روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 3 123 الأخيرةالأخيرة
النتائج 1 إلى 15 من 38

الموضوع: أكبر جرح 000طعنة اختي الوحيده

  1. #1
    عروس مشرقة
    تاريخ التسجيل
    12/06/2004
    الدولة
    دبي
    المشاركات
    416

    أكبر جرح 000طعنة اختي الوحيده

    السلام عليمن اخواتي تتذكرون قصتي من سنه وسبع شهور لما اكتشفت خيانة زوجي مع الخدامه السيلانيه000000الحمد لله الأوضاع هدت وهو اشوي اشوي قاعد يرجع طبيعي بعد ماعلجناه عند المشايخ لأبطال الأسحار المحتمله00000
    لكن 0000اختي الكبري 00000صايره غريبة الأطوار0هي زوجها غني جدا كان اخوه متقدم لخطبتي بس ابوي رفض ولما جه زوجي الكل وافق قسمه ونصيب 00000لما اتزوجت بين فتره وفتره كانت اتعايرني ان زوجي متوسط الدخل 0000وكنا عايشين في بيت ايجار0000 فكانت بعد مابنتها تلبس الفساتين وتقدم تعطيها لبنتي ! كنت استغرب فعلا ليش هل هي تقصد تجرحني لكن خذت الموضوع بهدوء 0000وبين فتره وفتره تشتري لنا ملابس وعطور وتطرشها وكنت دايما اشتكي لها عن اوضاعي مش اختي الوحيده 000بعدها جبت ولد وبعده ولد هي احملت وجابت بنت أهني حسيت انها تغيرت قامت تدخل في حياتي الزوجيه بشكل غريب اتصر اني مااحمل ولما حملت حسيت انها انصدمت لكن قلبي الطيب ماشك فيها ابدا وقعدت معاي يوميا تبي تعرف ايش نوع الجنين طلع ولد كتمت غضبها وقامت تصرخ انتي ليش اتجيبين اعيال زوجج شحات تعبان علي ايش العيال انصدمت000 وفي يوم طلبت منها تشتري لي ملابس حق الأطفال قامت تصرخ مش هذا ولد لبسيه اي شي وخلاص 0000حزنت ولما ولدت وانا في غرفة الأستراحه اتصلت تصرخ شاقول حق زوجي لازم اتجبين ولد الله ايعيني علي هذا اليوم كانت خايفه من زوجها 0000ليش 0000
    وطبعا بعد صدمتي في زوجي لجأت لها علشان اتخفف علي لكن حسيت انها لقت منفذ 00000
    ماقصرت في التجريح فيني كلام صعب اني اقوله اتعايرني اني تزوجته بعدها تغيرت000
    صرت لما اروح عندها البت تستحقرني قدام اعيالي اتناديني بالخبله او الغبيه وعيالي اكبار يفهمون بنتي 10 سنوات حاولت افهمها ان هذا مايجوز كيف اربي اعيال وانتي اتقولين حق امهم ياهبله على طول طلعت السانها يعني جات علي شوفي ابوهم يوم خانج مع سيلانيه مااستهزء فيج كلامها قاسي جدا وجارح وسكنا بعدها بيتنا الجديد والحمد لله فخم قعدت مثل المجنونه من عطاه افلوس اكيد انتي قلت لها مستلف من البنك ماتصدقني راحت اتشهر عند اخواني ان انا اساعده في شراء الأثاث لدرجة انها قامت اتقول وين اسكن وين ما اسكن يعني قالت قعدوا في الدور الأول الثاني مب لازم 0000 وكل ماتقعد معاي اتنادي زوجي بأسماء قذره لماجيت اتناقش معاها بكل الي سوته حسيت اني اتكلم مع ملكه او اميره متغطرسه قالت انا احط الفلوس وامشي عليه احنا مش حاسدينج احنا عندنا خير كله امعاير اتعايرني بسيارة زوجي اتعايرني بأهله
    اخر شي قامت تنحرج مني عند اهل زوجها لما اروح عندها اتوديني السوق وتشتري لي ملابس فخمه اتقول علشان اكون قد المقام 00000انا زوجي معاشه10 الآف والحمد لله عندنا بيت من الأسكان 000هل استحق المعيره واذا زوجي خاني هل استحق التجريح 000اخر شئ طلبت منها نسياني للأبد فهل انا غلطانه0

