روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 3 123 الأخيرةالأخيرة
النتائج 1 إلى 15 من 31

الموضوع: بنتي بنتي بنــــــــــــــــــــتي :( ارجووووووووووكم ساعدوني

  1. #1
    عروس مشرقة الصورة الرمزية meeeera
    تاريخ التسجيل
    22/06/2006
    الدولة
    Qatar
    المشاركات
    361

    بنتي بنتي بنــــــــــــــــــــتي :( ارجووووووووووكم ساعدوني

    السلام عليكم ....
    شخباركم امهات ... صراحه عندي مشكله م ع بنتي وصارلي 9 شهور ولا لقيتلها حل لحد الحين .... بمووووووووووووووووت ساعدوني يأست صرت اكره الليل !!!!
    بنتي الله يسلمكم عمرها الحين 9 شهور ومن جبتها وهي نومها معتفس وكله تبيني اطبطب على ظهرها وهي نايمه ....
    تخيلو طول الليل لازم اطبطب على ظهرها وتقوم كل ساااااااااااااااااااااااا اااااااااعه !!!!!
    جربت معاها كل شي لا تقولونلي لاتخلينها تنام بالنهار جربت وياها سهرتها تعبتها لما تنعس حدها وخلاااااااااااص ... بس ارقدها الساعه 12 مثلا او 1 على طول بعد نص ساعه تبدا حفلتها !!!! وكل شوي تقوم اطبطب عليها ... لاتقولونلي شبعيها ونوميها ... الحمدلله تشبع عدل وتنام ....
    والله العظيم لدرجة اني ساعات من التعب اعطيها دوا مال اطفال ينعس شوي عشان تنام عدل!!!!! تخيلو !!!!
    اوصل حدي ماقدر...
    والمشكله اني بشهر 9 راح يبدا دوامي ..!!! يعني ماعرف شبسوي بموووووووووووووت والله جربت كل الطرق ارجوكم ارجوكم ساعدوني !!!!!!
    على فكره هي بالنهار لما تنام نومها يكون عدل ماتحتاج اني اطبطب عليها !!! بس بالليل تطلع سوالفها....
    صرت اكره الليييييييييييييييل آآآآآآآآآآآآآآآآآآآآآآه بلييييز ساعدوني...
    لا وساعات اتم اطبطب عليها وهي اتم تصيح ماتبي حليب ولا تبي شي ... لما اتصحصح وتبي تقوم ... عادي تكون الساعه 3 او 4 او 5 الفجر ... وتقوم تبي تلعب واقوم وياها وانتم ليييييييييين 7 او 8 الصبح ...
    تعبت ضعفت جسمي صار هزيل من قلة النوم .. وتحت عيني صار سوااااد من عدم نوم الليل!!!!!
    الله يخليكم ساعدوني ...
    ماتعرفون اختصاصيه حق هالسوالف او اي حد يساعدني !!!
    سوري طولت عليكم بس من القهر اللي فيني والتعب اللي اتعبه ...
    اللهم ارحمني برحمتك ادعووولللللللللي الله يخليكم ان الله يهدي بنتي ويهدي سرها بالليل وهي نايمه ..آآآآآآآآمين يارب العالمين

  2. #2
    عروس نشيطة
    تاريخ التسجيل
    10/07/2007
    الدولة
    دبي
    المشاركات
    162
    والله حاسه فيج اعرف النوم سلطان
    انا ولدي 4 شهور وطبعا ما ينام ساعات متواصلة
    بس راح اقولج بعض التجارب
    انا بنتي كانت ماتنام ساعات متواصله لما نامت بغيد صار نومها احسن ولما فطمتها تنام اللليل كله
    خليها تنام بعيد عنك جربي اتحطيها في غرفة ثانيه بس على اشرافك يعني مكان قريب منك والباب مفتوح
    وحاولي انك اتحمميها قبل النوم
    وجربي وخبريني عن النتائج

  3. #3
    عروس رائعة الصورة الرمزية lany
    تاريخ التسجيل
    19/10/2004
    الدولة
    بين المجانين
    المشاركات
    1,085
    اختي انا برضو اعاني مثلك و تحت عيني اسود من السهر لأني أروح الدوام و لما ما انام بالليل اتعب عالاخر
    يا ريت البنات يفيدونا

  4. #4
    عروس نشيطة
    تاريخ التسجيل
    21/09/2006
    الدولة
    دبــــي
    المشاركات
    141
    الله يعينج يا رب ويهدي بنتج واتريحج يا رب يا حي يا قيوم ارحم اختي في الله وساعدها على تربية ابنتها اللهم امين

  5. #5
    عروس ماسية الصورة الرمزية لب لفواد
    تاريخ التسجيل
    14/06/2004
    الدولة
    دار بو خليفة ..........الامارات
    المشاركات
    10,254
    بصراحة الله يعينج أول سنة ووووووووووووايد أتكوان متعبة .......
    الله يهديها أن شاء الله........

