روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 9 من 9

الموضوع: مشروع مشغل خياطه

  1. #1
    عروس جديدة
    تاريخ التسجيل
    02/02/2007
    الدولة
    بقلب أحبابي
    المشاركات
    47

    مشروع مشغل خياطه

    السلام عليكم ورحمة الله

    خواتي العزيزات

    بعد دراسه وافيه وشامله لمشروع صالون نسائي ولله الحمد افتتحت مركز نسائي من 6 شهور وهو ماشي ببطئ ولله الحمد ويادوب يغطي تكاليفه وهذا وضع طبيعي لأنه لسه جديد

    عندي بالمركز ملحق خلف الصالون مكون من غرفتين ومطبخ صغير وحمام وصاله صغيره
    طبعا مع اعمال الصيانه والترميم والديكور للصالون اشتغلت كذلك على الملحق وهو جاهز حتى التكييف موجود والستاير الجديده مركبه لكني للحين ما استثمرته ولا شغلته لأني مضغوطه ماديا ومشروع الصالون استنزف مني كل سيولتي الماديه وحاليا ماعندي غير مبلغ بسيط جدا

    فكرت شلون ازود دخلي واستثمر الملحق؟؟

    عندي فكرة استغلال وحده من الغرف ستوديو تصوير وبالفعل حاولت..لكن معدات التصوير والكاميرا لمن سألت عنهم أسعارهم نااار

    درست مشروع الخياطه وشفت انه دخله حلو خصوصا ان اغلب زبايني يسئلون اذا كان عندي خياطه اولا

    وبالفعل اخت العامله الفلبينيه الي تشتغل عندي خياطه

    خبره وتشتغل من زمان في الخبر...وتبي تشتغل عندي وعشان كفيلها يتنازل عنها طالب فيها مبلغ كبير

    وهي بعد شايفه حالها وتقول راتبي مو اقل من ألفين ريال!!

    عاد فكرت وقلت انا بزواج اخوي خيطت ثوبي وثياب خواتي عند خياطه اندونيسيه وكان شغلها مرتب ونظيف ماشاء الله

    ناديت شغالتي وسألتها اذا تعرف خياطات من ديرتها...قالت بتتصل على زوجها يدور لي خياطه ممتازه

    وحبيت اشاوركم وأخذ برايكم

    هل اقدر استغل الملحق غرفه للتصوير والثانيه للخياطه؟؟

    الي بالدمام او الجبيل اذا يعرفون او عندهم فكره عن رواتب الخياطات بالمشاغل

    مو كأن 2000 ريال كثير على خياطه؟

    شلون أوسع من دائرة شغلي بالصالون؟؟

    محتاجه أجذب اكثر عدد ممكن من الزباين لأن محلي جديد والناس تروح للمشاغل القديمه رغم انها قمه في الوساخه والقرف

    أنا ولله الحمد ومن غير مدح بنفسي خبره ودارسه بمعاهد داخل وخارج المملكه بس محتاجه أوسع دائرة شغلي واعرف الناس فيني

    سويت اعلانات كثيره والآن انا بصدد عمل دورات للمكياج والشعر

    ولاتبخلون علي بآرائكم لأني واثقه من نظرتكم الثاقبه وتفكيركم السديد

    ومتأكده انكم بتفيدوني ولذلك انا شاكره لكم سلفا :flower:

  2. #2
    عروس رائعة الصورة الرمزية الرومانكيه
    تاريخ التسجيل
    26/03/2007
    الدولة
    فوق القمر
    المشاركات
    1,083
    ربنا يوفقك ييييييااااارب

  3. #3
    عروس رائعة الصورة الرمزية الرومانكيه
    تاريخ التسجيل
    26/03/2007
    الدولة
    فوق القمر
    المشاركات
    1,083
    وتلاقى الخير

  4. #4
    عروس جديدة
    تاريخ التسجيل
    02/02/2007
    الدولة
    بقلب أحبابي
    المشاركات
    47
    مشكورين خواتي بس انا أبي آرائكم

  5. #5
    عروس نشيطة
    تاريخ التسجيل
    06/08/2006
    الدولة
    الكويت
    المشاركات
    148
    ربنا يوفقك بس معنديش فكرة انا عايزة الى يساعدنى بافكار

  6. #6
    عروس مشاركة الصورة الرمزية Umm Rawan
    تاريخ التسجيل
    10/07/2007
    الدولة
    Qatar
    المشاركات
    62
    بصراحه 2000 وايد .. 1000 بعد وايد ... يعني يمكن مابين 800 و1200.. غير الاكل والسكن !!!