  2. #2
    مشرفة سابقة الصورة الرمزية ღرومانسيةღ
    تاريخ التسجيل
    06/02/2005
    الدولة
    بين ضلــ حبيبي ــوع
    المشاركات
    3,240
    الله يعينج حبيبتي ويصبرج

    كله فميزان حسناتج حبيبتي لاتهتمين ادعي ربج يهديها ويصلح حالها

    خلج انتي الكبيرة وسامحيها واذا قدرتي كلميها بهدوء وقوليلها شصاير حاولي

    تخلينها تتكلم وتشرح لج واذا ماهتمت وصارت اخس محد بيخسر غيرها


    انتي عندج ربج وان شاااء الله بيسهل عليج امورج وبيفرجها لج


    ‏ღ رومانسية ‏ღ

  3. #3
    مشرفة سابقة الصورة الرمزية ღرومانسيةღ
    تاريخ التسجيل
    06/02/2005
    الدولة
    بين ضلــ حبيبي ــوع
    المشاركات
    3,240
    وفي النهاية احب اقولج يالغالية

    ان المادة عمرها ما رفعت إنسان

  4. #4
    عروس مشرقة الصورة الرمزية ~~زورقـــ~~
    تاريخ التسجيل
    21/10/2004
    الدولة
    في قلب أمي
    المشاركات
    344
    الله يعينج اختي
    وضعج صعب والمشكله اهي اختج الوحيده !!

    الله يصبرج ياقلبي
    انتي خلي الوالده تكلمها وتقولها هالي تسوينه ماايصير
    وبعد خليج حازمه معها شوووي
    يعني الله يهداج اتغلط عليج وتسكتين
    ردي عليها وقوولي لها احترمي نفسج وانا مااسمح لج تغلطين فيني او تسبين زوجي قدامي
    وخليج حاسمه بالرد معاها
    وبعدين لا تروحين بيتها
    كللللللللللللللللللللللش
    خليهاا تحس انج انتي وعيالج كارهين بيتها
    خلي شوفتج لها بس في بيت اهلج
    لا تعزمينها ولا تروحين لها
    انا ماقولج قطعي علاقتج فيها لاسمح الله
    بس خليها تحس شووي انها قاعده تخسرج
    ولا تتركين الورد عليج وعلى عيالج
    لان الحسد صعب حتي لو من اقرب الناس لج
    وخليج قويه اختي لا تسكتين وفهميها انج مب محتاجه لهداياها
    وعاجبج وضعج وماتسمحين لها باي شكل من الاشكال انها تتمادا عليج وعلى زوجج او اولادج

    ربي يهديها ويسخرها لج

    يمكن بعد زوجها يظغط عليها يبي ولد وهذا مرات يذبح المره
    ومو لاقيه غيرج تحط حرتها فيه

    اليوم جمعه وعليج بالدعااء الغاليه
    كثري من الدعاء
    الله سبحانه مقلب القلووووب
    ولا تنسينا من دعائج

  5. #5
    عروس جديدة الصورة الرمزية بدور راااك
    تاريخ التسجيل
    16/06/2005
    الدولة
    الامارات-راس الخيمة
    المشاركات
    37
    والله ياختيه كسرتي خاطري

    بس ترا حالتكم الماديه وايد زينه

    في ناس حتى مب ملاقين ربع هالمعاش

    وناس يتمنون تكون معاشاتهم عشرة

    أختيه انا بقولج شي انتي ماعليج من كلام الناس ومن كلام اختج دام انج تحبن ريلج وعيالج

    خلاص ماعليج من الباجي واذا ريلج غلط ترا كل انسان يغلط والاهم يتعلم من غلطته

    حطي ايدج بأيده وتساعدو ماعليج من رمسة أختج أبد

    ترا اهم شي الكلمة الطيبه والحنيه من الريال مب جيبه والله هالاشياء تخليج تصبرين
    لين ماانتي ترتفعين وياه

    ولو تعاونتوا انتي وريلج وفكرتوا تيمعون كل شهري الف او 500 او حتى 100 وايد تراه زين
    بهالبيزات تسون مشرووع وتسيرون فوووق فووق أبتدوا بشي صغير حتى يكبر ^.^

