روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 14 من 14

الموضوع: أرجوكم ساعدوني !!!!

  1. #1
    عروس جديدة
    تاريخ التسجيل
    15/03/2003
    الدولة
    الكويت
    المشاركات
    10

    أرجوكم ساعدوني !!!!

    [ALIGN=JUSTIFY]أرجوكم ساعدوني: :confused: :confused: :confused:

    السلام عليكم ورحمة الله وبركاته،،، للجميع

    هذه أول مشاركة لي على الإنترنت وفي هذا الموقع أنا معجبة فيه واااااااااااايد. الصراحة أنا عندي مشكلة وأبيكم تساعدوني.
    أنا فتاة عمري 21 سنة ، بنت الكويت ، حالتنا المادية متوسطة والحمد لله. أهلي يبوني لولد عمي فهد، وفهد يحبني ويبيني بس أنا ما أبيه . احب واحد من 4 سنوات اسمه احمد عمره 21 سنة ، وفي اتصال بيني وبينه ومقابلات. احمد يصير ولد خالت فهد ويصير ولد جارنا .أخواتي الثلاثة ( وحده اكبر مني واثنين اصغر مني ) يعرفون بعلاقتي فيه وكانوا يساعدوني في كل شيء. تقدم احمد من شهرين لأبوي وكلم أمي بس أثنينهم رفضوا لأنه بدون وأمه مطلقة ، مع انه يشتغل وعنده سيارة واهو شايل مصروف إخوانه والبيت ومع هذا عنده إمكانية انه يتزوج. أمي وأبوي قالوا لي انه من سابع المستحيل انهم يعطوني لأحمد. كلمت احمد وقال لي خلي موضوع الزواج بعدين بعد شهرين أتقدم مرة ثانية. مرة الأيام، وبعد أسبوعين من اليوم أنا راح أسافر إلى كندا مع أهلي لأنه أبوي عنده شغل ، ولازم أروح معهم. راح نرجع بعد 40 يوم. راح أتحمل فراجه مدة 40 يوم بس ما اجدر أتحمل اكثر. فكرت أنا واحمد أول ما ارجع من كندا انه نتزوج ونحط الكل في الأمر الواقع خلال الـ 40 يوم، احمد راح يجهز يبت كامل علشان أعيش أنا وياه باقي عمرنا مع بعض .
    هل هذه الطريقة الصحيح لكي نجتمع أنا واحمد ؟؟؟؟؟؟؟؟؟ :o :o :o :o
    ساعدوني الله يخليكم ما في وقت راح أسافر بعد أسبوعين.

    والسلام ختام ،،

  2. #2
    عروس جديدة
    تاريخ التسجيل
    30/12/2002
    الدولة
    الاءمارات
    المشاركات
    28
    مرحبا حبيبتى كيف الحال؟انا ما اوافقج فى الرأى اولا استخيرى وادعى ربج ويمكن فهد يسعدج ويصونج اكثر من احمد الريايل بتغيرون والحب ما ايدوم اسمعى كلام اهلج ولا تتهورين وباجر تندمين محد بينفعج فكرى وصلى وتركى وسوست الشيطان عنج وانتى لسه صغيره والحياة اتعلمج الصح من الغلط لا اطيعينه وتدخلين فى مشاكل بزواج منه من دون علم اهلج لا تغضبينهم وتندمين بعد ما يشبع منج ويهينج اسمحيلى وهى نصيحه والله يستر عليج:mad:

  3. #3
    عروس جديدة
    تاريخ التسجيل
    15/03/2003
    الدولة
    الكويت
    المشاركات
    10

    تسلمين على النصيحة

    اختي كتكوته ،

    ابي اجولك شيء اولا فهد اذا يبيني فهو ما يبيني لانه يحبني يبيني لانه يبي يذلني انا سامعه الكلام في اذوني اهو الي جالي هل كلام.
    واذا على احمد، فأحمد يحبني حب جنوني ويخاف علي من الهواء ومن ملابسي بعد .

  4. #4
    عروس جديدة
    تاريخ التسجيل
    15/03/2003
    الدولة
    الكويت
    المشاركات
    10

    سعادوني

    الله يخليكم تكفون ساعدوني !!!! :confused: :confused: :confused: :confused: :confused: :confused:

  5. #5
    عروس نشيطة
    تاريخ التسجيل
    21/10/2002
    الدولة
    المملكة العربية السعودية
    المشاركات
    171
    طيب اختي ليش ما تقولين لاهلك انك انت مصرة عليه وانك لو ما تزوجتيه برضاهم ما راح تتزوجين غيره ويمكن تتزوجينه بدون علمهم يمكن كذا ترغمينهم ادري انه بصراحة شويه صعبة انك توقفين هذا الموقف من اهلك بس على الاقل اهون من اللي فبالك انك تتزوجينه بدون علمهم انت كذا بتكسرينهم وتوطين راسهم وهذا في رأيي صعب جدا جدا

