجه ودورى تانى ولو الناحيه الماديه عندك مفيهاش مشكله اشتغلى ولو بالتطوع لحد ما تلاقى الشغل المناسب ليكى واهو منها كمان تزودى خبرتك
واولا واخيرا صلى استخاره وابقى طمنينا عملتى ايه
نسيت اقولك احلامك لا انهارت ولا حاجه بس لازم فى بداية حياتك العمليه هتواجهى شوية صعوبات ولازم يكون بالك طويل وتكونى صبوره بس الاحباط والزعل مش بيجيبو نتيجه ولا ايه يا جميل؟
