روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 18

الموضوع: عملية تجميل ...

  1. #1
    عروس مشاركة الصورة الرمزية حلوة ومو حلوة
    تاريخ التسجيل
    24/12/2006
    الدولة
    السعوديه
    المشاركات
    86

    عملية تجميل ...

    السلام عليكم

    مو عارفه شلون ابدء
    بس مثل ماشفتوا العنوان
    عن عمليات التجميل

    بس رجاء لا تجي لي وحده تقول لي عمليات التجميل حرام
    انا سئلت شيوخنا وعلمائنا وقالوا حلال اذا بسببها راح تكون الحياة طبيعية ويسيرة

    والرسول صلى الله عليه واله وسلم كان في حرب من الحرب أمر لفارس من الفرسان عندما انكسر انفه من الحرب والقتال امر بصنع قطعة من ذهب لتغطية هذا التشوه ..

    نجي للموضوع

    انا من وانا صغيرة كنت اكره انفي اكرهه حيل مااحبه لأنه كان كبير وماله اي ملامح
    ولما اقول اني اكرهه مو قصدي اني اعترض على خلقة ربي عارفه ان هالشي من خلقة ربي
    بس اني دائما اسمع تعلقيات عليه وانا اصلا بيني وبين نفسي مااحبه
    ومدام في فرصة للتجميل ليش لا العمليات هاذي مو حرام ..!!

    هاذي مشكلة

    المشكلة الثانيه هو اني ضعيفة حييييييييييل حيييييييل والضعف هذا مو في جسمي لا
    في وجهي يسمونه في العلم " ضمور"
    عظم وجهي باين حيل حتى اني سمعت تعليق من اقرب الناس لي يقول لي كأني من مجاعة افريقيا

    المهم انا فاتحت اهلي بموضوع عملية انفي والحمدلله انتقعوا بسرعه من غير اي تعب من ناحيتتي
    مع ان ابوي مو غني ولا شي بالعكس الحال ميسور لكن سوى لي عملية انفي
    والحمدلله بعد العملية انا تماام انفي احبه حيل وكل حين اطالع في المرايه وماصرت اسمع اي تعلقيات
    وانا بيني وبين نفسي كنت افكر اني الاقي حل للخدودي لأني صدقوني مااكان فيني جنس الخد كان وجهي جلد على عظم واللي طلع علي تعليق اني من مجاعة افريقيا ماكذب..!!
    وماضل شي ماجربته من حبوب خميرة ومن حلبة ومن غيره مااضل شي لكن هذا مثل ماقال دكتور من الدكاترة ان هذا ضمور وماارح يروح من نظام غذائي او اي شي
    هذا غير التعليقات اللي كنت اسمعها لما اطلع او اروح اي مكان صدقوني صرت اتمنى اني لما انام اتمنى اني مااجلس لأن تعبت
    لما رحت للدكتور عشان اخطط لعملية انفي اللي عور قلبي
    الدكتور اول ماشافني حرك وجهي ومكان خدودي قال تحتاجي حقن دهون في خدودك قال له ابوي لا احنا جايين لأنفها الدكتور تفاجاء كان حاسب اني جاية لخدودي
    وقال الدكتور لازم لازم اسوي حقن ويقول انه ولا مرة شاف ضعف في وجهة الى هاذي الدرجه
    المهم بعد شهرين من سويت عملية انفي سويت حقن لخدودي
    والحمدلله نفسيتي تماام وحابه روحي حيل

    بس مشكلتي مو هنا

    انا مو من النوع اللي يطلع ويروح ويجي وانا دائما في البيت واذا بطلع اروح بس بيت ربيعتي
    او اروح مجالس دينية
    لكن اللي صاير ان كل ماشافتني وحده من قرايبي قالت لي وش مسويه ومن هذا الكلام
    لين انتشر في قريتي اني مسوية عملية تجميل وقريتي متخلفه يعني يعتبرون هالشي شبة حرام

