مقهــــى " حدثــينا عن شــــهر العــــسل"

[ضياء النور]

السلام عليكم ورحمه الله وبركاته


بسم الله نبدأ ,,,




حبيباتي هذا الموضوع ** مقهـى " حديثينا عن شهر العسل " **

أحببت طرح هذا الموضوع علشان الكل يستفيد من الدول ومو لازم الدول حتى لو المناطق الموجوده بدولتك

نقاط :-

- ما هي أفضل الأماكن ؟
- ما الذي أعجبكي في هذة الدولة او المنطقة السياحية ؟
- ما الذي لم يعجبكي ؟
- نصيحتك ؟




واتمنى لو يكـون هناك بعض الصور علشان الكل يستمتع ويستفيـد من الموضـوع



حبيبـاتي من تتفضـل وتشاركنا حياها الله ..

[ضياء النور]

والـي تفيدنـا بالدوله الي بتزورها جزها الله الخير
وراح تفيـد كل الي تخطط يروح لشهـر العسل

يالله بنات شدوا الهمه ولى بزعل .. (f)

[العنزية1400]

ادعووو لي بالعرس

وابشرررووووووو بالمعلومااات والسوالف

بس الله يرزقني يارب

[deemaa]

الله ادعوا لي ان ربي يسهل امري وابشروا باللي يسركم

[لولو بحر مكنون]

تسلمين عالموضوع الرائع
وعندي احساس انه بنستفيد منه وايد
لاحظت اغلبيه العرسان يسيرون دول شرق آسيا لشهر العسل
بس في نقطه حبيت اوضحها ..
هذي الدول بالفعل حلوه مثل ماليزيا وسانغفورا
وتتميز بالضيافة الفندقيه افضل من الدول الأوربيه
بس مشكلتها إنه الرطوبه فيها جداً عاليه
انا اول مازرتها .. على طول فكرت بهالشي
كيف المعاريس يتحملون هالجو الحار
خصوصاً أغلب المعالم السياحيه تكون في اماكن مفتوحه
الوحده في هالدول تنسى تتحكم بتسريحة شعرها من زود الرطوبه
وإلي تحلم بالشعر الكيرلي والفلافل تسيرهالدول :dd:


وبالنسبه لي افضل الدول الأوروبيه لشهر العسل هي :
فرنسا
النمسا - زلمسي
سويسرا
ايطاليا -فينيس واسبانيا: بس ماتكون في الصيف لأنها حاره

[أحلام صغيرة]

انا بشارك معاكم
اول شي اشكر الاخت ضياء النور على طرح الموضوع الرائع

انا شهر العسل رحت فرنسا وأسبانيا
- ما هي أفضل الأماكن ؟في فرنسا قعدت بس في باريس طبعا احسن الاماكن ديزني لاند ومتحف اللوفر وشارع الشانز طبعا مايمل الواحد من التمشي فيه وفيه مجمع جاليري لافيت ولاديفانس

- ما الذي أعجبكي في هذة الدولة او المنطقة السياحية ؟ الجو حلو

- ما الذي لم يعجبكي ؟ مااذكر انه في شي ماعجبني غير الزحمه في الميترو اوقات الذروة

- نصيحتك ؟ اخذوا معاكم جوتي سبورت(الله يعزكم) اريح لكم في المشي واستغلوا اليوم كله يعني اطلعوا من الساعه 9 لين فليل الساعه 11


أسبانيا

- ما هي أفضل الأماكن ؟برشلونه وملجا وغرناطه ومدريد واشبيله

- ما الذي أعجبكي في هذة الدولة او المنطقة السياحية ؟ فن العماره والطبيعه الحلوه في برشلونه وملجا وقصر الحمرا في غرناطه

- ما الذي لم يعجبكي ؟ كان الجو وايد حار

- نصيحتك ؟ دووم اشربوا ماي واشيه بارده اذا كنتوا مسافرين في الصيف
واخذوا لكم كتيب تعلموا منه بعض الكلمات الاسبانيه راح تنفعكم وايد
وددوم خلو اسم الفندق معاكم

نصيحه اخيره لاتنسون تاخذون معاكم الكاميرا في كل طلعاتكم

[! نوسة !]

