روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 3 123 الأخيرةالأخيرة
النتائج 1 إلى 15 من 35

الموضوع: قولولي وش الحل مع هاالإنسان هذا ؟؟ الله يجزاكم خير

  1. #1
    عروس مشرقة الصورة الرمزية محبة للخير
    تاريخ التسجيل
    01/04/2003
    الدولة
    المملكه العربيه السعوديه
    المشاركات
    396

    قولولي وش الحل مع الإنسان هذا ؟ الله يجزاكم خير

    بسم الله الرحمن الرحيم

    بصراحه يابنات كانت عندي صديقتي وقالتي سالفه تضيق الصدر وقلت لازم اكتبها عشان القى الحل من عندكم


    السالفه ومافيها تقول صديقتي ان اخوها له صديق الله يهديه ويستر عليه مرررررره مو كويس يشرب خمر والعياذ بالله ومو دايم يشرب
    ويحشش استغفر الله ويزني والعياذُ بالله :mad: وكل هذا كوم وسالفه انه متملك على بنت عمه له اربع سنوات يعني معلقها بحجه انه يكون نفسه وبما انه ولد عم البنت فاهل البنت ماسالوا عنه ولا عن اخلاقه على طول ملكوه للبنت لان طبايعهم تفرض عليهم ان ولد العم اولى فيها من الغريب
    والبنت الضعيفه مدرسه ومن حقاره الولد انه متعرف على طالبه من طالبات زوجته وهالطالبه تدري انه متملك على مدرستها ونايمه معاه ويقول اخو صديقتي ان الطالبه صارت تدق وتصيح تقول اتزوجني واستر علي هذي وحده من مليون الي يعرفهم والعياذ بالله

    ويقول اخو صديقتي انه ماخلى شي هو واصدقاء بانهم ينصحونه ومافيه فايده


    والمشكله الحين انا راحمه هالضعيفه الي متملك عليها وماتدري عن شي


    قولولي وش الحل بصراحه انا انقهرت وقلت لازم البنت تدري عن هالحقير الي متملكته واخاف اني لو سويت كذا يكون تصرفي خطا وحرام علي

    تكفون قولولي وش اسوووي لاني احس ان الوضع ماينسكت عليه

  2. #2
    نائبة المشرفة العامة الصورة الرمزية مرموم
    تاريخ التسجيل
    16/02/2003
    الدولة
    وطني الذي لم أراه
    المشاركات
    15,096
    لأ طبعا ما ينسكت عليه أبدا..

    البنت لازم تعرف..حرام تتركيها هيك و تعيش طوووول حياتها تعيسة معاه و هيه ما الها ذنب الا انو ابن عمها..

    أنا سمعت أصلا انو هذه النوعية اللي تعمل الكبائر ما ينفع تزوج بنات المسلمين..يا ريت اللي يفقهوا في هذه المسألة يفيدونا..

    تحياتي..

  3. #3
    عروس ذهبية الصورة الرمزية توته الصغيرونة
    تاريخ التسجيل
    16/10/2002
    الدولة
    دُنيا السعادة و الفرح
    المشاركات
    2,861
    اهلين ...

    رجاء انك تبلغين البنت ... قبل لا تتحطم حياتها ... وتعاني .. واكيد رح تشكرك على هذا الشئ ...انتي اطلبي منها فقط تسأل عن هالشاب ... كنصيحة اخوية .... والي يدق الباب رح يسمع الجواب .. يعني اكيد بتعرف عن اخلاقه لو سألت ... وبس ... اتمنى لو افادك ردي ...

    تحياتي

    توووووووتة

  4. #4
    مشرفة سابقة الصورة الرمزية بنت السعودية
    تاريخ التسجيل
    16/03/2002
    الدولة
    السعودية
    المشاركات
    933
    اختي العزيزة..

    انا ماادري كيف صبرتي لهالحين وماعلمتيها..

    هاذي المدرسة انسانة طيبة..وبنت حلال وتعلم جيل..

    كيف ترضين انها تتحطم بزواجها من هالحقير..

    وغير كذا يمكن بنت عمه هذي ودها تفك الخطبة بس اهلها مو موافقين بحجة انها ماعندها سبب قاهر ..

    فاذا انتي علمتيها بتسوين فيها اجر كبير ماراح تنساه لك..

