مرحبا خواتي كيفكم والله انا عارفه اني بثقلها عليكم وزودتها كمان لاني انا اكثر من مرة عرضت مشكلة اختي مع زوجها ولي كان موضوعها اختي خانت زوجها وبشكر كل الاخوات الي ساعدونا في بعض الحلول ولي لغاية الان ما نحلت المشكله بالعكس زادت وصارت اسوأ من قبل الرابط موجود بس انا ما عرفت كيف انزله عشان اذكركم بالمشكلة على العموم انا بدي اختصر واحاول اذكركم فيه اخر مرة كانت اختي على معرفه مع شاب التاكسي الي كان يوصلها على شغلها وكان بينهم ود وكلام بس من باب الفضفضه طبعا انتم ما قصرتو ونصحتوني اني اكلم اختي انها تترك هذا الشخص على طول طبعا هي كثير تقبلت الموضوع وتركته على طول بالعكس هي ندمت.
المهم بدي احكيلكم شو صار معها بعد ما تركت هذا الشخص وحاولت تتقرب من زوجها بس بدون ما تتكلم معاه او تحاول تصالحه لانه هو غلط معاها غلط كبير وما بتقدر تصالحه لانه هو محملها مسؤولية كبيرة اتجاه البيت واختي موظفة وبترجع تعبانه من الساعة 7 الى الساعة 4 يعني وقت طول غير الديون الي عليها هي ساكنه بيت اجرته الشهريه مع الكهرباء والماء 115 دينار وهذا غير راتب المربية تقريبا 60 دينار وغير مصروفها واغلب الاوقات بتصرف على الاولاد المشكله مش هون هي متحملة وصابرة على زوجها وبتقول فترة وبتعدي يعني متحملة الوضع وساكته وصدقوني اهله بعرفه انها هي متحمله كل هاي المصاريف ويا ريت مقدرين او بكلموها او بحكو معاها بالعكس هم ما بحبوها وصافين مع ابنهم ومع هيك اختي بتقول مش مهم بالاخير رح يقدرو ويحسو المشكله عند زوجها هو لا مبالي لكل هاي الامور ولا بحاول يدفع معها او يساعدها وهي مديونه للبنك ماخذه قرض لزوجها وبنخصم من راتبها عشان هذا القرض وزجها ولا هو سائل واوقوح من هيك انسان انا ما شفت فوق ما هي مساعدته كمان عينه وقحه مش حاس باختي او ممكن يحس معها شوي ويا ريت هيك المصيبة انو اسلوبه كثير سيء معاها وبعايرها على كل اشي لانها هي اخذته عن حب واكبر منه وبضل يعايرها من سبب او بدون سبب صدقوني كل مشاكلها معاه بدون سبب هو بفتعل المشاكل ودايما يغلط عليها وعلى اهلها الي هم اهلي وبتصور انو ما في ولا وحده بتتحمل انو اي حدا يغلط على اهلها ومش مرة كثير طبعا هي معها 3 اطفال من بعد الطفل الثاني اتغير 100 درجه والله اعلم اختي بتحكي انو اهله هم السبب بس خواتي حتى لو اهله هو لو بحب زوجته او بعملها حساب ما برد على حدا والله انو دايما بغلط عليها وهي ما بتتحمل طبعا هي نفسيتها صارت زي الزفت من زوجها لانه بغلط عليها وبعايرها بالماضي وحاولت اختي تقعد معاه وتتفاهيم معه وتقوله انو انت ما بتحترمني ومن هالحكي صدقوني ولا علق على اي كلمه تركها تتحكي ولا شافت منه اي ردة فعل بالعكس حتى ما حاول يطيب خاطرها لانه هو كثير غلط فيها وهي ما بتقدر تسامحه لانها جرحها كثير وما فكر يطيب خاطرها . والله من قبل العيد وهي ما بتحكي معاه بسببه والله هي مش حابه يصير بينها وبينه هيك بس تقريبا من قبل العيد بشهر او شهر ونص ما بتقرب عليه بس بتحكي معاه عشان يجيب اغرض اولادها لانها هي ما بضل معها اي اشي من راتبها غير مصروفها والمشكله لكبيرة انو اشترا سيارة من قبل سنه وبدفع قسطها 100 دينار واختي متورطه ابلبنك وما فكر يسد القرض راح اشترا سيارة عشان يروح فيها عند اهله وهي بتروح على الدوام مواصلات بترك السيارة صافه بالمجمع وبخلي اختي تروح مواصلات وانتو بتعرفو المواصلات قديش بهدله وحاولت تتطلب منه السيارة لانها بحاجتها رفض نهائي يعطيها اياها وبصراحه اختي من كثر ما هو قاسي عليها بطلت تكلمه.
من قبل اسبوعين طلب منها ...... اكيد افهمتو عليه بس هي ما رضيت لانه اتصرف معها كانه ما في اشي ولا كانه غلط معاها ولا ما يحزنون طبعا اختي ما رضيت لانه مش مهتم لاي اشي واتكلمت معاه وحكتلو هيك بتنسي كل الي سويته بس بدك ........... وبعدين بترجع مثل ما كنت صدقوني حتى ما حاول يدافع عن حاله تم ساكت يعني ما كان عنده اي ردة فعل هي اتجننت منه وظلت ما تكلمه الا لما يحس انهو غلطان معاها مش بكل بساطه جاي ........ طبعا هو ضايق من هذا التصرف واليوم اختي الصبح بتحكي لزوجها انو لازم يجيب فلوس عشان يدفع اجار البيت لانه اختي ما معها تدفع بكفي قرض البنك بنخصم من راتنبها وهو بدو اياها تدفع كمان الاجار راح اخذ اغراضه ملابس الشغل ورحل اليوم الصبح طبعا ما بدو يجي على البيت هيك اختي فهمت منه ما حكا ولا كلمه اخذ ملابسه وراح اختي ارسلته مسج انو لازم يدفع اجار البيت لانه صارو اصحاب البيت بدهم اجار شهرين. شو الحل اختي ما بتقدر تتسلف من راتبها اشي لانه البنك بدو منها. والله اختي تعبت وشو ذنب الاطفال والله هو بس بجيب اغرض الاولاد والخضراء واللحمة وبس شورو علي شو الحل يا رب اتهونها عليها مسكينه مش عارفه شو تسوي معاه ما في طريقة الا وسوتها على الفاضي. بعرف اني طولت سامحوني بس لازم نلاقي حل يا خواتي اتحملوني بعرف اني زودتها بس من قهري عليها.
رد مع اقتباس
