مرحبـا بنات كيفكم ... رجعتلكم بعد غياب ثلاثة أشهر
والحمد لله جبت ولد مثل القمر بحط صورته عن قريب
بس بنات أنا اليوم أول يوم لي في الدوام بعد اجازة الوضع..
وولدي صياح كثير ممكن تعطوني جدول للرضعات ... أنا من الدوام يعطوني
ساعة للرضاعة ...
مرحبـا بنات كيفكم ... رجعتلكم بعد غياب ثلاثة أشهر
والحمد لله جبت ولد مثل القمر بحط صورته عن قريب
بس بنات أنا اليوم أول يوم لي في الدوام بعد اجازة الوضع..
وولدي صياح كثير ممكن تعطوني جدول للرضعات ... أنا من الدوام يعطوني
ساعة للرضاعة ...
السلام عليكم،،
شوفي اختي تقدرين مثلا تشفطين له وتخلين الرضعه في الثلاجه،، وقبل ما تطلعين رضعيه بحيث يكون شبعان،، ويوم ينش عقب يعطونه الرضعه اللي في الثلاجه،، والرضعه اللي عقب تقدرين انتي تطلعين من الدوام وترضعينه وعقب عاد سوي له شاي الاعشاب بابونج او ينسون تكون رضعه لين ما تردين من الدوام واذا ما قدرتي ما في غير الصناعي
مشكوووورة أختي على الرد... بس ولدي ما يرضع من الرضاعة
حاولت بس ماشي فايدة
اشلون مايرضع انتي من جبتيه ماعطيتيه مااااااااااي؟
ماتعطينه حلبه او ينسون او نعناع او شاي الاعشاب ميلوبا؟؟؟؟
مافكرتي من قبل انج بتداومين وان مافي اللي المرضاعه
لااااااااااازم يتعود
النونو يبي يرضع كل ساعتين وانتي صعبه تطلعين كل ساعتين من الدوام
اخذي يومين عرضي او مرضي وقعدي معاه وعلميه يرضع من المرضاعه
ولين تعلم انتي قبل لاتطلعين شفطي له حق مرضعتين وخليها في الثلاجه ولين جاع يسخنونها له ويعطونه
والله يعينج
الف الحمد لله على السلامة ويتربى بالعز دوووم ان شالله
والله يكون بعونك فعلا لازم تعوديه على المرضاعة غير هيك والله صعب وخصوصي انك موظفة الله يسهلك ياارب
ماشي حل غير المرضاعة
هـلا خواتي مشكووورات على الرد
أنا أعطيه بالمرضاعة بس ما يرضى ياخذ
والماي أعطيه عن طريق القطرات... والحين شوي
شوي بأعوده على المرضاعة لأن أشوفه صعب أداوم
وهو ما يرضع