روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 8 12345678 الأخيرةالأخيرة
النتائج 1 إلى 15 من 112

الموضوع: اللي تبي تتزوج تجي بقولها شلون تتزوج (( مجرررب))

  1. #1
    عروس مبدعة الصورة الرمزية مسك*
    تاريخ التسجيل
    07/11/2007
    الدولة
    المملكه
    المشاركات
    932

    اللي تبي تتزوج تجي بقولها شلون تتزوج (( مجرررب))

    بنااااااااااااات المنتدى يضيق الخلقتدرون ليش ؟!! الوحدة طبيعي تشوف موضوع موضوعين عن تأخر الزواج لكن يكون المنتدىملياااااان شكاوي وتذمر من تأخر الزواج بهلدرجة هذا الشي الي موطبيعي !! .... الليلاحظته وبقوة انه المواضيع مجرد تذمر وتشكي والردود معظمها ردود مافيها حل كثرمافيها مواساة وتطييب خاطر !!! وين بذل السبب يااللي تتذمرين من تأخر الزواج ؟ وينالحلول يا اللي تردون جزاكم الله خير على مواساتكم لخواتكم لكن اللي محتاجته منكمصاحبة الشكوى اكثر هو الحلول وين الحلول؟؟ أكو شغلات شكثر هاملينها البنات وبعدهميطلبون الزواج ؟! أستغرب بصراحة من اللي جذي .... بعطيكم كم نقطة كل وحدة تشوفنفسها وين مقصرة وتتأكد ان هلشغلة هي اللي معطلة زواجها ... وبتلقى باذن الله بعدهاشهر شهرين سنة بالكثير ويطق باب بيتهم ... وتجي تكتب لناموضوع عن........ (((( مجرب ))))

    >
    >
    >
    >


    بصراحةمو معقولة وحدة معارفها قليلين وكله حابسة روحها في البيت لا تروح مسايير ولا أعراسالا فيما ندر ولا راضية تشوف لها خطابة وعقب هذا كله تقول وين النصيب ما جاء ؟!! طيب الناس شلون تعرفج ؟؟ وين سمعوا عنج وانتي منخشة عنهم ؟؟ انتي بذلتي السبب ؟؟ولا قاعدة ومقفلة عليج دارج وكله قاعدة على الانترنت لا تصاحبين امج في عزايمهاومساييرها ولا للأعراس وتقولين اذا الله كتب بيجي لو انا محبوسة بسرداب!!!! هذامنطق كثير بنات عرفتهم !!!! على هلمنطق اذا مرضتي لا سمح الله لاتروحين الطبيبتعالجين اقعدي في بيتج وقولي للناس لو مكتوب أشفى باشفى !!!! آمنا بالله والقدرخيره وشره المكتوب أكيد بيصير بس ابذلي السبب رسولنا عليه الصلاة والسلام علمنا بذلالسبب وترك النتيجة على الله ((( اعقلها وتوكل ))) ... انا ماقول هيتو ارفعو عبيكمودجووو كل العروس والصالات طبوها وكل العزايم احضروها .. لكن تطلعين بالحد المعقولوتوجبين الناس واذا حضرتي العرس ارتزي مو تتخسرين باللبس والمكياج والتسريحةواخرتها قاعدة بأبعد زاوية جنج مجرمة لحد شاف ولاحد درى وماتقومين الا والعرس مخلص !!! سلمي على اللي تعرفينهم حاولي تندمجين مع الناس ... واللي تلقى نفسها مقصرة فيتوجيب الناس تشتغل على هلعيب وتعطي الناس حقها وتوريهم خشتها..... اللي تلقىروحها مقصرة في زينتها واهتمامها بنفسها وبجمالها تشتغل على هلعيب الخ ..

    >
    >
    >
    >



    2 - !!! الصدقة !!!شوفي المبلغ اللي عندج اخذي منهجزء وتصدقي فيه بالسر بنية الستر والزواج وانه ربج يعفج بالزوج الصالح ... واتصدقيمرة بعد مرة ومن قلبج واذا ماعندج فلوس مو شرط فلوس تصدقي من لبسج تصدقي بطعامتسوينه مخصوص لعمال تعبهم وهلكهم هالحر ولا حد حس فيهم .. ساعدي الخدامة ولا جيبيلها مجلة بلغتها تونسها أو اقعدي معاها شوفي شنو ناقصها او عطيها من لبسج اواكسسواراتج الخ .... أهم شيء انه صدقتج تكون طالعة من قلبج وبطيب خاطر و من حلالفالله طيب ولا يقبل الا الطيب تذكري قصة قابيل وهابيل لما الله قبل قربان هابيلوكان اللي قدمه من أفضل مواشيه أما قابيل فقدم لله أسوأ محاصيله الزراعية وأرداهافقبل الله قربان هابيل ورد قربانقابيل...