    الله يختارلك اللي فيه الخير ودعواتي لك ولا تنسين صلاة الاستخارة

  6. #6
    عروس جديدة
    تاريخ التسجيل
    15/03/2003
    الدولة
    الكويت
    المشاركات
    10

    الصراحة

    اختي العروس الهاربة :
    كلامك حلو وعلى عيني وعلى راسي. بس الصراحة صعبه اني اسوي الي قلتيه وما اقدر اسويه ولاني اخاف من امي وابوي وااااااااااايد ، وفي نفس الوقت ابي احمد واااااااااااااااااااااااا ااايد ونفسي انه يكون زوجي.
    تسلمين على نصيحتك وعلى الكلام الي قلتيه.
    والختام يارب اجمعني انا واحمد امين يا رب .

  7. #7
    مشرفة سابقة
    تاريخ التسجيل
    08/02/2002
    الدولة
    مملكة البحرين
    المشاركات
    288
    السلام عليكم ورحمة الله وبركاته

    عزيزتي rayoma..

    او شي ابي يكون عندك ايمان بالآيه هذي..


    بعدين لازم تثقين بأن الله مايسوي الا الي فيه الخير والصلاح للعبد المؤمن..

    الحين نجي لمشكلتك..
    نبتدي بكم انتي واحمد.. انا من رأيي ان عمر 21 يعتبر عمر صغير للإرتباط وتحديد مصير الحياة.. يمكن بالنسبه لك هو بداية مرحلة الزواج بس بالنسبه لشاب عمر 21 يعتبر نهاية المراهقة وبداية النضج.. بعد ثلاث او اربع سنوات (بعمر 24-26) تتغير شخصية الشاب كثير سواء من ناحية تصرفاته او اسلوب حياته او حتى تفكيره.
    الحين انتي وفهد.. في شي مافهمته.. انتي تقولين فهد يبيج ويحبج وترجعين وتقولين انه قال يبي يتزوجج عشان يذلج.. كيف تصير هذي؟؟ وليش يبي يذلج؟؟
    والحين انتي واهلج.. اول شي شيلي من بالج انج تتزوجين من دون رضاهم وانج تتزوجين من وراهم وتحطينهم جدام الامر الواقع لأن هذي فكره من أساسها غلط... يا اختي رضى الوالدين من رضى الله سبحانه. وانتوا مسافرين قعدي مع امج وحاولي توصلين لها وجهة نظرج وتناقشينها في اسباب رفضها.. قولي لها يمه انا اميل لاحمد واحس اني بكون اسعد معاه.. كلميها بهدوء واكسبيها بالكلمه الحلوة. إذا قدرتي تكسبين الوالده في صفك تقعدون ثنتينكم مع الوالد وبإذن الله تقنعونه.
    وآخر شي انتي.. طلبي من احمد ينتظر شوي.. انتهزي فرصة سفركم وابتعادج عن الاثنين للتفكير.. 40 يوم مب وايد.. قعدي بينج وبين نفسج وفكري انتي وش تبين في حياتج وكيف تتمنينها تكون.. بعدين فكري في حياتج مع احمد كيف ممكن تكون وحطي كل الإحتمالات.. نفس الشي فكري في حياتج مع فهد. اهم شي وانتي تفكرين لاترسمين للدنيا صورة مثاليه ولا تعيشين احلام وردية.. حطي في بالج ان بزواجج من احمد بتصير مشكله مع بيت عمج الي هو بيت خالته وبإعتبار انه من البدون فعيالج بتبعونه ووضعهم يصير مختلف عن حاملين الجنسية.. بعد حطي في بالج ان بزواجج من فهد تصير مشكله مع بيت احمد الي هو بيت خالته واذا فرضنا صج انه يبيج مب حباً فيج فهذا بيسبب لكم مشاكل بعدين الله العالم وين توصل.

    نصيحة اخت لج.. تقربي من الله اكثر.. ادعي وصلي وصومي وتصدقي.. دايماً قولي يارب اذا لي خير في احمد اجمعني به واذا لي فيه شر اصرفه عني وعوضني عنه خير.. اكثري الدعاء في اوقات الإجابه وبالاخص صالثلث الأخير من الليل واثناء السجود.. وطبعاً صلي صلاة الإستخارة وانشالله الله بيدلج على الصح وبيسهله لج.

