بلييييز ابا مساعده في موضوع ضروري ..

[bj3a]

الله يسلمكن قريتواموضوعي الجديم الي اتشكى فيه من تصرفات عمتي ويا عيالي ..

اليوم صارت مشكله فالبيت من دون مشكله ...كيف ؟؟

اعرف بتقولون هاي خبله .. انا تخبلت من اهل زوجي ينيييت

انا ساكنه مع اهل زوجي وعندي خدامة لعيالي .. وعدنا خدامتين فالبيت وحده تطبخ والثانيه تساعدها .. المهم عالريوق مسوين خبر محلى قالي زوجي ادهنيه بعسل وهاتيلي قلت للخدامة (الي تساعد الطباخه) هاتي عسل من المطبخ برع وهي يايبه ضربت المله في الكرسي وانكسر في يديها وصبهعا الصغير انطر وايد قعدت اتصيح عمتي اتصلت فالدريول يا ووداها العياده وعقب زوجي قال انا بسير عندي شغل قلتله نزلني بيت امي .. المهم ..

الحين متصل فيه معصب قالي: مرة ثانيه لا تطلبين من بشاكير قوم امي شي اي شي تبينه اطلبيه من خدامتنا بس .. قلتله ليش شو صاير عشان الي استوى اليوم مب انا الي كسرته في يديها هي بروحها ضربته فالكرسي ..

قالي خلاص الي اقولج شويه (شكلها امه قايلتله زوجتك السبب فالي صار للخدامة ) المهم تضايقت انا كل هذا مستحملتنهم وصابرة يت عالخدم بعد يلوموني فيهم ..

شو اسوي وشو اقول .. وكيف اتصرف معاهم .. ؟؟

انا وايد متضايقه .. وايد تعبانه .. شوروا عليه زوجي كله معصب عليه مااعرف من تصرقات امه .. ولا طفح الكيل عنده ... ساااااااااااااااااااااااا اااااااااعدوني بليييز

[مدلعه نفسي]

الله يعينج خيتوو وان شالله البنات مايقصرون

[نشمية بنت سونيته]

يا حبيبتي هاي كبر أمج يعني تخيلي امج كانت فلفل شو بتسوين
فديتج ذكرتيني بعمري لما كنت معرسة وعلى فكرة أتطلقت بسبب ها الأشياء اقصد تدخل أهل الزوج وتعرفين لبست وخليت حماتي تنبح لين هي ما تعبت وخلتني في بس المشكلة إنها ظلت ورى ابو عيالي لين ما أجبرته يخطب وحده ويطلقني

المهم في مشكلتج راعي زوجج وخدميه ولو ضغطت على عمرج ليه ملكتيه وكنت له كل شيء الأم والزوجه والصديقة والحبيبة ذيج الساعة شلي كشج واطلعوا برع بيت حماتج ولين ذاج اليوم حاولي تذكرين أهل ريلج بكل زينة ولو عطوج سهم عطيهم باقة ورد صدقيني " ولا تقولين كلام مطلقة " بيستحون
في الاعياد والمناسبات إحييها في بيتهم ولما ييون ناس بينوا طيب أصلج إكثري من الهدايا لحمياتج وحماتج بذاااااات

والله يوفقج ويسعدج

[فلورنتينا]

ياحبيبتي لا تضايقي نفسك وتكبري الموضوع
يمكن امه حكتله عالحكاية وهو عصب
أحسني الظن بالناس
وماصار الا الخير بإذن الله
قولي طيب وحاضر وتشوفي كيف المشكلة حتنتهي
كل بيت فيه مشاكله انتي بس لا تشيلي في قلبك
وربي يساعدك بإذن الله

[bj3a]

مشكورين على ردودكم..

بس بعطيكم معلومه يوم صار الي صار فالخدامة زوجي كان قاعد وقال هاي الغبيه ما تشوف ...

