روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 13 من 13

الموضوع: انا متضايقة قولولي شو اسوي؟؟؟

  1. #1
    عروس مشاركة
    تاريخ التسجيل
    15/01/2006
    الدولة
    الامارات
    المشاركات
    71

    انا متضايقة قولولي شو اسوي؟؟؟

    السلام عليكم ورحمة الله وبركاته


    خواتي واغلى من خواتي عضوات احلى منتدى ...


    خواتي انا متضايقة وايد ومب عارفة شو اسوي...


    مشكلتي اني مالجة وعرسي بيكون آخر شهر 7 وانا زوجي مب عارفين نتفاهم عشي مشكلته انه على اي كلمه اقولها يسوي مشكلة وعلى كل شي يسوي مشكلة مايخلي الامور تمشي ببساطة ووايد مهموم ويفكر ويأجل الامور وايد وامس استوى بينا مشكلة عشان السفر وقالي ماتوقعت انج بتزعلين عسبت سفر وانا انفجرت ورديت عليه بكلام يزعل وانجرح من كلامي وزعل ولين الحين زعلان قالي انا مب زعلان بس انا اعرفه يوم يكون زعلان والدليل انه ماكلمني اليوم واتصله ومايرد عليه قولولي شو اسوي ؟؟؟ المشكلة ان العرس آخر الشهر واذا قتله أجله بيزعل مني لانه مأجلينه من قبل وانا احسني مب مستعده للزواج ونحن مب متفاهمين يمكن هالمشاكل تستوي ونحن بعيدين عن بعض ومانعرف نتفاهم بالتلفون ولا يمكن في أشياء تستويله وانا مافهمته عدل بصراحة انا ماعرف شو اسوي وماقلت حق اي حد عن هالسالفة لا امي ولا خواتي بس حبيت افضفض يمكن حد مر بنفس تجربتي ويقدر ينصحني ؟؟؟


    :sad::sad::sad:

  2. #2
    عروس مشرقة الصورة الرمزية meeeera
    تاريخ التسجيل
    22/06/2006
    الدولة
    Qatar
    المشاركات
    361
    حبيبتي عاااااااااااادي تصير وايد ... وصارتلي انا ... وبعطيج الحل اللي طلعني من هالمشاكل..
    انتي عرسج وايد قريب .. حاولي تفهمينه انكم لازم ماتكلمون بعض لييييييييين العرس عشان تشتاقون حق بعض ويوم العرس يشوفج ولافي قلبه شي واذا في شي ضروري ضروري خل يطرش مسج او انتي طرشيله مسج ... وصدقيني لما تكونون مع بعض بعد العرس ان شااااااء الله بتخف هالمشاكل وااايد ....
    سوي اللي قلت لج عليه وبتدعينلي...
    الله يوفقج حبوبه

  3. #3
    عروس جديدة
    تاريخ التسجيل
    03/06/2007
    الدولة
    المغرب
    المشاركات
    19
    لا تخافي اختي.............

    كل الازواج كده يكونون معصبين لانهم يفقدون حريتهم

    صلي استخاره و ادعي الله ييسرلك امرك و ان شاء الله خيييييييييييييير

  4. #4
    مشرفة سابقة الصورة الرمزية ღ الينبوعه ღ
    تاريخ التسجيل
    13/06/2006
    الدولة
    مع قلبي اعيش (t )
    المشاركات
    10,043
    حبيبتي العصبية نتيجتها مو حلوة
    لذالك بهاي الفترة حاولي انج ترتاحين لان العرس قرب واعصابكم شوية بقلق لذالك حاولي ما تكلمون بعض وانتم معصبين لو مضايقين وربي يسهل عليكم
    ان شاء الله

  5. #5
    عروس مشاركة الصورة الرمزية mlsooonh
    تاريخ التسجيل
    04/02/2007
    الدولة
    In His Eyes
    المشاركات
    83
    مرحبا اختي

    ريلج مشغول ومضغوط يمكن لان العرس قريب

    وريايل كلهم فيهم نفس الطبع دومهم هم الصح وحريمهم الغلط ... سايريه وقوليله كلامك الصحوانا ماحطيت هالشي فبالي وسوي اللي تشوفه زين "كبريبه دووم" وجيه بتقل مشاكلكم وبترتاحين ... بتقوليلي في اشياء واايد يسويها غلط وبقولج اعرف بس ععليج بصبر وحواللي باللي تقدرين عليه بس بطريقه ما تنرفزه ... ومدحي فيه لين ما يقول بس .... وكوني ساعده اليمين في كل شي لاتخلينه يخطو خطوه وانتي مب وياه في نجاح هذي الخطوه ...