    >
    >
    >
    >

    3 - !!! أطب مطعمك تكن مستجاب الدعوة !!! حديثشريفراجعي نفسج شوفي انتي وين مقصرة مع ربج ومع الناس .. جمواحد من ارحامج قطعتي علاقتج معاهم ؟ جم وحدة من زميلاتج أو أهلج لج الحين وانتيمتخاصمة معاهم اكثر من ثلاث ليال ؟؟ علاقتج بوالدينج زينة ولا مأذيتهم ومقلقةراحتهم ؟؟ كم مرة اخذتي عذر طبي وانتي مو مريضة بس عشان الراتب ماينخصم منه فلوسهليوم ؟؟ كم مرة طلعتي من منتصف الدوام من غير عذر حقيقي وتكونين بهلطريقة قبضتيفلوس هلأيام اللي غشيتي فيها من غير استحقاق؟ فاتحة حساب عند بنك ربوي ولا بنكاسلامي ؟؟ معاملتج مع ضعاف خلق الله من خدم وأطفال وكبار سن وحيوانات شلون صايرةمأذيتهم ولا مراعيتهم؟؟ ... راجعي نفسج واصدقي مع الله ولاتخلين لج عند حد من الناسمظلمة وخلي رزقج حلال وشوفي شلون ربج بيحققلج كل اللي تبينه ومن غير تعب !

    >
    >
    >
    >

    4 - !!! النية والدعاء !!!اخلصي النية .... ابدي تجديد النية .. تضرعي لربج وادعي وانتي مركزة ادعي بكل جوارج انفصلي عن العالم .. من أروع التجارباللي ممكن يحسها الانسان هي هلحظة اللي يكون فيها مع الله بخشوع وبكامل تركيزهويستشعر بذله هو وبعزة الله يستشعر انه فعلا فقير لله وهو الغني عنا ... ادعي ربجاشكيله وصفي النية خلي نيتج من الزواج انج بتعفين نفسج عن الحرام وبتكونين له زوجةمطيعة صالحة وتعينينه على الدنيا ويعينج على الدنيا أم صالحة الخ .. أهم شيء النيةواصدقي مع ربج والتزمي بآداب الدعاء ودخلي معاها أدعية الأنبياء والصالحين لما يشتدكربهم .. والحي على الله ولا تيئسين وتأكدي وأيقني انج لما تدعين النتيجة 100% لصالحج انتي وسواء شفتي النتيجة بشكل سريع او بعد فترة ... وسواء تم الموضوع اوماتم الله له حكمة وهو يعرف الخيرة وين لما تدعين هو بيختار الأحسن لج لكن احناالبشر عجولين ... والأهم انه الدعاء مالازم يكون بشكل آلي من غير احساس مجرد ادعياجرب واشوف !!! ولا بشكل تذمر من وضعج !! أبداااا .. مناجاة وتذلل لله مع احسانالظن بالله وصدقوني والله عن تجربة ادعي باخلاص وبنية صافية وبتركيز وخشوع واتبعيآداب الدعاء وبالأخير احسني الظن بالله .. ادعي بيقين في قلبج انه الله بيحققلجمرادج وصدقيني صدقيني صدقيني بتلقين طلبج متحقق !! والله العظيم اني لما عملت بكلهذا تحقق لي طلب خاص طلبته من الله تعالى ..