    حطي نفسك مكانها..؟؟

    وعجلي اختاه...ارجوك..والا ترا انا بجي

    تحياتي

  5. #5
    عروس مشاركة
    تاريخ التسجيل
    14/04/2003
    الدولة
    السعوديه وافتخـ نجد ــر
    المشاركات
    87
    البنت تتطلق من الشيخ مو منه 000لانه شارب خمر ويحشش واكيد مايصلي000يعني كافر00يعني ماتتزوجه لو يموت00اتمنى انك تقولين لهاا00على شان ماتروح فيهااااااااا00


    تحياتي00

  6. #6
    عروس مبدعة
    تاريخ التسجيل
    26/03/2003
    الدولة
    الإمارات
    المشاركات
    535
    :mad: :mad: :mad: :mad: :mad: :mad: :mad: :mad: :mad: :mad: :mad:

    هذا شو من البشررررررررر!!!!

    أختي لااااااااااااااااااااازم تقولين حق البنت عشان ما تتدبس فيه .. حرااااام ....

    ولازم بعد هالإنسان تلقوله حل .. كلمي أحد تعرفينه عشان ينصحه .. عسى الله يهديييه ..

    حرااااااام يستمر بهالطريقة ويضيع بنات الناس ..

  7. #7
    مشرفة سابقة الصورة الرمزية سماهر
    تاريخ التسجيل
    16/01/2003
    الدولة
    دار بو خليفه الله يرحمه
    المشاركات
    300
    السلام عليكم

    اختي محبة للخير

    لازم تخبرين البنت بهاي السالفه لانه الوضع ما ينسكت عنه وحرام

    البنت تضيع مع هذا النوع الحقير من الرياييل

    اختي هذا يشرب ويسكر ويمارس الفواحش تراه ما ينفع ابد يكون زوج

    خبريها قبل لا تتوهق المسكينه وتطيح الفاس في الراس وعقب

    الندم ما ينفع وانتي محاسبه عليه لا نج عارفه بكل شئ

    اعذريني اذا طولت والله يوم قريت القصه :mad: :mad: :mad: :mad:

  8. #8
    عروس مبدعة الصورة الرمزية الورد_الأحمر
    تاريخ التسجيل
    17/03/2003
    الدولة
    مدينة الذهب
    المشاركات
    796
    والله خبريها لازم و بأسرع وقت او انهم يصلحونه يدعو له بالهدايه واستشيري اصحاب الخبره او استعينوا بحد من كبار عايلتهم ويزاج الله خير

  9. #9
    عروس نشيطة
    تاريخ التسجيل
    21/02/2003
    المشاركات
    154
    لللللللللللللللللللازم تقوليلها انا مممع صديقاتنا اللى ردوا عليك بعدين ننننننننننننننننننننننننن نننقول نسبه الطلاق في تزايد ححححححححححححححبي الله وووووووووووووونعم الوكيل :cool: :confused:

  10. #10
    مشرفة سابقة
    تاريخ التسجيل
    08/02/2002
    الدولة
    مملكة البحرين
    المشاركات
    288
    السلام عليكم ورحمة الله وبركاته

    أختي محبة الخير..

    أختي انا من رأيي انج ماتكلمين البنت.. طبعاً هي لازم تعرف عن وضعه بس مب انج تجين وتقولين لها ترى زوجك يشرب ويحشش ويزني..
    تخلين اخوج واصدقائه يكلمون اهل الولد والبنت عن حالة ولدهم والأهل هم الي يتصرفون معاه..
    بس لو في حالة لا قدر الله وماوصلتي لنتيجه تروحون انتي والوالده تزورون ام البنت وتعلمونها عن حال زوج بنتهم وهي الي توصل الموضوع للأب

    يعني افضل لو توصلون الموضوع عن طريق أهل البنت.. لأن لو جيتي ووصلتي الكلام هذا للبنت مباشره يمكن تتسببين لها بأزمه نفسيه الله العالم وين ممكن توصل بها


    الله يهديه ويهدي كل من ضلفي سبيل الشيطان عن سبيل الله
    الله يهديه ويغفر له ويتوب عليه

    بارك الله فيج أختي محبة الخير
    ووفقك لما يحب ويرضى


    تحياتي

  11. #11
    مشرفة سابقة الصورة الرمزية سماهر
    تاريخ التسجيل
    16/01/2003
    الدولة
    دار بو خليفه الله يرحمه
    المشاركات
    300
    السلام عليكم

