روابط قد تهمك :
فساتين العروس | تسريحات | تنظيم الاعراس | زخرفة | عالم حواء


النتائج 1 إلى 9 من 9

الموضوع: بنات ادخلوا وشوووفوا مشكلتي بس لا تستغربووون

  1. #1
    عروس مشاركة
    تاريخ التسجيل
    09/09/2002
    الدولة
    الامارات
    المشاركات
    95

    بنات ادخلوا وشوووفوا مشكلتي بس لا تستغربووون

    اتمنى اخواتي انكم تساعدووني في حل مشكلتي
    اخواتي مشكلتي هي امي احس اني بعد كا تزوجت تغيرت معاملتها لي يعني صاار يني وينها الف حاااااجز وهي في الحقيقة مش امي الحقيقية جتي بس مربتني لا كنت صغيرة . اخواتي احس انها تحس اني منت حمل ثقيل عليها يعني جبل ونزاااااح مع كل هذا الشي انا ا اقدر استغني اعنها ولكن صاااااااار الف والف حاجز يني وبينها اخواتي انا وااااايد عفوية واحب الي يعاالني يعالني بعد بعفوية لكن للاسف امي تعالني كاني غريبة والحين انا حاااامل ولكن للاسف حالتي النقسية تعبانةه ن كثر التفكير وافكر في الولادة اقوول في نفسي يا ترى امي بتكوووون جنبي ولا لا امي الحقيقة يعني مش جدتي امي الي والدتني علاقتي قيها الحمدلله زينة بس لو يوووم ارووح علشان اولد الا خذت وحدة معاااي وخليت الثانية بتزعل واذا خذيتم ع بعض فكل وحدة ما تحب الثانية يعني ارضي منو ولا منو اخواااتي ساعدووني في مشكلتي كيف مكن اتقر من امي الي تغيرة علي وفي يوو الولاة اخذ منو معاااي وخلي منو

  2. #2
    عروس مشاركة
    تاريخ التسجيل
    09/09/2002
    الدولة
    الامارات
    المشاركات
    95
    33 قراءة ولا وحدة ردت علي:confused:

  3. #3
    عروس مبدعة
    تاريخ التسجيل
    05/01/2003
    الدولة
    الامارات
    المشاركات
    631
    هلا حنين انا اشوف انك تدقين على الثنتين امك اول بعدين جدتك اللي مربيتنك وقولي حق كل وحده ان الثانيه بتحضر انا باعتقادي ان الام بتكون لها درايه اكثر وبتريحك في الولاده اما الجده فهي كبرت ومااعتقدانها تنفعك بشي ومادام انك قلتيلها عن حضورالوالده يمكن تهون وماتيج ،، وبعدين المفروض انك تحسنين علاقتك بجدتك لاتنسين انها اللي ربتك والام اللي تربي مش اللي تولد،،اتمنى انك تعدلين علاقتك معاها تكلمينها بين فترة وفتره تزورينها لانك مثل ماقلتي هي تغيرت عليج بعد ماتزوجتي وهذا دليل انك مقصره فيها واكيد هي زعلت لانك من تزوجتي ماتسالين عنها فهي حست بالقصورمن ناحيتك..وعقبال ماتقومين بالسلامه ان شاءالله..

  4. #4
    عروس رائعة
    تاريخ التسجيل
    24/01/2003
    الدولة
    KSA
    المشاركات
    1,240
    انا اضم رايي لراي عنود الصيد حسني علاقتك مع جدتك ولا تجبين طاري امك عندها ولاتقولين اني ازورها واذا سألتك قولي اروح لها بس موكثير وتحججي باشياء تشغلك عن زيارتك لها وقولي اني ما اكلمها الا اذا دقت
    يعني حاولي تبينين قدام جدتك ان علاقتك مع امك مو مرة قوية عشان ما تزعل او تنقهر وعشان ماتبدأ تقارن بين علاقتك بامك وفيها
    ولازم تعذرينها لان كبار السن يكونون جدا حساسين واحيانا شكاكين
    وانت حامل اكيد بتكونين حساسه وتشوفين الموضوع انه مره كبير وهو اساسا صغير ويمكن كل هذا من اثار الوحم وضيق خلق الحامل
    اما بالنسبه لولادتك فانا اقولك لاتاخذين احد منهم انت وزوجك بس ولا تعلمينهم انك رايحه تولدين ترا هذا البر مو انك تاخذينهم معك لانك بترحمينهم من عذاب القلق عليك
    انا عن نفسي ما قلت لامي ولما خلصت والدة دقيت وقلت لها تراي ولدت وتخيلي كيف كانت ردة فعلها قعدت تبكي علي راحمتني من الالام الي جتني هذا وانا خلصت والده اجل لو قايلتلها بعد قبل اولد كان وش سوت؟؟!!
    خاصة اذا في امك ولاجدتك سكر والا ضغط والا القلب حرام عليك تقولين لهم.. وهم بيرضون عنك وبتكسبين الثنتين..
    اما اذا كان لازم تاخذين احد معك غير زوجك خوذي امك لان هي الي لازم تبرينها لو على حساب جدتك لانك مقبله على ولده وبتجربين الام الولادة
    والله يهون عليك