    بيخليج فعيونه وبتعيشين احلى عيشه

    اسمعيني وما بتندمين هذا اللي يبونه الازواج
    نصيحه اخيره لا تحطين في خاطرج ولا تكلمينه لين العرس عسب ما تكبر المشاكل

    فكري بالايجابيات اللي فيه وانسي سلبياته اذا تبين تحسين بطعم الفرح

    والله يوفقج ان شاء الله

  6. #6
    عروس مشاركة
    تاريخ التسجيل
    15/01/2006
    الدولة
    الامارات
    المشاركات
    71
    خواتي مشكورات عالكلام الي يريح بس الحين فليل واتصله مايرد عليه واطرشله مسجات مايرد وانا وايد متضايقة عالاقل يرد يطمني عليه معقوله لهدرجة قلبة قاسي ولا كل الرياييل جي ...

  7. #7
    عروس برونزية الصورة الرمزية عذاري...
    تاريخ التسجيل
    18/10/2006
    الدولة
    في القطار اللي بعذاري
    المشاركات
    1,528
    هذي المشاكل وايد طبيعية ولازم تصير لانكم للحين ما اخذتوا على بعض وعرفتوا بعض

    يعني انت تتوقعين انج اول ما تتزوجين بتكونين فاهمة زوجج

    لازم المشاكل تصير

    بس انت غلطتي لما رديتي عليه بكلام جارح

    لا تعودين نفسج من الحين على هالشي

    رسلي له مسج واعتذري منه

    بس لا تلحين في الاتصال

    خليه هو اذا هدا بيكلمج

    ونصيحتي لج اقراي كتاب: الرجال من المريخ والنساء من الزهرة دام انج مقبلة على الزواج

    ولا تاجلين العرس

    واعتبريها مشكلة وبتعدي

    حالها حال اي مشكلة راح تواجهج في المستقبل

    بس نصيحتي اذا لقيتي زوجج عصب سكتي

    لا تردين حتى لا تشعللين الوضع

  8. #8
    عروس مشاركة
    تاريخ التسجيل
    15/01/2006
    الدولة
    الامارات
    المشاركات
    71
    الغالية انا اعتذرت منه وايد


    يعني من رايج ما ارد اتصل ولا ارسل مسج لين باجر واذا باجر ما اتصل ولا سأل شو اسوي؟؟؟

  9. #9
    عروس جديدة
    تاريخ التسجيل
    05/06/2006
    الدولة
    الدوحه
    المشاركات
    21
    الله يعينج اختي انا مريت بنفس ظروفج كنت التمس له العذر وياليت ماصبرت وطلبت الطلاق قبل العرس
    لانه من بدايه الملجه وهو تصرفاته غريبهيعني مره يموت علي ومره انا عااااااادي
    بعد العرس من شهر العسل وانا دايما في نكد وصياح مع ذلك صبرت ولا قصرت في واجباته ولكنه مايستاهل وااااااخيرا


    طلبت الطلاق بعد معاناه مايعلم فيها الا ربي
    نلت حريتي بعد سبع شهور عذااااااااااااااااااااااا ااااااب
    الله يعينج ويوفقج وتكونين احسن حال مني

  10. #10
    عروس برونزية الصورة الرمزية عذاري...
    تاريخ التسجيل
    18/10/2006
    الدولة
    في القطار اللي بعذاري
    المشاركات
    1,528
    اقتباس المشاركة الأصلية كتبت بواسطة alain_pride مشاهدة المشاركة
    الغالية انا اعتذرت منه وايد


    يعني من رايج ما ارد اتصل ولا ارسل مسج لين باجر واذا باجر ما اتصل ولا سأل شو اسوي؟؟؟
    اختي تحملي تهدمين بيتج بايدج

    انتظري عليه لا تتصلين
    بعد المسج خليه هو اللي يتصرف

    لانج كلما الحيتي في الاتصال راح يلح هو في عدم الرد

    لكن اذا تركتي الموضوع هو راح يرجع

  11. #11
    عروس مبدعة الصورة الرمزية مسك وعود
    تاريخ التسجيل
    16/11/2006
    الدولة
    سلطنه عمان
    المشاركات
    863
    يا الغاليه هذي الامور تصير وصدقيني أمور عاديه وطبيعيه
    بسبب الضغط والحاله النفسيه

    يعني شوفي احنا الحريم نعتفس ونتلعوز لما يقرب العرس
    كذلك الرجال يفكروا بتنظيم وكيف تكون المعيشه بعدين والخ...

    فأنتي امتصي كل حاجه تصدر منه وخصوصا هذي الفتره اعطيه عذره
    ولو هو ما بادر الشعور بيتعلم منك لبعدين

    القصد كوني انتي الاقوى ولا تقلديه يوم ما يرد ولا ما يرسل
    كوني انتي اكثر متفاهمه
    حاولي بقدر المستطاع تكوني كامله عنده بس عشان تكونوا دوم سعيدين وما في بينكم سالفه عناد
    وصديقيني الرجل من يشوف كذي المرأه يحترمها واااااااااااايد وبيخليها على راسه
    عكس اللي تزعل وتنعاند وتبكي وراعيه مشاكل اربع وعشرين ساعه ربي يبعدك من هذي الصفات
    بيمل منها ويدور اي شي عشان يخلق مشكله وما يطيقها ابدااا


    الله يحفظك ويسر امور زفتك ان شاء لله
    طمنينا عليج

  12. #12
    مشرفة سابقة الصورة الرمزية أوراق الخريف
    تاريخ التسجيل
    20/10/2004
    الدولة
    ܓ✿ܓ✿الامارات العربــ✿دبي✿ـية المتحدهܓ✿ܓ✿
    المشاركات
    12,853


    هــــــــــلا وغـــــــــــــــــــلا..