    >
    >
    >
    >


    5 - !!! التفاؤل !!!برمجي نفسج على التفاؤل وخليجايجابية وابتعدي عن السلبيين .. السلبيين هذيل دمااااااار !!! انا ماراح أتزوج ! معقولة أتزوج عقب هلعمر ؟ انا ماراح يجيني الا متزوج منو بيرضى فيني غير المتزوج .. أنا عانس عمري ماراح أتزوج .. أنا حظي دايماااا ردي ماراح أتزوج !! ...... الخ منأفكار هدااااامة ... هلنوعية في الغالب ماراح يتزوجون و السبب كلامهم هذا .. هذا منسوء الظن بالله !!! .. المنتدى مليان مواضيع عن تأخر الزواج وكلها عبارات سلبية .. والله دينا ماخلالنا شي بس احنا وييييين والتطبيق وين .. وينا عن (((( تفاءلوابالخيرتجدوه )))) ؟؟؟ دين بهلجمالحرااام حرااام مانفهمه !!! ابدي من اليوم تبرمجين نفسج برمجة ايجابية .. وشوفي شلونبترتاحين .. (( انا بذلت السبب والنتيجة على الله )) (( أنا الله مأخر زواجي لحكمةعظيمة ولخير عظيم لي وأكيد بيعوضني بالرجل الصالح )) (( كان ممكن أكون متزوجة الآنمن شخص كان بيخطبني لكن الله أبعده عن طريقي لانه كان فيه شر لي وهذا من رحمة ربيلي )) الى اخره من عبارات متفائلة تريح النفس والله حرام تحملون انفسكم فوق طاقتهاوتهدون حيلكم بالعبارات السلبية مو متخيلين حجم تدميرها لنفسياتكم ولحياتكم !!


    >
    >
    >
    >

    6 - !!!تدخل الأهل!!!في نوعية وأعتقد بزمنا هذا صارت قليلة الحينكلمن يبي الستر لبناته .. في نوعية من الآباء يتاجر في بناته .. مايزوجها الا بمهرخيالي كأنها بضاعة الله يسامحه .... أو انه يأخر زواج بنته والسبب انها موظفة واذاتزوجت بينقطع الخير عنه فيقول بينه وبين نفسه أأخرها كم سنة أتربح من ورى وظيفتها !! وفي بنات يتامى أولياء أمورهم اخوانهم أو أعمامهم أو أخوالهم أو زوجة الأبالظالمة متحكمة في مصيرهم .... كل هذيل لهم عدد من الحلول النهائية طبعا بعد ماتنفدكل الحيل والطرق الذكية والمسايس والكيد .. يبقى كم حل أخير .. وهو اشراك طرف آخرفي الموضوع مثل الأم أو الخال أو الجد أو كبير العائلة أو شيخ دين ... وأيضا يوجدحل نهائي ولا انصح به الكل هذا الحل يناسب اللي معطلة زواجها مرة أب ظالم أو عمظالم وليس الوالدين لان الوالدين مهما كانوا مستحيل يكرهون أبناءهم ولازم تحاولمعاهم كل الطرق وكل الحيل ليما يرضون ومافي أب مايبي لبنته الستر .. المهم هذا الحلشوي صعب وسلبياته أكثر من ايجابيته لانه بالقوة .. ويصلح مثل ماقلت لكم للي أولياءامورها مو والدينها و عمرها كبير ويأست من أولياء امورها ورفضهم تزويجها الحل هواللجوء للمحكمة الشرعية .. راح ينظرون في المتقدم اذا كان كفؤ بيزوجونها اياه أويولون عليها قريب اخر لها مثل العم او الخال الخ وهو يزوجها ...


    >
    >
    >
    >


    7 - !!! التمسك بالتوافه والأمور السطحية !!!

    = أبيمهري لايقل عن المبلغ الفلاني فلانة مو أحسن مني ولا أحلى مني !!!
    = أبي سكنمنعزل لايمكن أعيش مع أهله!!
    = أبي راتبه يكون قوي أنا متعودة على الدلال في بيتأهلي !!
    = أبيه وسيم و طويل وشكلو عامل زي حسين فهمي
    = أبيه يسكن فينفس منطقتي لايمكن آخذ واحد ساكن من برا منطقتي !!
    = أبيه من نفس قبيلتي لايمكنأتزوج واحد من أصل ثاني !

