ادخلو للضرورة

[الزهرة الاولى]

حبيباتى حابه اسافر هالعطلة خارج السعودية كنوع من التغيير ولكن محتارة
انا واهلى وين نروح وش رايكم في صلالة او ماليزيا او دبي
وماهي احسن شركات السياحة عندنا في السعودية وكيف نظامهم لانه
ابوى هذى اول مرة يسافر خارج البلد يعنى الشركة تنظم لنا دليل سياحي يرشدنا
اتمنى احد يرد بصدق وبلا مجاملة كل وحدة تدخل تصدق معى في النصيحة:flower:

[عندليب الوادي]

حبيــــبتي..

أنا أشوف إنه ماليــــزيــــا حلوة..

و فيها أماكن حلوة...ممكن تشوفين في المواقع..

[عروسة مصر]

انا صديقاتي يحبوا صلاله بشكل كبير

ولو اني كنت احبكم تجيولنا مصر بس يلا انتي اديتينا خيارات يبقي صلاله

[ضياء النور]

هلا الغالية

اولا من ناحية الدول :-

ماليزيا .. كثير رائعه جدا من ناحية السياحة ومن ناحية التسوق فهي مجمع تجاري تسوقي يعني كل ما حتاجينه بتحصلينه في ماليزيا ومن ناحية بعد الاماكن السياحية بس رطوبه مشكلتها لان الامطار تبدأ من شهر 10 وفوق اما قبل الي 8 او 7 فبيكون الجو كثير رطب وامطار قليله جدا

دبي .. طبعا ما لازم اخبرك من ناحية الاسواق والاماكن ولكن الزحمه ما ادري شلون انتوا بس انا ما احب الزحمه ابد ودبي ما شاء الله المهرجانات بتبدأ والصيف بتكون زحمه كثير كثير وطبعا من ناحية الرطوبه والحرارة كدوله في الخليج .

صلاله .. حلوه كثير وهي بارده في الصيف وتعتبر لندن الثانيه الطبيعه تتطغى على الاسواق يعني من ناحية صلاله الواحد يروح لها علشان الجو والطبيعه بس اما من ناحية الاسواق فاسواقها مب هذاك الزود مقارنه بدبي وماليزيا اما من ناحية الطبيعه أنصحك فيها .

المكاتب السياحية والله انا ما عندي فكرة عن المكاتب الي معاكم بس تقدرين تسالين صديقاتك الي سافروا من قبل أي مكتب واسم المكتب الي سافروا عن طريقة يفضل والمكتب ما راح يقصر بالنسبة للرحله ككل

أتمنالك تستانسين بالسفر الغلا

في حفظ الرحمن

[الوان سحرية]

هلا اختي انا ما اعرف اذا اقدر افيك او لا

ماليــزيــا عندكم اماكن قمـة في الروعـة.. والجو عندكم معتدل .. بنت خـالتي قبل اسبوعيــن جايـة من هناك تقول ماشالله الامطـار ما منقطعــة ابدا.. وكل شيء عندهــم بالرخيص وفيــه اماكــن سياحيــة كثير روعــة..




دبي .. دار الحي .. زيــنـة بس مشكلتها ايــام الصيف مهرجانات وزحمــة وربشــة.. بس عندهــم تنزيلات ..هذه المهم للنسوان


صلالــة .. ارض من بلادي الغـاليــة .. انصحــك فيها .. بس جيبي معـاش دواء البعوض مراهم وغيرها .. وواقي الرطوبــة والشمس ... هذه السنـة الحمدلله من الله علينا بالامطار المبـاركـة والتي تأهل لأرض خصبــة وخريف اخصب ورائعــة.. النشرات الجويـة اللي سابقــات هذه الامطار تقول ان الارض راح تتشبـع بهذه الامطار .. وان الخريف بيجي من وقــت .. انصحــك تروحيــن .. بس قبل احجزه قبل الخريف والمهرجـان بفترة طويلـة ..لان الاقبـال على صلالـة هائل..

[لولو كاتي]

اختي روحي ماليزيا دبي وايد حر في الصيف بس طبعا هي روعه لو بتمون في المولات روحوا دبي بي برع الجو ما ينطاق

[الزهرة الاولى]

مشكورات حبيباتي على الردود ومن كلامكم عجبتني ماليزيا وراح اشاور العايلة
واتمنى تتوفقون في الصيفية جميعا بلا استثناء (f) (f) (f)