السلام عليكم ورحمه الله وبركاته
كيفكم ان شالله تكونوا بأتم الصحه والعافيه
اما بعد اكتب لكم مشكلتي مع زوجي على امل انكم تفيدوني بأرائكم وهل يستحق ان ارجع له واسامحه
انا صار لي 5 شهور متزوجه وبصراحه ماحسيت بأي راحه من تزوجت هالانسان حسبي الله عليه كرهني في حياتي حاولت ارضيه واكون له الزوجه الصالحه
وماطرى على باله انه يتغير مع انه وعدني انه راح يعوضني
اول شي انا عمري 24 سنه على قدر من الجمال وحامل بشهري الخامس
ثانيا من اوول مااخترت هذا الزوج وانا حاطه في بالي اني اكون زوجه صالحه له لاأكثر ولا اقل وربي علي شاهد
يكفي اني كنت انتظر الشخص الملتزم اللي يعرف دينه ويعرف حقوقه وحقوقي واللي راح يسترني ويحفظني ويحطني في عيونه
يعني تقدم لي اكثر من شخص وكلهم ماشالله متوفقين في دنياهم ومتوظفين وبعد من عيال عماتي
بس انا اخترت هالشخص الغير موظف هذا لانه ملتزم مافكرت في وظيفه ولا فلووس كان اهم شي عندي الا لتزام وتقوى الله وتوقعت يكون خير لي وانا اكون خير له
وبالوقت نفسه مااشترطت عليه هذيك الشروط بس كنت ابي الستر وكان شرطي الوحيد سكن مستقل عشان ربي يباركلنا في زواجنا
وندمت صراحه على هذا القرار ندم كبييييييييييييييييييييييي ييييييييييير والله يعيني على هالبلوه
اول مشكله صارت بيننا ماراح اغثكم بالطويله
هي مشكله المنطقه اعترف لي انه منزعج من شي في جسمي بصراحه انا ماعتبرها مشكله موجوده في كل الحريم والكثير يعاني منها
قال لي ليش ماقلتي لامي ان هذا العيب موجود فيك وصارت سالفه على هالموضوع وقال انه من حقه انه يعرف عني هالشي واعتبر ان هذا الشي عيب خلقي تخيلووا
وبعد قال شي حز في نفسي وتأثرت حيل قال انه ندمان على الزواج مني وانه يشعر انه انخدع فيني تخيلوا ايش تكون ردة فعلكم بصراحه قهرني وللحين شايله عليه
والمشكله وصلت السالفه لاهله
اتصلت امه على امي وهي معصبه وقالت ان بنتكم فيها عيب خلقي حسبي الله ونعم الوكيل صار عيب خلقي شوفوا انواع الاحراج عند ابوي وامي شي خاص فيني المفروض هالسوالف ماتنقال وين تقوى الله فيني
وربي مت قهرر
عاد امي مرره عصبت وابووي مايدري بصراحه ايش هالعيب الخلقي
على العموم رحنا لكم مستشفى وسألت ثلاث دكتورات بالضبط وكشفوا علي وقالووا انه هالشي موو عيب ولا مررض وانه موجود في كل الحريم ومع الحمل راح يزيد اكثر واكثر (اقصد السواد)
وطلبت منهم امي اثبات على كلامهم قالووا هذا الشي مايصير ينكتب على ورق انماا انهم يكلمونهم وجها لوجه وكمان الدكتورات حدهم عصبووا لمن قلت لهم عن السالفه وماتوقعوا ان فيه احد بهالحقاره هذي
استغفر الله ياربي عاد ايش تتوقعون امي اتصلت على ام زوجي وقالت عشان تتأكدين تعالي واسألي الدكتورات
وحضرتهاا ماجت يعني فشلني على غير سنع وربي حرام
والمشكله انحلت السالفه ومشى الموضوع فتحنا صفحه جديده ونسينااا بس للحين انا شايله على قلبي عليه هذي السالفه صارت بعد شهرين من زواجنا
المهم مروو الشهور على سلااام
اكتشفت اكتشااف كنت اتصفح منتدى لمنتدياته اللي مسجل فيهاا كان جايب لي اللاب توب عشان اتفرج على مواضيع الحمل
وكان فيه رسالة خاصه عنده صاير لها شهر مادرى عنها الاخ
فتحتها وقريت اللي فيهاا مرسلتها له وحده من المنتدى تقول فيها انها راح تحل مشكلته وتخلي زوجته فارسة احلامه اللي هي انااا وانهااا دكتوره نفسيه تبغى رقم زوجي عشان تحل مشكلته
هناا اصابني الفضوول قلت لايكون كاتب عني شي وحاولت ادخل على مشاركاته بس كانت من خصوصيات المنتدى مع العلم اني داخله باسمه
بس بعده بأسبوع سجلت بالمنتدى حقه ودورت على موضوعه ولقيته
ايش تتوقعون كاتب عني
كاتب كل عيوبي في المنتدى يتشكى طلعني وسخه وقبيحه في المنتدى حسبي الله ونعم الوكيل
كتب بالحرف انه كان يتمنى يتزوج امراءه حسناء وعاليه في اخلاقها بس ماالقى الحسن والجمال فيني واني اشعره بالقرف والاشمئزاز وانه ماايقعد عندي طول الوقت عندي لاني اقرفه
وانه يفكر بالطلاق بس الحمل اللي منعه من هالشي
استغفر الله ياربي هذي اخرتهاا والمشكله كل هالوقت هذا يكذب علي وين راح الالتزام وتقوى الله من جد قهرني
على العموم اقولكم مشاكلي بصراحه شي مو بيدي بس اناا مهتمه في نفسي بس انا جسمي كذا اعاني من اثار حبوب في وجهي وانحاء جسمي وسبق رحت لمستوصف بس ماافادني هالشي
وكمان جسمي مشعر بدرجه كبيره خصوصا في وجهي بس مو للهدرجه ينقرف مني لاني دايماا احف واتخلص من هالشعر وبعد اسوي تشقير بالنسبه للوجه ظهرت فيه حبوب من كثر الحف كل هذا عشان اتزين على شانه
وكمان استخدمت خلطات من المنتدى هنا بس شي مو باايدي وربي وهو مو متحمل هالشي هذا فيني ايش اسوي معااه
بعد ماعرفت رايه فيني مااقدر ارجع له قاعد يتصل علي وكمان معصب وانا ماكلمته عن هذا الموضوع
انتظر ردودكم على احر من الجمر اختكم المحتاجه لكم