    اذا كنتي من النوعية اللي معطل زواجهم احد الشروطأعلاه أبشري بطول قعده في بيت أهلج !!! تتمسكين بقشور وسطحيات وتوافه ويمشي عمرجلحد ما اخرتها تتنازلين و ترضين بواحد كحيان قصير مدلقم أجلح أملح ماطقه الحلى أوتدخلين على ضرة !! مثل مانتي وانا وكل مخلوق فيه عيب أو عيوب كذلك اللي متقدم لجلازم وحتما يكون فيه عيوب ومثل ماتقدملج وقبلج بعيوبج انتي نفس الشي تغضين عن عيوبهوماله داعي التمسك بمواصفات ومقاييس عالية واخرتها انتي الي بتندمين .. الشرع ماقالالوسيم والغني واللي ساكن عند اهلج ! الشرع يقول من ترضون 1 - دينه 2 - خلقه .. ركزي على هلشيئين فقط هذيل أساس البيت السعيد ... والبااقي كله متغير.. لانه الفقيريغتني .. والغني ينفقر .. الوسيم يمرض ويلعب الزمن في وجهة او يحوشه حادث يشخط علىوجهه خمسات خمسات .. اللي عنده بيت منفصل يبيعه ويسكن عند أهله .. واللي ساكن عندأهله يرزقه الله ببيت منفصل.. ولد قبيلتج باجر لا سمح الله تصيرله قضية أو فضيحةلحد أفراد عائلته تسيء لسمعته ومن بعدها لسمعة عيالج ... واللي ياخذج بمهر خياليبكره يذلج على كل فلس ادفعه فيج أو ينظر لج كبضاعة اشتراها ويشوفكم انتي واهلج ناسطماعين واللي خذاج بمهر متواضع باجر يجمعلج من فلوسه ويعطيج فوق المهر اللي اخذهمنج آلاف المرات ..الخ كل شيء ممكن يتغير .... الفايزة هي اللي اختارت المتدين صاحبالخلق .. اللي متدين وصاحب الأخلاق حتى لو أخطأ أو زل ... قلبه اللي متشبع بالدينبيرجعه لجادة الصواب .. وقيسي على ذلك باقي الشروط التافهة اللي طايحين فيها بناتهلأيام لازم عرسي بالقصر الفلاني !! ولازم المطربة الفلانية أو الطقاقة الفلانية هياللي تحييه الخ ...

    >
    >
    >
    >


    8 - !!! الحسد والعين !!!تحصني وارقينفسج وتوكلي على الله وخليج واثقة بالله ... لايصير خوفج من العين والحسد خوف مرضي .. هلأيام صار كل شي مايسرنا نقول سبته عين !! فلانة ماتزوجت عين .... فلانة تطلقتعين ... فلانة رسبت عين !! وبعدييين ؟؟؟ ليمتى ماننظر لأنفسنا ولا نحاسب أنفسنا ونتهم غيرنا؟؟ مع العلم انه العين من السهل جدا جدا جدا الوقاية منها وعلاجها !! مجرد تحصينج لنفسج بالأذكار كوقاية ... واللجوء للرقية كعلاج واتباع باقي الطرق اليوصانا فيها النبي عليه الصلاة والسلام مع وعيج باللي تقرينه مو تقرينه كأنج تسمعينشي حافظته!! شلفايدة؟؟ لازم تكونين واعية للي تقرينه مع ثقتج الكبيرة بالله والتوكلبعدها على الله بتشفين .. لاتخلون العين بعبع فلانة نضلتني وفلانة عطتني عين !! ماحضر مجلس فلانة فيه ام فلان عينها حااارة !!! لو ايمانج قوي ومتوكلة على اللهصدقيني ماراح يهمج ولا بيأثر عليج حسدهم حتى لو حطوا قبالج أكبر وحدة مشهور بالعينالحارة .. المهم اليقين والثقة بالله اللي محلها القلب هاذي اللي تحميج .. مو قراءةالأذكار والحصن من غير وعي ومن غير مانعنيها ونحسها !!!

    >
    >
    >
    >


    9- !!! الاستغفار !!!كثرة الذنوب ممكن تحرم الانسان من اجابة دعائه ... والاستغفار مبين من معناه انه يعني طلب المغفرة ... مايحتاج أتكلم عن ثمارملازمة الاستغفار كلنا نعرفها والمواضيع مليانة في المنتدى عن فوائد الاستغفاروثمراتها لكن اللي أبي أنبه عليه كلام سبق وقلته فوق ..اهو انه كل شي تقولينه لازمتفهمينه و تعنينه مايطلع منج بارد مجرد تسميع وكانه شي اتوماتيكي تلقين البنتتتثاوب واهي تستغفر وتسرح واهي تستغفر أو تلقينها قاعدة وتستغفر ويمر عليها أحد منأهلها وتأشرلهم بيدينها باللي ودها تقوله ولسانها شغال استغفار .... أو تلقينهاتمشي واهي تستغفر رايحة رادة وبالمرة واهي ماشية تعطي اخوها الصغير رفسة على الطايروتكركر بداخلها !! مجرد لسان يتحرك !! الاستغفار مو طالع من القلب مجرد طقوسبالنسبة لها ... كلمتين على ترتيب معين تعيدهم وبعدد معين وخلاص !!! لازم نستشعراللي نقوله ويكون مصدره القلب ونقوله بصدق .. احنا محتاجين نصدق مع انفسنا ومع اللهومحتاجين نجدد النية ..