الله يرزقك بولد الحلال اللي يسعدك ويهنيك
والموضوع حلو بس اشوف وش راح تكتبو

[%Ju$T Me%]

هلا عزيزتي .. موضوع جداً حلو و مفييييد

وانا بنت ان شاءالله لتزوجت كتبتلكم عن سفرة شهر العسل


ويسلمووووووووووووووووووو اختي ضياء النور وربي يعطيج العافيه

[قرقاشة]

وااااااااووووووو والله موضوع قمه

راااااااااااااااااااائع


انا الصراحه مادري وين راح اسافر اشوف شنو تكتبون اروح الديره اللي تعجبني

ههههههه

[نجمة حرة]

============هذه المستخدمة لم تتزوج بعد
ادعوا لها بالزوج الصالح

[نوفاااااااااااااااااااا]

موضوع روعــــــــــــــــــــــ ه
انشاء الله المتزوجااااااااااااااات يفيدونكم ولما اتزوج راح اقولكم
مع اني نفسي اذا الله كتب وتزوجت اروح ايطالياااااااااااااااا

[صبـــاح]

هلا اختي ...لقيت الدعوة في صندوق الرسائل ...بس للاسف ما عندي شي اقوله .... لاني لسه ما تزوجت ... الله يوفق الجميع إن شاء الله

[soooma]

اهليييين بنات

كيفكم ان شاء الله كويسين

اممممممممممم انا حشارككم بس مو شهر عسل :shy:


سفره كانت رااااائعه وحلوه الحمد لله
كانت في ماليزيا والي يقولو الجو حاااااااار سبحان الله كنا في عزززز الظهر نخرج ونتمشى
وصح رطوبه بس مررررره مانحس في الحراره ماعندهم حر زيناا

وصراحه مره انبسطت فيها

وافضل المناطق امممممممم انا عجبتني بينينق رحلاتها ونزهاتها روعه وكوالا لمبور وسيلانجور

يعني طبعا احلى شي فيها الملاهي المائيه سن واي لاقون وجنتنق بس جو بس صغيره ومافيها

شي


طبعا دي الاماكن الحلوه

وبالنسبه الي يعني ماعجبتني لنكاوي لان هادئه جدا وسكنا في فندق ع البحر وقبل لانسكن بيوم كان في تسونامي وكنت خايفه مره ومتوتره :sad:



بس عموما بصراااااحهانبسطت فيها مررررررره وبجد فليتهاااا


ونصيحتي اول شي ان الي تسافر ان تحافظ على حجابها وانها تستمتع بسفرتها بكل شي

ولا تنسى كاميرت الفيديو طبعا :clap:

[الدانه900]

يالله ذكرتونا بما مضى ياليت ايام شهر العسل ترجع
بس الوحده الذكية تخلي ايامها كلها شهر عسل ان شاءالله :shy:
وين رحت ؟؟والله رحت ماليزيا
وش اعجبني فيها ؟؟ اعجبني فيها منتجع( صن وي لاقون) والعاصمة كوالالامبور وخاصة شارع العرب ومدينة بيننغ ومدينة لانكاوي وجوها حلو يمكن لأني رحت بعيد الفطر
وش اللي ما اعجبني فيها؟؟ لايوجد(وحده قنوعه)!!
نصيحتي ...تلبسي كل شي مريح من لبس وجوتي سبورت اكرمكم الله وطبعا التمشيه عندهم من الصباح للساعه 10او11
ان شاء الله اكون افدتكم لو بالشي القليل:shy: :shy:

[motamyzh]

انا زواجي في شهر ثمانية اغسطس ومحتاره انا وخطيبي وين نروح هو يبي يروح اسبانيا
وانا ودي نروح فرنسا حسب كلامه الميزانيه 18 الف ريال غير التذاكر والمده المقرره للسفره ما تزيد عن 21 يوم
وش تنصحوني وش رايكم واذا عندكم مكان ثاني دلوني عليها بنت عمي تقول روحو بلغاريا مره حلوه
انا من جد محتاره انا اموت في شئ اسمه ملاهي والعاب وزوجي الاماكن السياحيه الهاديه
ومحتاره وين نقرر شهر العسل ولا تقولون لي ماليزيا هي بجد حلوه وتبل بس عيبها انها بالصيف تصير كانها البحرين يوم الخميس كل الخليج فيها
اتمنى اشوف تعليقاكم بنات والاقي مكان حلو حتى لو غير هذي الاماكن