السلام عليكم ورحمة الله وبركاته
خواتي اتمنى من انكم تقدرون اتفيدوني..
الحمدلله هالحمل تقريبا احسن من الحمل الثاني يوم حملت ب حمدان.. يعني 20% احسن..
بس المشكله اني ما اقدر آكل اكثر عن طاقتي..
يعني 3 وجبات باليوم واحاول انها اتكون مفيده+ سلطات واجبر نفسي على الاكل واحس اني ما قادره اكمل.. واوقف واحس اني بعدني ميته.. مب قادره آكل اكثر عن الي كلته.. اتخيلو حد يجبر نفسه بالاكل آخر شي اكيد يرجِع.. ولكن انا الحمدلله لا بس يوم احس اني وصلت الليميت اووووووقف.. بس للاسف احس اني ما كلت شي واحساس اليوع بعده.!؟ :qaq:
اي شي آكله عزكم الله عقبه بعدة ساعات تكرمون ادخل الحمام واقضي حاجتي.. وهنيه ايوع اكثر..!؟
وماخذه اجازه من قبل الرمضان لين اليوم لاني جد ما اقدر انش الصبح وعلى الاقل ارقد تقريبا الساعه 11 بالكثير 12 لان ما اييني نوم بسرعه اتقلب اتتقلب طول الليل وانا نايمه.. لين الساعه 10 الصبح وطول الليل تقليب في تقليب.. وعقب احس اني شبعت رقاد وبعد الريوق احس اني خلاص بعد تعبت وارد انسدح على السرير لينما اريح وعقب ارد اقوم..
منو الي يصيرله مثلي عقب الاكل يتعب ويحس بالارهاق..؟! هل هالشي طبيعي لان في حملي الاول والثاني ما كان يصيرلي جذيه.............!؟
والمشكله اليوم زوجي وعدني ايوديني علشان اتشرى الاغراض الي في خاطري.. طلعنا وكنت متريقه وحاسه بتعب شديد بس قلت عليي وعلى اعدائي وطلعت..
يوم وصلنا الEmirates Mall رحنا كارفور اول شي دخلنا كارفور وهناك تمينا نشوف الكيمرات وهالشغلات يعني تقريبا كملنا 30 دقيقه نتشاور على الكيمرات والاسعار وشو الي بنختاره.. وحسيت بتعب.. ما خبرت زوجي يالست ادور اقرب كرسي علشان ايلس عليه.. للاسف ما شفت شي جان امسك زوجي واقوله تعبانه ابغي ايلس وما حسيت بعمري يالسه اشوف الدنيا ظلام وقتله حاسه بدوخه وهو يقولي نرجع السياره نرجع السياره.. وهنيه ما قمت اسمع اي شي.. يالسه اكلم عمري يا فلانه حاولي تثبتين وتوقفين ولا تحرجين زوجج وقفي الا دقايق وهالاحساس بيروح.. والله ما حسيت باي شي الا اشوف نفسي في حضن زوجي والناس ملتمين وهو يكلم ريال انه يبون لي الكرسي المتحرك ووحده انجليزيه تقول bring her water وواحد من الرياييل يقول لزوجي اتصل باسعاف وهو يقول ما له داعي حرمتي حامل ودقايق بتصحصح ومسكين خايف عليي.. وعقب اكتشفت اني يالسه علارض وحاطه راسي على صدر زوجي وهو ماسكني ويحاتيني ويحاتي ولدي الي يالس يتطالعنا ويالس في عربانته.. الحمدلله كنت متغشيه ههههههههههههههه (هالي يهمني) :21_207:
وشوي شوي حسيت اني استرجع وعيي وعطوني الماي ف شربته..
وعقب يابولي الكرسي وشلني زوجي ويلسني علكرسي وتم الريال يدزني وزوجي يدز عربانة ولدي يحليله منصدم يقول في خاطره شو بلاها امي مسويه يوله..
ورجعنا السياره..
والحمدلله حسيت اني بخير وتم يهدئني زوجي ويطمن عليي..وعقبها يوم اتاكد اني صحيحيت عصب عليي :sm229: انتي ما تاكلين زين وانتي ما تراجعين الدكتوره.. الحين بنرجع البيت جدامي اتصليبها وخذي الموعد.. يوم رجعت البيت اتصلت قالولي ان الدكتوره في اجازه.. الي انتي تبينها بترجع بعد اسبوعين تقريبا فحجزت عندهم..
المشكله انا بس مره وحده رحت الدختر علشان الفحص يوم توني دخلت الثاني بسبب الوحام الخايس كنت ارجع وما آكل عدل.. وطمنوني كل شي زين.. وعقبهومن عقبها ل حين مسويه طااااااااف..
وخايفه الحينه من فحص الدم.. لاني يوم حملت ب حمدان تذكرون يوم اخبركم اني ما كنت آكل عدل وحصل لي نقص في الهيوجلوبين وتعبت وايد في الولاده ولين اليوم مانسيت كل الي صارلي.. اخاف يتكرر واتعب نفس الشي ويصير لي نقص في الهيموجلوبين :cry: يعني السالفه فيها تعب وقت الولاده..!؟ وتعب في الشهور الاخيره ويمكن نزيف وقت الولاده..!!
اتمنى انكم تخبروني شو من الاكلات الي تحتوي على الحديد.. اتذكر مره نزلت موضوع ونصحوني الاخوات وما قصرو بوجبات الي تحتوي على الحديد.. وهالمره بعد مره ارد واسال.. اتمنى انكم تردون عليي واطبق الجدول وآكل كل شي فيه حديد من الاكلات.. ولين موعدي كل شي يكون تمام :21_213:
ياريت تفيدوني.. وتخبروني منو الي صارلها هالموقف علشان نتفادى هالشي..
اتريااااااااااااااااااااك م على احر من الجمر.. :9_28:
رد مع اقتباس
.. وعطتني الدكتوره بالاضافه الى الفيتامينات
