السلام عليكم ورحمة الله وبركاته
بنات هالموضوع اتمنى كل وحده جربت أي رجيم تقول لنا خبرتها فيه
وتوضح لنا هالمعلومات
1- الطول
2- الوزن قبل الرجيم
3- الوزن المثالي / والوزن الي تطمح له هي
4- الرجيم / الحمية الغذائية المتبعة
5- الوزن بعد الرجيم
6- معلومات إضافية
ونبي تفاعل وصدق في المعلومات
وتسلموووون حبيباتي
هيه ياريت نبي نستفيد لان شكل جسمي صار فظييييييييع مع اني مب متينه بس احس انه مو متناسق فاتمنى من البنات يفيدونا مشكورات
قووه بنوتات ..
ياريت أقدر افيدكم بس تبـون الصج .. أكثر رجيم نفعني إني صكيت حلجي كلش مره وحده لووول والحين عايشه على السوائل مثلاً حليب والا شاي أحمر وإلا عصاير بس .. وإذا حسيت بتعب آكل لي تفاحه أو بسكوته ..
وجربت وااايد غيره بس يبي لهم صبر بالنسبه لي ادري ان الرجيم هذا مب صحي .. لكنه نزّل وزني ونفعني
ورجيم السوائل هذا مب مثل اللي بالنت يقولون عنه .. مثل رجيم اللي مسوي ربط معده تقريباً
والحين بجااوب عن الأسئله: 1- طولي 162 تقريباً
2- الوزن قبل الرجيم كان (86)
3- الوزن اللي اطمح له 55 مب أقل
4- أنواع الرجيم وخاصه السوائل
5- وزني بعد الرجيم 59
6- معلومات اضافيه إن هالرجيم مب صحي أبداً وتعبت فيه وااااايد .. اخاف وحده تسويه يصير فيهااا شي ويصير برقبتي انااا بعدين :cry:
عشان جذي اللي حابه تجربه انصحها إنها تسويه أسبوع بس والأسبوع اللي بعده راحه أكل خفيف عادي وعقب ترجع على الرجيم إذا نفعها ..
ومشكوووره lulu-b777r على الموضووع ألبي .. :flower:
غزاله تسلمين حبيبتي وصبري اشوي عليهم يبيلهم من يشجعهم ويرتبون شغلهم
العفو حبيبتي بس ليش جي ذابحه عمرج مب زين عقب اطيحين الله يهداج بس اكلي شي خفيف بس مفيد ومافيه دسمالمشاركة الأصلية كتبت بواسطة ! Q6riA PreStigE !
بس حلو أنج حققتي هالوزن شي شي الصراحة ابي هالوزن :tongue:
زين بنات أنا بقولكم أنا شسويت
1- وزني قبل الرجيم 93
2- الطول 162 سم
3- الوزن المثالي 58 / الوزن الي اطمح له 52 - 55
4- الرجيم الي اتبعته :
رجيم عادي من كيف كيفي بس امتنع عن الدسم والسكر ونزلت به من 93 لين 80 في 6 شهور (سنة دراسية كاملة)
وبعدين اتبعت رجيم 4 فئات دم ونزلت من اعتقد كنت حول ال75 ونزلت لين 68
آخر رجيم اتبعه وللحين ماشيه عليه رجيم النقاط ونزلت من 68 لين 61 بس زدت عقب العيد 4 كيلو لان نسيت موضوع النقاط :P
4- الوزن بعد الرجيم 65 كيلوجرام
5- معلومات إضافية
بالنسبة لرجيم الي انا سويته كان صحي وجيد بس يطول وايد وكنت حزتها زايدة وايد وكل تفكيري ابي اضعف بس مشيت من دون ماحس بالوقت
وبالنسبة لرجيم 4 فئات دم هو رجيم ناجح وعظيم بس فيه عيب انه الكميات مب واضحة المسموح تناولها تحسينها مبهمه شوي ويجي آخر الأسبوع ماتعرفين شنو تاكلين لأن الأصناف خلصت تقريباً في 4 أيام وكنت اعاني مشكلة عدم التنظيم بتكوين الوجبات على الرغم من ان اني كنت اسجل الملاحظات
وبالنسبة لرجيم النقاط كان وايد حلو وفعال ويستمر معاج لفترة طويلة ومفيد حتى بعدين راح تتعودون ولما تروحون وتاكلون برع البيت تعرفون كم نقطة بالاكل الي تاكلونه
