شلون ياكل الفواكة؟؟؟

**ام عمـار** · 02/12/2007, 12:20 AM

سلام بنات؟؟

شلونكم؟ و شلون الننوات؟؟

بنات شلون اوكل عموري الفواكة, يعني انا عادة اسلق الخضار و اهرسها مع شوية زبدة.

بس الفواكة ما اعرف شلون اسويها.

يا ريت تعلموني (f)

و شكرا لكم مقدما:wavetowel2:

**&& شهوده &&** · 02/12/2007, 01:15 AM

هلا حبيبتي ممكن تخلطين له الفواكه وهي طازجه با الخلاط وتعطينها ايااااااااه

وممكن تسلقينهاااا مع شويه سكر وبعدها تهرسينهاا وبتكون مثل الي يبيعونها با العلب الجاااهزه

وممكن تعطينا الفواكه الي ما تحتاج هرس ولا معانااا مثل الموز

**رور** · 02/12/2007, 03:13 AM

حبيبتى ابرار الجنة اول شى انا بنتى بهرس لها الموز بدون سلق لانة ما يحتاج اما التفاح و الاجاص فتقشرية و تشيلى البذر الى بقلبة و تحطية على النار لمدة من 5 الى 10 دقايق ما بيطول و بعد ما يبرد اهرسية و ممكن تضيفى علية شوية مية من الى انسلق فيها بالنسبة لى انا جربت لبنتى الموز و التفاح و لسة الباقى ان شاء الله البنات يفيدونك اكثر

**دمع الليل** · 02/12/2007, 07:54 AM

السلام عليكم ورحمة الله وبركاته

مثل ماقالوا الخوات
الموز اهرسه عادي
اما بقية الفواكه فما اسلقها عشان ما تضيع فوائدها وفيتاميناتها على طول اخلطها بالخلاط يا اما خلاط البيبيات
او اسويه عصير في الخلاط العادي

وممكن تستخدمين الملعقة للتفاح مثلا مثل الي تهرسينه وانتي تاكلينه بس انا ما احب هذي الطريقة

في أمان الله

**أم المهند** · 02/12/2007, 08:12 AM

نفس كلام الحبوبات اللي قبلي ..

بالنسبة للموز إهرسيه بالشوكة أو الخلاط بإضافة حليبك أو الحليب الصناعي شوية عشان يكون سهل البلع ولفائدة أكبر ..

التفاح والكمثرى : قشريهم وقطعيهم مكعبات وإسلقيهم على نار هادية مدة 5 دقايق بالكثير أو إرمي القطع في ماي حار وإتركيهم شوي وتاليها حطيهم بالخلاط .. وتقدرين تحفظين الخلطة في زجاجات صغيرة شبيهة للزجاجات أو المحاكم تبع الفواكه والخضروات اللي تنباع في السوق جاهزة وإحفظيها مدة يوم واحد في الثلاجة لا تزيدي ولا راح تخرب وتكون غير صالحة للبيبي .

أيضاً التفاحة تقدرين تحطين وياها تمرة منزوعة النوى في النار وهي تطبخ وإهرسيهم مع بعض في الخلاط .. طبعا هنا الفايدة أكبر وطعم سكري طبيعي دون الحاجة لسكر صناعي وعموما التفاحة أصلاً طعمها مقبول حتى بدون إضافات .

البرتقال : هالمرحلة فقط عصيره وتخففينه بالماي وتقدرين تخففين حموضته بحبتين سكر نبات

الأفوكادو : إخذي النوع اللين والمستوي وقشريها قطع وحطيهم مباشرة بالخلاط لحد ما تنعم ، وعشان الخلط يجي أسهل ضيفي ماي بروحه أو زبادي فواكة وطعمه يجنن ومفيد جدا لهم .

الدراق : نفس الشي إختاري النوع المستوي وقشريه وحطيه مباشرة على الخلاط وزيدي أي نكهة تحبيها ماي أو زبادي

ولفايدة أكبر تقدرين تحطين أي نوع من الخلطات السابقة بقدر ملعقة وحدة مع السريلاك كإضافة نكهة وفائدة أكبر وطعم ألذ .

وتقبلي تحيتي ..

