هلا الغاليات
منو من الشاطرات بتساعدني وتعطين فكرة كوشة بسيطة اسويها في البيت
ساعدوا عروستكم اليديدة ابي اسوي كوشة للملجة :shy: :shy: :clap:
هلا الغاليات
منو من الشاطرات بتساعدني وتعطين فكرة كوشة بسيطة اسويها في البيت
ساعدوا عروستكم اليديدة ابي اسوي كوشة للملجة :shy: :shy: :clap:
محد يبي يرد على العروسة :sad: بليز ما بقى شي على ملجتي الاسبوع الياي بتكون باذن الله
ودي أساعدج بس أوعدج اني افكر وارد عليــج^^
هلا وغلا اختي واللله يتمم لك بالخير ومبروك مقدما
انا ملكتي كانت بالبيت وجبت لي كوشه بسيطه
بس مو انا سويتها رحت الى محل كوشات وحجزت لي وحده بسعر معقول وحجم مناسب للصاله
انتي عندك حليين::
1- تسوين مثلي
2-تحطين كنبه عاديه وتلبينها قماش مزركش حق عرايس او حتى من مشامر العروس
والخلفيه في الطوف تحطين قماش يناسب اللي لبستيه الكنبه وتزينه بالاضواء الملونه والورور
والفازات الموجوده بالبيت وانتي وذوقك عاااد وعلى حسب المتوفر سويه او اشتريه
ولاتنسين الطاولات حق تقطيع الكيك والعصير حطي عليها مفرش وانثري ورود حمراء عليها وكم شمعه ..... وسلامتك
اتمنى اني افدتك ....
نوقطه
شـــوفي الغـــاليــة محـــلا البـــساطة فكــل شــي..وخاصــة فــالكوشــة
يعنـــني خلــي تفنينــج حـــق كوشــة العــرس^^
وبخصــوص الملجـــة
شــوفي هالتصمــيم الللــي جــدامج حــاولي أتطبقينـــه
يعـــني كوشــة ســادة زيــنيها بالكوشــنات الملونـــة (المخــدات)والمفــارش الهنــدية المطــرزه
وبالـــورود الطبيعيــــــة وأهـــم شــي التنسيـــــق^^
واذا كانـــت ملجتــج فمــكان مســكر فعليــج بتغيــر الاضـــاءة لانهــا الها دــور أســاسي فتغيــر ورقــي المكــان^^
حبيبتي خلي مل ورد يعمل لك حركات بورد طبيعياحلى
(f) (f) (f) (f) حبيبتي خلي محل ورود يعمل لك ستاندات ورد طبيعي أحلى(f) (f) (f) (f)
في كراس في محلات عادية للافراح
عندهم كراسي مشغولة بالحديد
وهي حلوة ورخيصة في حدود 200 - 250 في عجمان
وفي منه الفضي وفي الذهبي
وسوي للك حركة بالورود للخلفية لكن لالالالالالالالالالالازم تكون الاضاءة عندج زينة لان اذا التصوير
بيكون في البيت ووحدة من اهلج بتصورج بتطلع الصور ظلمة فظبطي الاضاءة
بالتوفيق ختي الغالية
اهم شي الطوفه الي وراك تكون ستارة مثلا لييييش ؟؟
تقدرين تحطين عليها شيفونات و اتوار حسب الجو العام للمفارش و لبستك و مسكه اليد مالتك
و الكرسي مالك تحطين حوله خداديات كبيرة و الوان متناسقة مع الشيفونات و الاتوار
و لا تخلين و لا كرسي جنبك يعني السيد الي فيه كرسيك بس و لا كرسي ثاني
اي باقة ورد تجيك من اهل المعرس و لا من اهلك حطيها على طاولات الكورنر الي حول الكرسي مالك
لا تنين طاوله حجمها حلو عليها مفرش مناسب في الالوان و الستايل و حواليها خداديات نفس الاوان
غيري لمبات المكان الي انتي فيه اذا كانوا صفر خليهم بيض و لون قوي اقوى درجة اضاءة في المحل خذيها " عند دكان الكهربجي "
و اذا كانت بيضا قويها اكثر
بالتوفيق اختي الغالية
حطي صورة للشغل الي بتسوينه
رد مع اقتباس