أنا بقولكم مثلاً لو انتي وزنج 70 مسموح لج بتناول 18 نقطة مايعادل 1800 سعرة حرارية
واي شي يوجد عليه سعراته الحرارية ابتداءاً من علب العصير الطازج نهاية بالوجبات الجاهزة القابلة للتسخين مثل البيتزا المثلجة حتى قطع الشوكولاته
أنا جربته من كتاب عن قصة رجل مصري كان سمنة زائدة وجرب كل أنواع الحميات الغذائية وطرق التنحيف ومدح في طبيبته الي خلته يتبع نظام الحمية بالنقاط وبحط لكم موضوع منقول فيه شرح أفضل عشان يفيدكم
والله يابنات جربت كل الرجيمات مثل النقاط ما شفت مرررررررررره يجنننن
ومريح وصحي وينحف بشكل فضيع
بس اهم شي انك تسوين معه رياضه يوميه وتشربين ماء كثير
وشوفي وش راح يكون جسمك خلال اسبوعين
بحيث ان يكون لك باليوم فقط
21
او
22
او
18
على حسب وزنك
وتكون النقاط مقسمه ما بين فطور غداء عشاء سناك
الفطور:
كأس عصير الفواكه طبيعي......... 1نقطة
5/1 رغيف أو 3 توست .............2 نقطة
كأس حليب منزوع الدسم جزئيا......1 نقطة
كأس حليب + ملعقتين قهوة من الكاكاو......1.5 نقطة
1 زبادي طبيعي 0% دسم .............2 نقطة
1 بيضة مسلوقة.............2 نقطة
1 بيضة نصف مسلوقة.....2 نقطة
1 موز.......... 1 نقطة
6 ملاعق أكل من الكورن فلكس......2 نقطة
1 فنجان كابوتشينو......1 نقطة
1 كرواسون.......4 نقاط
قطعة من خبز الأبازير ( pain d épice) ....... نقطة واحدة
الغداء و العشاء :
صحن خس+خيار+فطر+طماطم+فلفل أحمر+ علبة 100غ تونة بدون زيت [2 ملعقة قهوة زيت+خل+ملح.....2 نقطة] ................2 نقطة....يعني 4 نقاط
شوربة خضر بدون دهون....0 نقطة
صلصة طماطم مصنوعة في البيت{طماطم مطحونة+بصلة+م قهوة زيت زيتون+ريحان+4 زيتون أسود..........2 نقطة
صدر دجاج مشوي بدون جلد 100غ .........2 نقطة
4/1 دجاجة مشوية بدون الجلد....5 نقاط
4 ملاعق كبيرة من المعكرونة، الأرز، القمح أو اللوبياء البيضاء......2 نقطة
ملعقة قهوة من الجبن المبشور......1 نقطة
عجة بيض ببيضتان+ 1 ملعقة قهوة زيت........5 نقاط
بطاطا حسب الرغبة بدون إضافات.......2 نقطة
8/1 من جبن الكاممبير.......2 نقطة
4 ملاعق أكل كسكسي........2 نقطة
شريحة خبز أسمر+خس+طماطم+ علبة تون طبيعي 80غ ........3.5 نقطة
سلطة طماطم+ريحان+ م زيت زيتون+ جبن موزاريلا 30غ........3 نقطة
100غ من التونة بدون الزيت.....2 نقطة
100غ من التونة بالزيت........4 نقاط
شريحة بفتيك .........2.5 نقطة
120غ من السمك أو جمبري ......2 نقطة
شريحة لحم ديك رومي.......2 نقطة
جزر مبشور+ملعقة قهوة من زيت الزيتون...1 نقطة
1 صودا لايت ........0 نقطة
10غ من الشكولاطة.......1 نقطة
15 حبة كرز أو نصف مانجو.....1 نقطة
15 حبة عنب أو برقوق 100غ..........1 نقطة
3 حبات تمر.................1 نقطة
برتقالة او إجاصة.........0 نقطة
قطعة حلوى بالتفاح تارت........6 نقاط
ملعقة قهوة من الزبدة............1 نقطة
ملعقة قهوة من القشطة.......1 نقطة
ملعقة قهوة من الزيت أو من الزبدة..........1نقطة
ملعقة قهوة من العسل......0.5 نقطة
لنأخذ مثال:
أنا سآخذ 18 نقطة في اليوم لأن وزني 75 كغ و طولي 1.60 و لا أعمل رياضة...