**ام يارا** · 02/12/2007, 08:16 AM

انا اهرررس الموز بلملعقه عشاااااااااان هي اصلن تنهرررس بسهووله

اما الفوواكه الباقيه تسلقينه شووي بس عشااان ماتضيع فوائده معا شووي سكر

**عروس الموج** · 02/12/2007, 11:04 AM

نفس ما قالوو الخوات

انا ما جربت الافكادوا ان شاء الله بجربه له اليوم بإذن الله

**الدمشقية** · 02/12/2007, 11:08 AM

ماشاء الله البنات كفوو ووفو
الله يخليلك عموري ياارب ماشاء الله عنه كبر الايام بتركض بسرعة

**حايره والشوق** · 02/12/2007, 11:33 AM

انا اخلط الفواكهه كلهم مع بعض يعني عصير مشكل

او طريقة ثانية اعطي بنتي التفاح اواي فاكهه قاسيةبدون سلق بس احكها بالملعقة واوكلها

احسن من السلق

واذا مااكلته عادي جربي السلق يمكن يزبط معاك

وتقبلي مروري

حايره والشوق

**كريم كراميل** · 02/12/2007, 11:46 AM

انا جربت سلق الفواكه مع بعض ... تفاح وكمثرى مثلاً بس بنتي ما تقبلتهم ... دقتهم حسيت طعمهم متغير شوي من السلق ... ماعجبني ... شلون راح يعجبها ؟؟؟ المهم صرت اهرس الفواكه فريش بدون سلق في الخلاط واعطيهم ياها بالملعقة ... وتاكل منهم والحمدلله ... ماعدا الموز ما يحتاج للهرس لانه لين

بس سؤال انتي قلتي تهرسين الخضار مع الزبدة .... ممكن بنتي توكل زبدة ... عمرها قريب من عمر ابنك ... احسها ثقيلة ؟؟

**مناهل78** · 02/12/2007, 11:54 AM

البنات ماقصروا... يحليله عمار كبر ماشاء الله... أنا بطريقتي (أوه والله زمان عبودي كبر على هالسوالف ونسيتها بعد) كنت أهرس الموز بالشوكة وأطعمه،، وبقية الفواكة كنت أقطعها صغار وأخليها بالخلاطة الصغيرة وأخلطهم ويصير مثل الكاسترد يعني مو خفيف ولا ثقيل وأطعمه بالملعقة...

**بسمة البحرين** · 02/12/2007, 01:59 PM

السلام عليكم

مثل ماقالو البنات

الموز تهرسينه بالملعقه وتعطينه لانه لين

وبالنسبه لبقية الفواكه التفاح والكمثرى انا ما اسلقهم لانه تروح فايدتها
اخلطهم في الخلاط واعطيها بنتي يا اسويها عصير في المرضعه او شويه مهروسه وااكلها بالملعقه

ابرارا المفروض ما تضيفي زبده في الخضروات لانه معدته الطفل ما تستحمل دهون
تعطينه الاكل من غير اضافات ماعدا الماي تقدرين تضيفينه او سكر اطفال

**ام عمـار** · 02/12/2007, 02:37 PM

شكرا لكم كلكم بعد عمري ما قصرتوا

شهوده

رور

دموعة

ام المهند

ام يارا

عروس

الدمشقية اي و الله الايام تركض الله يعينه و نربيهم عدل

حايرة و الشوق

كريم كارميل حبيبتي انا احط لولدي زبدة كمية كللللللللللللللللللش قليلة يعني ربع ملعقة الشاي الصغيرة و انا مو بكيفي عطيته هني اللممرضة قالتلي يعني لان الطفل يحتاج دهون لجهازه العصبي و بديت معاه من عمر اربع شهور

رانيا البحرينية

بسومة و الله مثل ما كتبت للاخت كارميل احنا هني عندنا ممرضة خاصة بالاطفال تجي بين فترة و فترة عندنا للبيت عشان تشوف وزن الطفل ووووووووووووووووووو الخ و لمن بدين اعطيه اكل قالتلي تحطين له شوية زبدة لان يحتاج شوية دهون عشان جهازه العصبي و انا احطله كمية قليلة جدا يعني ربع ملعقة الشاي الصغيرة

**Qtr Girl** · 02/12/2007, 06:01 PM

انا اخلطها بالخلاط

او اني اخذ ملعقة واحكها في التفاحه او موزه

**احلى عسوولة** · 14/12/2007, 07:07 AM

معلوماااااااااااااات مفيده يعطيكم الف عافيه

الموضوع: شلون ياكل الفواكة؟؟؟

أدوات الموضوع

بحث في الموضوع

شلون ياكل الفواكة؟؟؟

المواضيع المتشابهه

كل عروس شلون بيكون إتيكيتها في حفلة زفافها....تعالي أقولك شلون؟؟؟؟

الكل ياكل سمك بس شلون، تعالوا أقولكم شلون؟؟

زيت الفواكة.......................................................

بص شوف الفواكة بتعمل ايه (صور)

ماشالله !! شوفوا شلون كانت و الحين شلون صارت