    وتقدرين انتي بعد تسوين حاجات وتبيعينها اكسسوارات شبرات وتعرضينها اهني بالمنتدى

    وتاخذين انتي
    جزء من الربح وتيمعينه وكل ماحصلتي شي خشيتيه

    حتى أني اعرف ناس حتى سيارة ماكنت عندهم وبيت ايجار تعانوا واشتغلوا لين ماخذوا
    السياره والبيت واستوووا اغنياااااااااء اغنياء حالتهم الماديه وايد زينه ماشاء الله

    وأخيراً أختي
    ترا ماشي فايدة في البيزات والبيوت والسياير اذا صاحبها أخلاقه خايسه ^.^


    وربي يوفقج يالغلا ويحقق لج كل اللي في بالج

    تحياتي لج

  6. #6
    عروس رائعة الصورة الرمزية عاطفة جياشة
    تاريخ التسجيل
    17/11/2006
    الدولة
    في جيشان العاطفة
    المشاركات
    1,003
    أختي العزيزة السلام عليكي ورحمة الله وبركاته
    ليس الفقر عيبا علي الفقراء ولا الأغنياء ولدوا هكذا أغنياء ومن ثم لهم الحق في معايرة الناس بفقرهم..........والغني الحقيقي هو من كانت نفسه سليمة وضميره خالص لله عز وجل ومهما كان الغني لديه المال الكثير فالله أغني من كل الأغنياء.
    السابقون قالوا دوام الحال من المحال ولن يظل الحال كما هو فالأيام كالدول يوما في الأعالي ويوما في الأسافل وكذلك كل البشر...........يوما ما ستعرف أختك أنها أخطئت في حقك وأنك نعم الأخت الحبيبة والمتفاهمة لها.
    لا تقاطعيها حتي لا يغضب الله منكي وحتي تكسبي رضا الله سبحانه وتعالي ودائما تواصلي معها لأنكم من نفس الرحم أنتم الأثنين وأدعي لها بالهداية والصلاح من الله دائما......
    ودمتي بكل ود وخير أن شاء الله
    والسلام عليكي ورحمة الله وبركاته

  7. #7
    عروس مشاركة
    تاريخ التسجيل
    15/03/2007
    الدولة
    حيث هو
    المشاركات
    54
    تأثرت بمشكلتج ماتدرين كيف ..

    الله يعينج حبيبتي .. وانا والله من قريت اسمج تذكرت مشكلتج الاوليه على طول .. دومج ف البال والله ..

    والله ماعرف ش قولج بس ماحبيت ادخل واظهر بدون رد ..

    ربي يعينج من كل قلبي اقولها .. وعليج بالدعاء الدعاء ..


    الله يوفقج ويسعدج .. ودامها حياتج استقرت اخيراً .. لا تخلين حد يحاول يخرب هالسكون عليج حتى لو كانت اختج .. افرضي عليها احترامج .. ولا تسكتين لأنج سكتي بما فيه الكفايه .. وفي ناس ما ايون إلا بالعين الحمرا .. ادري والله هاي اختج .. بس لين هنيه وبس ..

    الله يعينج ..

  8. #8
    عروس مشرقة
    تاريخ التسجيل
    12/06/2004
    الدولة
    دبي
    المشاركات
    416
    زورقـــ~~ بالنسبه لأمي هي في صفها لأنها اتشوف ان الأغنياء هم الأقوياء ويمكن اتخاف منها احس ان اي شئ اتقوله اختي هو الصح في نظرهم 000000لكن انا فضلت الأبتعاد عنها لأني تعبت من التجريح ولأني اخاف ان اعيالي يتعقدون000000

  9. #9
    عروس مشرقة
    تاريخ التسجيل
    12/06/2004
    الدولة
    دبي
    المشاركات
    416
    نسيت اشكركم كلكم ترى كثرة الحزن ايعلم البكى 0000

  10. #10
    عروس نشيطة
    تاريخ التسجيل
    22/11/2006
    الدولة
    الفردوس بإذن الله
    المشاركات
    190
    حبيبتي انين الله يصبركـ ياقلبي وان شاء تفرج