الفطور:
كاس حليب بالكاكاو...1.5
كاس عصير.........1
1 زبادي .........2
يعني في الفطور قد استهلكت 4.5 نقاط
الباقي 13.5 أقسمها على باقي اليوم بين غداء و عشاء
قبل الغذاء إن جعت آكل مثلا 3 حبات تمر....1 نقطة
تبقى معي 12.5 نقطة
في الغذاء
4 ملاعق معكرونة.... .2 نقطة
صدر دجاج مشوي بدون جلد 100غ .........2 نقطة
كأس عصير......... 1نقطة
تبقى معي حتى العشاء 7.5 نقطة
ممكن آخذ قطعة شيكولاطة ......1 نقطة + قهوة بدون سكر
في العشاء ممكن:
شوربة خضر بدون دهون.............0 نقطة
صحن خس+خيار+فطر+طماطم+فلفل أحمر+ علبة 100غ تونة بدون زيت [2 ملعقة قهوة زيت+خل+ملح.....2 نقطة] ................2 نقطة يعني .........4 نقاط
شريحة بفتيك ..........2.5 نقطة
برتقالة أو إجاص.......0 نقطة
مــــــــــــــــــنـــــ ـــــــــــــقـــــــــــ ــوووول
بنات خلاصة الكلام وتبسيط لكم أن كل 100 سعرة حرارية = نقطة
ولازم تغيرون من العادات الغير صحية الي ماتمشي تمشي في اليوم لمدة شهر 1000 خطوة يومياً حتى لو بالبيت
وغيروا العاادات مثل ركوب المصعد بالجامعة أو العمل إذا كان طابق أو طابقين غيروه بصعود الدرج
وكثروا من المشي أنا بالجامعة اتحرك واتمشى بين الكليات بس علشان احرق سعرات حرارية
واشربووو مااااااااااااااااي (ماء)
واتركو المشروبات الغازية لأنها تعد مشروب ضار وغير صحي ويفتح النفس عند البعض ويسوي فقر دم مع الرجيم حتى لو اكلج 100% صحي
وقللو من الكاتشب والفلفل (الشطة) والأجبان والمايونيز لأنها تعد مشهيات (مب تتركونها قللو منها)
وحاولو انكم تطبخون بنفسكم أكلكم إذا تقدرون عشان تعرفون شنو حطيتو في أكلكم
وتابعو برامج صحية كل ماكان عندكم وقت علشان تستفيدون
والسعرات الحرارية بالسكر والخبز وأي شي تبونه تقدرون تلقونه بالنت بالعربي أو بالانجليزي فمن جذي اقولكم الرجيم سهل وحلو
وموفقين يارب
ويالله عاد دوركم تقولون لنا خبراتكم ياحلوين
مره مره مره خاش مزاجي رجيم النقاط بس احس تطبيقه صععععععب
اول مره اسمع عن رجيم النقااط
طيب انا وزني 83 وطولي 167
كم نقطه لي ؟
نظام النقاط يشبه نظام السعرات الحراريه ؟
ياريت تفيدوني ولو في كتاب يكون احسن
في كتاب خذتها من أختي بس ماتذكر اسمه
بس لو تروحين مكتبة جرير بيعطونج كتب وايد اكتبت عنه بس شوفي الي اسلوبه يعجبج ومفهوم
وموفقه يارب
وسوري على الرد المتأخر
رد مع اقتباس