    هالشي طبيعي والكل يعاني منه في فترة الملجه وخاصة قبل الزواج بسبب الضغط..
    انتي خليج هاديه واسمعيله وكوني معاه وقفي جنبه ولا تكونين ضده بيحس انه ضعيف فبيستقوى عليج..
    ان تكلم سمعيه وان سكت كلميه وشاركيه ولا تصيرين حساسه..
    كلنا مرينا بنفس الظروف..

    وربي يحفظج ويوفقج يا رب..

    وشكـــــــــرا..



    يسرني مروركم على مواضيعي واضافة الاطلاله فيه
    ركن العناية بالشـــــــــــــعر
    من افضل الطرق لتطويل الشعر
    بدك شعر حرير وبيجنن في نفس الوأت؟!
    سر غلاظة وطول الشعر
    عندي لكم زيت ولا دابر املا بريحته ولا الحشيش بمفعوله ولاحمام الزيت بفوايده وتطويله
    أنا بادي شعر أحمر وحلو وبيجنن وبدون لاصبوغو.. بادي بالحنى!؟
    شعرج متقصف+ فيه قشره+ بطئ النمو+ يتساقط اذا زيت Trichup هو الحل باذن الله+ صوره
    كريم يستخدم للشعر: (لغلاظته, نعومته, ولمعته) عن تجربه
    لكل مشكله حل باذن الله (كل انواع الزيوت وفوايدها ومكوناتها مع الصور)
    طريقة عمل زيت البابونج بالبيت ومن صنع يديك (حصريا ب عروس دوت كوم فقط)
    الخلطه السريه هدية العيد (لاعادة صحة الشعر والتغلب على جميع مشاكلها) حصريا في عروس
    الطريقه المضمونه باذن الله لزيادة طول+ كثافة+ قضاء على القشره= للشعر (مجرب)
    _.:•‡ஐஇ زيت جوجوبا jojoba فوايد مهمه للشعر ال......... مع الصور حصريا ب عروس இஐ‡•:._
    طريقة عمل المساج لفروة الرأس+ الصور (حصريا ب منتدى ال عروس دوت كوم)
    ماسك للشعر طبيعي.. يخلي الشعر صحي+ لامع+ كثيف ومغذي للفروه ايضا (صور)
    خطوه خطوه لشعر كيرلي رائع لمحبي Curly يالله على الطااااااااابور
    KalaKola Hair Tonic لعلاج القشره ولسواد الشعر ولعلاج التساقط وتاخر الشيب معقوله؟؟!!
    ღஐღ الخلطات والزيوت المجربه من قبل الاعضاء+ معلومات بدقه+ صورღஐღ
    زيت الخروع الي استخدمه ورهيب
    شامبو روعه روعه عن تجربه يقضي على القشره من أول مره وطبي وجديد ومتوفر في الصيدليات
    قناع الموز 30 دقيقه لشعر صحي وناعم
    بلسم طبيعي لشعر
    زيت السمسم لشعر لامع
    -(أسرار صحه وجمال شعر الأسيويات)- بحث كامل Exclusive الجزء (1)
    حمام زيت (تحفه) عن تجربه ممتاز ومتوفر ولا يتفوت+ صورة المنتج



  13. #13
    عروس مشاركة
    تاريخ التسجيل
    15/01/2006
    الدولة
    الامارات
    المشاركات
    71
    فدييييتكن خواتي والله ماتوقعت بتوقفن وياي هالوقفة وكل كلمة قتلنها على عيني وراسي والحمدالله رب العالمين كل شي تصلح وهو اتصل وتفاهمنا عالموضوع وحصل خير الحمدالله بس مابنسى وقفتكن ويايه والله يسعد الجميع انشاء الله

المواضيع المتشابهه

  1. متضايقة وش اسوي؟؟ اوزغة بغرفة نومي!!!
    بواسطة ملكة الصمت في المنتدى استفسارات أفكار و خبرات
    مشاركات: 24
    آخر مشاركة: 22/11/2011, 02:45 AM
  2. ......... آآآآآآآآآآآآآآآهـ ليش كذا حظي :( قولولي وش اسوي ....؟
    بواسطة هدوء ورزة انثى في المنتدى قضايا وحلول
    مشاركات: 33
    آخر مشاركة: 13/03/2010, 05:41 AM
  3. قولولي شو اسوي بمووووووت
    بواسطة سمسم33 في المنتدى قضايا وحلول
    مشاركات: 27
    آخر مشاركة: 25/01/2008, 04:21 PM
  4. قولولي ايش اسوي مع هالشغاله
    بواسطة صمت الدروب في المنتدى قضايا وحلول
    مشاركات: 12
    آخر مشاركة: 28/05/2005, 01:16 AM