    ربي يوفقج ويرزقج بالزوج الصالح في دينه ودنياه
    ويسعدج ويعوضج بكل خير

  8. #8
    عروس برونزية الصورة الرمزية البندر
    تاريخ التسجيل
    30/01/2002
    الدولة
    في قلبها
    المشاركات
    1,957
    فعلا كلام اختي صحيح كتكوته

    لو طلعت البنت عن شور اهلها بتندم بعدين

    وعجنبي نصح اختي لميس فما شاء الله حكيمه ولا ازيد على كلامها شيء

    تقبلوا تحياتي

    اخوكم البندر

  9. #9
    مشرفة سابقة الصورة الرمزية الـنـونه
    تاريخ التسجيل
    16/03/2003
    الدولة
    في قلـب . عمـــي
    المشاركات
    8,669
    غاليتي rayoma
    انا مو معاج بهل راي ولو كان احمد يحبج صحيح ....... كان مارضه تهربين معاه
    فهذي بالاخر هروب ........ ومالج غير اهلج وامج وابوج بالاخر .....وبعدين انتى ماتخافين بكره راح تصير خلافات بينج وبينه لاتقولين لي انه يحبج ولا يمكن يزعلج او تصير بينج وبينه خلافات .....ومن راح ياخذ لج حقج .... بالاخر انتى بنت ومكسور الجناح ... ومحد راح يرحمج حتى هو نفسه ممكن تصغرين بعينه ... ويضل دووم لغب الهاربه
    وشوفي اشلون راح يكون منظر اهلج جدام الناس .... مو حرام بعد هل التربيه اتسوي فيهم جذي ....وبعدين هم اهل احمد .... راح تصغرين من عينهم واشلون راح تكونين ام عيالهم وانتى بالاصل هاربه من اهلج ... مارح يامنون على بناتهم بين ايدينج .....

    بالاخر ارجو ..... ان متسوين الي بي بالج وتحافضين على راس اهلج اعلى من القمر ..... ودائما تذكري الله وتذكري ان بيوم من الايام راح تتذكرين كلامي وراح تندمين على الحظه الفكرتي فيها اتركين اهلج وممكن امج وابوج يقضبون عليج والله وصي بالام والاب


    واحمد مارح يضل يحبج طول العمر محد يحب بهدنيا من قلب او يضل يحب طول العمر لابد بيوم تنسين .....

    اختج النونه

  10. #10
    عروس مشرقة
    تاريخ التسجيل
    31/03/2003
    الدولة
    UAE
    المشاركات
    400
    كلمي أمج و إذا ما طاعت تكلم أبوج فالموضوع و اثنينتهم ما وافقوا قوليلهم عن فهد و شو سمعتي و إذا بعدهم مصرين سوي استخارة عشان أحمد و اتكلي على الله و اتزوجيه
    تحياتيnr

  11. #11
    عروس نشيطة الصورة الرمزية حوااااء
    تاريخ التسجيل
    19/12/2002
    الدولة
    دار بوخليفه
    المشاركات
    159
    شو هالرمسه
    الصراحه انصدمت
    عزيزتي لا تفكرين بهالشي
    واذا احمد من نصيبج وخير لج راح تاخذينه برضا والدينج
    مب تروحين وتغضبينهم بهالشغله

    تحملي


    ربي يوفقج
    حواء مع الصدمه والله

  12. #12
    عروس مبدعة الصورة الرمزية العسل
    تاريخ التسجيل
    09/03/2003
    الدولة
    ارض الله الواسعة
    المشاركات
    706
    رضا الوالدين اهم شي

  13. #13
    عروس نشيطة الصورة الرمزية جروح البنفسج
    تاريخ التسجيل
    23/01/2003
    الدولة
    الامارات
    المشاركات
    193
    الله يهديج .. انتي الحين في فترة اندفاع وتفكرين بقلبج بس .. لكن لو فكرتي بعقل بتكتشفين انك غلطانه
    الله يهديج وايسر لج امورج

  14. #14
    عروس نشيطة الصورة الرمزية zazlan
    تاريخ التسجيل
    12/02/2003
    الدولة
    الكويت
    المشاركات
    153
    شوفى اختى الحبيبه بالنسبة لأحمد إذا كان يحبك ما ييأس ويعيد الكرة مو يحرضك على الهرب بالنسبة لأنه بدون وأنتى كويتية فراح يصعب زواجك منه بالنسبة لأبنائك بالمستقبل شلون مدارسهم وعلاجهم والباقيييييييي00
    أختى تصرفى بعقلانيه وفهد أهوه من لحمك ودمك فصدقينى أحسن من القريب ولا ترتكبى هماقات وتتركى أهلك لآنى بصراحه وبدون زعل ما أحس بصدقه معك وأخواك الله يهداهم .

المواضيع المتشابهه

  1. أرجوكم أرجوكم ساعدوني
    بواسطة وينك ؟؟؟ في المنتدى إستفسارات النساء و الحمل و الولادة
    مشاركات: 4
    آخر مشاركة: 24/06/2009, 12:13 AM
  2. أرجوكم ساعدوني
    بواسطة صوت السماء في المنتدى المتأخرات عن الحمل
    مشاركات: 3
    آخر مشاركة: 11/03/2008, 05:38 PM
  3. أرجوكم أرجوكم ساعدوني
    بواسطة غزالة في المنتدى استفسارات و مشاكل الكمبيوتر و تجارب الأعضاء
    مشاركات: 7
    آخر مشاركة: 28/10/2004, 12:56 AM