    >
    >
    >
    >

    وسلامتكمخلصت النشرة .. أدري طولت عليكم وصدعت روسكم>> قايلت لكم ان فتحت حلجهامايتسكر الا بمعجزة ............. يا الله يابنات طبقو اللي فوق وباذن الله يوميمكن ؟ أسبوع يمكن ؟ شهر يمكن ؟ سنة بالكثير والا انتي جاية المنتدى تكتبين موضوعتتشكين فيه من سلامته................ الله يرزق كل بناتالمسلمين بالأزواج الصالحين والذريات الصالحه .. ويرزق كل شباب المسلمين العزاب بالزوجاتالصالحات الذريات الصالحه يا وهاااااب
    اللهم آآآمين

    منقووووول

  2. #2
    عروس رائعة
    تاريخ التسجيل
    16/10/2007
    الدولة
    morocco
    المشاركات
    1,066

  3. #3
    عروس مبدعة الصورة الرمزية مسك*
    تاريخ التسجيل
    07/11/2007
    الدولة
    المملكه
    المشاركات
    932
    شكرا ياسمينه
    صحيح موضوعي طويل بس اتمنى كل وحده تدخل تقراه كله وتستفيده منه
    بالتووووووووووفيق

  4. #4
    عروس مشرقة
    تاريخ التسجيل
    06/01/2003
    الدولة
    الســـــــــعودية وافتــــــــــخر
    المشاركات
    321
    جزاكي الله الف خيرا

    فعلا كلام سليم 100%


    وش رايك انا خجولة بالمرة
    لو اروح عزيمه وتجي وحده وتسلم علي تمدحني على طوول يحمر وجههي واتلخبط مادري وش اسوي
    على طوول سيدة دورة المياة ولا اروح اجلس مكان ثاني

    وشلون اتخلص من الخجل واكون فرفوشة اكثر؟؟؟؟

  5. #5
    عروس مبدعة الصورة الرمزية مسك*
    تاريخ التسجيل
    07/11/2007
    الدولة
    المملكه
    المشاركات
    932

    اقتباس المشاركة الأصلية كتبت بواسطة البدور مشاهدة المشاركة
    جزاكي الله الف خيرا

    فعلا كلام سليم 100%


    وش رايك انا خجولة بالمرة
    لو اروح عزيمه وتجي وحده وتسلم علي تمدحني على طوول يحمر وجههي واتلخبط مادري وش اسوي
    على طوول سيدة دورة المياة ولا اروح اجلس مكان ثاني

    وشلون اتخلص من الخجل واكون فرفوشة اكثر؟؟؟؟


    ياهلا اختي البدور اشكر مرورج بموضوعي
    حاولي قد ماتقدرين تتخلصين من هالخجل
    حاولي تقرين القراءن الكريم وتصلين آخر اليل وتدعين وتستغفرين >>>صدقيني فيه اشياء كثيره تخليج تتخلصين من هالخجل الي فيج
    انا كنت زيج كذا خجوووووووله>>>بس بعد ماصرت اقراء القراون يعني بعد ماداومت على قراءته احس اني صرت احسن من اول صرت اطلع للناس واسلم عليهم وعاااااااادي عندي موزي أول
    الله يوفقج ويسعدج دنيا وآخره
    بالتووووووووووووفيق

  6. #6
    عروس نشيطة
    تاريخ التسجيل
    27/11/2007
    الدولة
    الـمـغـرب
    المشاركات
    104
    مشكورة على هذه النصائح أختي
    بارك الله فيك

  7. #7
    عروس مبدعة الصورة الرمزية عيون الجوري
    تاريخ التسجيل
    07/02/2006
    الدولة
    قطر
    المشاركات
    600
    جزاج الله كل خير
    مشكورة يالغالية على الموضوع

  8. #8
    عروس ماسية الصورة الرمزية حكاية روح عاشقة
    تاريخ التسجيل
    30/06/2006
    الدولة
    جوه روح حبيبي
    المشاركات
    3,806