  6. #6
    عروس جديدة الصورة الرمزية humsat.77
    تاريخ التسجيل
    02/05/2007
    الدولة
    مملكة البحرين
    المشاركات
    0
    الله يكون بعونش خيوه

  7. #7
    عروس مشرقة الصورة الرمزية meeeera
    تاريخ التسجيل
    22/06/2006
    الدولة
    Qatar
    المشاركات
    361
    مشكووووورين كلكم ع الرد والمرور.... صراحه نفسيتي وايد تعبانه ...
    الله يعيني يااااااااااارب ... صراحه معاناه....
    اللهم ارحمني برحمتك يااارب...
    ياليت اللي مرت بحالتي تفيدني اكثر...

  8. #8
    عروس نشيطة الصورة الرمزية تكتوش
    تاريخ التسجيل
    06/02/2006
    الدولة
    أرض الله الواسعه
    المشاركات
    152
    أختي العزيزه الحل عن تجربه ول شي تنام لحالها بغرفه تاني شي حمميها قبل ما تنام حتى تضل مسطله:21_164:وبعدها نيميها أول أسيبوع راح تبكي كتير قبل ما تنام يعدها بتسير تنام عطول وعادة الطبطب أكيد انتي عودتيها عليها وبدها تسير العمليه عملية فطم عن شغله بتحبها زي ما تتفطميها عن الحليب الشغله مش بحاجه لاختصاصي (r)(r)

  9. #9
    عروس ماسية الصورة الرمزية **ام عبادي القمر**
    تاريخ التسجيل
    04/08/2006
    الدولة
    سلماباد الي في البحرين
    المشاركات
    9,222
    بسم الله الرحمن الرحيم
    الحمد الله رب العالمين

    الله يساعدك اختي ويساعدنا انا ولدي تو عمرة 3 اسابيع ومثل بنتك نومة معتفس وكل ساعة يقعد
    وناس يقولون لما يبتدي ياكل بيعتدل نومة الله يساعدك ويساعدنا ويعطينا القوة ان شاء الله

  10. #10
    مشرفة سابقة الصورة الرمزية مناهل78
    تاريخ التسجيل
    07/04/2003
    الدولة
    بين احبابي
    المشاركات
    7,886
    الله يعينك أختى، بس خليها بتصيح كم يوم وبعدين بتتعب وبتترك عنها التطبطب، ترى الياهل أحنا اللي نقدر نتحكم فيه مو هو اللي يتحكم فيك،،، يمكن عودتيها على التبطبطب وخذتها عادة...
    أقري عليها وحصنيها والله يهدي سرها وتنامون الليل كله...

  11. #11
    مشرفة سابقة الصورة الرمزية مناهل78
    تاريخ التسجيل
    07/04/2003
    الدولة
    بين احبابي
    المشاركات
    7,886
    الله يعينك أختى، بس خليها بتصيح كم يوم وبعدين بتتعب وبتترك عنها التطبطب، ترى الياهل أحنا اللي نقدر نتحكم فيه مو هو اللي يتحكم فيك،،، يمكن عودتيها على التبطبطب وخذتها عادة...
    أقري عليها وحصنيها والله يهدي سرها وتنامون الليل كله...

  12. #12
    عروس جديدة
    تاريخ التسجيل
    12/04/2007
    الدولة
    السعوديه
    المشاركات
    22
    اختي الغاليه
    كانك تحكين عن ولدي اول( الحمد لله الان تعدل )\
    عمره الان 11 شهر
    اللي صار اني سولفت للدكتور عنه واعطاني الملاحظات التاليه
    رضاعه فالليل ما فيه .....اذا صيح تعطينه ماء يانسون والا نعناع
    شوي شوي حتى يتعود انه ما فيه حليب
    بعدين قطعت عنه حتى اليانسون بس ماء ومو دايما لان الحبيب تعود على المص طول ماهو نايم واذا حس انه فقده صحى ...بعدين صرت اهزه او اشيله واحيانا اخليه جنبي على السرير يرتاح اكثر
    هذي اول خطوه ....طبعا الله يعينك صياح بالليل موب طبيعي بس البدايه وتعدي
    يبي لها صبر بس
    بالنسبه لولدي....كيف عدلت نومه بالاضافه لقطع الحليب بالليل
    حاولت اشغله باي احد يلعب معاه عادة اطفال ( الجيران او اهلي )
    كان اذا شافهم ينشغل باللعب ويتاخر نومه........طبعا نومه يتعدل يوم واسبوع لا
    اخر شئ اخذته عند اهلي اسبوع عشان ينشغل مع الاولاد وما ينام كثير في النهار
    الحمد لله صار اذا سمع اصواتهم الصباح يصحى ...خلال اليوم انومه ساعتين مره بعد الظهر او العصر
    والثانيه بعد المغرب .....بعدها ما فيه نوم قبل 12 وراح اواصل ان شاء الله عشان ينام ابكر من كذا
    السالفه يبي لها شويه صبر ....عمري ما توقعت ان نوم ولدي يتعدل شوي بعد اللي كان يسويه فيني بس انا ما عندي دوام واذا تميت صاحيه الى 7 او 8 (ومره وصلها الى 10 ) اقول الحمد لله ما عندي دوام ....الله يعينك و يكتب لك ولنا الاجر ان شاء الله