  5. #5
    عروس مشاركة
    تاريخ التسجيل
    09/09/2002
    الدولة
    الامارات
    المشاركات
    95
    جوري عنود الصيد مشكورات اخواااتي على الردوود اخواتي انا اتكلم انا ساق تجرة يعني ولادتي الولى اخذت جدتي معاااي ولا ولد ت تميت طول اليوم بالمستشفى وامي الي ولادتني تمت زعلانه ولا سمت صوتها على انها اهي تدري اني ولدت لانه زوجي اتصل فيها ولما جيت اكلمها كاانت زعلانه حتى كلمت مبرووك ا قالتلي ولا حتى الحمد الله على السلامة وعين حااولت افهنها اني الوجع جاااااني فجاة وعين لما جت الستشفى على طوول حجتي رااحت عني تخيلوا الموقف بس اي تمت يالسة عني يعني والله محتارة اراضي منو ولا نو

  6. #6
    عروس مشاركة
    تاريخ التسجيل
    09/09/2002
    الدولة
    الامارات
    المشاركات
    95
    وعلى فكرة اهي ما تغيرت علي ع الزوااج مباااشرة تغيرت لما جيت مرة عندها وانا وزوووجي كنا متزاعلين وجلست عندها كمن يووو وحسيت بالتغير ومن ذاك اليووم وعلاقتنا ببعض مش بزيااادة حسيت اني ملي مكان بقلبها يعني لو انتي لجاتي لهلج بسبب خلاف صاار بينك وبين زوجك وشفتي موقف اهلج انهم متضايقين منج ولا بعد ما رجعتي لزوجج يحسسونج انج لو وصل للضري لا زم تيلسين عند ريلج ولا رتوحين تزعلين عند اهلج يعني كل هذا وتلوووموني بعد

  7. #7
    مشرفة سابقة
    تاريخ التسجيل
    08/02/2002
    الدولة
    مملكة البحرين
    المشاركات
    288
    السلام عليكم ورحمة الله وبركاته

    اختي حنين..

    بالنسبة لموقف جدتك يمكن هي لما تصرفت معك بهذا الشكل كانت تقصد انها ماتبي خلافاتك مع زوجك توصل لأن تتركي بيتك لأن المرأة في النهاية ما لها إلا بيتها.. جربي تقعدين معاها وتسولفون، قوليلها يمه انتي زعلانه مني؟؟ انا مضايقتج في شي؟؟ اذا شايله في قلبج ترى مالج إلا طيبة الخاطر.. عطيها من هالكلام وترى كبار السن يرجعون مثل الأطفال يزعلون بسرعه وكلمة حلوه ترضيهم.. خذي لها هدية وأهتمي بها اكثر.. خليها تشاركك هموم حملك وتربية عيالك.. حسسيها انها ملجأك وانك دايماً تبين نصيحتها.. إدعي الله انه يصلح الحال واطلبي منه رضاها.. وبإذن الله بترجع تعاملك مثل قبل
    في نفس الوقت لاتهملين امك.. لأن هي الي تعبت في حملك وشافت الويلات في ولادتك.. ومثل ما رضى جدتك واجب رضى أمك واجب

    ولولادتك.. بطريقك للمستشفى اتصلي للثنتين وقولي انا رايحه اولد.. لاتاخذينم ولا تطلبين منهم يجونك.. عطيهم الحريه انهم يجون او مايجون.. وبجذي أنشالله لاتزعلين جدتك ولا أمك


    ربي يتمم لك على خير ويرزقك الذريه الصالحه ويبارك لك فيها
    وانشالله تولدين بالسلامه

  8. #8
    عروس مبدعة الصورة الرمزية نور القمر
    تاريخ التسجيل
    13/09/2002
    الدولة
    الامارات
    المشاركات
    836
    هلا اختي
    اذا تبغين نصيحيت فوزعي الاربعين يوم في بيت كل وحده عشان مايزعلون انشالله لو خمس ايام في كل بيت وحده وقولي لهم لازم اكمل الاربعين في بيتي عشان زوجي مايكون بروحه
    والله يعينك انشالله على فعل الخير

  9. #9
    عروس مشاركة
    تاريخ التسجيل
    09/09/2002
    الدولة
    الامارات
    المشاركات
    95
    لميس نور القمر مشكووورات اخواتي على النصااايح

    وان شاااء الله رااح اعمل بنصايحكم وجزاكم الله خير

المواضيع المتشابهه

  1. ادخلوا وتعرفون مشكلتي
    بواسطة منار الشرقية في المنتدى قضايا وحلول
    مشاركات: 37
    آخر مشاركة: 15/07/2009, 07:25 AM
  2. التماسيح وبكشهم للسحالي تعالوا وشوووفوا
    بواسطة ابتسامة قلب في المنتدى مجلس بنات عروس الثقافي
    مشاركات: 4
    آخر مشاركة: 16/05/2008, 06:39 PM
  3. ادخلوا هنا وحلوا مشكلتي (.يمكن تكسبون دعوه مستجابه )
    بواسطة حزن ودمع في المنتدى استفسارات و مشاكل الكمبيوتر و تجارب الأعضاء
    مشاركات: 10
    آخر مشاركة: 18/08/2007, 04:11 AM
  4. مشكلتي مع صدري ........غريبه امانه ادخلوا !!
    بواسطة صمتي كذا !! في المنتدى النساء و الحمل و الولادة
    مشاركات: 10
    آخر مشاركة: 27/11/2005, 02:00 PM
  5. **دخلوووا وشوووفوا الاباجورات تصلح لغرف الاطفال**
    بواسطة منوووره في المنتدى التربية والطفل
    مشاركات: 5
    آخر مشاركة: 22/07/2003, 01:36 PM