    وهذا اللي متعبني
    تخيلوا ياخذون امي على جنب ويكلمونها بالهمس يقولون لها سمعنا ان بنتك مسوين لها كذا وكذا
    يعني كأنه جريمة او شي زي كذا
    انا هالشي يتعبني واحيانا اقول لأمي لاتقولين لهم اني مسويه شي قولي لهم بس اني اتبعت نظام غذائي وتنفخت او اي شي
    لكن في نفس الوقت اقول لنفسي وش هالغباء انتي سويتها وخلاص

    واذا انا عصبت على امي تقول لي وانتي وش عليك منهم احنا ماسوينا لك العمليه من فلوسهم ومن هذا الكلام

    مشكلتي اني الحين مااحب اروح اي اجتماعات عائليه لأني اكره اشوف نظراتهم احس كأنهم يجو عشان يتفرجون علي

    بس شنو اقول لكم
    علاقاتي نفسي صارت قوية حييل و مع ربي صارت اقوى ماأخر صلاتي ولا افوت اي عمل من اعمال يوميه او شهريه
    الحمدلله
    وغير كذا علاقاتي مع صديقاتي صارت اقوى صرت اتكلم من غير اني اكون خايفة يطالعون فيني ويشوفون الضمور اللي في وجهي
    صداقاتي كثرت صرت مااخجل اني اقدم نفسي بين الناس وهالشي والله انه فرحني
    قمت احب نفسي حيل ياااناس

    بس اضل خايفه من اني اروح اجتماعات عائلية
    احيانا اقول يلا سنه او سنتين وبينسون كل شي
    ماادري انتوا وش رايكم

    ريحوني وقولو لي هل انا غلطانه او خوفي وقلقي في محله

    واحمد الله واشكره اللي خلاني على هالحال

    والله يخلي لي ابوي اللي ساعدني وحس فيني

  2. #2
    عروس ذهبية الصورة الرمزية روبا
    تاريخ التسجيل
    20/03/2003
    الدولة
    بلاد الحرميين
    المشاركات
    2,713
    اختي بما ان نفسيتك تحسنت...ما عليك من احد وعلى قولتك كلها سنة او سنتين وبينسون

  3. #3
    عروس مبدعة
    تاريخ التسجيل
    19/12/2006
    الدولة
    السعوديه
    المشاركات
    566
    (ارضاء الناس غايه لاتدرك )

    حبيبتي خليك واثقه من نفسك وماعليك منهم
    اهم شي نفسك وبس
    الناس قبل لما كنتي ضعيفه كانو يعلقون ولا يهتمون لمشاعرك والحين بعد يعلقون بس هالمره من الغيره الي بقلوبهم الله يوفقك ويرزقك بابن الحلال الي يسعدك

  4. #4
    عروس جديدة الصورة الرمزية حبه جنوني
    تاريخ التسجيل
    24/01/2007
    الدولة
    فـبـيـتــنــا
    المشاركات
    43
    حبيبتي ماعليج منهم
    دام انتي مقتنعه بشكلج

    خلاص لايهمج حد المهم رايج انتي
    ودام تحسنت نفسيتج الف الحمد لله
    والناس عمرج ماراح تقدرين ترضينهم
    فخليهم ورا ظهرج والله يوفقج

  5. #5
    عروس رائعة الصورة الرمزية شمس حياته
    تاريخ التسجيل
    24/01/2007
    الدولة
    في قلب زوجي
    المشاركات
    1,044
    ما عليج منهم الصراحة الناس محتاجين توعية لانه العمليات اللي تقوم الوجه قالوا مو حرام و اللي سويتيه اشوفه شجاعة
    ياحبيبتي لانه مافي احد غيرج عانى من خشمج و خدودج غيرج انتي و الحمدلله انج لا انتي و لا اهلج احتجتوا اراهم
    انا اقول طنشي لانه الناس حتى لو وحدة صيغت شعرها يهمزون و يلمزون و الحمدلله انه ثقتج بنفسج زادت اهم شي لا
    تبينين لاي احد انج ضعيفة اوندمانة و لو احد سالج او سال امج وضحوا لهم ..والله يوفقج و يرزقج من حلاله ان شاءالله