  9. #9
    عروس مبدعة الصورة الرمزية مسك*
    تاريخ التسجيل
    07/11/2007
    الدولة
    المملكه
    المشاركات
    932
    شكرا بناااااااات
    اشكر مروركم الجميل
    الله يوفقكم ويسعدكم دنيا وآخره
    بالتووووووووفيق

  10. #10
    عروس برونزية الصورة الرمزية الجوهرة السعودية
    تاريخ التسجيل
    26/11/2007
    الدولة
    في بلاد مهبط الوحي
    المشاركات
    1,712
    الله يجزكي خيررررر

  11. #11
    عروس مشاركة الصورة الرمزية Pinkish__Dream
    تاريخ التسجيل
    06/03/2007
    الدولة
    دبي
    المشاركات
    73
    يزاج الله خير عزيزتي على موضوعج المفيد
    وصدقتي في الي قلتي
    واسمحيلي لاني بغيت اضيف شي من تجربتي

    عليكم بنات بسورة "يس" واايد زينه واايد
    مريت بعدة صعوبات قبل عقد قراني ولكن الحمدلله كنت دوم اقرا سورة "يس"
    وربي يسر اموري ولله الحمد الف مره

    ادعي ان الله ايسر امور جميع خواتي

  12. #12
    عروس مبدعة الصورة الرمزية مسك*
    تاريخ التسجيل
    07/11/2007
    الدولة
    المملكه
    المشاركات
    932
    اقتباس المشاركة الأصلية كتبت بواسطة Pinkish__Dream مشاهدة المشاركة
    يزاج الله خير عزيزتي على موضوعج المفيد
    وصدقتي في الي قلتي
    واسمحيلي لاني بغيت اضيف شي من تجربتي

    عليكم بنات بسورة "يس" واايد زينه واايد
    مريت بعدة صعوبات قبل عقد قراني ولكن الحمدلله كنت دوم اقرا سورة "يس"
    وربي يسر اموري ولله الحمد الف مره

    ادعي ان الله ايسر امور جميع خواتي
    شكرا حبيبتي والله يوفقج ويسعدج دنيا وآخره
    وان شاء الله تتيسر امورج وبالتوووووووووفيق
    اسعدني مرورج

  13. #13
    عروس مبدعة الصورة الرمزية مسك*
    تاريخ التسجيل
    07/11/2007
    الدولة
    المملكه
    المشاركات
    932
    شكرا لكل من رد على موضوووووعي
    جزاكم الله خير

  14. #14
    مشرفة سابقة الصورة الرمزية ¤¦¤ glbUaE ¤¦¤
    تاريخ التسجيل
    24/08/2006
    الدولة
    ღ لآ’مكـآنَ لـيٍ ~ ღ
    المشاركات
    7,916
    الله يرزق الجميع الزوج الصالح

    بارك الله فيج على هذا الطرح


    ^.^

  15. #15
    عروس مشاركة
    تاريخ التسجيل
    28/01/2006
    الدولة
    الله يحفظج يا الإمارات
    المشاركات
    91
    جزاك الله خيرا وجعله في ميزان حسناتك
    يوم القيامه

صفحة 1 من 8 12345678 الأخيرةالأخيرة

المواضيع المتشابهه

  1. اللي تبي تتزوج تدخل وتدعوالي ؟؟؟؟؟؟
    بواسطة غزيل في المنتدى مكتبة عروس
    مشاركات: 16
    آخر مشاركة: 27/04/2009, 03:27 AM
  2. اللي تبي تتزوج فارس أحلامها تتفضل هالمشاركة
    بواسطة just 4 him في المنتدى الشؤون الأسرية و الإجتماعية و أخبار الأعضاء و مناسباتهم
    مشاركات: 128
    آخر مشاركة: 15/09/2008, 10:46 PM
  3. هذا دعاء اللي ودها تتزوج بسرعه
    بواسطة حنين الشووق في المنتدى قضايا وحلول
    مشاركات: 104
    آخر مشاركة: 28/10/2006, 12:35 AM
  4. اللي تبي تتزوج تدخل
    بواسطة طيبة القلب في المنتدى الشؤون الأسرية و الإجتماعية و أخبار الأعضاء و مناسباتهم
    مشاركات: 6
    آخر مشاركة: 24/02/2003, 02:42 PM