  13. #13
    عروس مشرقة الصورة الرمزية meeeera
    تاريخ التسجيل
    22/06/2006
    الدولة
    Qatar
    المشاركات
    361
    مشكوووووووووورين وجزاكم الله ألف خير !!!!
    اختي رحيل الاصيل مشكوره حبيبتي وراح اجرب اني ماعطيها حليب بالليل وببدا بالنعناع لأنه يريح البطن...
    بس بسألج كم ساعه تخلينه بدون حليب؟؟؟ احس حرام اكيد يجوعون .... ولا اشرايج ؟؟؟
    والحين ولدج صار مايقوم بالليل؟ يعني اذا بديت خطوه خطوه نعناع عقب ماي ماراح تقعد بعد؟؟
    مشكوره حبيبتي ماتقصرين وان شاء الله من اليوم راح ابدا معاها المعركه لوووول

  14. #14
    عروس جديدة
    تاريخ التسجيل
    30/07/2006
    الدولة
    الإمارات
    المشاركات
    15
    الغالية ماأنصحج تقطعين الرضاعة في الليل لأن بيخف الحليب في صدرج في طريقة أنا جربتها
    وإنشاء الله بتنجح معاج في النهار او فترة الظهر لازم الطفل يرقد ساعة او ساعتين طبعا فالليل
    حاولي تأخرين الرضاعة مثلا عطيها العشاء على الساعة 8 ورضعيها على الساعة 10 او 10:30
    خلال هذي الفترة لاعبيها هاتي لها ألعاب و ألعبي معاها وبتتشوفين مع الأيام بترقد وبتحسن ارقادها
    بس لازم بتصحا مرة في الليل عشان ترضع وصدقيني انه مع الأيام بيخف لازم تعودينها تنام في
    السرير حطيت سرير الطفلة عندال سريري ولما ارقدها اتصيح بس أنا أنام في سريري و
    أمسك يدها عشان أطمنها اني ما بتركها الطفل يصيح مب بس عشان جوعان عشان يحس
    بلأمان
    وفي شىء ثاني يمكن يكون عندها مشكلة في الأذن فأنصحج اتودينها الطبيب عشان يفحصها
    وإنشاء الله خير ما أنصحج تعطينا الدواء النعاس لأن في أمريكا سمعت أن طفلة ماتت بسبب
    توقف قلبها لأن ألأم كانت تعطي ابنتها دواء النعاس يوميا
    ودواء النعاس مب بس مضر للأطفال حتى الكبار فأرجوك اقطيعه
    وأقراي عليها المعوذات فالليل قبل ما تنام وإنشاء الله خير

  15. #15
    عروس مشرقة الصورة الرمزية meeeera
    تاريخ التسجيل
    22/06/2006
    الدولة
    Qatar
    المشاركات
    361
    شمس القوايل تسلمين حياتي ...
    انا وقفت الطبيعي من فتره لأسباب.. وارضعها صناعي الحين .... بس بحاول بطريقتج وان شاء الله تجيب فايده معاها ....
    يسلمووووووو

صفحة 1 من 3 123 الأخيرةالأخيرة

المواضيع المتشابهه

  1. أناقتة بنتي الكل يدخل ويشارك والا بتزعل منكم بنتي
    بواسطة wispy girl في المنتدى أزياء الأطفال
    مشاركات: 140
    آخر مشاركة: 05/01/2011, 10:38 AM
  2. ساعدوني بنتي
    بواسطة اميره بعيون زوجي في المنتدى التربية والطفل
    مشاركات: 9
    آخر مشاركة: 08/03/2009, 10:54 PM
  3. ساعدوني....مع بنتي
    بواسطة خيال ملاك في المنتدى التربية والطفل
    مشاركات: 8
    آخر مشاركة: 14/01/2009, 01:02 AM
  4. ساعدوني مع بنتي
    بواسطة maryaa في المنتدى التربية والطفل
    مشاركات: 11
    آخر مشاركة: 07/12/2008, 01:27 AM
  5. ساعدوني في اسم بنتي
    بواسطة bib في المنتدى التربية والطفل
    مشاركات: 8
    آخر مشاركة: 02/06/2007, 03:45 PM