    مع احترامي الشديد لراي اختي لميس فاني اقول بان اهل الولد

    دايما راح يدافعون عنه مهما كان غلطان ومهما اللي سواه من بلاوي

    فلو مثلا اخوها هو اللي خبر اهل الولد ما راح يصدقونه

    واذا صدقوه ما راح يقدرون يسوون شئ لان الاساس هو من الولد

    وانا اعتقد ان الانسان يوم يعيش في بيئه معينه فانه طبايعه

    واخلاقه تكون من نفس بيئته ان هذا الشئ اقوله لان وحده اعرفها

    صار معاها نفس الشئ بس هي ما اكتشفت سلوك ريلها الا بعد

    ما خذته ويوم اشتكت عند اهله ما صدقوها يعني دايم اهل الولد

    يكونون معاه وانا ما قلت هالشئ الا لحرصي على البنت المسكينه اللي

    راح تنخدع فيه وما احب اشوف انسانه مخدوعه في انسان ما يستحقها

    وفي مثل يقول بوطبيع ما يوز عن طبعه ومن شب على شئ شاب عليه

    واسمحولي

  12. #12
    عروس جديدة
    تاريخ التسجيل
    14/01/2003
    المشاركات
    34
    مرررررحبا.....
    اختي العزيزة انا اتفق في الرأي مع الاخت لميس لان دام اهلها ساكتين
    طول هاذي المدة وعادي عندهم يمكن ما يصدقون كلام البنت لكن لما يوصلهم الكلام من برى ويكون الكل عارف عنه وعن سوالفه راح يكون الموقف صعب عليهم.....
    وبعدين وين راح يروح من عقاب رب العالمين مرده ينفضح ولا حول ولا قوة الا بالله والله يستر علينا.....

  13. #13
    عروس مبدعة الصورة الرمزية نور القمر
    تاريخ التسجيل
    13/09/2002
    الدولة
    الامارات
    المشاركات
    836
    هلا اختي

    انا انصحك انك تقولي لها قبل مايطيح الفاس في الراس
    واساسا القاضي بسرعه بيحكم لها بالطلاق اول ماتقول انه مايصلي ويشرب ويحشش
    قولي لها قبل ماتتزوجه وتجيب منه عيال وتصير المشاكل وفي النهاية طلاق مع عيال الي بيتضررون


    قولي لها عشان الله يوفقك

  14. #14
    عروس رائعة الصورة الرمزية جوووري
    تاريخ التسجيل
    03/03/2003
    الدولة
    المملكه العربيه السعوديه
    المشاركات
    1,159
    عزيزتي محبه للخير .. الله يخليك .. تقولين لهالمسكينه






    حرام .. ترى الساكت عن الحق شيطان أخرس .. لا تخلين هالمسكينه





    عمرها يضيع مع شخص قد يكون الآن يحمل فيروس الإيدز من خلال تجاربه


    يعني عدل ع الأبله هذي وتعلميها ..


    تقبلي تحياتي

  15. #15
    عروس نشيطة
    تاريخ التسجيل
    12/04/2003
    الدولة
    ***نجد***
    المشاركات
    159
    اقوول اختي السالفه مايبغالها كلاام ابدا راي طبعا مثل راي الخواات لاااااااازم تقولين لها بس قبل ماتقولين لها اي شي المفروض يكون معك دلييل ولا بتعتبرك كذاابه وبتخربين عليهااا حياتها علشان كذاا لازم يكون معك اي دلييل احسن لك واذا ماكان معك كلميها بالتلفون من غير ماتعرف مين انتي وقولي لها الساالفه كلهاا وهي عاد براحتهاااا تبقى معه ولا تتركه ..

صفحة 1 من 3 123 الأخيرةالأخيرة

المواضيع المتشابهه

  1. محتاجتكم الله يجزاكم خير ساعدوني ودلوني على الحل
    بواسطة razaan al riaydh في المنتدى استفسارات العناية بالشعر
    مشاركات: 5
    آخر مشاركة: 23/09/2007, 08:44 PM
  2. تكفون قولولي وش الحل
    بواسطة امانيي في المنتدى قضايا وحلول
    مشاركات: 8
    آخر مشاركة: 28/03/2007, 04:13 PM
  3. مشاركات: 15
    آخر مشاركة: 23/12/2006, 11:54 PM
  4. الله يجزاكم بالجنة وش الحل مع الاضافات الغريبه تكفوووون
    بواسطة شذى الوريف في المنتدى استفسارات و مشاكل الكمبيوتر و تجارب الأعضاء
    مشاركات: 4
    آخر مشاركة: 01/01/2006, 10:20 PM
  5. اليكم قصه صديقتي00000وش الحل الله يجزاكم الجنه
    بواسطة aljory في المنتدى قضايا وحلول
    مشاركات: 24
    آخر مشاركة: 28/08/2005, 04:04 AM