  6. #6
    مشرفة سابقة الصورة الرمزية Prof_Nona
    تاريخ التسجيل
    18/07/2006
    الدولة
    Hurghada-Alexandria
    المشاركات
    3,297
    بس اضل خايفه من اني اروح اجتماعات عائلية
    احيانا اقول يلا سنه او سنتين وبينسون كل شي
    ماادري انتوا وش رايكم
    مبروك العمليه الحمدلله ومن الاخر كبرى دماغك من كلمهم

  7. #7
    عروس ماسية
    تاريخ التسجيل
    07/03/2007
    الدولة
    ღالــجــنة بـأذن اللــــهღ
    المشاركات
    3,269
    عن تجربه شخصيه لاحدى قريباتي المقربات لي والله دامج واثقه من حالج لاتهتمين لحد اهمه قبل العمليه وبعدها محد راح يرضى ومثل مايقوالوغايه الناس لاتدرك لاتهتمين وعيشي حياتك وبالعكس الايام الي بعد العمليه حيييييييل حلوة انك تحسي ثقتك بنفسك زادت وان جمالك حلووو ودامك راضيه ربك ماعليك من اي حد يتكلم والف حمد الله على سلامتك

  8. #8
    مشرفة سابقة الصورة الرمزية frawla
    تاريخ التسجيل
    20/01/2003
    الدولة
    أسد الجزيرة مبارك الكبير
    المشاركات
    5,557
    خلج واثقه من نفسج ..

    وانتي أكيد فيج هالشي ..

    واتبعي مقولة : واثق الخطوة يمشي ملكا ً ..

    مو أقولج هالشي علشان تنغرين لا سمح الله ..

    بالعكس ..

    انتي واثقه من نفسج فـ ليش تنطرين اعتبار من الناس لا شغله ولا مشغله عندهم غير مراقبة الناس ..

    مالج شغل بأي أحد مدام إنج مو مسوية شي غلط والحمدلله ..

    والناس بتتكلم تتكلم تالي بتسكت ..

    وعطيهم سكب .. وعيشي يومج مدام انج راضية عن نفسج ..

    تحياتي لج .. ..

  9. #9
    عروس رائعة الصورة الرمزية ســوار
    تاريخ التسجيل
    14/07/2006
    الدولة
    حيث أنا
    المشاركات
    1,404
    يا عزيزتي اقولك ومن غير زعل المشكلة مو في الناس يا اختي المشكلة فيكي انتي احساسك بعدم الثقه بنفسك ..وعدم قدرتك على تقبل نفسك واهتمامك براي الاخرين قبل رايك انتي في نفسك خلاكي تقعين ضحية لهذه الافكار وهذه العمليات اللي تدخل فيها شبهة الحرام اكثر من الحلال...نظرة الناس ما راح تتغير للاسف والمجتمع والدين..احنا اللي لازم نتكيف مع دينا ومجتمعنا وعاداتنا...وبدون زعل هذا رايي

  10. #10
    عروس مبدعة الصورة الرمزية nasnusa
    تاريخ التسجيل
    30/12/2002
    الدولة
    Toronto,Canada
    المشاركات
    570
    (w)
    والله كان نفسي اعمل عمليه تجميل لانفي لانه عندي نفس مشكلتك بس للاسف امي رافضه نهائيا ولا ودها تسمع عن الموضوع , انا كارهه عمري بسبب انفي والله مدري كيف اقنع امي و ثاني شي هو خوفي انه العمليه ما تجيب النتيجه اللي انا ابيها وخاصه انها غاليه جدا هنا في كندا ’ بس وانتي الصادقه الاهل ما راح يخلوكي في حالك وراح يعلقو طول الفتره ,تصدقي انها كلمت خالتي عن الموضوع وصارت من الحين تضحك علي و تقول خلي بالك لعاد يطيح انفك وانتي تمشي مثل مايكل جاكسون