    البنات ماشاء الله ماقصروا وياكـ

    وانا ماراح اقولكـ غير انكـ تكثري من قول

    ( لاحــــول ولاااااااااااااااقـــــــ وة إلا بالله العلي العظيم )

  11. #11
    عروس مشرقة الصورة الرمزية شمس أبوظبي
    تاريخ التسجيل
    25/11/2005
    الدولة
    الإمارات
    المشاركات
    368
    الله يهدي النفوس يا رب

  12. #12
    عروس فضية الصورة الرمزية ابتسامة طفل
    تاريخ التسجيل
    19/10/2006
    الدولة
    في محجر عيونه
    المشاركات
    2,080
    بقولج شي


    لا تعلمينها باللي يصير بينج وبين زوجج هيه او اي احد لان هذي حياتج

    تقدرين تقولين لها كيف حياتها مع زوجها

    اكيد ما تدين لانها ما تقول لج

    وانتي لازم تصيرين جذيه


    اسمحيلي اقولج اختج حقوده وتتمنى خراب بيتج

    لكن انتي ما لازم تعطينها فرصه

    لا تقولي لها عن مساوئ زوجج وتاكدي ان ما في ريال كامل فالدنيا

    على قولة المصريين

    داري على شمعتك تقيد

  13. #13
    عروس مشرقة الصورة الرمزية ~~زورقـــ~~
    تاريخ التسجيل
    21/10/2004
    الدولة
    في قلب أمي
    المشاركات
    344
    معلش ياااااحبيبتي هذا حال الدنيا

    مالك إلا الحقراان احقريهاااا

    وادعيلها الله يهديها ويكفيك انتي ويعالك شر الحسد

    واجرك على الله

    مرات بعض الناس يضطرونك لاسلوب الحقران معاااهم للاسف


    ربي يفرلج لك كل هم ويريح بالك

    كله اجر يااختي كله اجر

  14. #14
    عروس مشرقة
    تاريخ التسجيل
    12/06/2004
    الدولة
    دبي
    المشاركات
    416
    هي تبي اتذلني وبس 0000شئ محزن فعلا 00ساعات اقول لوكنت غنيه اكيد كانت احترمتني 000نفسي اعرف في شئ ايطير النحس 00000اللي عندي0

  15. #15
    مشرفة سابقة الصورة الرمزية وَجَعّْ البَوُح
    تاريخ التسجيل
    28/05/2005
    الدولة
    يآربِ أرْزقنِيْ { آلْعَفْوَ } قَبْلَ الْمَنِيَةْ ..!
    المشاركات
    6,944
    حبيبتي فديتج والله حزنتيني ماعليك منها ولا تقولين لها شي ابد

    احقريها واستري على بيتك لاتطلعين لها شي الفلووس مب كل شي ناس عندهم فلويس تلاقينهم مل لاقين سعاده وش الفايده ياعمري هدي بالج وان شاء الله خير :::

صفحة 1 من 3 123 الأخيرةالأخيرة

المواضيع المتشابهه

  1. الوحيده
    بواسطة moota في المنتدى قضايا وحلول
    مشاركات: 36
    آخر مشاركة: 06/03/2010, 01:50 AM
  2. بنتي الوحيده في مشكله ،،،، ساعدوني
    بواسطة حيااsااتي في المنتدى التربية والطفل
    مشاركات: 9
    آخر مشاركة: 07/09/2006, 02:56 PM
  3. مشكلتي بالانجليزيه الوحيده ابي لها حل
    بواسطة صمت المقابر في المنتدى اللغه الانجليزيه
    مشاركات: 1
    آخر مشاركة: 24/08/2006, 12:33 PM
  4. ساعدوني هذي عقدتي الوحيده شبسوي اذا تزوجت
    بواسطة لولوه العين في المنتدى ركن العناية بالبشرة والجسم
    مشاركات: 12
    آخر مشاركة: 06/01/2006, 05:10 PM
  5. بنات أتمنى تساعدوني في....حفل تخرج اختي الوحيده؟؟
    بواسطة **جودي** في المنتدى أفكار و خبرات
    مشاركات: 13
    آخر مشاركة: 01/04/2005, 04:08 AM