    انا عندي مشروع محل بيع ملابس متخصص.. وافكر اجيب لي خياطين مب خياطات .. سالفه السكن حق حريم .. ومن يجيبهم.. على الاقل الهندي بدبرله مكان وبعطيه سيكل!!

    ما ادري إذا تقدرين تنصحيني باللي تقدرين عليه!!!!!

    انا حاطتلي موضوع عن مشروعي واطلب فيه استفسارات

    يعطيج العافيه ياربي ويسهل امورج ويؤزقج بالرزق الحلال إن شاء الله


  7. #7
    مشرفة سابقة الصورة الرمزية انا حلوة
    تاريخ التسجيل
    03/07/2006
    الدولة
    الدوحة
    المشاركات
    2,439
    السلام عليكم

    فكرتي تبيعين في مشغلك ؟؟؟؟؟؟

    انا اروح الصالونات هنا في قطر و الاقيهم عارضين اكسسوارات و مكياج و عطور و كريمات عناية بالجسم و الشعر

    و احيانا يعرضون قمصان نوم بعد

    و على فكرة التعامل مع الزبونه مهم عشان تحس بالانتماء للصالون
    يعني كلميها و خذي و اعطي معاها باسلوب ذرب و مؤدب

    بالتوفيق اختي الغالية

  8. #8
    عروس مشاركة الصورة الرمزية jeenan
    تاريخ التسجيل
    26/12/2006
    الدولة
    الامارات- بوظبي
    المشاركات
    90
    الله يوفقج...

    اختي

    ليس ما تشاركينها بالنسب,,,, تنتج اكثر


    يعني كل فستان تخيطه لها عليه نسبة.. يعني 20 ريال مثلا...

    وراتب 800 ريال مع الاكل والسكن.. بيكون اوكي احسه...

    والله يوفقج ويرزقج ويوسعها عليج يارب

  9. #9
    عروس مبدعة الصورة الرمزية الريـــــــــــــم
    تاريخ التسجيل
    17/07/2006
    الدولة
    بيت ابوي - الدوحه - قطــــر
    المشاركات
    642
    اذا ودج توسعين سوي قسم خاص للمساج يكون رايق شموع و زيوت و حركات

    واذا عندج مكان سوي مكان رياضه صغير

    وممكن فالبدايه تسوين مثلا اسعار حلوه للعيد

    ومثل ما قالت انا حلوه

    تبيعين اشياء متنوعه

    واذا ما عندج امكانيه

    عطي مجال وحده تعرض عندج و تاخذين منها اجار

    هذا الي عندي و بالتوفيق عزيزتي

المواضيع المتشابهه

  1. مشروع خياطه بالبيت
    بواسطة amoraaaa في المنتدى ركن التوظيف و الوظائف و المشاريع الصغيرة
    مشاركات: 10
    آخر مشاركة: 01/01/2011, 10:22 PM
  2. شهادة خياطة وتفصيل لفتح مشغل...مشروع
    بواسطة جروح الامس في المنتدى ركن التوظيف و الوظائف و المشاريع الصغيرة
    مشاركات: 9
    آخر مشاركة: 30/04/2010, 10:31 PM
  3. تاجير قسم خياطه في مشغل نسائي للجادات فقط
    بواسطة miss sh في المنتدى استفسارات أفكار و خبرات
    مشاركات: 0
    آخر مشاركة: 21/06/2009, 03:14 AM
  4. أفضل مشغل خياطه بالشرقيه
    بواسطة جواناT في المنتدى استفسارات الأزياء
    مشاركات: 1
    آخر مشاركة: 02/06/2008, 08:19 PM