ومعلومه ثانيه عمتي مش كبيرة ودارسه ومتعلمة وعندها بكاليريوس.. (على قولت ولدي بقر وتيوس ) لو تشوفين تصرفاتها وكلامها تقولين هاي حتى الاعدادية ماعندها

وبالنسبه لزوجي هو في عيوني وهو روحه يعرف ان المشاكل تبتدر من اهله وروحه يتضايقمنهم بس ما باليد حيله ..

على فكرة انا كثر المشاكل الي صارتلي معاه قالي زوجي الي يريحج سويه ما قمت ايلس وياهم ولا قمت اسيرلهم فوق لعدم الحساسيات .. والي في قلبي من زمان صارت مشاكل كذا مرة قالتلي سيروا برع اسكنوا ولا سيري بيت اهلج ...ياربي صبرني عليها مع كل هذا كنت اقول ما عليه مش عشان سواد عيونها بسير اسلم عليهم بس عشان زوجي ما ياخذ عني صورة مو زينه

بس يا جماعه انا بعد لي حدود وقلب ما يتحمل فوق طاقته تخيلوا يابولي السكري والضغط وويع القلب .. مع ان ما كان فيه قالي الدكتور من الزعل والتفكير صار فيج .. شو اسوي ما ابا اخسر حياتي وشبابي الي يشوفني يقول عمري 60 سنه وانا توني 26 سنه

شو روا علي بالنسبه لسالفت الخدامة اذا صار نقاش فالبيت شو اسوي وشو اقول ؟؟

[نشمية بنت سونيته]

بيني وبينج لمي الموضوع وقفليه وقوليلهم مو يسوون مشاكل علشان خدامة ؟؟؟؟؟؟؟؟؟؟؟

[sweetdodo]

انت احكي لزوجك الي تأمر فيه

وبعد هيك ضلك قدامهم مبسوطة يعني هنا مفكرين انهم عملولك

مشكلة لما قالوا لزوجك انه الحق عليكي واطلبي الاشياء من خدامتك

مشان هيك انت بعد لا تطلبين اشي من خدامتهم وضلك نادي على خدامتك

واطلبي منها الاشياء هيك هنا بنقهروا اكثر ومن غير ما تعملي مشاكل

والله يعينك عليهم ويصبرك

[الزين شرقاوي]

حبيبتي طول مانتي ساكنه قريب من أهل زوجك بتضل المشاكل وراك أن رحتي عندهم وإلا مارحتي بس يقول المثل أبعد بعيد حبك يزيد
نصيحة مهمها صار من أم زوجك لايطلع شي منك علشان زوجك مايأخذ فكرة عنك خطى واختلقي الأعذار لأم زوجك دائم ترتاح نفسيتك

[bj3a]

الغاليه بالنسبه ليش انا ما يبت الغرض لاني انا كنت اسوي شاهي فالمطبخ الداخلي وهي كانت سايره المطبخ فطلبت منها .. خاصتا اني كنت متسبحه واذا دخلت المطبخ الخارجي يطبخون وزوجي يطفر من الريحه ...

على فكرة عمتي كمن مرة قالت لزوجي لما علاقتنا كانت زينه ليش زوجتك ما تطلب اي شي تباه تاكله من الخدم .. وانا بطبعي ما اطلب من بشاكيرهم بس ذاك اليوم كنت غبيه وطلبت ..

الزين شرقاوي

لصبر حدود والقلب ما عاد يستحمل سواءا عمتي ولا غيرها ..

بس الي استانست منه امس زوجي قالي خلاص انا ما عاد استحمل كلامهم وتصرفاتهم لازم ناجر شقه .. بس مثل ما تعرفون الاجارات نار ... وانا ما ابا احطه تحت ضغوطات ...

اقترحت عليه نيلس بيت قوم امي بما ان محد فالبيت الا امي وابوي واخواني ال2 ونحن نقعد فالغرفه الي برع فالملحق كبيييييييييره وواسعه لكن رفض وقالي صبري الشقه بدورها ... احنا جي ويالله اندبر امورنا ومصاريفنا بعد ناجر شقه الله يعينا

[حبيبة جيمي]

بجعة والله الحل انج تطلعين بيت بروحج

وايد مشاكل ما يسوى عليج كلششش هالعيشة