  11. #11
    عروس ماسية الصورة الرمزية ورد الخريف
    تاريخ التسجيل
    29/03/2005
    الدولة
    ksa
    المشاركات
    6,055
    انتي قلتيها

    مجتمع متخلف

    واللي يتابع كلام الناس يتعب

    والحرام يا حبيبتي هو الغيبة والنميمة من وراج

    فانتي صح وهم غلط

    وكملي حياتج واستانسي

    والله يهنيج

  12. #12
    عروس مبدعة الصورة الرمزية موعود باحساس
    تاريخ التسجيل
    23/05/2003
    الدولة
    بين الزمان
    المشاركات
    517
    دام انك مقتنعة بان الي تسوينة هو الزين و هو الي تبينه.. خلاص مالج خص فيهم.. اما اذا بتحسسين من كلام الناس و نظراتهم فكان لازم تحطين هالشي بعين الاعتبار قبل لا تسوين اي شي ..

  13. #13
    عروس مشاركة الصورة الرمزية حلوة ومو حلوة
    تاريخ التسجيل
    24/12/2006
    الدولة
    السعوديه
    المشاركات
    86
    السلام عليكم


    الف الف الف الف شكر على مروركم الراائع وردوكم بصراحه ريحتوني كثير وخصوصا اني كنت حاطه هالشي في بالي
    اني خلاص بطلع وبروح وماعلي من احد

    وان شاء الله موفقين جميعا يااارب


    اختي nasnusa

    من ناحية التعلقيات واللي قالته خالتك ماعليك منها اذا انتي كارهه نفسك بسبب انفك
    انا اول ماسويت العملية اخوي كان كل ماشافني يتمسخر علي واحيانا يقعد يسألني انتي الحين تتنفسين عدل ومن هذا الكلام وكان من يجي في التلفزيون عن عمليات التجميل يأذيني بس الحين ناسي السالفه ابد وصار مايقول شي

    انتي حاولي مع اهلك وان شاء الله يااارب يوافقون


    موفقه يااارب
    ومشكورين جميعا

  14. #14
    عروس برونزية
    تاريخ التسجيل
    24/08/2007
    الدولة
    ღ k.u.w.a.i.t ღ
    المشاركات
    1,548
    ما في أي مبرر للخوف


    المسأله مسألة ثقه وبس


    أنا ألزم ماعلي ثقتي بنفسي


    ولا أساوم عليها ((ولنفسك عليك حق ))


    أحطم عمري وأتضايق عشان والله الناس


    موعاجبهم ؟؟!!! أجل ماراح نعيش


    عززي ثقتش بنفسش أقري كتب في تقدير الذات



    والله يوفقش

  15. #15
    عروس مشرقة
    تاريخ التسجيل
    20/08/2007
    المشاركات
    372
    السلام عليكم

    هلا فيك عزيزتي والحمدلله ع السلامه
    والف مبروك لك الراحه النفسيه

    انا اقولك ماعليك من اي احد اهم شي راحتك ونفسك

    وعلى فكرة ترى الناس تنسى بسرعه بس اول مايصير اي شي يهمزون ويلمزون وبعدين ينسون كل شي

    يعني عيشي حياتك صح وان شاء الله كل شي خير

    وانتي ماسويتي هالعمليه عشان تقلدين نانسي ولا ربعها

    موفقه ان شاء الله
    وربي يرزقك ولد الحلال اللي يشوف الدنيا بعيونك

صفحة 1 من 2 12 الأخيرةالأخيرة

المواضيع المتشابهه

  1. عملية تجميل المهبل
    بواسطة شمعة الدوحة في المنتدى النساء و الحمل و الولادة
    مشاركات: 22
    آخر مشاركة: 02/06/2007, 02:25 PM
  2. عملية تجميل انف فاشله
    بواسطة نوران الكويت في المنتدى ركن العناية بالبشرة والجسم
    مشاركات: 9
    آخر مشاركة: 16/07/2005, 09:57 AM